|
محتارهـ .......!
السلام عليكم ورحمة الله وبركاته :)
يا جماعة الخير .. عندي ببغاء أفريقي كاسكو .. تقريبا عمره سنه شريته من ثلاث أربع شهور .. ومروض .. يرقى على اليد .. الحلو فيه ما شاء الله عليه إنه هادي وما يجعر .. بس لا زال مستنكر المكان ويمكن إلى الآن راح ثلاث شهور وأنا كل يوم بغير له أكله وأروشه وأنظفه .. ولما أقرب يدي عنده وأقوله تعال يرقى فوقها .. ويجي على كتفي ويرقى أحياناً فوق راسي :o يبدا يصفر ويكرر نغمه لما يشوفني قربت له يقولها .. بس لا صار بالحوش وفرحان ويلعب ويغرد بس من أدخله جوا ... بياكل وينام على طول ..! وعودته إنه ياكل من يدي وصار ياكل عادي ..! يعني أقدر أقول إنه تقريباً تعود علي .. يعني لما اشيله ما يخاف .. بس لو شاف أحد غيري وغريب عليه بيرجف ويجعر على خفيف وقريت معلومه غريبه في كتاب الببغاء الافريقي .. إنه لما يكون الببغاء ذكر بيميل لصاحبه تكون أنثى .. ولما تكون الببغاء أنثى تميل لصاحبها يكون ذكر مادري هالمعلومه صحيحه .. مع إن الكل يربي ذكور وعادي ..! بس أنا يمكن لاحظت هالشي .. لأنه الببغاء الأول ذكر .. وكان عندي وأنا اللي روضته بس لما أخذه أخوي عنده نتف ريشه وجرح نفسه وراح أخوي وباعه .. ورجع الحين شرى هذا ويوم عضه وصار يخاف منه وما يرقى على يده .. عطاني إياه .. أنا الحين أبي أروضه على الحك مع الراس وأمسكه .. بس متردده .. لأنه يعض عض وما يرحم وخايفه تجيه حاله نفسيه ويقلب علي :D قولوا لي وشوروا علي ..! كيف أروضه على الحك ..! وأمسكه الحين ولا أصبر لحد ما يطيح اللي براسه ..! |
رد: محتارهـ .......!
من خلال الكلام واضح ان الطير اليف 100% و لازم تعوده ع حك الراس عادي ولا تخاف من العض الطير يحس بخوف صاحبة لا تخاااااااااف ابدا من الطير و ما رح يطيح براسه من حاله ابدا اذا ما تعود من الان
|
رد: محتارهـ .......!
السلام عليكم ورحمه الله وبركاته
انا انصح ببدايه حك راس الطير مع اعطاء المكافئه واستخدام الكليكر او ما ينوب عنه وانصح باستخدام العسل لوقف العض وانصح بالصبر ثم الصبر ثم الصبر الطير هذا راح يكون رائع جدا لكن اصبري عليه الطيور وهل انه الذكور مياله للنساء او الانثى مياله للذكر انا متفق مع هذا الشيء قطعيا لانه حصلت لي عده مواقف مع طيور افريقيه وامازونيه وكوكاتو واخص بالذكر الكوكاتو تحياتي |
رد: محتارهـ .......!
اقتباس:
ولما أحطه على يدي وأقرب لمه يعض عض قوي ما يفكني مره لو أنجرح ما يهمه .. بس ما يبي أحد يلمسه وشكراً أخ فارس على ردك .. |
رد: محتارهـ .......!
اقتباس:
كلامك مره مره مره أفادني بلاك بيري بس العسل أخلطه مع المويه .. هذا اللي ما عندي خلفيه عنه والحمدلله إني عرفت إن المعلومه صحيحه ... :) مشكور على الرد والمعلومات المفيده أخ بلاك |
رد: محتارهـ .......!
إقتراحاتكم راح تفيدني
لا تبخلون علينا .. الله يوفقكم .. لو أحد فيكم مجرب طريقه غير اللي ذكروها الإخوان يقول لنا عليها والفايده للجميع جزاكم الله خير |
رد: محتارهـ .......!
الشكر لله
بالنسبه لموضوع العسل نجيب قليل من العسل يوضع على الاصبع وعند محاوله الطير العض نخلي الاصبع الي فيه العسل على فم الطير الطير بمجرد ما يتذوق العسل يبطل العض مباشرة بالتوفيق |
رد: محتارهـ .......!
صحيح طريقة العسل انا اليوم جربتها ونجحة من اول تجربه والحمدالله
صار الطير يدور على اصبعي |
رد: محتارهـ .......!
اقتباس:
واللهي قويه ... فكره مره مره حلوه :12: حل أكيد ومليون بالميه بيضبط ......! أجل أول شي أخليه يبطل عض وأصبر بعدين أعوده على حك الراس ..! الله يوفقك خيو بلاك .. أفدتني كثير جزاك الله خير ..! :) |
رد: محتارهـ .......!
اقتباس:
شكراً أبو عمر .. تأكيدك لنجاح الفكره .. خلاني أتحمس أكثر ..! ببدى فيها من بكرا إن شاء الله جزاك الله خير أبو عمر ..! |
رد: محتارهـ .......!
بس فيه نقطه ..
اللعب مع الببغاء .. يعني لو مثلا قلبته على ظهره وهو علي يدي .. خايفه لا ياخذ موقف ويعض بجد .. تنفع أسويها الحين ولا بعدين ! |
رد: محتارهـ .......!
انا انصح بتأخير القلب لانه ما تتسوى الحكره هاذي الا مع الطيور الاليفه جدا لذلك نأخرها الين نكسب ثقه الطير وبعدها خير
وجزى ربي الجميع الف خير واتمنى ان اكون قد افدتكم اخوكم \ بلاك بيري |
رد: محتارهـ .......!
ماشاء الله تبارك الرحمن من وصفك وكلامك عن الطير حسيت انه قدامي
اختي الطير جدا الليف وما رح يعضك عادي تقدري تمسحي على راسه بلطف هو ما رح يعض بس بمسك يدك بمنقاره ولتذوق اصبعك وانتي قلتي معلومه انا اول مره اسمعه انو اذا ذكر يميل للأناث واذا انثى تميل للذكر اختي جميع انواع البغبغاوات تميل للأناث اكثر شي وتعاملها معهم غير عن الذكر اقتباس:
اقتباس:
فخليك انتي اقوى منه انتي قلتي في بداي ةموضوعك الطير الليف جدا ويطلع اليد اقولك توكلي على الله وباشري التدريب على المسح وهو وليف اعتقد انو متعود بس انتي ما جربتي وبخصوص العود ما انصحك تقربي منه عود او اي شي يلفت انتباهه خلي تركيزه على يدك فقط بالتوفيق \ |
رد: محتارهـ .......!
اقتباس:
أبشرك خيو بلاك اليوم طلعته برا على القاعده بالحوش .. بعدين لما رقى على يدي قربت له إصبعي وأنا ماسحه فيه العسل .. ولما عضه .. مو عضه قويه إستغرب وأبعد على طول .. :eek: بعدين رجعت يدي وبرضو ما عض بقوه صار يلعق العسل ويغرد وفرحان أكثر مني :D ويمد رجله الثانيه بيرقى على اليد اللي شايف فيها العسل .. وبعدين رقى فوق راسي ونزل :o قريت معلومه إنه لما يرقى فوق راسك معناته إنه حبك .. غريبه مره :D |
رد: محتارهـ .......!
ههههههههه ماشاء الله نتايج طيبه
الله يوفقكم والله الله بالتلقين وانشاءالله نسمع كلامه عما قريب تحياتي |
رد: محتارهـ .......!
اقتباس:
إن شاء الله ,., الله يسمع منك خيو بلاك والله إنت ما شاء الله عليك أخ نصوح وفيك الخير الله يوفقك يارب :) |
رد: محتارهـ .......!
اقتباس:
ولاحظت إني أنا اللي كنت خايفه منه مو هو :D بس إنكسر هالحاجز الحمدلله بفضل من الله ثم تشجيعكم ونصايحكم .. :) أما العود صحيح خوفه أكثر .. لأني سويتها معه مره وحده ويوم شفته خايف منه بطلت وصبرت إلى اليوم ما كررتها معه أبداً وإن شاء الله بس أعوده يبطل عض بهالفتره بعدين أحاول إني أتجرأ وألمسه الببغاء الأول بعد 6 شهور من تربيته صدفه حطيت يدي عند القفص وهو قرب ونزل راسه من نفسه ما أجبرته ولا عودته .. لأنه كانت أول مره أروض ببغاء وما كنت أعرف إنه يحب الحك مع الراس بس هو لما تعود علي صار يسويها كل يوم وكل شوي فا هذا اللي خلاني الحين أبي أسويها مع الكاسكو اللي معي الحين ..! كلامك رائع جداً خيو .. أفدتني كثير بردك .. مشكور وجزاك الله خير |
| جميع الأوقات بتوقيت GMT +3. الساعة الآن 05:43 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو