|
يوميات قطه!!!
الموضوع باختصار اني حابه اكتب يوميات قطتي لولو نمبر 2 ... لانها مشاكسه وشربات .. :D بلسانها مش بلساني... وياريت الاقي تشجيع :p انا لولو بنت بوكي....عندي شهرين... امي لونها بني في اورنج شيرازي....;) ووالدي بوكي قط شيرازي ابيض ضخم الحجم. .... اخدت من امي شقاوتها وحبها للميه وطيبه قلبها .. وحنيتها .. وشويه من لونها البيج الغامق...وبقها الصغنون وايديها الناعمه الصغيره... :) واخدت من والدي عينيه الواسعه الجميله وانفه الصغنون الاحمر.:p .. وشعره الملولو وشقاوته قبل ما يبقى اب وليه وقاره .... حبقى احكي لكم يومياتي مع مامتي loli ... متضحكوش انا بعتبرها مامتي لانها حنينه اوي عليا وبتأكلني وبتشربني وبتشطفني ................ وكمان بنام جنبها على طول... يتبع..................:rolleyes: |
رد: يوميات قطه!!!
مشكوره وايد على اليوميه الحلوه
|
رد: يوميات قطه!!!
اهلا بيك القلب الصافي... انا عامله يوميات متسلسله وباذن الله حبقى انشرهم
|
رد: يوميات قطه!!!
ما شاالله عليكي فكره ممتازه و جميله انا من المشجعين الاوائل حبوبتي لولي;) |
رد: يوميات قطه!!!
اقتباس:
|
رد: يوميات قطه!!!
مشكوووووووورة حبيبتي
وننتظر بأحلى وأكبر حماااااااس |
رد: يوميات قطه!!!
اقتباس:
التكمله جااااااااااااااااااااااااااية :p |
اليوم الاول....
:p
اول يوم قضيته في بيتنا الجديد...كان يوم غريب بالنسبه لي... ملقتش ابويا ولا امي وكنت مرعوبه... الاقي ايد تشيلني وايد تحطني.:confused: ...ووشوش مبتسمه وبتنده لولو....مين لولو دي ... وكل مايشوفوا وشي يقولولي لولو قلت مفيش لولو غيري بقى اعيش الدور وامثل لهم لولو ....:p حطولي اكله غريبه في طبق وماما قالتلي كلي يا لولو ده سيريلاك ... طعمه حلو الحقيقه لهطته كله... :D اما لعبتي المفضله والي لفتت نظري حاجات صغيره بتمشي جنب طبق الاكل وبحاول اصطادها و العب معها بس بتجري مني... ماما بتسميها النمل الفارسي... :eek: كل يوم بنلعب مع بعض.................بس احيانا مش بيرضوا يعلبوا وبلاقيهم لزقوا في الارض واقعد احاول اخليهم يمشيوا تاني مش بيرضوا ومش عارفه ليه :eek: يتبع................... |
رد: يوميات قطه!!!
ولله موضوع في غاية الروعه
جزاك الله خير |
رد: يوميات قطه!!!
اقتباس:
مرورك الاجمل يا البتار...............ميرسي:) |
رد: يوميات قطه!!!
ماشاالله عليكي يا لولو الصراحه اندمجت مع القصه ما شاالله عليكي افكارك متسلسله و مترابطه و جميل ان تكون القصه بلهجتك الاصليه و تاليفك;) ننتظر التكمله |
رد: يوميات قطه!!!
الموضوع مرة حلو ومميـــــــــــــــــــــــــــــجداـــــــــــــــــــــــــــــــــــــــــــز
مشكـــــــــــــــــــــــــــــــــــــــــــــــــــــــــــووووووووووووووووووووورة |
رد: يوميات قطه!!!
اقتباس:
ميرسي يا لوسي يا قمر :D انا كتبت كام مغامرة مع لولو وان شاءالله بنزلهم مره في مره اوعى تغيري المحطه :D |
رد: يوميات قطه!!!
اقتباس:
مرورك الاجمل قط الظلام.... تابعونا:p |
بين شطين ومية....
بحب المية :D ....يمكن دي حاجه غريبه في عالم القطط... ويمكن انا مش قطه ولابسه توب قطه ... :eek: بس الاكيد اني بحب البلبطة وبحب استحم... وبستنى اي حد من العيال يدخل تحت الدش عشان ادخل معاه وابلبط :p بسمع مامي تقولي حتاخدي برد يا مخبوله :cool: ... حيجيلك التهاب رئوي يا هبلة ..............;) احلى كلمه بسمعها منها يا هبلااااااااا... حنينة اوي الست دي ... بتدلعني ... :rolleyes: اوبسسسسسسسسسسسسسسسسسسسسس :eek: عن اذنكم احسن سامعه صوت الدش فتح... الحق اخد لي طرطشتين ميه في جنابي قبل ما يطردوني بره كالعاده:D |
رد: يوميات قطه!!!
لولو هانم كعب الغزال لما كانت لسه طفله تلعب تحت المطر:D
http://farm1.static.flickr.com/190/4...4609b3cd_m.jpg |
رد: يوميات قطه!!!
ننتظرك في الحلقه المقبله مشكوره عاللهجه المصريه حلوه القصه بلهجتك;)
|
رد: يوميات قطه!!!
القط الي ف توقيعك يا لوسي مجنني...ياجمالو يا جمالو.......لو بعتههولي ابعتلك كل اليوميات واكتبهالك باسمك كمان في الشهر العقاري :)
|
رد: يوميات قطه!!!
حبوبتي الغاليه لولي لسانج اللي بنقط عسل هذا ذكر و الولد بتاعوه عندي بس مو للبيع لان مكلفني كثيرررررررر اراسلك عالخاص افضل |
رد: يوميات قطه!!!
النهارده يوم غريب :(
فيه ست غريبه كده صوتها عالي بتتكلم بلجهه غريبه ومعاها ست تانيه زيها وقدها على مرتين...بيبصولي اوي ومتابعيني كل ماروح حته الاقيهم بيتكلموا عليا.... :o شكلهم بينظفوا مع مامتي البيت ..........يوم التنظيف العالمي لعبه جميله التنظيف ده... مامتي بتخليلي بلية صغنونه (كرة قزاز) العب بيها وبعدين تختفي تحت حاجه ومعرفش اجيبها ... النهارده طلعلولي كل البلي ( الكور) الي مستخبي...وفضلت اجري وراهم طول اليوم...وبعدين دخلوا المطبخ...وانا وراهم طبعا :p شالوا الطبق بتاع الاكل بتاعي ومحطوليش اكل بداله :confused: وانا من كتر اللعب جعت ... مش جعت كده وكده... لا جعت بجد يعني....وبعدين لقيتهم فتحوا باب دولاب بيطلع منه ريحة اكل لذيذه... قلت اغافلهم وادخل اشمشم يمكن اطلعلي بحته لحمه او ورك ارنب حتى ;) ...بس وبعد كده لقيتني في ضلمه شديده... وبروده رهيبه.. وسامعاهم بره بيتكلموا برضه بصوتهم العالي... :eek: احاول انده على مامتي مياااااااااااااااااااو ...ميااااااااااااااو....نااااااااااااااااااو ... ملاقيش صوت طالع ...... بعدين سمعت مامتي بتنده عليا وبتقول الكلبه دي راحت فين اه دي انا :D مامتي بتنده عليا...........ميااااااااو انا هنا............ومحدش سامعني :eek: وفجاه بعد ماحسيت اني ابتديت اتلج وحسيت اني حيغمن عليا من شده البرد ...لقيت الباب فتح ومامتي بتقول : يخرب بيييييييييتك حتموتي يا هبلة.........ياربي............ ملقيتيش غير التلاجه تدخلي فيها يا مصيبه زمانك ..........حتبقي قطه مجمده ونعمل عليكي ملوخيه :eek: ................ وشالتني وقعدت تفرك فيا لحد مادفيت وعملتلي طبق كبير من الاكل السخن وبعد كده غطيتني لما قضيت اليوم كله نايمه:p ........................ |
رد: يوميات قطه!!!
الله الله الله ...... دي القصص و لا بلاش يالولي تصدقي مقدرتش افطر الا لما اكمل القصه منين تقيبي الافكار دي؟؟؟ روعههههههههههههه |
رد: يوميات قطه!!!
hmmmm NICE IDEA loli |
رد: يوميات قطه!!!
مشكوره على اليوميه الحلوه
|
رد: يوميات قطه!!!
اقتباس:
ربنا يخليكي يا لوسي يا رافعه معنوياتي :D يارب تكون القصه فتحت نفسك ع الفطار :p |
رد: يوميات قطه!!!
اقتباس:
امونه المزيونه ميرسي .... دي على فكره يوميات بجد مش مجرد افكار او قصه بكتبها;) |
رد: يوميات قطه!!!
اقتباس:
|
واواااااااااااااا
ليك الواوا شوف الواوا خلي الواوا يصح :D ( هيفاء سرقت الفكره مني :rolleyes: لما قرت يومياتي دي ) :p
انا زعلانه من مامتي ومخاصماها:( مبارح ضحكت عليا وقالتلي تعالي افسحك........انا قعدت اتنطط .....هيييييييييييه:D حتفسح واشوف القطط التانيه والناس والشوارع :cool: حطتني في قفص ليه باب حديد........... سجن انفرادي:eek: ........... قلت معلش يا بت يمكن خايفه عليكي من الوحشين :rolleyes: عديها يا لولو ;) دي ماما برضه ولازم اعديها ايه يعني فيها ايه لما تخاف عليا... وتحبسني عشان خايفه عليا... دي مامتي برضه :rolleyes: وخرجنا... كان الدنيا بالليل:cool: .................مشفتش لا قطط ولا شوارع ولا ناس :o ودتني في حته كلها اقفاص... وقطط تانيه بتنونو وبتعيط... وعينيها معمصه ... يع :( ...........هي دي القطط الي حلعب معاها؟؟؟ .. ولما جيت ابص لقيتهم بيبخوا عليا :eek: سكت ولميت نفسي جوه قفصي وندمت على الخروجه الي مجابتش همها دي :( بعدين فتحولي القفص وخرجوني علىطربيزه وراجل غريب لابس جوانتي بيفعص في بطني وبيفتح بقي يبص فيه... ونا ببص لمامتي الي شكلها مبسوط وانا بتبهدل كده ... مكانش العشم يا مامي :confused: وبعدين مسكني من رجلي ... وحسيت بشكه جامده... مياااااااااااااااااااااااااااااو واداني لمامي وانا بعيط والي زعلني انها شكرته وقالتله شكرا يا دكتور :confused: بس............. من ساعتها انا مخاصماها ومش راضيه اصالحها. .. مهما اغرتني وجابتلي حاجات ولا فتحت لي الميه:cool: ...ولــــــــــــــــــو......................................:cool: |
رد: يوميات قطه!!!
تسلم لي الانامل الي كتبتها روعهههههههه انا كل يوم افتح عالمنتدى بدور فين يوميات لولي لمل بلاقيها بفرح كتيررررررررر و اقراها على طول و الاحلى انها بلهجتك دي الى مهبلاني |
رد: يوميات قطه!!!
ميرسي يا حبي ان شاءالله مش حتزهقي النهارده في اليوميات الجديده دي :)
|
بلييييييييييييييييييييييييز
بلييييييييييز :rolleyes: رسالة الي مامتشي :p مامتي انا بحبك اوي اوي اوي ... ( شغل البكش بتاع القطط) ;) بس من فضلك تسيبيلي مفرش السفرة عشان هو الي بتسلى فيه بضوافري الصغننه حتى شوفي بقى شكله جميل ازاي...:rolleyes: والخيوط نازله منه من كل حته حتى دي اخر موضه :cool: انا مش شايفه سبب لزعلك مني كل ده عشان مفرش قماش ..يعني يرضيكي ازهق وضوافري تبوظ عشان مفيش حاجه اشد فيها وابوظها؟..... :confused: سيبهولي يا مامي :( والسلام ختام :o بنتك المعذبه في الارض لولو بنت بوكي افندي :D |
رد: يوميات قطه!!!
شكرا لولي على القصه الجمله من جد اندمجت ودخلت جو مع القصه
|
رد: يوميات قطه!!!
حلو يا لولي كملي اليوميات ،،،
|
رد: يوميات قطه!!!
خطيرة لولو اوي
ورينا صورتها حديثاا القطة تشعر بحب صاحبها لها اكيد يلا ننتظر التكملة |
رد: يوميات قطه!!!
اقتباس:
شقاوة قطاو انا الاسعد بمتابعتك.... اوعى تغيري المحطه;) |
رد: يوميات قطه!!!
اقتباس:
من عيوني يانورة.... اليوميات شغاله باذن الله طول ما لولو هانم شغاله مغامرات :D |
رد: يوميات قطه!!!
اقتباس:
هي خطيره على سهوكه...:D سوسه يعني من الاخر...:p حاضر حصورها صوره حديثه وانشرها هنا ... :cool: |
رد: يوميات قطه!!!
لولو هانم:D
http://farm1.static.flickr.com/204/4...810ae09b_m.jpg وهنا بتابع اليوميات :p http://farm1.static.flickr.com/214/4...491a8715_m.jpg |
رد: يوميات قطه!!!
يانااااااااااااس عسل اوي
بس هذه رومي ولا انقور تركي ؟ ماعتقد انها رومية |
رد: يوميات قطه!!!
لولو هانم شيرازي مون فيس :)
|
لولو تانيه؟؟؟
:eek: النهارده مزاجي مشبر:( ... وعندي اكتئاب قططي من النوع التقيل........
ومش حيروح مني الا بفرخه مسلوقه بالشوربه بتاعتها :cool: ححكيلكم واحكموا انتوا في ظلم الانسان لاخيه القط:D مامي جالها تلفون وقعدت تقول ترغي ترغي ترغي ترغي وانا زهقانه وعايزه العب... احاول اشد السلك منها تشخط فيا وترجع ترغي وترغي وترغي.... الستات دول مبيزهقوش من الرغي؟ :confused: وبعدين لقيت مامي نزلت وسابتني :( وانا بخاف لوحدي ..طب خديني معاكي يانا يا قليله الحيله .......:o وفجاه لقيت مامي جت وبتنده عليا................لولو يا حبي تعالي ..هيييييييييييييه مامي جت لقيتها شايله البيت بتاعي وداخله بيه وبتفتحه...........يا للهول:eek: ... خرجت منه لولو كبيره :eek: ... انا في حلم ولا علم ... قربت اشمها واشوف مين دي وليه وعشان ايه.... لقيتها بتنونو وبتبخ فيا ...........بخخخخخخخخخخخخخخخ :eek: انا بخااااااااااااااف من نفسي في المرايه.... تقوم تطلعلي شبح لولو على كبير :rolleyes: فضلت ماشيه وراها اشوف اخرها دي ايه رخرى :cool: لقيتها دخلت المطبخ...........بتاكل اكلي :confused: ومامي بتقولها كلي يا قطه .............ناقص تحضنها وتنيمها مكاني كمان :confused: ونامت مكاني واكلت اكلي وشربت شربي واخدت مكاني في قلب مامي :( كرهتها اللولو دي... يارب خدها;) ............ومامي ترجعلي بالاكل كله ليا;) |
| جميع الأوقات بتوقيت GMT +3. الساعة الآن 09:50 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو