مساعدة ^_^
 

السلام عليكم
1-من كم يوم جبت سمكة جديدة (يلي لونها احمر) حابب اعرف اسمه؟
2-من لما جبت السمكة ما اكلت ودائما متخبية وراء الفلتر؟
3- عندي سمكة بيضا كمان مابعرف اسمها؟ (ياريت تعطوني اسمها ) من لما شافت السمكة البيضا السمكة الجديدة وهي عم تلحقا وتعضها ؟
4-سألت البياع قلي انو السمكة البيضا سمكة نهرية ولازم شيلها من الحوض لانو رح تاكل كل السمكات (صح او خطا)(يعني شيلها او لا )؟
http://www.2zoo.com/vb/picture.php?p...919989&thumb=1
http://www.2zoo.com/vb/picture.php?p...919989&thumb=1

رد: مساعدة ^_^
 

لا تشيلها حبيب هاي البيضا بس إسمها ثري سبوت جورامي و الحمرا ها إسمها درواف جورامي و الأولى مشاكسة مع غيرها من الأصناف و بني جنسها و تعتبر شبه شرسة ذلك حسب التصنيف الدراسات لها و يفضل بيع الأولى و تربي الثانية مع أشقائها أو مع البيرل جورامي

three Spotted gurami
drawf gurami
pearl gurami

و مع التعويد بتاكل بس تهدا عنها الأولى لأنها بتخاف منها

موفق في التربية

رد: مساعدة ^_^
 

عفوا دكتور خالد
يعني اذا تركت ثري سبوت جورامي ممكن تتعايش معها تاني سمكه وتتعود على وجودها
ولا لأ

رد: مساعدة ^_^
 

ليش إنته شو كمان عندك غير هالسمكتين؟
إذا مافي حدا غيرهم جبلك شي 3-4 وحدات من جورامي القزم و بهيك بتزبط معك إن شاء الله

رد: مساعدة ^_^
 

شكرا لالك دكتور خالد عم عزبك معي
عندي 5 انجل(هدول اكتر شي حبيتن ) +سمكتين جولدن+سمكتين(بسوريا منقلهن بلديات) مافيهن شي مميز شكلن مغزلي عادي +وحدة يمكن اسمها تايغر بنية

ومخططة اسود وزعانغها برتقالي (حاطط صورتها) +وحدة كمان مابعرف اسمها بس ملونة بنفسجي من فوق (حاطط صورتها)+ووحدة زهرية كتير صغيرة

(موجودة باعلى الصورة)+2 زبال+1ثري سبوت جرامي +1دوراف جورامي
يمكن هل انواع ما بتتوافق مع بعضها ما بعرف وكنت عم فكر شيل الغولدن والبلديات (بس هنن هدية من والدي وترددت ) شو رأيك لازم شيلن؟
تاني شي والله مافهمت شيل الثري سبوت جورامي ولا لا؟
سوال تاني الحوض عندي طلوله 37 وعرضه 20 مناسب ولا لأ؟
وما عندي سخان للمي بيمشي الحال بلاه ولا ضروري جيب ؟ خصوصي انو بصير عنا برد كتير
والف شكر لالك دكتور ولهل منتدى الرائع
http://www.2zoo.com/vb/picture.php?p...967885&thumb=1
http://www.2zoo.com/vb/picture.php?p...967885&thumb=1

رد: مساعدة ^_^
 

لك يستر بيتك كبر الصور ليش هيك ممصوخة

رد: مساعدة ^_^
 

شو مقاسات الحوض طول * عرض * إرتفاع
لأنه ع عد الأنواع عند 16 سمكة في حوض أتوقعه صغير!!!!
و صورة واضحة الله يرضى عليك للحوض كامل !

رد: مساعدة ^_^
 

المهم لحد الأن أنت تملك زبال و أنجل و جولد فيش و غلاس فيش و تايغر بارب هذا الواضح من الصور

الجولد بدك تتخلص منهم و قول لأبوك معلش بس هالشلة ما بتواي السمك بس حوضك كنو ضيق و السمك فوق طاقته!!!!
و كما الأنجل بدك تبيعهم و تجيب 4-5 تترا و كمان 3 تايغر بارب هيك بتقلل الأحجام الكبيرة و بتزبط الحالة هذا الإقتراح المبدئي

رد: مساعدة ^_^
 

اوكي كبرت الصور السابقة
وحطيت صورة للحوض كامل
بس يمكن اذا قمت الغولدن والبلديات بصير الحوض مناسب لانو الباقيات كلن صغار
وبصراحة انا حابب احتفظ بالانجل (كتير حبيتن)
طول الحوض 37 سم وعرضه 20 سم وارتفاعه 30 سم
وكمان شو مشان السخان
والثري سبوت جورامي
http://www.2zoo.com/vb/picture.php?a...pictureid=9027
http://www.2zoo.com/vb/picture.php?a...pictureid=9026
http://www.2zoo.com/vb/picture.php?a...pictureid=9028

رد: مساعدة ^_^
 

حرام عليك كتير ضيق الحوض عليهم حتى الأنجل بدو حوض أكبر من هيك بالزور بتعيش معك 2 أنجل و 1 زبال
و الفلتر كبير كتير عليه
و السخان أكيد جاية الشتى و بدك حرارة ثابتة 25-27
يعني عدد السماك عندك بدون الجولد بدهم حوض قياس 80*40*40 مشان تقول والله أخادين راحتهم
و البحص من وين جيتوا هادا كمان ..... يا عيني ما بنفع بدك بحص صغير أو حجارة صوان ناعمة كنان بمشي

يعني و لا تواخذني حبيب حوضك فايت بالحيط و معجوق تقول علبة كبريت

رد: مساعدة ^_^
 

اسف دكتو خالد ما حسنت ابعت رسالة لانو ما عندي مشاركات كافية
اوكي انا من مدينة ادلب وبتعرف انا مدينة صغيرة ومافيها هديك الامكانيات والوعي بالاسماك
يعني البياع ذات نفسو ماعم يعرف شو اسم السمكة يلي عم يبيعها
ومشان الحوض بصراحة صار معي احباط خصوصي اني حبيت السمكات كتير
شو اعمل ؟

رد: مساعدة ^_^
 

طيب بسيطة أول شي بيع الجولد كلها و جيب سخان وسط و روح عند قزاز و قله فصلي حوض 80*40*40 و يكون له غطاء و ما يغطي الحوض كله يعني يترك شي 2-3 سم من قدام و ورا
و جيب حصى منيحة مو هاي و الفلتر عندك قديش مكتوب عليه كم لتر في الساعة؟

رد: مساعدة ^_^
 

اوكي لفلتر 1500 L/H
طيب لسخان غالي ولا شي لانو صار لحوض مكلفني شي 3000 ل س
وحاسس انو البياع عم يعمل فيني صفقه لعمر
ولحصا كيف بتكون منيحه؟

رد: مساعدة ^_^
 

3000 ليرة؟ ليش !!!
بتعرف فلترك بكفي لحوض قياس 80*40*40 و بكل راحة
و اذا حابب إنزل ع حلب و إتبضع مو بس بإدلب حصى شبه ناعمة تكوت ممتازة لك إذا بتعرف الصوان بس ع موديل ناعم و إذا ما بدك تروح حلب روح عند قزاز و فصل قديش بكلف الحوض و روح تحاسب مع البياع شو 3000 ما 3000

رد: مساعدة ^_^
 

ماشي دكتور خالد الله يعطيك الف عافية عذبتك معي
رح اعطي الغولد والثري سبوت جورامي لرفيقي وغير الحوض والجرش وجيب سخان
مشكووووور كتير
ماقصرت

رد: مساعدة ^_^
 

بنصحك قبل ما تشتري تشوف القزاز إذا سعره أقل من الجاهز لا فصله و سماكه 6 ملم هه و ثري سبوت جورامي إذا بتجيب 3 لاخر من الدرواف ما بيصير شي معها عادي بس كون الجولد ما بتلائم و الحوض جيب الكبير و بحص منيح بعدين بيع القديم و موفق بالتربية حبيب

رد: مساعدة ^_^
 

ماشي الف شكر
وبقلك شو بصير معي

رد: مساعدة ^_^
 

موفق إن شاء الله

رد: مساعدة ^_^
 

السلام عليكم
اشتريت سخان 200w
وركيتو بس اشغل الصبح دقيقة وحدة وفصل
ولهلق ما اشتغل مرة تانية مع انة المي مو كتير دافية
ولما طا لعتو من المي ونشفتو وشغلتو شتغل بس بالمي لا
معقول يكون لحساس تبع درجات الحرارة محروق ولا هو هيك بيشتغل
مع العلم اني مركبو مايل مو قائم

رد: مساعدة ^_^
 

مو شرط هوه بعتمد على درجة الحرارة الوسط المحيط
و بعدين لا تنسى الجو لساتو دافي يعني ما كتير بشتغل طول بالك و شوفه في الشتى من قلب و رب رح يشتغل ههههه

رد: مساعدة ^_^
 

السلام عليكم
سوايت كل التغيرات
شلت الجولدن والثري سبوت جورامي
جبت حوض كبيروسخان وغيرت الحصى
بس عندي سوالين جدد:
1-الدوراف جورامي لسعتها خايفة وما عم تاكل بعدين هي كان الها متل شعرتين طوال ببديات جسمها متل الايدين في وحدة اكلتها الثري سبوت جرامي قبل ما شيلها
(يعني صفى للدوراف جورامي بس وحدة من هدول الشعرات
مابعرف شو ساويلها
بعدين لازم جبلها وحدة تانية دوراف ولا بتعيش لحالها
2- مشان الانجل هنن نشيطات وبياكلو بشراه بس عم تروح الخطوط السودة عليهم ليش ؟؟؟؟
وشكرا جزيلا

رد: مساعدة ^_^
 

سوال تاني ممكن حط جوبي كمان مع يلي عندي

رد: مساعدة ^_^
 

ممكن تضيف جوبي مافي مشكلة
الدرواف جورامي قلتلك إجعلهم 3-4 مافي مشكلة
و مافيك تساوي شي لفقدان شعيرة الأحساس
و الأنجل ألوانه مزاجية تذهب و تأتي و تدل على إحساس السمكة بالتوتر أو بالراحة :)

رد: مساعدة ^_^
 

شكرا دكتور خالد
يعطيك الف عافية
ما قصرت ابدا
^_^

رد: مساعدة ^_^
 

الله يعافيلي قلبك حبيب

رد: مساعدة ^_^
 

بس مشان الجورامي
معقول الاكل يلي عندي مو عاجبها
لانو صايرة متل التمثال بيضرب فيها الاكل وما بتفكر تاكلو
مع العلم انو عندي 3 انواع اكل :1-مربعات سود بيغرقو لتحت
2-كرات صغار حمر وخضر بطوفو
3-رقائق خاصة للانجل بتجي بعلبة صغيرةومرسوم عليها صورة سمكة انجل
وانا كل يوم بحط من ل3 انواع مرتين الصبح والمسا
واسف كتير على كترة اسألتي

رد: مساعدة ^_^
 

ومشان الجوبي كيف اعرف الذكر من الانثى ؟؟؟

رد: مساعدة ^_^
 

ذكر الجوبي ذيلة و الزعنفة الظهرية طويل في حين الأنثى تراها أكبر من الذكر و الزعانف قصيرة و الذكر الزعانف البطنية متخورة لتصبح على شكل القضيب او الدبوس....

إطعام السماك مرة صباحاً و أخرى مساء فقط

قد تكون حجلة أطعهما الرقائق أو المكعبات و إتركهم لوحدوا يأكلوا و لا تراقب السماك

رد: مساعدة ^_^
 

جبت وحدة تانية جوررامي كتير نشيطة وبتاكل بسرعة مو متل يلي قبلها
وجبت كمان 2 جوبي ذكر وانثى
منيح هيك ؟

رد: مساعدة ^_^
 

خليهم 3-4 اناث و ذكر واحد افضل بلا ما تهرب منه الأنثى لوحدها

رد: مساعدة ^_^
 

اوكي ماشي
مشكووووووور

رد: مساعدة ^_^
 

اهلين حبيب

رد: مساعدة ^_^
 

دكتور خالد
اول شي بحب اشكرك على ذوقك ولطفك معي
وتتعاونك لكبير كأنك اخ لالي
تاني شي انا اسف كتير لاني كذبت عليك بشغلة انا فعلا ساويت كل التغيرات يلي طلبتها انت عدا تغير واحد وهو تكبير لحوض وبصراحة انا كذبت مشان ما قلك انو ما معي كبر لحوض خصوصي اني طالب جامعة ومصاريفي كتار
بس انت فاجأتني بطلب لصورة
وكان لازم اعترف
بجوز تقلي طالما لنت موقد مصاريف السمك لشو لتفوت هل فوته؟؟؟؟؟؟
بصراحة انا ما بربي سمك متل ما بعملو كتير من الناس (للزينة و البروظة)
انا بربي السمك لاني كتير بحبن وبعتبرن متل رفقاتي اذا مو متل اهلي
بجوز يكن هيك غلط
بس انا هيك بفكر
اسف دكتور خالد انت كتير كنت منيح معي
بس اكيد الحق علي
ماتزعل مني كذبت بس غصب عني

رد: مساعدة ^_^
 

ههه الله يسامحك و لا تتعود هل العادة :)
أخي دخليك مصاريف شو و طالب جامعة يعني بعرف يا مصاريف مواصلات يا إنو حق الكتب و نوطات تبعت الجامعة و الله برزقنا و يرزقك طيب ما سألت القزاز قديش بكلف الحوض؟ شغلة 60*40*40؟ و سعر حوضك اذا بدك تبيعوا لصاحب سمك يا أخي اذا الفرقية مو كبيرة ربك بعوضك
بس هلأ قديش صار عندك سمك و أنواعها لأنو حوض ما بتحمل كتير سمك

رد: مساعدة ^_^
 

اوكي
الحوض 40 *40*80
طلع بكلف شي 900 ليرة
الحوض هلا في 2 جورامي +2جوبي +5انجل + 2 زبال +وحدة تايغر بارب + وحدة يمكن غلاس فبش
بس انا حاسسهن مرتاحات كتير ومبسوطات
الجورامي القديمة صارت تاكل ونشيطة لما شافت لجديدة

رد: مساعدة ^_^
 

طيب افصل حوضك عند بياع السمك إذا واقف يشتريه منك بقريب السعر و تدفع الكمالة منك بيكون ممتاز يا أخي قلك خليه 60*40/40 كمان حلو و إنته شوف دوبارة الشغلة يعني تلبيس طرابيش حبيب

رد: مساعدة ^_^
 

اوكي ماشي بشوفو اذا بيقبل