|
سؤال عن الريحه
السلام عليكم ورحمه الله
وحشتوني ووحشتكم صح :D رجعتلكم بسؤال جديد سخيف بس استحملوني :12: كيف اقدر اتخلص من ريحه القفص او الطير نفسه بطريقه ما تأثر على الطير ؟ يعني بخاخ معطر ,, كالونيا,, عطر او شي زي كذا بس ما يأثر على الطير وفي نفس الوقت تكون الريحه حلوه ,, او على الاقل تروح الريحه اللي يقولو تنظيف القفص اول بأول .. انا عندي مكاو.. والقفص كبير ولا اقدر افكفكه عشان انظفه وكذا عشان كذا انا كل فتره وفتره بين الاسبوع لاسبوعين انظف القفص بالكامل باللي اقدر عليه ( في صعوبه اني اشيل بعض الاشياء من زوايا واطراف القفص ) لكن تنظيف مكان نزول الاكل والبراز اكرمكم الله اشيله واغيره كل ما شفته وسخ فـ ابغا طريقه تشيل الريحه احسن .. او حلول لتنظيف القفص الكبير اللي يعرف بخاخ ريحته حلوه وما تأثر ع المكاو يقلي عليه عشان ابخ يوميا جهه القفص و شكرا لحسن استماعكم :D |
رد: سؤال عن الريحه
اول شي حذ راحتك اي سوال حتى لو كان تافه بنجاوبك عليه وهاذا مو معناته ان سوالك تافه
اول شي الواضح لي انك ماتفرش الارض بشي مثلا ورق او رمل او نشارة خشب يفضل تفرش ارضية القفص بحاجه عشان يكون سهل عليك تنضف وتمتص الرطوبه الموجوده بل وسخ اكرمك الله بكذا بترتاح ان شاء الله من ريحة الخايس الي يطلعها طيرك من برزاه ثانيا ريحة جسم الطير بعض المكاو تجيك ريحته مقرفه وتسد النفس وهاذا سببها قلت ترويش الطير والطير ماله ذنب فيها يعني لازم على الاقل كل اسبوع تروشه بمويه دافيه تخليه ينبسط وينتعش ولا تستعمل لا عطر ولا اي شي مايتحمل ريحتها الطير ممكن تاثر على جهازه التنفسي |
رد: سؤال عن الريحه
السلام عليكم
اتفق مع اخوي ابو عمر يمكن الطير مايتحمل ريحة العطر صارت معاي يوم كان عندي الكاسكو لان اكرمكم الله براز الطير يمسك بالارضية وصرت احط ورق أي فور (اللي يستخدم في الات التصور بالمكتبات ) في ارضية القفص وتكون سهل انك تشيلها وترميها بالزبالة وبكذا تسهل عليك بتنظيف القفص اما الاوساخ اللي بالزوايا خذ لك شوية ديتول مع موية دافية + تنظيف بفرشاة وبعدها اشطفة بويه بس وااتوقع ماتاخذ معاك خمس دقائق اول اقل كمان كنت اسويها كل ثلاث ايام مع الكاسكو بس زي ماقال ابو عمر اتوقع انو الريحة من الطير نفسة الترويش لازم بس قبل الترويش لازم يكون المكان اللي بتروش الطير فيه يكون دافئ بالتوفيق دمت بخير |
رد: سؤال عن الريحه
السلام عليكم بالنسبة لريحة الطير الترويش كل اسبوع على الاقل مره واذا خايف من البرد دخل الدفايه في دوره المياه وانت بكرامه وطفي مروحة الشفط وخلي الطير ممكن ساعتين حتى يجف جسمه
القفص اهم شي تكون أرضية القفص فيها شي يسحب الرطوبه ممكن ورق او رمل ابيض نظيف انا احط سفره نايلون مثل اللي تجي مع طلبات المطاعم رخيصه مررررره عند حقين البلاستيك خذ لك كميه وفوق السفره حط ورق يسحب الرطوبه وكذا بس تشيل السفره والورق على طول بدون ما تتوسخ أرضية القفص ولا توصلها الرطوبه وما تغسلها الا كل اربع او خمس ايام |
رد: سؤال عن الريحه
اخي ابو عمر و هذا حظي
اشكركم الـ اثنين على النصايح انا اسبوعيا اروشه مره او مرتين .. مافي مشكله بالترويش لكن احط سفره تحت القفص واشيلها واحط وحده غيرها وكذا ,, واحيانا ينزل لها ويخربها :D بالنسبه للرمل او نشاره القفص .. ما اعتقد اقدر اسويها لانه ينحرك كثير واكيد بينزل لها ويرشها براا القفص بطريقه ما :D وهو قيده مو مقصر :D كل ما اعطيته مشكل يرش كل شي برا القفص ويدور اللوز :D هذا حظي .. قسم بالله جربت بالديتول .. وجربت بـ فيري ,, ومويه وكل شي ... تخف بس ما تروح :D المشكله كلها هي ان المكان اللي هي فيه ضييق وصعب ادخل اي شي لها عشان انضف شكراً |
رد: سؤال عن الريحه
اضم صوتي لأخواني ما قصروا
والتنظيف اليومي للطير يقي من روائح بقايا اكله وبرازه ودي |
رد: سؤال عن الريحه
لازم تحط شبك ينع الطير من الوصول للارضيه لانه ممكن ياكل من برازه ولا سمح الله يصيبه تسمم افضل تحط شبك وتريح راسك وبنسبه لنشاره والرمل دامه ببغاء عله يحوس وخرب ويطير الوسخ برا القفص مانصحك فيها استعمل القصدير افضل شي تلف القاعده كامله وتغير كل اسبوع وتريح راسك بس لاااااااااااااااااااااااااااااااا يطولها الطير ابد لانه مضر له ولا يلعب فيييه ابد انا غير مسؤل ان صار لطيرك شي من القصدير انتبه زين
|
رد: سؤال عن الريحه
صادق اخوي ابو عمر
تصدق أني مغير القفص ورميت الاول كله بسبب ان الاول كان الشبك يقدر الطير يدخل رجله ويسحب الورق ويقطعه عشان كذا شريت قفص جديد والشبك عالي لو يموت ما وصل للورق لانه بالفعل القصدير خطير والنايلون وحتى الورق وممكن ياكل من فضلاته او يشيل ويرمي من القشور موفق اخوي |
رد: سؤال عن الريحه
يا اخوان ترا الطير مافيه ريحه
لكن اليوم جيت شميت ريحه معفنه ... وشميت الطير نفسه ريحته عاديه زي دايما .. الريحه كانت من القفص .. من الفضلات الله يكرمكم الظاهر .. اول مره تطلع هذي الريحه .. مع العلم انا كنت بعيد عنه حوالي 3 ايام .. مدري اهلي ايش اعطوه ياكل : بس اللي شفته بعيني اول ما جيت .. لقيته ياكل بيتزا من بيتزا هت :D ما عندهم لعب اهلي اي شي ياكلوه يعطوه ياكل :D اقتباس:
وانا حاط له سفره ,, اللي يجي مكتوب عليها بالهنا والشفا :D اقتباس:
قويه شويه :D شكرا لك اقتباس:
لكنه زي ما قلت قلق ملقوف يحب الخراب واللقافه :D بالتسبه للقصدير ما دام مضر خليني على السفره احسن شكرا لكم جميعاً |
رد: سؤال عن الريحه
سؤال 2 ,,,
اليوم رحت ادور له حبوب مشكله غير اللي اجيب له هي العاده واشتريت وحده .. ونفس اللي يبيع قالى على اكل للهامستر حلو له يفيده قالي فاكهه وكذا المهم ما كان غالي .. اشتريته لكن ما اعطيته لسه اسم الاكل RAFF هذي صورته http://en.valpet.it/upload/prodotti/...ter_700g_2.jpg من الداخل فيه مكسرات وفواكه مجففه قريت المكونات لقيتها كلها اشياء نباتيه ومكسرات وفواكه مجففه لكن لفت نظري هذا المكون ---> ( اللحوم ومشتقاتها ) عادي اعطيه ولا لا ؟ :D هو شكله كأنه اكل طيور حبوب ومكسرات |
رد: سؤال عن الريحه
اخوي ترا الببغاء ياكل لحم ولاكن بشكل خفيييييييييييف جدا ودام المكونات كااامله كويسه ونباتيه اعتقد مافيه ضرر
|
رد: سؤال عن الريحه
الرائحة الكريهه سببها الرظوبه التي سببها تناثر الماء والبراز والطعام المطبوخ .
الحل : فرش ارضية القفص بنشارة خشب تمتص السوائل وتحافظ على الجفاف. |
رد: سؤال عن الريحه
.. مثــل مــا قالــووا الأخــووهـ .. تــرووش الطاائــر بـ موويــهـ نظيفــهـ مــرة بـ الأسبــووع .. .. وتغسّــل القفــص بـ الموويــهـ والصابــوون مــرة بـ الأسبــووع كذلــكـ .. اقتباس:
.. أتــووقع مــا تــدري أنــوو هــذي جريمــة قتــل !! .. :eek: .. .. تخيّــل أكلهــاا ؟؟! وهــذاا محتمــل بـ نسبــة قــد تتعــدى 95% .. غالبــااً رااح يختنــق الطيــر بـ سبــب هـ السفــرهـ .. .. لازمــ تشيلهــا وتفــرش الأرضيــة ورقــ أبيــض ســاادهـ وأبــداً مــا تضــع لــهـ سفــرهـ أو جراائــد .. مــع أنــوو الجرائــد خطورتهــاا أقــل .. ولكــن لـ الوقاايــهـ !! .. اقتباس:
.. الأخ بــلاكـ بيــري يقصــد تغســل القفــص يووميــااً .. لكــن داام تفــرش الأرضيــة ورق .. ممكــن تغيــر الــورق يوميــااً .. وتغسّــل القفــص بـ المويــة والصابــوون أسبــوعياً مــع تغييــر الجراائــد .. .. وهـ الفعــل صحــــــي جــداً !! .. اقتباس:
.. آنآستــآزيآ .. |
رد: سؤال عن الريحه
ابوو عمــر
اجل بعطيه خلاص واشوف كيف يتقبل ولا لا ;) شكـراً الكـاكـي انا مو مرددني من نشاره الخشب الا شي واحد .. انه يحاول ينزل لها وياكلها او يلعب بها من بين الشبك اللي تحت لانه احبانا ينزل تحت ومن بين الشبك يسحب طرف السفره ويخربها يحرك فيها ومدري ايش ويرجع يطلع فوق .. اهم شي يخربها ويرتاح نفسيا :D انآستازيا والله اول مره ادري انها مو كويسه له :( بس هو ما ياكلها.. بس يخربها وينشر اللي فيها ويرجع يطلع كأنه ما سوى شي :D بس تصدق .. قبل ما احط الورق .. بجرب نشاره الخشب واشوف ايش يصير اذا ما خرب فيها او حسيت انها تعدم القفص برا القفص وكذا بخليها على طول واذا ما نفعت بحط له ورق والخلطه . ان شاء الله بعطيه هي اليوم واشوف كيف ياكلها ويحبها ولا لا شكــــــــراً شكـــراً لكل من ساعدني او حاول يساعد |
| جميع الأوقات بتوقيت GMT +3. الساعة الآن 10:21 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو