|
هاسكي ولا جيرمني ولا ... ولا .. ؟
السلام عليكم ورحمة لله وبركااته
كيف حالكم هذي اول مشاركه لي بهالقسم بس حبيت اسالكم انا نااوي اشتري كلب اعزكم الله وبصرااحه كنت معزم ع الهااسكي بس الي خلاني اتردد شغلتين الاوله اسعاره غااااااليه الا من رحم الله;) او اذا تبي رخيص الله يخلي الهجين المهم انا ابي بيور الشي الثاني الي خلاني اتردد يقولون انه عنييد وصعب تدريبه ؟؟؟ فجلست اقلب وابحث في المواضيع وكذا حسيت ان الجيرمن الكل يمدحه بس انا مو لهنااك معااهـ وجلست اشوف انوااع ثانيه زي مايقولون العب ع ثقيل بوتبل ورايتلر وهالانوااع الي يحبها قلبك :88: فا ابيكم تنصحوني مع العلم اني مربي جراوه من قبل جعري ثنين وخليتهم عندي سنه وبعيدن وينك يالبحر حذفتهم هنااك هع وانا ابي الكلب الحين لانها مسكت معااي مابيه لا حق هواش ولا حق متااجره ابي فرند لي :freind: بنتظااركم |
رد: هاسكي ولا جيرمني ولا ... ولا .. ؟
امممم
انا صحيح ما اعرف بالكلاب لكن لو تبغى كلاب زينه ويكونون فريند لك (على فكره كل الكلاب تصير فريند لو ربيتهم) بس انصحك بكلاب اللولو كيووووت ومو حقت هواش و ولا شي للزينه وتلعب معاهم مره خقه |
رد: هاسكي ولا جيرمني ولا ... ولا .. ؟
اهلين لا هذول مايجيبون رااسي ههههههه
انا ابي كلب عنيف شكله رعب وبنفس الوقت يكون فرند زي الهاسكي انا ودي من خبرا الهااسكي يصححونلي المعلومات الي سمعت عنها بنسبه للعند وصعوبة التدريب وبنسبه للسعر انا حصلت انثى مع اوراقها عمرها سنه تغريبا او سنه وشوي ب 7 الاف هل السعر مناسب ؟ وحصلت جراوه ع 3 ونص بس المشكله ماصورتهم هع |
رد: هاسكي ولا جيرمني ولا ... ولا .. ؟
طلبك اخوي سهل وخياراته كثيره بما انك ماتبيه للحراسه
عندك اللبرادور ريتريفر بالوانه القولدن ريتريفر الجيرمن شبرد بأنواعه السانت برنارد اذا كنت تحب الظخامه بت بول بأنواعه الكولي بأنواعه الروت وايلر الدوبرمان الدلميشن وكلاب الزينه كثيره و البول تيرر و البول دوق بأنواعه والماستف بأنواعه و..و...و....وووووو كل الكلاب اذا عودتها على الاختلاط بالناس و ماعلمتها عالشراسه او الحراسه تصبح فرندلي |
رد: هاسكي ولا جيرمني ولا ... ولا .. ؟
الهاسكي فعلا مو من الكلاب الي توصل لمرحله صعبه من الطاعه
بالنسبه للاسعار 7 الاف غالي جدا 3500 معقول للجراء معلومه عن السيبيريان هسكي والالاسكان مالموت :- الجراء مرغوبه اكثر من الكبار و اغلى منهم بعد مايتجاوز الهاسكي 3 شهور تقريبا ويكبر حجمه يبدا سعره ينزل |
رد: هاسكي ولا جيرمني ولا ... ولا .. ؟
خوي جااسم انت حيرتني زيااده هههههههههههههه
انا خاطري بالهاسكي 75بالميه بس متردد شوي |
رد: هاسكي ولا جيرمني ولا ... ولا .. ؟
والله ياخوي الامر بالأول وبالاخير يرجعلك
انا عطيتك انواع بنائا على طلبك اذا بس يهمك الشكل اخذ هسكي اما اذا تحب تعطي كلبك اوامر وهو أوف ليش وتحب تشوفه مركز ومنتبه معاك أنصحك تصرف النظر عنه الجيرمن شكله قريب من الهسكي كبنيه جسديه و أنصحك فيه تدري ليش ؟ لان الجيرمن من الكلاب الي تحب تترجى صاحبها بعكس الهسكي الي يحب مايعطي اهتمام لاحد والأمر راجع لك موفق خير :) |
رد: هاسكي ولا جيرمني ولا ... ولا .. ؟
اهاا طيب اخوي كم اسعااره تغريبا الجيرمني ؟ الجرااء والكباار ؟
|
رد: هاسكي ولا جيرمني ولا ... ولا .. ؟
السلام عليكم
على حسب اخوي انت تبيه عشان وش تبيه كا شكل خذ هاسكي اما تبيه تريبيه وطاعه وشغل خذ جيرمن شيبرد تقبل مروووري.................. |
رد: هاسكي ولا جيرمني ولا ... ولا .. ؟
أخوي اذا تبي حراسه خذلك جيرمن تبي دلع ولعب وشكل عندك هاسكي واذا تبي حراسه وضخامه خذلك روتوايلر واذا تبي كبير وحراسه عندك جريد دان واخووي الجاسم افادك اكثر مني تقبل مروري
|
رد: هاسكي ولا جيرمني ولا ... ولا .. ؟
الاخوان افادوك مساءالله
بخصوص اسعار الجيرمن تبداء من ٤٠٠٠ وفوق على حسب " مستوى ، نقاء " الكلب بالتوفيق |
رد: هاسكي ولا جيرمني ولا ... ولا .. ؟
اها طيب بنسبه للجرااوه ع كم احصلهم
واشكركم جميعا ع اهتماامكم بموضوعي بس اخ ر طلب الجراوه بكم احصلهم الجرمني ؟ |
رد: هاسكي ولا جيرمني ولا ... ولا .. ؟
كلامهم كله سليم ومضبوط الي عرفته انك تدور شي جمالي بالعربي تبي تكشخ :D اخذلك جيرمن شيبرد شوولاين جمال وشغل عدل وينفع حق كل شي :D |
رد: هاسكي ولا جيرمني ولا ... ولا .. ؟
اخوي قلتلك تحصلهم من ٤٠٠٠ وفوق على حسب مستوى ونقاء الكلب
واذا انت فالرياض او بتجي للرياض ادلك لمحل على الخاص |
رد: هاسكي ولا جيرمني ولا ... ولا .. ؟
آول شي بنصحكـ بالـ((PiTBull)) بتقول عـنيد بقولكـ آنـه جلب سهل التدريب وفي لصـاحبـه حتـى الموت لو يموت عشانكـ عـادي عنده وهذي فيديوات تثبت آنه سهل التدريب ومـاآلى ذلكـ...~)) http://www.youtube.com/watch?v=zaEfoNHE_zQ http://www.youtube.com/watch?v=VGuYv...feature=fvwrel وملاجـظه مهـمه :- آذا تبي تشتري بتبول آحسلكـ تاخذه وآهـو جرو |
رد: هاسكي ولا جيرمني ولا ... ولا .. ؟
اهلين اخوااي اجل اغلى من الهااسكي طلع
اممممم ولله مادري محتاار انا كل ماسالت واحد من الربع قالي شي ولاازاال محتااااار بس لسه ماقتنعت بالجرمني لسه ع الهاسكي ^_^ |
رد: هاسكي ولا جيرمني ولا ... ولا .. ؟
اذا على الهاسكي خلاص اخذ الكلب اللي انت مقتنع فيه وتبيه
واذا تبي هاسكي بيور جرو اكد لي وانا افيدك على الخاص |
رد: هاسكي ولا جيرمني ولا ... ولا .. ؟
بيض لله وجهك اخوي
انا الي موقفني لحد الان مكاان الكلب هع ولا القريشات شبه جاهزه بس جالس افكر بمكاان لاني ماقدر احطه عندي بالبيت تخيلو ا شباب جاالسف افكر استاجر لي شقه بره البيت بس عشان الهاسكي ومن الحب ماقتل |
رد: هاسكي ولا جيرمني ولا ... ولا .. ؟
الله يوفقك ان شالله
و أشكر الجميع لوقفتهم معاك الموضوع أخذ حقه وزيادة و (( اذا شريت ان شالله )) واحتجت شي تفضل :) يغلق . |
| جميع الأوقات بتوقيت GMT +3. الساعة الآن 05:18 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو