|
خملانة و مو راضية تاكل ابداً
السلام عليكم
بينكي كانت عيونها تعبانه و تشافت اول ما تشافت عيونها ما قعد تاكل ابد :( :( حطيت لها جبن ما كلت وعطيتها دياي و لا كلت خليت الخدامة تطبخ لحم مفروم و ما كلت عطيتها دراي فود ما كلت < *يأست ،، رحت. خذيت ملعقة صغيرة فيها لبنة واشوية دراي فود مطحون و فتحت حلجها بالغصب وكلتها طلعت نصه احط لقمة اطلع رفعت راسها وخليتها تاكل و بغت تشرج :( :( تكفون عطونب حل دوا شي واتمني يكون بشري لان لو من *البيطري ما راح اقدر اييبه و يوم شلتها و مشيت هديتها من فوق ابيها تنقز تتنشط طاحت بدون حراك بس اشوه الارتفاع مو عالي < مسكينة مافيها طاقة ،، :( :( اخاف تمووت* مع السلامة :( |
رد: خملانة و مو راضية تاكل ابداً
بسم الله عليها
شوفي حرارتها اكيد مرتفعه لو حاره كمديها بمويه فاتره والاكل اخلطي زبادي مع عسل وشوي شوي عطيها |
رد: خملانة و مو راضية تاكل ابداً
اختي دلوعة ما عندنا زبادي ممكن بدالها لبنة او جبنة
|
رد: خملانة و مو راضية تاكل ابداً
الزبادي اخف مافيه دهون زي اللبنه والجبنه وفوائده اكثر
تيب شوفي الحين ماعندك اعطيها عسل مع مويه او عسل مع شويه حليب وشربيها وبكرا ان شاءالله جيبي لها زبادي |
رد: خملانة و مو راضية تاكل ابداً
ان شاء الله و مشكوورة باجر اقولج اللي يصير معاي
|
رد: خملانة و مو راضية تاكل ابداً
شوفي حرارتها و بانتضار رد حتى نتصرف
|
رد: خملانة و مو راضية تاكل ابداً
هلا حبيبتي
الخمول عند قطك سببه اكيد ارتفاع بالحراره . لازم تعطيها مضاد من الصيدليه البشريه ( ايموكس) وخذي اقل ملغرام والخاص بالاطفال لاكن قولي كم عمرها حتى افيدك بالجرعه الصحيحه. |
رد: خملانة و مو راضية تاكل ابداً
عمرها 3 شهور و دلوعة حطيت 3 ملاعق اكبيرة زبادي و حاولت أوكلهآ وكل ما أعطيهآ لقمة اتفلح لمـآ طار الزبآدي اللي بحلجها على ويهي و ايدي كلها زبآدي لأنهآ اتفله يوم مسكتهآ صآر جسمهآ كله زبآدي سبحتهآ بمآي بس و بعد ساعتين انتفخت حنجرتهآ :( :( , و شفت أمهآ توهآ يـآيـة وعطيت أمهآ سردين و رآحت كلت سمكة سردين و أمهآ كلت ثنتين , اي و قبل لا أسبحهآ سويت فضلـآت سآئلة أتمنى تفيدوني :(
|
رد: خملانة و مو راضية تاكل ابداً
لو عندك سرينج ابره فاضيه بس شيلي الراس منها اسهل لم وماتوسخ وشوي شوي تنزلي الزبادي
فضلات سايله يعني اسهال حاولي تعطيها مهلبيه ولاتاكل لاتونه ولاسمكولاجبن ولاتشرب حليب |
رد: خملانة و مو راضية تاكل ابداً
انزين و الانتفاخ اللي تحت الحنجرة ترى وآضح حيل
|
رد: خملانة و مو راضية تاكل ابداً
سلــــام
بمانه عندها اسهال حاولي تعطيا زبادي..مهلبية( 4 ملاعق نشا على ثلاث ارباع كوب ماء وربع كوب حليب ) ويحلى ويرفع على النار حتى تمام النضج و رز مغلى دجاج و خضار ولو بالغصب عن طريق السنجرة المنزوعة الابرة+ المضاد الحيوي وبالنسبة للانتفاخ ضروري تحطي صورة حتى نشخص تشخيص سليم و علاج اسلم بانتضار ردك |
رد: خملانة و مو راضية تاكل ابداً
http://store3.up-00.com/Jun11/IVZ89276.jpg
http://store3.up-00.com/Jun11/Ahv89276.jpg http://store3.up-00.com/Jun11/xGS89276.jpg أخوي vampire هذي صور اتوضح الانتفاخ |
رد: خملانة و مو راضية تاكل ابداً
أخوي vampire الحليب اللي تقصده بودرة و إلا سآئل
|
رد: خملانة و مو راضية تاكل ابداً
MOV06481.arab-box.com.AVI - 34.8 Mb
http://www.arab-box.com/9rzv6zu9we6w...x.com.AVI.html هذا فيديـوو ^ أفيدوني يزآكمـ الله خير و ادعوا الله يشآفيهآ |
رد: خملانة و مو راضية تاكل ابداً
هلا ياحبيبتي
الانتفاخ الموجود بقطتك على الاغلب هو بسبب حدوث الخراج في اسنانها والصديد ( الخراج) ينزل من اسنانها الى معدتها مما يسبب لها الاسهال والحراره .. حاولي تتاكدين وافتحي فمها ولاحضي الاسنان الخلفيه هل فيها تسوس او لون اصفر .. انتظرك حتى افيدك اكثر |
رد: خملانة و مو راضية تاكل ابداً
أوكي أجيك وأردلج خبر
|
رد: خملانة و مو راضية تاكل ابداً
ندوي اسنونهآ بيضاو صغيرة و ما فيهآ شي
|
رد: خملانة و مو راضية تاكل ابداً
اذا متاكده اسنانها مافيها تسوس او خروج اصفرار منها
فبيكون عندها انتفاخ في الغده .. وتحتاج الى فحص عند البيطري حتى يتاكد ويعملها تحاليل . والله يقومها لك سالمه يارب |
رد: خملانة و مو راضية تاكل ابداً
ما اقدر اوديها البيطري مو انا مربيتها بدون رضا ابوي و امي ما تقدر اتوديها البيطري بعيد تكفون رمضان ياي ادعولها انا دايماً بسجودي ادع ان الله يشافيها *
|
| جميع الأوقات بتوقيت GMT +3. الساعة الآن 10:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو