|
الي عنده خبره بلثعابين يدخل ابي فزعه
السلام عليكم
كل عام وانتم بخير عيد مبارك اخواني اعضاء المنتدى حبيت اعرض مشكله واجهتني عندي كورن سنيك له ممكن اسبوع المهم انه ما يبي ياكل وقبل 3 ايام طلعت له نفخه في فتحت موخرته والنفخه كل مالها تزيد جا ببالي بالاول انه امساك وحطيتها بماء دافي بس استغربت ان الما اذا وصله تهرب من الماء واليوم حست ان النفخه حق جرح او شي زي كدا المهم اذا حصلت فرصه اصورها وانزل الصور وسلامتكم |
رد: الي عنده خبره بلثعابين يدخل ابي فزعه
و عليكم السلام و رحمة الله و بركاته
كم درجة الحرارة بمقياس درجة الحرارة ؟ و نسبة الرطوبة ؟ و ماذا يوجد في الحوض ؟ و الافضل صورة للحوض |
رد: الي عنده خبره بلثعابين يدخل ابي فزعه
مثل ما قال العقرب و ممكن صوره ؟ واضحه :D |
رد: الي عنده خبره بلثعابين يدخل ابي فزعه
http://www.9o9i.com/upfiles/xam61449.jpg
http://www.9o9i.com/upfiles/9fb61819.jpg http://www.9o9i.com/upfiles/r6962270.jpg http://www.9o9i.com/upfiles/csc62613.jpg http://www.9o9i.com/upfiles/owi62903.jpg اخوي انا حاطه بعلبه فيها نشارت خشب والحراره ما اعتقد عاليه يعني جو الغرفه عندي بالليل بارده والصبح دافيه هاذي صور له |
رد: الي عنده خبره بلثعابين يدخل ابي فزعه
امم ماهي واضحه بالنسبه لي لكن مو كأنه وصخ متجمع ؟
+ واضح عليها انه بتبدل اليلد خل تبدل اليلد و بعدها شوف عموماً شيل نشارة الخشب و حط كلنكسات و اخذلك زرع صناعي مثل الي بالملاعب أفضل ارفع الرطوبه حالياً + كم درجة الحراره بالنهار ؟ و كم في الليل ؟ و الرطوبه ؟ بالضبط .. |
رد: الي عنده خبره بلثعابين يدخل ابي فزعه
والله مدري ما اهتم بدرجة الحراره
|
رد: الي عنده خبره بلثعابين يدخل ابي فزعه
هذا هو السبب ابسط شي يمرضها :)
هذا اهم شي ولي هو درجة الحراره هم من فصيلة الدم البارد يعني يحتاجون الحراره الجسم نفسه ما يطلع حراره .. خل درجة الحراره 29ْ و الرطوبه 70% < ينباع ترمومتر للحراره و الرطوبه و الرطوبه شلون تزيدها ؟ رش ماي بالحوض و حاول تحطها بماي و تخليها بالشمس |
رد: الي عنده خبره بلثعابين يدخل ابي فزعه
هيا كانت تدخل الماي
بس الحين من يوم بدت النفخه تهرب من المااي كل شي تمام بس النفخه مخوفتني والاكل وقفت |
رد: الي عنده خبره بلثعابين يدخل ابي فزعه
اقتباس:
يجب عليك شراء حوض زجاجي طويل و شراء شيء ليدفئ الحوض و انا انصحك باللمبة كما عليك شراء مقياس درجة الحرارة لترى كم درجة الحرارة و الاهتمام بالرطوبة طبعاً اخي انصحك تبدا تقرا بمواضيع الحية و تعرف بتربية الحية :) و مثل ما قال بايثون شيل نشارة الخشب و بدلها بكلينكس من الان |
رد: الي عنده خبره بلثعابين يدخل ابي فزعه
اخوي انا لي 3 سنوات اربي ثعابين
وكل شي عندي عارفه بس الكورن سنيك جديد واخذته بالعيد عشان كذا ما فضيت له ولا كل شي جاري انا موضوعي النفخه الي بموخرته من شو اذا امساك خرج اكثر من مره وفركتها بس احسها مثل الجرح لان لما افتح موخرته مو زي البقيه تحسها ملتهبه او مجروحه |
رد: الي عنده خبره بلثعابين يدخل ابي فزعه
اصبر عليها تبدل اليلد ، و بعدها شوف و قولنا
+ ممكن صوره للراس واضحه ؟ لأن شكلها ايسترن ميلك سنيك مو كورن ؟! |
رد: الي عنده خبره بلثعابين يدخل ابي فزعه
ما ازيد عـ كلام الاخوان عن المكان و الارضية درجة الحرارة مو مهم بارد دافي,, المهم لحالتها الدرجة تكون ثابتة غير متغيرة يومين ثلاثة عـ الأقل و كـ حل سريع لهروبها من الماء,, شوف علبة صغيرة بلاستيك تتقفل على الثعبان تخليها كم ساعة بالموية تحت الملاحظة, بعدين تطلعها لحوضها اذا تأكدت انه امساك بعطيك علاج ينفع له ان شاء الله و لو انه مو مخصص للثعابين و حاول انك ما تلعب بمكان الاصابة غير بـ ادوات معقمة |
رد: الي عنده خبره بلثعابين يدخل ابي فزعه
لا اخواني حطيته بماء وصكرت عليه بس البدايه كان يهجول لين هدا حق ممكن نص ساعه
الي بان لي انه الجفن الي بالموخره كانه مقطوع والحم باين والبارز ليسه المخره بل الورم بالحم كالتهاب |
رد: الي عنده خبره بلثعابين يدخل ابي فزعه
اقتباس:
ماشاءالله صارلك 3 سنوات تربي ثعابين و ماتهتم بدرجة الحراره او الرطوبه ؟؟؟؟ اذا الي انا فهمته صح فـ مع احترامي شغلك كله غلط بغلط و اتوقع درجة الحراره عندك ناقصه و هذا سبب عدم الاكل الصور مو واضحه لكن اذا على كلامك جرح و مسبب انسداد في فتحة الشرج سو مثل ماقالولك الاخوان حطها بماي دافي مو اقل من ساعتين و اذا طلعتها حاول انك تحك الحرح عشان تفتح الانسداد وتساعدها على الاخراج لكن انا اشوف شي ثاني انا اشوف ان ثعبانك ذكر و عنده التهاب بالجهاز التناسلي لان الانتفاخ في منطقة الذيل اسفل فتحة الشرج عموما جيبلنا صور واصحه اكثر و بنفيدك ان شاءالله و حاول تصور تصوير مايكرو لانك راح تظطر انك تقرب العدسه من الثعبان موفق خير |
رد: الي عنده خبره بلثعابين يدخل ابي فزعه
اقتباس:
شلون مو مهم درجة الحراره بارده او دافيه ؟؟؟؟ لا ياخوي غلط غلط غلط كل ثعبان له درجه حراره ورطوبه على حسب بيئته و تعتبر الثعابين من ذوات الدم البارد مثل ماقال مشرفنا بايثون و اذا كانت درجة الحراره قليله مايقدر الثعبان يهضم اكله و راح تواجه مشاكل صحيه كثير يا اخوان الرجاء عدم الافتاء لان الي بيفتي مو خسران شي لكن الي بياخذ نصيحته اهي الي يمكن يفقد حياة الشي الي يملكه |
رد: الي عنده خبره بلثعابين يدخل ابي فزعه
اقتباس:
الكينقات و ما شابه من ميلكات و كورنات تتحمل برودة اكثر من الاصلات و البوا المقصد ان صاحب الثعبان حسب كلامه متغيرة درجة الحرارة عنده في اليوم بريـنج عالي فـ يحاول يثبت الحرارة عـ درجة معينة و لا مو معقولة مثلآ بيتركه فوق الثلاثينات مئوية و لا الجو عندنا بينزل عن العشرينات |
رد: الي عنده خبره بلثعابين يدخل ابي فزعه
اقتباس:
بعدين درجة الحرارة لو برى 40 بالداخل ممكن تكون فالعشرين الداخل يفرق عن الخارج :) و بالنسبة للتحمل ممكن هذي الحية ما اتحملت :rolleyes: ؟!! |
رد: الي عنده خبره بلثعابين يدخل ابي فزعه
اقتباس:
الثعبان لازم تكون درجه حرارة الحوض عنده بالنهار اعلى من الليل و ازيدك من الشعر بيت ان الاحواض البروفشنال لازم تكون درجة حرارة الحوض منقسمه الى 3 و لازم يكون فيه 3 مقاييس للحراره والرطوبه مثلا من اليمين لي اليسار 27-29-31 و انت قلت كلمه مادري ليش قلتها (((تتحمل))) احنى مانبي نعطي الثعبان غير بيئته ونقول يتحمل احنا نبي نوفر البيئه الصحيحه بحيث انه يكون مرتاح و مانبيه يتحمل شي ونجازف :) |
رد: الي عنده خبره بلثعابين يدخل ابي فزعه
^
كلام جاسم مضبوط ، و لو تبي الأمور تمشي صح خل شغلك صح :) |
رد: الي عنده خبره بلثعابين يدخل ابي فزعه
اول شي اعتذر من صاحب الموضوع على المداخله واسأل الله يشفي ثعبانك لأنه من جد صعب وجود بيطري او احد مختص بعلاج هذا النوع من الحيوانات بالسعوديه
بس ماشاء الله الأخ جاسم تكلم عن اهمية الحرارة والرطوبة وعن توزيعها داخل الحوض وطبعاً مايوفر هالشي بشكل مضبوط الا اجهزه خاصة وللأسف لاتوجد هالأجهزه عندنا وان وجدت راح تكون بأسعار تكسر الظهر واغلى من الثعبان نفسه اتمنى بما انكم محترفين بالمجال هذا تزودونا بطرق نقدر نوفر هالشي للثعابين وان كانت بطرق بدائية :) لأنه ماعندنا غيرها وسلامتكم |
رد: الي عنده خبره بلثعابين يدخل ابي فزعه
دخلتو بموضوع طووويل
وانا قلت الثعبان له معي 5 ايام وجاني على العيد عشان كذا ما رتبت وضعه 2 الاكل وقف لانه بيغير جلده 3 الثعبان يطلع الوسخ الي عنده والنفخ تحت الفتحه وانا اشك انه اخر فار ممكن اكله عضه مع لف بالمنطقه لان الجلده او الطبقه انفكت نص واليوم نزلت القطعه ومعها قطعه الي وراها http://www.9o9i.com/upfiles/kzs33968.jpg http://www.9o9i.com/upfiles/1qw34486.jpg http://www.9o9i.com/upfiles/uw834487.jpg http://www.9o9i.com/upfiles/vob35004.jpg |
رد: الي عنده خبره بلثعابين يدخل ابي فزعه
اقتباس:
الجواب باللون الاحمر |
رد: الي عنده خبره بلثعابين يدخل ابي فزعه
اقتباس:
واخذ معلومات زياده وفي احد الاخوان شافها قلي ممكن يكون شخص بيفحصها ذكر او انثى وعطبها والي باين اللحم الي طجت الطبقتين الي خرجت وهيا الي بارزه انا انتظر يغير جلده واصورها بكام احترافيه لاحد الاشخاص وتكون اوضح وانا اقصد ب كبرتو الموضوع على الحراره كل واحد حط موضوع وما فهمنا شي بس انا مع بايثن بكل الي يقوله دامه مع الشبكيه فانا معاه لان افضل الاصلات عندي الشبكيه ومشكورين وعلى كلام اخوي يقول الانتفاخ خف مو مثل اول |
رد: الي عنده خبره بلثعابين يدخل ابي فزعه
اقتباس:
والله ياخوي انا تهت معاك.... نص الكلام مافهمته :D شدخل الشبكيه بالموضوع و شنو معناة كلمة ( طجت ) وشنو معناة كلمة ( عطبها ) وضح الكلام و ان شاءالله بنفيدك :) |
رد: الي عنده خبره بلثعابين يدخل ابي فزعه
اقتباس:
الموضوع اعتبره انتها اليوم قابلت شخص خبير وبكل سهوله قلي شوف وجاب ماء وغسل الجرح وقطع بقايا الجلد ولما ضغط عليها طلعت صديد اصفر او قيح واعطيته هي يعالجها وسلامتكم |
رد: الي عنده خبره بلثعابين يدخل ابي فزعه
ههههههههههههههههههههههههههههههههههههههههههههههه
اقتباس:
عموما الحمدلله انك عرفت الحل :) |
رد: الي عنده خبره بلثعابين يدخل ابي فزعه
اقتباس:
اخوي قرات جميع ردودكم بس الي طلعه من اخراج او انه عنده امساك الورم كان تحت فتحته ب 3 طبقات من الحراشف السفليه والي طلعه قيح او صديد حق الورم وسببه الفار عضه وكان الفار فيه بكتريا او شي زي كذا والماده الي خرجت صفره ادا ما عرفته احيات ينصك الباب على اصبعك او ينقص الظفر وتورم اليد وبعد فتره تطلع مويه وسخه وصديد حق الورم هذا هوا الي خرج |
رد: الي عنده خبره بلثعابين يدخل ابي فزعه
اقتباس:
و لو كنت مطبقه ماكنت راح تنتظر خبير :rolleyes: |
| جميع الأوقات بتوقيت GMT +3. الساعة الآن 02:11 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو