|
أنا زعلانة
السلام عليكم جميعا
أنا أول مرة أكتب بهالقسم لأن ما كان عندي من قبل أي نوع من أنواع القوارض ولا الأرانب بس من 6 أيام ياني هدية أرنبتين وحدة بيضة ووحدة بنية وقالولي أعمارهم نفس الشي 4 شهور بس البنية حجمها أكبر من البيضة المهم البارحة كانوا ماشالله عليهم يتنططون ويلعبون وياكلون أما اليوم صحيت من النوم أبغى أشوفهم ولا البيضة ما كاينة تقوم تتنفس وقلبها يدق وعيونها ترمش بس مو كاينة تقوم , حملتها وحطيتها الأرض حاولت تقوم بس ما قدرت وأنا والله قلبي تقطع عليها وبلا شعور قعدت أبكي أخذتها الغرفة وصرت أحاول أشربها مي وأطعميها توت لأن تحبه وايد بس ماكانت تقوم ظلت قرابت النصف ساعة على هالحالة وكل شوي تحاول تقوم ما تقدر,, حتى صرخت مرة صوت قوي وطويل وبعدييه مرتين صغار وبؤبؤ عينها توسع عالآخر ورجع ضاق وماتت والله إنها من أسوء تجاربي مع الحيوانات وقلبي تقطع عليها مرة لدرجة إني ما عدت أبغى أربي الأرنبة الثانية وبردها للي يابها لي وتقولون ليش ما وديتها البيطري,, لأن اليطري كان مسكر عالضهر,, وطول الوقت كنت أكلم إلي يابلي إياهم وكان يخبرني شو أسوي بس ما قدرنا نعمل شي أنا مرة زعلانة علي صار والله إنها بكتني من كل قلبي أخاف أكون السبب,, http://up.arab-x.com/Apr11/75d79068.jpg ليش ماتت مارشميلوو شو الي صار؟؟ |
رد: أنا زعلانة
لا تزعلي
ان شاء الله ربنا يوعظك باحسن منها ان شاء الله الاخوان يفدونك بسسب موتها |
رد: أنا زعلانة
الله يعوضج انتي مو السبب لا تأنبين نفسج و الله عوضاج اب كيتنز حلوين
|
رد: أنا زعلانة
انا يوم اني صغيره كانوا اهلي جايبين ارانب حاطينهم في السطح ومره من المرات فجأه بالليل نسمع صراااخ كأنه صراخ آدمي .. قلنا بس هذي الشغاله صار لها شي .. يوم راحوا امي واخوي طلع الارنب يصرخ يمشي بيدينه بس ونصفه الآخر ورجوله الخلفيه كأنها ميته يسحبها وراه .. واي ارنب ثاني يلمسه يصرررخ .. لين امي رحمته وعطته السواق قالت له يذبحه .. بس للحين فيني فضول ايش فيه ؟؟:confused: << تفسيري الوحيد يوم اني صغيره ان داخله جني :D .. عشان لونه اسود :p
|
رد: أنا زعلانة
الله يعوضك وتعلمي من التجربه وحاولي تعرفي ايش السبب وايش الجديد الي سويتيه لهم
|
رد: أنا زعلانة
الله يعوضك يارب
لا تزعلين مو أنتي السبب ... ممكن أكلت شي متسمم أو شي زي كذا .. |
رد: أنا زعلانة
لاتزعلي مو انتي السبب يمكن اكلة شيء متسمم
والله يعوضك ياارب |
رد: أنا زعلانة
اول شىء كل شىء مقدر
ولكل اجل كتاب وكلنا راح نموت ثاني شىء لوكان في شىء يستحق الزعل والدموع لكان لدماء المسلمين التي تراق في كل مكان من العالم |
رد: أنا زعلانة
لا تزعللليين الله بيعوضك..
|
رد: أنا زعلانة
لا تزعلللـيين الله بيعوضك..
|
رد: أنا زعلانة
لا تزعلي ولا لاتلومي نفسك انتي سويتي كل شي لها ورعيتيها ولا ميتيها بالعكس انتي ساعتيها وحزنتي عليها فلا تلومي نفسك انا مثلك ذاك اليوم كان ارنب مايقدر يبلع ولا يتحرك متبنج به بنج مايتحرك وهو تقاطر سعابيله مايقدر يتحرك كان صغير صغير عمره شهر فجبت حليب ودليت ارضعه واطحن بسكوت وخبز واحطه مع الحليب
واشربه كان كل هالعنا لمدة 2اسبوع قلبي يرجف وانا بالمدرسه وكل يوم اوصخ نفسي من اجله واروح اذا خلصت اتسبح كنت احبه صغير ويرحم وكنت حاطته على اسفنج علشان ياخذ راحته بس وانا اشربه وجلشت ساعه احتري يشرب الي بفمه واناضر والمس قلبه لقيته ماااااااات فتحسفت عليه واتذكر ايامي معاه وذاك اليوم باسم حبيبي ارنوبي الغالي كانت امه سحر والته برى وكبرو وكبر وجاه شي وقالو الاعضاء انه عنده نقص بالاملاح والكالسوم وحزنه كنت اعامله مثل الي قبله الي مات وكنت اطحن له واتوسخ علشانه بس كنت مره احس بوجعه ومات بيدي حسافه بس انتي لا تلومي نفسك على الي صار انتي سويتي كل الي قدرتي عليه وفرتي كل شي يوم القامه الله بجازيك على عملك الحسن انك ساعتي بهيمه وتشهدلك الارض والاشجار وكل شي انك سويتي شي حسن وانا بعد مثلك يصير هالحاله اخاف واهاوش وافارق وبر بسبب دججاج لاحقه ودخلت رجله ببحديده بس انكسرت رجله وماات انا افارق وكل الاعضاء يفارق حيوانات البهايم مثل: وبر . هامستر .ارنب . طيور . حصان . كلب اكيد راح تتحسفين على فراقه |
رد: أنا زعلانة
مشكورين جميعا والله أنكم ما قصرتوا
حيواناتي أحبك توتو صمت الحزن ms. hamstrh لوسي the gray لؤلؤه المحيط,, الله يخليكم على هالكلام اللي بيرفع المعنويات تسلمون فطووووم والله عورتيلي قلبي على هالقصة ,, يمكن انشل من عضة حيوان ولا قرصة شي!! سبحان الله الأرانب يقلك ما تعرفين عليه إذا كان مريض وحساسة عشان شي ما نعرف شو الي صار فيها حياتي بسبوسة والله ان القصص الي خبرتيني ياها هونت علي,, والله يجزاك الخير على أفعالك الحلوة وان شالله الله جميعا يعوضنا بلي فقدناهم بس أنا ما قدرت اخلي كراميل عندي اختها لمارشميلو ووديتها لعند الي يابلي ياها يربيلي غياها أخاف تموت إهي الثانية وانا ما أتحمل أشوفها تتعذب كمان هذي |
رد: أنا زعلانة
اللـــــــــــه يعوضك
|
رد: أنا زعلانة
الله يعوضك
|
رد: أنا زعلانة
معوضين خير بإذن الله
|
رد: أنا زعلانة
بالصيف حطه بالغرفه وولع لها المكيف وحط كرتون به تراب ومويا الطعام يكون متوفر
بس شوف \ي اذا كانت وحيده ودها ولا جب وحده لها علشان ماتموت من الوحده والملل الخضره والفاكهه بالاسبوع مرتين بس علشان الاسهال |
رد: أنا زعلانة
نفس الي يصير حق ارانبي << في السابق طبعاً
يستلقون على الارض ويتنفسون بسرعة ويصرخون صرخة ويموتون:mad: ولاكن بعد مامات كم ارنب بلطريقة السابقة وفي يوم من الايام لقيت ارنبي عنده نفس الحاله:eek: مستلقي على ارض القفص ويتنفس بسرعة:wao: واول مارجع ابوي من العمل على طوووووووووووووووووووووووول خذينا الارنب ووديناه البيطري :cool: عطاه ابره على اليمين وابرة على اليسار يقول مغذي وقالي:confused: ما باخذ منك نقود لان الارنب 90% بيموت:angry: طيب خذينا الارنب وحطيناه في السياره:) واحنا في طريقنا الى البيت الى كل شوي الارنب يوقف ومارجعنا الى البيت والا الارنب تمام التمام:D وعقب مدة بعناه:( والله يعوضك وآسف على الاطاله |
رد: أنا زعلانة
ما تزعلى اختى ربنا يعوضك باحسن منه و الذنب مو ذنبك يمكن اكل شىء سام و ربنا يعوضك
|
رد: أنا زعلانة
هذاي ارانب صغيرة 2 او 3 اسبابيع مو 4 شهور
وبهذا العمر تحتاج عانية خاصة افضل شي تجبين من عمر شهرين فوق وبالتـوفيق .. |
رد: أنا زعلانة
لا تزعلين ترى الأرانب حساسة وبعدين يمكن تكون أكلت أي شيء مسمم من الأرض أو التوت كان متوسخ وعليه كيماويات مو إنتي ا للي جيتي وعضيتيها وخليتيها تموت ربك مقدر إنها تموت في هالحظة بسبب معين المهم أنصحك تجيبي واحدة ثانيه وتطعميها من التممم الدموي والجرب وتسوليها تحصينات وتعتني فيها والله إنشاء الله بيباركلك فيها يالله الله يعوضك فيها خير
|
| جميع الأوقات بتوقيت GMT +3. الساعة الآن 04:00 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو