|
سؤال ؟؟؟؟؟؟؟
عند واحد من اصدقائي كلب يخاف من الكورة:eek: ياليت تفيدوني بسبب
|
رد: سؤال ؟؟؟؟؟؟؟
هـلا هـلا أخـوي ..
طيب أخوي موب اي كلب ما يخاف من الكوره يمكن هذي طبيعته وإنصحه يشتريله كوره صغيره لأن بعض الكلاب ما تحب الكور الكبيره وإن تواجدت الكوره الصغيره خليه يحبب الكلب فيها . وإنتضر الخبراء عشان يفيونك :) |
رد: سؤال ؟؟؟؟؟؟؟
اخوي مااقدر اجاوبك الا اذا جاوبتني على اسألتي ..
كم عمره ..؟ الكوره ايش حجمها..؟ متى اقتنى الكلب ..؟ هل الكلب لوحده او معاه كلب آخر ..؟ وبالتوفيق |
رد: سؤال ؟؟؟؟؟؟؟
ماشالله عليج يـ نونه
اسالتج كلها في محلها وكل جواب على الاسئله يعتبر حاله خاصه في الحل لكن انا بضيف فكره بسيطه بعد ماتجاوب على الاسئله لازالة اي خوف من الكلب للحاجات الجماد ( كره - مكنسه كهربائيه - سياره - لعبه تطلع اصوات ) انك تخلي اكل الكلب بجانب الشئ الي يخاف منه وتنطره ياكل الاكل عشان يعرف ان ماكو خوف من الشئ الي كان يخاف منهواذا خاف وماحاول ان يتقدم للأكل بسيطه تخلي الاكل بعيد شويه عن الشئ الي يخاف منه وكل مره تقربه شوي شوي الى ان تخلي الاكل فوق الشئ الي يخاف منه طبعآ لاتنسى التشجيع بالصوت والمكافئات والتربيت على الكلب -_-_- تقبلوا مروري يالحلوين واسمحيلي نونه على المقاطعه لج كامل احترامي وتقديري ؛) |
رد: سؤال ؟؟؟؟؟؟؟
غالبا الكلب ما يخاف من شي الا اذا كان تعرض لموقف سيء .
فياخذ انطباع سيء .. مثلا كان يضربونه بكوره او ما الى ذلك . عموما جاوب اسئلة نونا وان شاء الله راح يكون فيه تفصيل اكثر اذا عرفنا تفاصيل المشكله اكثر . تقبل مروري . |
رد: سؤال ؟؟؟؟؟؟؟
انا امع راي مشرف قسم هواة الكلاب
|
رد: سؤال ؟؟؟؟؟؟؟
طيب هوا لو الكلب معاة كلب اخر بيخاف يلعب بل كورة و يخاف يعمل اى حاجة ولا عادى؟
|
رد: سؤال ؟؟؟؟؟؟؟
عمره : ٣ سنين
حجم الكوره : حجم عادي اقتناه : من يوم عمره شهرين نعم الكلب لوحده |
رد: سؤال ؟؟؟؟؟؟؟
اقتباس:
نعم تحدث في بعض الاحيان وليس دائما . الكلاب تعتبر نفسها دائما في قطيع ولازم احد الكلاب يكون مسيطر على الثاني . و يظع المسيطر قوانينه . مثلا ممنوع اللعب بالكره .. ممنوع الاقتراب من صاحبنا اذا انا موجود .. ممنوع الاكل الا بعدي . وهكذا. هذي الاشياء يعبر فيها عن طريق هجومه على الكلب الاخر وقت الاكل او وقت اللعب . عشان كذا نحن ننصح دائما .. اذا تربي اكثر من كلب افصلهم فصل تاااام عن بعض لتكون انت المسيطر .. وايضا لتكون شخصية الكلبين قويه . اقتباس:
ممكن يكون الكلب ما عنده بري درايف عالي او ما يحب الكره اصلا وليس خوفا منها . اما اذا كان خوف واضح فالاحرى مثل ما قلت لك انه تعرض لموقف سيء من الكره . اخي الكريم . حنا عندنا كلاب تختلف درايفات و الاشياء اللي تزيد حماسها ويجب عليك فهم كلبك وتدريبه على اساس سلوكه . يعني اذا كان يحب الكره ،، دربه بالكره اذا كان يحب الاكل اكثر ،، دربه بالاكل اذا كان يحب الالعاب الاخرى ،، دربه بالالعاب الاخرى اذا كان يحب العضم .. جيب له عضم كبير و دربه فيه وهكذا ... تقبل مروري . |
رد: سؤال ؟؟؟؟؟؟؟
اخوي مصعب ماقصرت بصراحة
مبدع كالعادة بارك الله فيك -ـ-ـ- اقتباس:
هل قد وضربته بالكره من قبل سواء :- 1 - متعمد 2 - بالخطأ 3 لم يحصل هل يخاف من الكره من واهو :- 1 - صغير ( جرو ) 2 - بعد ماكمل سنة او سنتين 3 - توه بعد ماصار ثلاث سنوات كيف يخاف من الكره :- 1 - اذا شافها بالارض يوخر عنها ويبعد 2 - اذا حذفتها عليه بس يخاف 3 - اذا شافها بايدك ينحاش منك اذا حذفت للكلب عصاة او لعبه شنو تشوف ردت فعل الكلب :- 1 - يخاف نفس الكرة 2 - يلحق العصاة/اللعبه 3- غير مبالي ارجو الاجابه بدقه عشان اقدر افيدك بخصوص المشكله بارك الله فيك |
رد: سؤال ؟؟؟؟؟؟؟
مشاءلله الاخوان ماقصرو و ردو ..
وبنتظار اجابتك على اسألة خبيرنا بالتوفيق |
هل قد وضربته بالكره من قبل سواء :-
بالخطأ هل يخاف من الكره من واهو :- 2 -بعد ماكمل سنة او سنتين كيف يخاف من الكره :- 1 -اذا شافها بالارض يوخر عنها ويبعد اذا حذفت للكلب عصاة او لعبه شنو تشوف ردت فعل الكلب :- احياناً يبالي بالإضافه ان الكلب وبهذا العمر لسا مادربه |
رد: سؤال ؟؟؟؟؟؟؟
ممتاز
اشكرك على الاجابة على الاسئلة -ـ-ـ- الحين المشكله اتضحت وضوح الشمس والحل بسيط باذن الله -ـ-ـ- المشكلة :- 1 - الكلب تعرض لضربة من الكرة واهو في عمر كبير >> هذا شي لازم تحط تحت خطين وعلامة تعجب ! 2 - الكلب ماعنده درايف قوي >> تحط ثلاث خطوط وعلامة تعجب ! -ـ-ـ- الحل يكون على ثلاث خطوات :- 1 - ازالة خوف الكلب من الكرة 2 - تشجيع الكلب على اللعب في الكرة 3 - تحبيب الكلب للكرة --- الحل الأول : ازالة خوف الكلب من الكره تخلي اكل الكلب بجانب الكرة الي يخاف منها وتنطره ياكل الاكل عشان يعرف ان ماكو خوف من الكرة الي كان يخاف منها واذا خاف وماحاول ان يتقدم للأكل بسيطه تخلي الاكل بعيد شويه عن الكرة الي يخاف منها وكل مره تقربه شوي شوي الى ان تخلي الاكل فوق الكرة الي يخاف منها يعني مو صحن الاكل >> تخلي فوق الكرة قطعه من اللحم او الدجاج الحل الثاني : تشجيع الكلب على اللعب في الكرة بعد ازالة الخوف من الكلب تشجع الكلب على اللعب في الكرة واهي انك تجيبها قدام الكلب وتحركها بطريقة تستفز الكلب او تثير انتباهه >> مثل حركة الفأرة واذا شفت عيونه تتلفت مع الكرة كافئة على طووول وشجعه وكرر العملية ومع الوقت احذفها له وشوفه اذا كان يلحقها >> وبما ان الكلب الدرايف عنده متوسط حاول تطبق العملية وقت يكون فيه الكلب جوعان لان الكلب دائما وقت الجوع يزيد الدرايف عنده الحل الثالث : تحبيب الكلب في الكرة يعني ماتخليها عنده دائم وتطلعها وقت اللعب فقط وكل مايلعب فيها وويركض وراها لازم لازم تشجعه بالكلام والمكافئات عشان يستانس الكلب ولكن كلبك كبير في العمر يمكن ماتشد انتابهه الكره او ماتونسه لكن انت الي عليك انك تحاول --- وفي النهاية اهم شي ازالة الخوف من الكرة -ـ-ـ-ـ- احرص على الكلب وخاصة الجيرمن شيبرد >> كلب حسااااس جدآ |
رد: سؤال ؟؟؟؟؟؟؟
الكلب حقه مو شيبرد و شكراً لكل الردود
|
رد: سؤال ؟؟؟؟؟؟؟
اها مو مشكله
والعفو ولو ماسويت شي :) |
| جميع الأوقات بتوقيت GMT +3. الساعة الآن 07:36 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو