قطتى كيندا بالصور ممكن تقولولى ازاى اعرف انها بلغت سن التزاوج
 

السلام عليكم ورحمه الله وبركاته

طبعا انا اول مرة بسجل بالمنتدى الجميل ده اليوم
وبالفعل كنت ببحث عن شئ ظهر لى وعجبنى جداا جداا وقلت لازم اسجل

كان عندى كام مشكله كده يارب تلقولى حل
سورى لو تقلت عليكم .....

انا عندى قطه شيرزاى اسمها (كيندا) كنت جيبها وهيا عندها يا 4 يا 5 شهور
وبقالها عندى شهرين
وماشين فى التالت
بصراحه هو فى مشكله
ومش عارفه اعمل ايه قلت انتوا هتفدونى
كيندا متعوده على الحمام فى الرمله ولقيتها بطلع ريحه فجبتلها نشاره من النجار اخف شويه من ريحه الرمله وبغيرها على طول


المهم احيانا اطلع هدوم زوجى واحطهاله على بيات احضرها علشان عندى طفل بيرضع وكده وهو بيقوم يلبس وينزل بدرى
وانا بحطه الهدوم فى الصالون
اتفاجئت بريحه بى بى
جيت اشوف لقيتها عملت بى بى 1 على هدوم زوجى طبعا اضايقت جدا لان الهدوم نضيفه وعملت على كله جبتها شممتها الريحه وضربتها على ايدها وروحت وودتها على النشاره بتاعتها وطبطبت على راسها وقلتلها البىبى هنا
وشلت الهدوم غسلتها وقفلت الاوضه
....................


تانى حاجه بتعملها بتقعد على طول تنتش بضوافرها فى الكنبه والستاير وبزعقلها وبردو
وبقصلها ضوافرها وببرضهم


.0....................


تالت حاجه هيا على طول تقعد تتمحلس كده وتتحك فينا واقعد احسس عليها وترفع ذيلها
بس مش بتنونو اصوات غريبه ولا على طول ؟؟؟؟؟؟


من يومين كده اخو زوجى عنده قط اسمه ميشو
واتصل عليه وقاله انو بيطلب ايدها ههههههههههههههه


وان عنده قط اسمه ميشو ابن حلال ومحترم هو صحيح شق شويه لكن عسول
لو يشوفوا بعض ونقره فاتحه ومش شرط كتب كتاب وكده هههههههههههه
طبعا احنا موتنا من الضحك


وانومش هيلاقى بنت ناس احسن مننا


انا اصلا مش اعرف هو طالب الزواج ولالا
وبيقول انو هيجبهولى مش عارفه امته بس هيشترى له بوكس ويجيبه


وهيسيبه عندى جد مش عارفه اتعامل معاهم ازاى
وازاى اعرف ان كيندا بلغت
وهل فى سنها ده تقدر تحمل وتولد وكده ولا هيكون صعب
واعمل ايه د اول مرة اربى قطط
؟؟؟؟؟؟؟؟؟؟؟؟؟؟

ممكن تشوروا عليا ودى صورها شوفوا اكيد تعرفوا وبيبان الشكل
والف شكر لكم














http://files2.fat

رد: قطتى كيندا بالصور ممكن تقولولى ازاى اعرف انها بلغت سن التزاوج
 

اززاى انزل الصور ؟؟؟؟؟؟؟

رد: قطتى كيندا بالصور ممكن تقولولى ازاى اعرف انها بلغت سن التزاوج
 

طيب اسفه جدا لو قوانين المنتدى تمنع بس بجد دى صورها ولانى مش لاقيه تحميل الصور

واعمل ايه د اول مرة اربى قطط
http://files2.fatakat.com/2012/1/13257766672561.jpg
http://files2.fatakat.com/2012/1/13257767265032.jpg
http://files2.fatakat.com/2012/1/13257767822347.jpg

رد: قطتى كيندا بالصور ممكن تقولولى ازاى اعرف انها بلغت سن التزاوج
 

اضغطوا على الرابط لكى تشوف الصور والف شكر وسورى ع الازعاج

رد: قطتى كيندا بالصور ممكن تقولولى ازاى اعرف انها بلغت سن التزاوج
 

يارب حد يفيدنى ويرد علياا

رد: قطتى كيندا بالصور ممكن تقولولى ازاى اعرف انها بلغت سن التزاوج
 

اعتقد اذا جوزتيها وهيه صغيره مش كويس
لأنها لو حملت بتصير ضعيفه خالص وبتتعب
ده كلام الدكتور
ومن ناحية خربشتها على الكنب والستاير عادي انا قططي بتعمل كده
انتي خليها تكمل دراسه بلاش الجواز دلوقتي ههههههههههههههههههه

رد: قطتى كيندا بالصور ممكن تقولولى ازاى اعرف انها بلغت سن التزاوج
 

تقدري تحطي لها (( المخالب الناعمه )) عشان ماتخرب الاثاث او تجيبي لها عامود للخدش

وهيا توها صغيره 7 شهور ! احسن لو جا عمرها 10 شهور اوسنه

رد: قطتى كيندا بالصور ممكن تقولولى ازاى اعرف انها بلغت سن التزاوج
 

رد: قطتى كيندا بالصور ممكن تقولولى ازاى اعرف انها بلغت سن التزاوج
 

اول شي هلا بكي اختي اميره اليسامين في المنتدى انتي و كيندا و افراد اسرتك


بالنسبة لو صورة الاول ل كيندا معانته بالغة شوية و تاكدي هل طلبت تزاوج او لا

بالنسبة ل ميشو لو الصورة الثانية مالته ترى بعده صغير على سن التزاوج

تقريبا عمره سبعة شهور

رد: قطتى كيندا بالصور ممكن تقولولى ازاى اعرف انها بلغت سن التزاوج
 

ميرسى على الرد
جزاكى الله خيراا
اصلى نفسى افرح بعيالها
ههههههههههههههههههه

رد: قطتى كيندا بالصور ممكن تقولولى ازاى اعرف انها بلغت سن التزاوج
 

اهلين بيك وبكل اعضاء المنتدى
لا اخى ميشو كبير انجب قبل كده
لكن كيندا مو عارفه بما انى اول مره اربى قطط
طيب هل لو حصل تزاوج وحملت هيكون فى خطورة عليها ولا ايه ؟
وميرسى جدا لردك واهتمامك وترحيبك

رد: قطتى كيندا بالصور ممكن تقولولى ازاى اعرف انها بلغت سن التزاوج
 

لا انشاء ما يكون خطورة لها و لكن الافضل ان تزوجيها في سن التزاوج بالنسبة لها على الاقل خليها 10 شهور

رد: قطتى كيندا بالصور ممكن تقولولى ازاى اعرف انها بلغت سن التزاوج
 

اهلا بكم في هذا المنتدى الغالي على قلوبنا
اول شيء ابدا لاتفكرين بزواجها الان باقي صغيرة انصح انك تزاوجينها مابين ١٠ شهور الى سنه لكي تكون ناضجه وقادرة على تحمل اتعاب الحمل والولادة والاهتمام بالبيبي
اما الخربشه حل واحد وممتاز هي الاضافر الناعمه
اما انها تعمل حاجتها خارج الليتر فهذا له اسباب اما انها غير مرتاحه في الليتر او انه غير نضيف الى حدٍ ما او يكون عندها مرض او التهاب في الاعضاء التناسليه وتعتقد القطه ان الليتر هو السبب او ان القطه تعاني من اسهال فلا يسعها الوقت للذهاب الى الليتر بوكس
اتمنى اني افدتك
تقبلي مروري

رد: قطتى كيندا بالصور ممكن تقولولى ازاى اعرف انها بلغت سن التزاوج
 

في شغلة لازم كيندا و ميشو يكونان الاليفان يعني مع بعضهم البعض

رد: قطتى كيندا بالصور ممكن تقولولى ازاى اعرف انها بلغت سن التزاوج
 

قطتك بتعمل خارج اللتر بوكس وبتدلع عليكم وعدمتلك ثوب زوجك و و و

هادي طالبه تزواج اكيد اتوكلي على الله وزوجيها عشان ماتعمل الحركات المزعجه

وخليهم براحتهم اسبوع كامل وان شاء الله تشوفي الكتينز بتعتها

رد: قطتى كيندا بالصور ممكن تقولولى ازاى اعرف انها بلغت سن التزاوج
 

الف شكر لكل من قدم لى النصيحه
خلاص ان شاء الله اصبر عليها شهر او شهرين كمان
ميرسى كتير
جزاكم الله خير

رد: قطتى كيندا بالصور ممكن تقولولى ازاى اعرف انها بلغت سن التزاوج
 

اولا اهلا بيكى فى المنتدى وان شاء الله تستفيدى منه بصى القطة بتاعتك لسة صغيرة اوى على التزاوج وواضح ان الحركات اللى بتعملها معاكى دى حب فيكى لان طلب التزاوج بيكون مزعج جدا ومش بتسكت وتتمرمغ على الارض وحاجات كتير بتكون واضحة جدا وعموما بلاش تزوجيها و هى صغيرة استنى شوية حتى بعد ما تطلب. بخصوص اللرمل لازم تجيبي الرمل الطبى لانة بيتحمل اكثر ومش بيعمل ريحة وحشة وبيتغير كا فترة وهيريحك لانها ممكن تكون عملت برة لان المل كان مش نظيف لان القطط اصلا نظيفة جدا. وهاتيلها عامود للخدش وعوديها علية وقصيلها اظافرها على طول وفى المخالب البلاستيكية بتتركب عند البيطرى