|
الافريقي جاب لي الارق..من غير ميعاد...
السلام عليكم رحمه الله وبركاته
ياربي دلني للي فيه الخير وسبب لي من اهل هالمتدى من يرشدني ياربي مدري ابدا من القصه والمشكله :eek:... المهم هذا الطير شرفنا له خمس ايام تقريبا اشتراه زوجي لعيالي كانو يبون بسه وهو مايحبها ابد فجأه دخل علي ومعه ببغاء :wao: اول شي الببغاء عينه سودا مره وصاحب المحل يقول عمره 4شهور جاب معاه استاند الكبير فقط من غير قفص اول ليله نمنا صحينا ندوره في الصاله وموسخ الدنيا كلها وخفت عليه لايكون الحق ضرر في نفسه ثاني ليله ماقدرت انوم قاعده احرسه وعلى غفوه مني نط على الارض مع انو الدنيا ظلام وبصراحه اصابني رعب في اخر هاليل خفت عليه يجوع ومدري كيف اطلعه لمكانه حملته بيدي ورفعته من بكره ماعاد يرضى ياكل من يدي مثل العاده واذا قربت منه يمد رقبته باتجاهي بشكل مبالغ ويفتح فمه ويطلع صوت بس خفيف انا صرت ابعد عنه لاني اشمئزيت من شكله بعد ماشفت صور لفراخ الافريقي مع اني في البدايه كنت متقبله له والمسه عادي بس الحين لالالا لان الي عندي ماله ريش على رقبته وصاحب المحل قال لزوجي عشان توه صغير يطلع بعد فتره الله يهديه ماكان الفروض يشتري شي مايفهم فيه طبعا من يوم دخل البيت وانا مسنتره قدام النت على مواضيع الببغاوات بموت من دخل بيتي ماانام احسه بيموت احس بيصير له شي ومدري وش الدبره معه وكل هذا وابو الشباب مايدري وش انت ياطير ببغاء ولاغراب يمر من عنده ويصرخ في وجهه ويوم قلت شكل فيه شي يامنزعج من نطت البارح يا متضايق مني لاني شلته ورفعته وخاف مني ضحك علي :mad: اذا مايزعجكم بحاول انزل صوره |
رد: الافريقي جاب لي الارق..من غير ميعاد...
اختي الكريمه
في البدايه مرحبا بك بين اخوانك وان شاء الله راح نفيدك كل واحد منا بما عنده من معلومات ان شاء الله اول شي اختي الطير في هذا العمر يحتاج الى عنايه خااصه واهتمام وذلك لصغر عمره اهم نقطه في هذا العمر ابعااااده عن اي تيارات هوائيه لأنها مضره جدا جدا له ومن كلامك عن عمره وعدم اكتمال الريش حول رقبته اتوقع والله اعلم ان الطير يحتاج الى الان الى مساعده في الاكل من الممكن ان يكون في حاجه الى الغر (الاطعام اليدوي بواسطه سرنجه) والاكيد انه يحتاج الى بعض الاطعمه اللينه(الذره المسلوقه-البطاطا المسلوقه-الترمس-البليله وبعض الخضار المسلوقه) بالاضافه الى الحبوب من الخطء اختي الكريمه ترك الببغاء بدون قفص وبالاخص ان الطائر جديد على المنزل وصغير بالعمر ومثل ماتكرمتي من الممكن ان يقع عن الاستاند ولايستطيع الرجوع اليه ومن الممكن ضياعه داخل المنزل مما قد يؤدي لاسمح الله الى موت الطائر سواء من الجوع او العطش او حتى من المخاطر المحيطه به في المنزل (الادوات الحاده -مخاطر الكهرباء والاسلاك الكهربائيه-او حتى الانحشار بين الاثاث او الاختناق بأي قطع صغيره موجوده في البيت) لذلك اتمنى منك الاسراع في احضار قفص مناسب للطائر ومن الممكن ترك الطائر اغلب الوقت على الاستاند ولكن وقت النوم يكون في القفص واي اسأله ثانيه نحن في الخدمه |
رد: الافريقي جاب لي الارق..من غير ميعاد...
اقتباس:
ربي يوفقك يعي انت ترى ان عمر اربع شهور عادي تصير رقبته ماعليها ريش!!!! الاكل الي استخدمه نفس الي جا معه كيس فيه حب شمسي ومخلوط معه اشياء ثانيه واربع وعشرين ساعه ماشاءالله ياكل منه وكيس مثل الطحين نخلطه بمويه واعطيه اياه بس شكله مااعجبه واتوقع اني ببيعه اليوم ماابي احط في ذمتي شي لان وجوده في البيت يبله مشقه شوي ابي رايكم |
رد: الافريقي جاب لي الارق..من غير ميعاد...
اقترح عليكم تبيعونه
يبيله عنايه طيركم فرخ صغيّر ومالومه يوم انه مايبي البسه وش اردى من ذا غير ذاك خل يجيبلهم بادجي او مدري وش اسمه او طير صغير وش حليله يونس العيال او تجيبون درّه اليفه وجاهزه وش حليلها |
رد: الافريقي جاب لي الارق..من غير ميعاد...
مشكورين ممكن تفيدوني
ليه كل مامريت من عنده يطلع صوت أأ أأ أأ ويفتح فمه بقوه ويمد رقبته وكانه يحاول ينط علي |
رد: الافريقي جاب لي الارق..من غير ميعاد...
السلام عليكم ورحمة الله وبركاتة
يااختي الببغاء يطلع هذا الصوت لانه فرخ لازم تجييبين سرنجة وتحطين فيها سرلاك الطيور وتعصرين السرلاك في حلقة لانه توه صغير يبالة عناية وفي خلطة ثانية بدال السرلاك شوي احطها لك ولازم تجيبين قفص بحجم متوسط شوفي المواضيع في المنتدى وشكرا |
رد: الافريقي جاب لي الارق..من غير ميعاد...
تصحيح معلومة هذا صوت الجعير للببغاء وهذا الصوت طبيعي لانه خائف لازم يتروض
|
رد: الافريقي جاب لي الارق..من غير ميعاد...
اقتباس:
من الممكن انه يسوي هالحركه عشان ينغر يعني عشان تأكلينه بالسرنجه او برواز الابره مثل ماقلت لك سابقا السريلاك وهذا واضح لما قلتي ان الاكل اللي جا معه فيه مثل الطحين يخلط بمويه ومن الممكن انه شعور بالخوف ورده فعل من الطير يبي يخوفك ما اقدر احدد الا لو شفته عشان كذا يفضل لو تصورينه وتعرضين لنا مقطع الفيديو عشان نعطيك الجواب الاكيد |
رد: الافريقي جاب لي الارق..من غير ميعاد...
اقتباس:
والله خيتو طيرك بالعمر هذا مثل ماقلت لك يحتاج عنايه خاصه واهتمام واذا ماعندك او عند احد من عايلتك خبره في الببغاوات اقترح عليك تبيعينه وتدورين لك طير اكبر منه في العمر يكون لون عيونه رمادي فاتح او ابيض ويكون مدرب وجاهز افضل لأن الببغاوات اللي في عمر طيرك كثييييييييير اللي تموت عند اصحابها خصوصا في مثل هذا الوقت من السنه وتقلب الاجواء والله يعينك خيتوو |
رد: الافريقي جاب لي الارق..من غير ميعاد...
مشكورييين
وبحاول انزل صوره حتى تقدرون ااهل الخبره تفيدوني على بينه <<اخليه ولا ارجعه |
رد: الافريقي جاب لي الارق..من غير ميعاد...
|
رد: الافريقي جاب لي الارق..من غير ميعاد...
ياربببببببيه فديته ماشاء الله تبارك الله ..
هذا صغير توه ماطلع له ريش اذا موقادرين تهتمو فيه ياليت تبيعوه لا يروح يموت ولا ماتعرفوله .. |
رد: الافريقي جاب لي الارق..من غير ميعاد...
|
رد: الافريقي جاب لي الارق..من غير ميعاد...
http://www.4shared.com/video/R4dVy4m...0210060_2.html
انتم تشوفون انه عادي بعمر 4 شهور وماله ريش على رقبته ؟؟ لاني شفت في اليوتيوب بعمر 3و4و5 شهور مكتمل ريش من يومين وانا مقرره برجعه للمحل ولا ابيعه على اي احد بس الي جابه الله يجزاه خير رفض :confused:وهو ماعنده استعداد يحط له شربة مويه :mad: الا على طاري المويه احس في الشتاء ان الله الحقنا خير فيه بتصير بااارده وخاصه اذا كانت طول اليل عنده ؟؟عادي يتحمل ؟ وعن نفسي بتابع ان شاءالله المواضيع الخاصه بالافريقي وان شاءالله ربي ماراح يضيع تعبي:) بس ممكن تفيدوني هل الافضل اخليه في غرفه ادفا له بحكم ان الجو بدا يتغير ..ولا في الصاله اوسع صدر :p؟؟ الشي الثاني احسب له حساب كل يوم وانا اطبخ الغدا اسلق له يوم حبه جزر ويوم كوسه ؟؟ولا كيف وهل فيه اشياء ضروري اشتريها له من فيتامين وغيره ؟؟ /الي عندي طول الوقت معبيه له مويه وحب مدري مكسرات ;) وماشاءالله على طول يقرقشها كيف الطريقه مع الاكل ارفعه عنه عادي ولا ضروري يكون متواجد عنده وهو على كيفه متى مابغى ياكل ؟؟ وهل كل الببغانات ماتحوب الاطفال :( ؟ :shy::shy::shy: ادري طولتها كثير :shy: لاكني استجدي طولت بال من خبير يرشدني على الاقل اقدر انام مرتاحه ولكم مني صادق الدعاء بمروركم ومشاركتم ... وربي يدلنا واياكم لكل خير ان شاءالله نسيت اقولكم :rolleyes: وش هو من افريقي :D اي نوع قريت انها ثلاث انواع مااتوقع يكون نيجيري ..يمكن يكون الكاسكو ؟؟؟ولا ؟؟ |
رد: الافريقي جاب لي الارق..من غير ميعاد...
بالاساس اسمها كاسكو
رجوله فيها حجل ؟؟ عموما طيركم افريقي _ كاسكو _ نيجيري ونونو ربي يسلمه ويحفظه ويحتاج عنايه والله يعينكم اهتموا بالتغذيه والبرد على الابواب خلاص انتبهوا له ولاتطلعونه من غرفه بارده لدافيه او العكس والله الله بالتشميس بعد الشروق بشوي وقبل الغروب بشوي مفيده باذن الله ولازم تجيبون قفص وخلوه ينام بدري الطيور متعوده من تغيب الشمس ينامون يعني لايتعدا 9 الليل ويكون بغرفه مظلمه نوعا ما وهاديه وغير بارده ولا حر موت ( مجرد نصيحه ) اشتروا المخلّط البلجيكي ... من وجهة نظري في تنوع للاكل ومفيد باذن الله |
رد: الافريقي جاب لي الارق..من غير ميعاد...
ماعليه شر ان شاء الله بس الاكل خلوه عنده 24 ساعه بعمر صغير وبحاجه لتغذيه الممتازه
ولازم تشترون قفص واذا كانت الصاله بارده حطوه بغرفه والله يوفقكم بطيركم الجميل وعمره اعتقد اقل من 4 شهور 3 شهور كذا |
رد: الافريقي جاب لي الارق..من غير ميعاد...
وعن نفسي بتابع ان شاءالله المواضيع الخاصه بالافريقي وان شاءالله ربي ماراح يضيع تعبي
الله يعطيك الف عافيه .. ويجزاك الخير .. وطيرك ماشاء الله رووعه الله يحفظه .. اهتمي فيه وبيصير توب بإذن الله .. من ناحية الولافه والكلام .. |
رد: الافريقي جاب لي الارق..من غير ميعاد...
مس مس ,ابو عمر ,ابو فزاع
الف شكر لكم وربي يهنيكم على لروح الطيبه الي تملكونها |
رد: الافريقي جاب لي الارق..من غير ميعاد...
كان عندي كم تساؤل اذا ممكن تفيدوني
انتم تشوفون انه عادي بعمر 4 شهور وماله ريش على رقبته ؟؟ لاني شفت في اليوتيوب بعمر 3و4و5 شهور مكتمل ريش اخاف انه مرض الشي الثان الاكل يكفي المكسرات او ضروري اطبخ له ابو فزاع انت ذكرت لي بلجيكي مخلط <<وين القاه وهل اطلبه بهذا الاسم من محلات الحيوانات قريت عن الذره كيف؟؟ اشتريها طازجه واسلقها واقطع جزء من الكوز واعطيه ولا احبب له <<شكلي طولتها |
| جميع الأوقات بتوقيت GMT +3. الساعة الآن 10:34 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو