|
خبر مفرح جدا لمحبي الدرة في الامارات
السلام عليكم
اليوم رحت السوق وحصلت تتوقعون شوه؟ ( فرووووخ الدرة النيباليه ) اللي لونهم أخضر والذكر مطوق بلون أسود ومن النوع اللي يكون حجمه كبير غير عن الببغاء الأخضر البكستاني صغير الحجم المهم هذا معروف أنه يوم يكون كبير يتعلم يتكلم ويصفر .. وأنا خذيت لي جوز ^^ في منهم توه طالع له شوية ريش وفي منهم معدوم الريش لووووووووول كأنه دياي مسلوخ هههههههههههههههههههههههههههههه .. المهم لايفوتكم هذا النوع وايد حلو وخاصة مابيحتاج منكم تعلم انه يركب على اليد لان من هو صغير راح يتعلم يوم تحمله ولاراح تحتاج تعلمه بأنه مايعض لأن راح يعرفك وماراح يعض اكيد يوم يكبر ^^ فرصة لاتعوض:D وعلى فكرة في أكل خاص لهم مثل السيريلاك وراح تحتاج تشتري بيب من محل سمك وتشتري أبره كبيرة .. توضع البيب على مكان الابره ويتم ملئه لحد رقم 10 ( على حسب كلام الطبيب ) ويتم أطعامه 3 مرات فاليوم ( صباحا وعصرا وليلا ) ملاحظه : يتم خلط كميه قليله مع الماء وجعله مثل الزبادي يعني لاتخليه ثقيل وتعطيه واخر شي مايقدر يبلعه وله يوقف له فبلعومه لوووووووووووول جاااااااو:rolleyes: |
رد: خبر مفرح جدا لمحبي الدرة في الامارات
هلا والله وشكرا على الخبر الحلو واتوقع المقصود الدره النيبالية واذا هي صح فالنوع هذا احسن من الهندي عندي ذكر اليف لابعد الحدود ومتكلم جيد غير اللعب والرقص بعد بس ياليت نعرف اسعارهم على كم الزوج اذا المقصود بهذي فهي الدره النيبالي وهي الافضل http://www.palintefada.com/arabic//s...1435808363.jpg وهنا صورة لفروخ الدره النيبالية http://www.palintefada.com/arabic//s..._842979819.jpg وهذي الدره الهندية http://www.palintefada.com/arabic//s...1997457845.jpg والله يبارك لكم ويهنيكم باللي شريتوهم |
رد: خبر مفرح جدا لمحبي الدرة في الامارات
تسلمين اختي عالخبر الحلو بس لو تعطيني الاسعار يكون جيد ولو مااطعمتهم الصبح لاني بكون فالمدرسه فمشكله ولا حد من البيت يعرف شي للببغاوات
اقولكم باي بسير بشتريلي فرخ ذكر-_* |
رد: خبر مفرح جدا لمحبي الدرة في الامارات
مشكــــــــــــــــورة وما اتقصرين ع الخبر المفرح انا بجوف وبشتري واحد مثلة تسلمين ع الموضوع
|
رد: خبر مفرح جدا لمحبي الدرة في الامارات
السلام عليكم
للاسف ماوصلت للسعودية ... انا من اكثرمن سنه وانا ادور على فروخ الدرة الهندية... عسى الله ان ييسر لي ويرزقني منها.... تحياتي... |
رد: خبر مفرح جدا لمحبي الدرة في الامارات
كرا على الخبر الحلو و عندي فرخ نيبالي و يعض مالأختي الصغيرة وايد وايد وايد التعض أنا مالتي الهندية ما تعض و لا تسوي شيء و توقف على إيدي ما شاء الله عليها و للعلم هم الأثنتين بنات
|
رد: خبر مفرح جدا لمحبي الدرة في الامارات
مبروك عليكم يا اهل الإمارات عقبال السعودي أشاله
|
رد: خبر مفرح جدا لمحبي الدرة في الامارات
سووووري قصدي النيباليه مثل ماقال الكسيكو الدرة
اعذروني لان ماعرف اسمها الصحيح لووووول ..لكن المشكله مايبين من الذكر ومن الأنثى لانهم صغار وايد .. الواحد بـ350 وأنا من بعد ماطلعت عيني خذيت الواحد بـ320 وعلى فكرة صور الفروخ اللي أنت حاطنهم غير عن الموجودين بالسوق .. الموجودين بالسوق أصغر بوايد عندهم بعمر شهرين وعندهم بعمر شهر |
رد: خبر مفرح جدا لمحبي الدرة في الامارات
عقبال السعودية وباقي الدول الخليج ايجيبون لكم فروخ وتفرحونا بالخبر ^^
|
رد: خبر مفرح جدا لمحبي الدرة في الامارات
فعلا خبر جميل ومفرح فالدرة النيبالية من الطيور الجميلة جدا والوفية (ولا شرايك يالكسيكو الدرة) |
رد: خبر مفرح جدا لمحبي الدرة في الامارات
شكرا على المعلومات وماشاء الله اذا كان سعر الزوج يطلع ب 700 او 800 درهم اماراتي فالسعر حلو وخاصة انهم فروخ ونقدر نعلمهم الاساسيات من البداية عندنا في قطر الوحده توصل 1000 ريال = 1000درهم ويابوناصر انت ادرى باللي عندي وشفت اشلون متعلق فيني ويتكلم باقي يعطيك بوسه خخخخخ والصراحه بخصوص الوفاء وتعلقه فيني اول مرة اشوف مثله وهذا اللي مخلين يمافرط فيه لو كم يدفعون فيه بالنسبة لي مايقدر بثمن وله معزة خاصة |
رد: خبر مفرح جدا لمحبي الدرة في الامارات
من وين اشتريتهم من الاماراااااااااااااااااااااااااااااات وكم سعر النيبالي والدره الهنديه للانني بشتري انثى وذكر
|
رد: خبر مفرح جدا لمحبي الدرة في الامارات
من سوق الطيور فشارجة وسعر الواحد 350 ومايبين من الانثى ومن الذكر
|
رد: خبر مفرح جدا لمحبي الدرة في الامارات
مبروووووووك اختي الكريمة صاحبة وفاء وانشاء الله تتهنين فيهم ويتربون بعزك والله لا يحرمنا واياكم من الفروخ بجميع انواعها ابتدأ من الامازونيان وانتهاء بالدرر
|
رد: خبر مفرح جدا لمحبي الدرة في الامارات
السلام عليكم ورحمة الله
شكرا عزيزتي على هذاالخبر المفرح احنا عدنا في البيت طائر الدرة يعض لكن عض دلع ودمه وايد خفيف يصفر وينادي متوووووووه وهو على حسب شكله ذكر لكن اختي اذا تكرمتي ممكن اعرف بكم اشتريتي فرخ الدره ؟؟؟؟؟ لاني حابه اربي فروخ الدرة ::::::::::::: وشكرا،،،،،،،،،،،،،،،،،، تحياتي |
رد: خبر مفرح جدا لمحبي الدرة في الامارات
مشكوره اختي على هالخبر
لو اسير باجر تعتقدين بحصل ولا خلص |
| جميع الأوقات بتوقيت GMT +3. الساعة الآن 01:57 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو