|
ممكن سؤال ؟ بخصوص التغذية
السلام عليكم ورحمة الله وبركاته
اخواني كيف حالكم طيبين عندي الهاسكي مهبل فيني وكم مرة قلت لكم هالشيء ياخي الاكل يهبل فيني عشان ياكل ماياكل الا دجاج بس لو اجيب له غيره يشمه ويروح عنه او ياكل بعدين يطلعه ويروح ابي اكل خاص فيه او خلطه اخليه ياكل الاكل غصب عنه لو فيه اشياء تباع نكهات او مرق او اي شيء يحببه في الاكل ياليت تعلموني لحد يقول لي الدجاج مفيد لاكن ابي انوع له في الاكل ابيه ياكل دراي فود لان عندي كيس 35 كيلو ماكل منه ولا شيء تكفوون ساعدوني جسمه طالح نحييييييف مرره مضيق صدري طالع كانو بلدي من النحف العمر 6 شهووووور تكفون ابي بنية جسمه صحيه احب اشكر الي راح يردون واكيد بيردون نونا 999 وابو فهد |
رد: ممكن سؤال ؟ بخصوص التغذية
وعليكم السلام ورحمة الله وبركاته ..
اهليين وسهليين اخوي M6n65 اشكرك على الثقة حبيبي :) -ـ-ـ-ـ بخصوص الاكل اكيد دام الكلب ذاق طعم الدجاج راح يرفض اي بديل ! لكن هناك حل بسيط لكن ! يحتاج صبر وطولة بال ووقت اوكي ؟؟ الحل يالغالي انك تغير الاكل على مراحل متدرجه وماينفع انك تغير الاكل للكلب مهما كان مرة مفاجأه ! لان هذا راح يسبب مشاكل في المعدة ولإسهال ! :eek: والحل اخوي كالاتي :- 1 - تشتري الاكل الخاص للكلاب سواء كان اكل معلب او اكل مجفف ويفضل انك تشتريهم الاثنين عشان تخلطهم للكلب الاكل المجفف http://www13.0zz0.com/2011/07/13/08/582625948.jpeg الاكل المعلب http://www13.0zz0.com/2011/07/13/08/603375795.jpeg ملاحظة مهمة :- يجب عليك اختيار الاكل المناسب لعمر الكلب لو كان الكلب صغير في العمر مابين ( 2 شهرين الى سنه ) تختارله الاكل المخصص للجراء لما فيه فوائد للنمو وتقوية العظام ويككون البروتين فيها عالي ولو كان الكلب كبير في العمر مابين ( سنة ونصف - الى الموت ) تختار له الاكل المخصص للبالغين 2 - تقطع له الدجاج وتخلط معاه الاكل المجفف او الاكل المعلب بس تكون كمية الدجاج اكثر يعني بنسبة 80% دجاج ووو 20% اكل مجفف او اكل معلب او الاثنين معآ 3- تستمر على هذا الشي لمدة ثلاث ايام وبعدين تقلل نسبة الدجاج وتزيد نسبة الاكل البديل 70% دجاج وووو 30 % الاكل البديل 4- بعدها بـ ثلاث ايام تسوي مثل الي قلت لك لكن هالمرة بالتساوي 50% دجاج وووو 50% اكل بديل 5 - وكل ثلاث ايام تقلل الكمية الى ان تصل النسبة 0% دجاج وووو 100% الاكل البديل -ـ-ـ-ـ- وبخصوص النحافة اخوي لازم تفحصه عند البيطري لان يمكن يكون فيه ديدان وهذا الحل للديدان الخبيرة نادية اقتباس:
وتذكر ان احنا الي نقود الكلاب وليست الكلاب التي تقودنا :D -ـ-ـ-ـ أبـــو فـــهـــد :) |
رد: ممكن سؤال ؟ بخصوص التغذية
بوفهد الله يباركله ماقصر ابد بالرد وانا ودي اضيف جم شغله
بالنسبه لسؤالك عن المرق اي نعم في صلصات تباع في محلات لوازم الحيوانات بنكهات كثيره و ممكن انك تظيفها عالاكل الي عندك وياخوي يمكن الدراي فود الي عندك طعمه مايعجب الكلب و يمكن يكون مو مخزن عدل (ضاربته الشمس) وخربان انا لو كنت مكانك برمي الاكل الي عندي وبشتري اكثر من نوع دراي فود من الكياس الصغيره و النوع الي يحبه الكلب بشتريله منه كيس كبير سؤال انت خايف عالكلب ولا مستخسر الدراي فود ال35 كيلو الي عندك ؟ اتوقع انك خايف عالكلب عشان كذا فرط بالاكل و جربله انواع ثانيه وجرب تعطيه خضار مسلوق مع بيض لو مره وحده بالاسبوع بس بدون زيت (مفيد جدا) ولا تنسى كلام بوفهد عن الديدان وده عند البيطري و اذا تبي نصيحتي سواء في ديدان او مافي عطه كورسات الديدان من فتره لي فتره اذا مافادته ماراح تضره بالتوفيق اخوي |
رد: ممكن سؤال ؟ بخصوص التغذية
صحيح كلام الاخوان وبزيد جم شغله على قولت اخوي jassim99 في طريقه ثانيه تنفع اذا كان الكلب ياكل منه وقت الحاجه..,<<بس خشنه شوي .. :D مثلا هو ياكل ثلاث وجبات باليوم وانت حطيت له الوجبه الاولى تحسب له وقت محدد مثلا ربع ساعه ثم تشيل الاكل من عنده<<طبعا مو ماكل<< ولاتعطيه شي ابدا الا الماء فقط طول الوقت اللي بين الوجبتين وثم نفس الشي على الوجبه الثانيه ضع نسبه قليـــله جدا من الدجاج >>مشان تشهيه<<في الثانيه والثالثه واحتمال كبير انه بياكل من الوجبه الثانيه..,وحاول انك تخلط بين الطعام بالمره عشان ماياكل الدجاج ويترك الباقي.. :D .. وان شاء الله مع الوقت تقلل الدجاج وبيتعود على الدراي فود والمعلب ____ وطريقة بوفهد افضل لاكن زيادة خبره للجميع.. :D mkdsh |
رد: ممكن سؤال ؟ بخصوص التغذية
عيني عليك بارده يابو فهد ..
الطريقة اللي شرحتها انا جربتها وشغاله 100 ٪ خليت الكلب اللي كان ما ياكل الا اكل بيت .. يعشق الدراي فود . اما الكلام اللي قاله اخوي جاسم حق النكهات و اكثر من نوع دراي فود . هذا كله يعتبر دلع .. تقدر تسويه وتقدر لا . ولكني افضل انك انت من تسير الكلب على كيفك .. اختر له الطعام المفيد وعوده عليه غصب .. وتذكر ان الكلب مثل الطفل الصغير . احيانا الطفل يرفض اكل الاطفال المعلب ولا البودره او سيرلاك او اي شي . مع انه هو الاكل المفيد له .. ونجوعه شوي وناكله غصب مع التشجيع وتمشي الامور ويتعود . تقبل مروري . |
رد: ممكن سؤال ؟ بخصوص التغذية
اقتباس:
و انا وين :p .. هــا هــا هـــا .. :D امزح .. صدقني ثقتك في محلها بالاشخاص الرائعين .. نونا و ابو فهد اشخاص محترمين ونشطين ومتحرفين .. :freind: _-_-_-_-_-_-_-_-_-_-_-_-_-_-_-_-_-_-_-_- مــا شاء الله الاعضاء كــفو ووفــو بالأجابة .. ومثل ما قالو اجبره على الاكل ان وافق وان لم يوافق .. اي لا تطعمه لمدة تقريب الــ 7 ساعات وبعدها احضر له الدراي فود .. وصدقني سياكله كله امام عينك .. ( صدقني لقد رايت بام عيني كلب من الجوع ياكل عشب ) .. فما بالك عندما يرى دراي فود .. وان اردت ان ياكله ايضا بسرعة ضف للدراي فود بيضة .. اي اخلطه مع البيض .. هذا ان اردت وانت غير مجبر عليه .. على كل حال وفقك الله ورعاك .. _-_-_-_-_-_-_-_-_-_-_-_-_-_-_-_-_-_-_-_- شكــرا لكم اخوتي ..: Abo_fahed jassim99 mkdsh Musab Pro خبــــــــــــــــــرة ما لهــــــــا حدود .. جــــــــزاكم الله كل خيـــــرا .. :cool: .. |
رد: ممكن سؤال ؟ بخصوص التغذية
مشاءلله الاخوان سبقوني بالرد مشاءلله تبارك الرحمن ..
وانا مااضيف على كلامهم شي .. لكن اذا تبي ياكل الصحن كله انا الطريقه هذي مجربتها .. حط لك دراي فود مقدار كاس ونص ( كأس من كأس تختلف الاحجام ) وضيف عليه مويه واتركه 5 دقايق وبعدين اشتر صحن كبد دجاج واسلقه بعد سلقه ضفه على الدراي فود .. واخلطه كويس وحطه له روح وارجع بعد ربع ساعه تأكد اذا الصحن موجود ولا لا ...:) وكبد الدجاج مفيد جدا .. ومثل ماقال اخوي ابوفهد تغير الطعام تدريجيا بالتوفيق |
رد: ممكن سؤال ؟ بخصوص التغذية
جرب الزبادي منزوع الدسم اخلطه مع الدرايفود وراح ياكل
اسهل طريقه |
رد: ممكن سؤال ؟ بخصوص التغذية
اقتباس:
خاصة اذا ماكان مجربه من قبل :) واسهل الطرق وافضلها تم ذكرها فوق يعني الشكر للأخوان ماقصروا صراحة :):):):) |
رد: ممكن سؤال ؟ بخصوص التغذية
اقتباس:
عطني دليل واضح وصريح ان الزبادي المنزوع الدسم مووووو زين :D انت سبق لك تجربته ؟ |
رد: ممكن سؤال ؟ بخصوص التغذية
والزبادي >> من الحليب اذا ماجربه الكلب من قبل ممكن يسببله اسهال التغيير في الاكل المفاجأ ماهو حل سهل :) |
رد: ممكن سؤال ؟ بخصوص التغذية
اقتباس:
|
رد: ممكن سؤال ؟ بخصوص التغذية
ولله مادري وش اقوول لكم يعطييييكم الف الف عافيه على الردود السريعة
وراح اجرب طريقة الدراي فود مع المويه والكبده او ان ماتوفرت بخلطها مع علب |
رد: ممكن سؤال ؟ بخصوص التغذية
السلام عليكم ..
اقتباس:
واخوي احرص انك ماتعطيه اكل ني اسلقه واخلطه مع الماء حقه لانه ماء كبد الدجاج بعد سلقه يكون مليان بالحديد وبعض عناصر الغذاء المهمه للجسم .. موفق |
رد: ممكن سؤال ؟ بخصوص التغذية
وتقدر تخلط شوي الاكل الجاف تدرجيا مع مرقه ماجي تغليها في مويه وخبز
طبعا تقدهما للكلب بعد ماتبرد ( مرقه الماجي تعطي نكهه ورائحه الدجاج ) وكلبك يحبها انا كان عندي هكسي وكانت هذي وجبته المفضله بس ماكنت اعطيها له كثير انوع له وماشاءالله من بعدها انتفخ وراح اكبر من ابوه وهو بعمر 7 شهور وموفق اخوي |
رد: ممكن سؤال ؟ بخصوص التغذية
S.J
اقتباس:
اقتباس:
:) -ـ-ـ-ـ-- amjadoh اقتباس:
|
رد: ممكن سؤال ؟ بخصوص التغذية
انا اقصد مكعب ماجي تغليها وتحط معها خبز
مملحه وفيها نكهه الدجاج ما ظن فيها بهار وكان يحبها كثير ولا ضرته http://www.2zoo.org/thumb-7-2011-2zoo_org_as2ab9aa.jpg |
رد: ممكن سؤال ؟ بخصوص التغذية
اقتباس:
اخوي الحبيب الغالي اول شي انت لازم تعرف شنو مكونات الماجي : ماء الدجاج و خضار و دهون وزيت النخيل اللي يدسم الطعم بالاضافة الى معززات النكهات اللي هو ((احادي جلوتومات الصوديوم )) -ـ-ـ-ـ اعتقد المكونات راح تكفي وتوفي بالاجابه بارك الله فيك وابتعد عن اطعام كلبك الماجي مو كل الامراض تحصل في يوم وليلة ولكن مع تقدم العمر تظهر الاعراض والماجي له اعراض جانبية منها تلف الدماغ واصابته بسرطان الدماغ والله اعلم نسأل الله العافية -ـ-ـ-ـ ياجماعة احنا هنا في منتدى توزو لتقديم المساعدة والعون والافادة والمنتدى موثوق ارجوكم وثقوا الاجابات عند الاجابة لان اي خطأ غير مقصود قد يسبب اضرار للسائل والدين نصيحة بارك الله فيكم وبوركت جهودكم ياذخر المنتدى والى الامام يا ابطال -ـ-ـ-ـ أبــــو فـــــهـــــد |
رد: ممكن سؤال ؟ بخصوص التغذية
اقتباس:
حبيبي s.j كلامك 100% سليم بالنسبه لموضوع الدسم لكن في نقطه بسيطه اتوقع اهي الي يقصدها بوفهد الا وهي :- الكلب ممكن ياكل الزبادي المنزوع الدسم ولكن بكميات قليله جدا و مو بشكل يومي يعني لو بالاسبوع مره تكون متفادي ضررها والزبادي المنزوع الدسم يعتبر مصدر غني بالكالسيوم لكن كثرته مضره ولا يفضل انك تعطي الكلب اكثر من ملعقتين من الزبادي المنزوع الدسم بالمره الواحده(الجرعه الواحده) وذلك لانه راح يتحول من فائده الى مضره الكلام هذا من مصادر اجنبيه 100% موثوقه سامحوني عالمداخله البسيطه |
رد: ممكن سؤال ؟ بخصوص التغذية
ومنكم نستفيد
جزاكم الله خير |
رد: ممكن سؤال ؟ بخصوص التغذية
مــا شاء الله مـــا شاء الله .. رايت الموضوع في نقاش ساخن وقلت ادخل .. :D المهم اخي الغــالي s.j قرات جميع ردودك وكلها صحيحة .. وما عليها غبــار .. ولكن .. دعنا نتكلم بالمنطق القصة والي فيها ان موضوع الزبادي الي يكون قليل الدسم مليئ كما قال الاخ ابو جاسم بالكالسيوم .. وكما هو معروف فكثرة الكالسيوم مضرة للكلب وبصورة كبيرة .. وهذا امر يعرفه كل شخص يربي كلب .. اما تحدث مشكلة بارجله او بايده وما الى ذلك .. اضف الى ذلك لو رجع الأمر الي ما كنت جعلت احد يعطي الكلب الزبادي .. يعني الزبادي + الدراي فود مع بعض + بشكل يومي = دمار .. لن اقول كلاهما مضر ولكن ساقول كثرتهما تضر .. اضف الى ذلك لا انصح بتاتا بان يكون الزبادي مصدر طعام متوفر عند الكلب بصورة 24\24 .. بل يجب ايضا التنويع بالاكل لما فيه من مصالح وفوائد للكلب .. على كل حال موفقين بأذن الله .. :cool: .. |
رد: ممكن سؤال ؟ بخصوص التغذية
اقتباس:
اجاباتك دايم وافيه وكافيه يعطيك الف عافيه حبيبي |
| جميع الأوقات بتوقيت GMT +3. الساعة الآن 08:09 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو