|
ممكن مساعده
السلام عليكم ورحمة الله وبركاته
هذي اول مشاركه لي في المنتدى بس الصراحة منتدى ولا اروع المهم اناشريت من قبل كم يوم كروان جوز ذكر وانثى وشريت لهم قفص كبير وحطيته في وسطه عش اوبيت صغير عشان يدخلون لما يجو ينامو . شفت في المنتدى عن تدريب الكراوان انا طلعت الطير ولكن شفته يعض ولا راضي يتقبل اي شئ ابدا وخايف مره طيب جربت من مره ثانية نفس الشئ رجعته القفص ولا سويت شئ الحين فيه عندي كم سؤال ليش مايدخلون البيت حقهم مره ليش مايتقبل مني اي شئ لما اطلعه من القفص يحاول يعض ويصارخ مااشوف انهم تزاوجو الذكر والانثى الاحظ من اقرب من الققص يخافون ويسيرون ينقزون وشكلهم خايفين بالحيل بعدين دايم يصارخ في القفص مااشوفه يغرد مشكورين ولكم اطيب تحياتي |
رد: ممكن مساعده
يشرفنا وجودك معنا ومرحبا بك في منتدانا الرئع بمن فيه ..
والله يبارك لك في كرواناتك .. من خبرتي لازم تكون خايف ومرعوبه لان المكان جديد وانت جديد بالنسبه لهم .. تخيل نفسك رايح مكان جديد مو تحتاج وقت الين ما تتأقلم وتتعود على المكان والناس .. نفس الشى مع الكروانات يحتاجون وقت مو اقل من شهرين .. انت في البدايه قدملهم الطعام بنفسك واحكي معاهم وشوي شوي بيتعودوا عليك .. هاذي اهم مرحله الحين وبعدين يجي وقت التزاوج او غيره .. هم يحتاجون الحين الامان .. تحياتي |
رد: ممكن مساعده
اخي الكريم مرحبا بك معنا في منتدانا الغالي و اتمنى ان تستفيد و تستمع به و من خلاله ان شاء الله بخصوص العش فهو ليس للنوم و انما للانتاج ( التفريخ ) فالطيور في الطبيعه تنام على اغصان الشجر و في القفص سوف تنام على المجثم ( العصا) و كما ذكرت اختنا تراني جديده الطيور عامتا تحتاج الى بعض الوقت للتأقلم على المكان والمربي الجديد و بالنسبه للترويض وان كانت اليفه فهذا شى اخر و لا تستعجل عليه في الوقت الحالي حاول اخى الكريم ان تقراء اكثر في المنتدى و سوف تستفيد كثيرا و سوف تجد معلومات لا حصر لها ان شاء الله وان صعب عليك شئ نحن في الخدمه و اتمنى لك التوفيق |
رد: ممكن مساعده
اولا :- نحرب فيك اخوي الغالي في المنتدى http://sooosooo1.jeeran.com/10.gif الف مبروك على الجوز .. انت شاريهم للتفريخ اوللتدريب اذا شاريحم لتفريخ فيجب توفير كل ما هو يلزمهن اما اذا شاريهم للتدريب .. ان تأخذ الكوكاتيل في مكان هادى وتبدأ معاه التدريب لاكن يجب قبل ذالك ان تعطيه المهله لتعود على المكان وعلى صاحبة الجديد .. وفيه طريقه سهل انك تاخذ خشبتين .. وتخليه يركب عليها .. وبعدين رحت تقدر ترفعهم وتخلي ايدينك .. ومرح يعض والحين ابي اجاوب عن اسألتك نفس ما قال الاخ مستر ميمو .. البيت للتفريخ ومو للنوم .. لانه مو متعود عليك ولا على الضروف الجديدة مو من اول شي يتزوجون في اوقات للتزاوج .. وفي اوقات ما تسمح لهم فيها وعليك في اشعارهم في الامان .. وهذا شي لازم للتزاوج وتوفير الماء والاكل للتشيعهم للتزاوج .. انت اصبر عليهم وانشاء الله بتسمعه يغرد .. |
رد: ممكن مساعده
مرحباَ boss.vip ,,,
حياك الله معنا يالغالي وانشا الله تفيد معنى وتستفيد ,,,:) والله الشباب مايقصرون ... واي اضافه ازيدها على كلامهم تعتبر مالها داعي ,,, لاكن برضه ابغى اضيف :D انك لو تخليهم يفرخون وتاخذ فروخهم وتدربهم .. او واحد منهم .............. يكون افضل كل شي متوفر عندك ... انت بس توكل على الله لاكن ابغاك تتاكد ان فتحة العش 8 سم لاني شريت عش زمان وكانت الفتحه تبدو لي مناسبة ,,, ورفضو الطيور يدخلون فيه ... وبعد مدة دخلتهم بالغصب و ماقدرو يطلعون .. عرفت انهم مايقدرون يمرون من الفتحه وتاكد ان فيه برادة خشب ... وان العش حجمة مناسب ... وبعدها عليك بالصبر .... لانه يجيب افضل النتايج :p واخيراَ علمنا بالله وش راح يصير معاك :) وبالتوفيق ,,, تحية الطاير |
رد: ممكن مساعده
اقتباس:
ضحكتنى يالطاير اشلون دخلتهم بالغصب:eek: و اشلون طلعتهم بعدين بالقوه تبيهم يبيضون |
رد: ممكن مساعده
اهلين Mr. MeMo ...
خبرك انت العش من فوق ينفتح ,,, الله يحييك مافيه الاشيلهم ودخلهم في العش وباعلى صوت يالله ابي بيض :p وبخصوص التفريخ بالغصب .... ايه والله بالغصب :D بس الى الحين مافيه نتيجه .. اذا تقدر تساعدني بانك تبدي رايك باكون لك من الشاكرين وخذ باقي السالفه وبعد ماغيرت العش ... انتضرت عشرة ايام قبل ماتستقر امورهم ... الذكر في البدايه يدخل لوحده 5 او 6 ايام ويمنع الانثى من الدخول .. بعدين لمدة حوالي 10 كانو يدخلون الاثنين ومايخرجون من العش ... ومن اسبوع الى الحين تدخل الانثى لحالها وماتخرج الا في النادر .. والذكر على باب العش جالس برى يدخل شوي .. ويطلع سريييع اسف ع الاطاله وتحية للجميع :) تحية الطاير |
رد: ممكن مساعده
خلاص ما في مساعده هي يا انها باضت يا انها بتبيض خلال ايام قليله مالك الا الصبر و كثر من البيض بالقسماط |
رد: ممكن مساعده
مشكووووووووووووووووووووووووورين على الردود الجميله الصراحه ماتوقعت كل هذا التجاوب
ابشركم انا اليوم شلت الذكر ونتفت ريشه هذا اول شئ ورحت معه في غرفته وقلت ياانا ياانت المهم ظليت معه من الساعة 2 الى الساعة اربعه العصر وانا في حوسه معه بالموت نتفت رشيه وهو يعض ويصارخ المهم بعد الحوسه معه جلست امسح عليه وهو يعض وضل وقت على الحاله دي في النهاية استسلم للامر الواقع وخلني امسح عليه طيب جيت ابغاه يقرى علي يدي عجزت معه يرقى شوي من اتحرك يروح نازل على طول شكله يبغاله كم يوم عشان يتعود طيب اذا صار اليف يصير مايفرخ خلاص ولا عادي يفرخ ويصير اليف بالنسبه للفتحت حقت العش ( الطاير ) انا مره سويت زيك قبل كم يوم دخلت بالغصب بس بعد تقريبن نص ساعة ماطلع قلت شكله توهق خش ولا هو اعارف يطلع ماشفت الا من حاله طلع بره وجلس على العصا . تحياتي لكم ومشكورييييييييين جزيل الشكر على التجاوب |
رد: ممكن مساعده
اقتباس:
الي اعرفه ان الطير الغير اليف افضل للتفريخ ,, لانك ماراح تضايقه ;) والطير الاليف يفرخ ,,,, ليش مايفرخ ,, بس مو زي المتوحش لاكن الطير الاليف اثناء حضن البيض يجب تركه في القفص وعدم اخراجه او ازعاجه وهنا الفرق بينه وبين المتوحش وراح يسوي كل شي بشكل جيد هذا الي اعرفه وشوف الاخوان ايش رايهم :) تحية الطاير |
رد: ممكن مساعده
مشكووووووووووور اخوي الطاير ماقصرت انا بعد رفعت صور حق الطيور ابغ اشوف رايكم في القفص هل هو مناسب مو مناسب والعش مكانه زين ولا ماكنه مو زين وابغ اعرف ويش نوعهم هو هو من النوع الزين يعني ولد اجاويد ولد ناس هههههههههه ولا
هذا الصور شوفها وقولي لي رايكم بصراحه وابغ اعرف الذكر من الانثى فيهم عشان مشكك في الموضوع http://<a href="http://toy22.com/" t...3a1965e421.jpg[/IMG] [IMG]http://toy22.com/uploads/2d4c9851b3.jpg[/IMG] [IMG]http://toy22.com/uploads/37973bb7eb.jpg[/IMG] http://toy22.com/uploads/53914a72b9.jpg بس ليش عيونه تنفخت كذا شكلي اليوم رصيت عليه شوي وصارت عيونه كذا حزينه مشكورين ولكم اطيب تحياتي |
رد: ممكن مساعده
اول شى النتف مؤلم جدا للطيور وهذا راح ينعكس بشكل سلبى على نفسيه الطائر و سوف تجعله يكرهك فكان يفترض قص الجناح و ليس نتفه بالنسبه للنوع هم من فصيله الوايت فيس الممتازه و لكن اتمنى ان تضع لنا صور تبين الذيل لكي نعرف الذكر من الانثى |
رد: ممكن مساعده
مشا الله مشا الله ,,,
والله صراحه ,,,, عال العال على قولة الاخوان في مصر ,,, دير بالك عليهم ... بس انا ماشوف مكيف الهواء :confused: لايكون مواجهم :D انتبه يالغالي بعدهم عن مجرى الهوا ويبدو لي من خلال خبرتي الطويلة في هذا المجال .... (( شهرين بس :D )) ان الصورة الاولى الي في اليمين انثى واليسار ذكر .. واذا بتحط صور واضحة للذيل زي ماقال mr.memo تاكد ان النور يكون قوي ... عشان تبين النقاط الخفيفه ,,, وللعلم اصعب شي هو تحديد الجنس في اللون الابيض للكروان واما باقي الالوان ممكن التمييز بسهولة ... من الوهله الاولى يبدو لي صندوق التعشيش صغير ,, تاكد ان مقاس العش 20,40,25 وقطر الفتحة 6-8 والافضل انك تطلعه فوق اعلى شوي .. يعني خل اعلى نقطه في العش .. موازيه للحديدتين الي جايه بالعرض على جانبي القفص من فوق الي موازيه الزجاج في الصورة قبل الاخيرة ,,,, الزجاج مو البرواز حق النافذه على يسار القفص عشان مايجلسون فوقه ويوسخون ويتوسخون ,,,, حلها ذي :p بس القفص حجمه ممتاز جداَ ترى الكروان يحب يقضم كل شي ,,, الاسلاك مثلاَ انتبه الاسلاك الي ورى القفص لايكون فيهى كهرباء واذا فيها بعد القفص عنها عشان ماتجي يوم وتلقى واحد فيهم GAME OVRE وانصحك انك تشتري علبه جانبية للماء .. الي تتعلق في القفص من برى عشان ماتضطر تغير الماء كل يوم اسف ع الاطاله وبالتوفيق يالغالي ,,, تحية الطاير |
رد: ممكن مساعده
مشكور اخوي mr.memo والله احترت اليوم اول مره اشتري طير ولا انا عارف ويش اسوي حق ريشه قلت ماللك الا انتفه وزينه انه طلع ولد ناس بعد يعني من احسن فصيله بس ياخي من نتفت ريشه وهو ساكت مايصوي كلش سكت مره وحده ومن دخلته القفص رقدعلى طول مسكين شكله من التجربة اللي مره فيها
المهم هذي صور حاولت اجيب الذيل مضبوط ماقدرت بس انشاء الصورة تفي بالغرض http://toy22.com/uploads/f63780b92b.jpg http://toy22.com/uploads/2c63d9c801.jpg اخوي الطاير طال عمرك المكيف فوقهم بالضبط :) بس انه سبلت يعني مايجيهم شئ وابشرك رفعت العش مثل ماقلت لي وشكله استنانسو صار يجلسون على العصا الحين انا والله كنت افكر قلت الحين مع الوقت اكيد العش راح يتوسخ منهم ويش اسوي حتى فكرت اني اشيله وارجعه لهم بعدين بس انت مشاء الله عليك نبهتني والسلك اللي وراهم حق الدش يعني لو يقضم فيه من اليوم لابكره عادي مادم ولد ناس طلع من النوع الزين خله حلاله يقضم في اي شئ بس اهم شئ ينتج لنا عويل زينين بس بسائل الحين كم يبغالهم عشان يتعرفون على بعض يعني يحبون بعض بالعربي ومشكورين معليش تعبناكم شوي |
رد: ممكن مساعده
اقتباس:
كان عندي ذكر يالغالي ,,, وقعد عندي ثلاثة شهور معزبين انا وياه ;) بعدين شريت له انثى ,,, بعد ماجمعتهم اول ايام مافيه توالف مررره كل واحد ماسك جنب في القفص ومناوشات ومطاردات ثلاثة اسابيع الى ان ,,,,,,,,,,,,,,,,,,,,,,, يوم من الايام سمعت صوت غريب وانا مار قرب القفص ...كانه صوت فراخ صغيرة .... معقول فرخو بالسرعه هذي (اقول في نفسي ):confused: وقربت شوي شوي ولما ناضرت للقفص :eek: :eek: لقيتهم في وضع مخزي :D :D وبعدها عرفت انهم سارو http://www.2zoo.com/vb/images/icons/icon14.gif متوالفين . وبخصوص العش تاكد انك تقدر تفتحه وتناضر لداخل بدون ماتسوي زحمة تحية الطاير |
رد: ممكن مساعده
اقتباس:
حلوه ذي عزوب :) يعني السالفه مطوله يبغالهم كم شهر :cool: انا اللي عندي نفس الشئ كل واحد ماسك جهه من القفص واوقات الاكل يتهاوشون كل واحد يبغ ياكل قبل الثاني مشكووووووووووووور اخوي الطاير ماقصرت طال عمرك |
رد: ممكن مساعده
اقتباس:
انا ماقصدت كذا ,,,, ثلاثة اسابيع الى ان توالفو وصارو مية مية مو ثلاثة اشهر ... والمناوشات ضرورية عشان يعرفون بعض زين :D وحياك الله يالغالي :) تحية الطاير |
رد: ممكن مساعده
مشكووووووووووووور اخوي الطاير بس باقي حاجه وحده ودي اسائلك عنها
انا اليومين اللي راحو دربته ومشى حاله ودربت بعد الانثى ومشى حاله بس فيه مشكله اني لما اجيل ابغاها يجي على ايدي ينقز عليها ويطير بعدين بعدي لما احصره في زاوية عشان يرجي على ايدي ويجلس شوي ويطير على طول وفيه مشكله ثانية كيف اطلعه من القفص عجزت ابغاه يطلع من القفص مايطلع الا اذا مسكته بقوه وطلعته وهو يعض بعدين اتركه ويصير خايف مره مافيه حركه اطلعه من القفص بدون اذيه عشان احسه مو راضي يتعود علي دايم خايف لما اجيه الحقه يركض وينحاش ومطارات في البيت لما اصيده ويجي على ايدي ويطير مارضه ثانية بس احسنه مافيه صار مايعض الا نادر |
رد: ممكن مساعده
امممممممم ...
يجلس في يدك شوي ويطير علطول ..... تذكرني بايام زماان :) اذا تبغى تدربه يجي ع يدك ... وخره عن القفصص ... لاتخليه يشوف القفص .. لانه لو واحد يخير الكروان (( الغير مدرب خاصه )) بينك وبين القفص راح يختار القفص اكيد واذا قعد على يدك واستقر اشوي ... لاتقعد تناظر له بس ,,,,,,,, لازم تديه اكل وهو فوق يدك .. اي شي مكافئه زي الحب الاسود .. وبديلك نصيحة ... الحب الاسود الي ينباع اكل حق الطيور طعمه غبي ... لاكن الي ينباع لاستهلاك البشر ... طعمة بالنسبة للطيور 100% فاذا اديته من الحب هذا كل ماوقف على يدك .... راح يصير بعدين زي الكروان حقي من يشوفني يجيني يبغاني اشيله :) مو عشان سواد عيوني .... عشان الحب الاصلي ;) واما عن انك تطلعه من القفص .... فسمعت ان الافضل انك ماتجبر الطير يخرج من بيته .. الي هو القفص واذا تبغاه يخرج ... افتح باب القفص ووخر عنه ... شوي بلتقاه يخرج من نفسه بدون مصارعات ومهاوشات واما عن العض ... اذا قعدت كل يوم تغير له الاكل بنفسك وتغير له الماء بنفسك ,,, راح يعرفك زين (يتعود عليك ) وصدقني بعد شهر شهرين راح يتوقف العض تماماَ او راح يصير عض خفييييف جداَ بدون الم وهذا طبيعي جداَ واذا فتحت له باب القفص ينقزلك سريييع لان راح يصير فيه ثقة بينكم :) واسال مجرب .:cool: تحية الطاير |
رد: ممكن مساعده
مشكوووووووووووووووور اخوي الطاير على النصيحة الحلوه
بس اذا ابغاه يخرج من القفص اخلي الباب مفتوح وهو يخرج من حاله حركه حلوه مااخطرت على بالي بالنسبه للحب الاسود ابعطيه لما يطلع من عيونه مشكوووووووووووووووووور اخوي الطاير ماقصرت ومعليش اذا طولت عليك شوي . تحياتي |
رد: ممكن مساعده
الطاير و Boss vip ما شاء مدهرين سوالف و مغامرات اشوف تعودتو على بعض و صرتوا ربع :p الله يديم المحبه ان شاء الله عندي بس مداخله بسيطه اخي boss vip و هي يجب ان تحدد وجهتك في هذه الفتره اما ان تقوم بتوليفهم ام انك تريد الانتاج حيث ان حاولت الجمع بين الاثنين سوف يتأخر الانتاج كثيرا حدد وجهتك او مقصدك و ان اردت رائي فالانتاج اولا ثم تستطيع توليف احد الفروخ و سوف يكون و لا اروع ان شاء الله و اتمنى لكم التوفيق |
رد: ممكن مساعده
يطول عمرك اخوي Mr. MeMo ماقصرت انا قلت بعد بخليه بالقفص ولا انا مطلعه لما ينتج واسوي توليف حق الفروخ احسن عشان الصغير يسير اسهل توليفه بس ماقلت لي اخوي من الصور حقين الذيل عرفت مين الذكر من الانثى انا عندي في البيت واحد اللي يصفر بس والثاني على طول ساكت شكله اللي يصفر هو الذكر والانثى هي الساكته .
اوقات الذكر يحاول يتلصق بالانثى بس ماتخليه تضربه على راسه على طول بس شكلهم مع الوقت يتعودون على بعض والله يديم المحبة بينا وبين اخوي الطاير ومعاك اخوي Mr. MeMo |
| جميع الأوقات بتوقيت GMT +3. الساعة الآن 04:36 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو