تشنج في الببغاء الرمادي :(
 

السلام عليكم ورحمة الله وبركاته

كيفكم يا اعضاء تو زوو

ان شاء الله كلو تمام ^^

باحكيكم قصة البغبغان دا من الاول للاخر

طبعا هوه لما اشتريتو قالي الرجال انو اندنوسي

هوه من البغبغانات الرماديه

وقال انو يصفر ولساتو صغير ع الكلام

ومره خوااااف

وانتبهت اول ما اشتريتو انو بؤبؤ عينو اليسار زي الي مقروط

ومره خواف لو دحينه قرابة 8 شهور عندي

ومايشوف احد قريب من القفص الا يصرخ ويشرد

واحيانا ينزل في القفص تحت وياخدلو ركن

كانو احد يبغى يضربو

حتى لما احطلو اكل غير الفصفص الاسود حقو

يتضارب ويتصارخ مع الاكل

الموهيم قريت في موضوع انو عشان يتعود عالبيت وع الناس لازم ياخدلو فتره

بس انو نتجاهلو الين يتعود

وبالفعل محد يجي يوقف عندو الا ابعدو

عشان لايزعل

مع العلم انو مع الاطفال عااااااااتي

ويصفر لما يشوفهم

ولا يحاول يعضهم حتى

استمر على دا الوضع قرابة 8 شهور

الين قبل يومين بطل يصفر مره

وامس لقيتو في الصباح طايح على ضهرو وجسمو زي المتشنج

ومايحرك الا عينو

جلست اكلمو ويطالع فيه

وبؤ بؤ عينو سار نقطه

وسار شويه شويه يقوم

حرك راسو اول شي

وبعدين سار يحرك جسمو حبه حبه

الين قام وطلع الخشبه حقتو وعادي

خرجتو في الحوش قلت خليه يشم هوا

وخرجت معاه البغبغان الامزوني قلت يونسو كمان

الين الضهر دخلتو البيت

وكان وضعو مستقر

الين فجر اليوم رجع نفس الشي طاح نفس الطيحه

ولما بعدت عن القفص عض القفص وسار يصررررررخ بصوووتووو

انا انفجعت لانو مو متعلق فيه مره

لانو بيتنا ماشاء الله فيه حركه كتييييير

ونفس الشي شويه شويه سار يقوم

الين وقف ع رجلو بس اجنحتو طااايحه

وكل شويه راسو يترنح

زي الي دايخ ومافيه حيل

وبعدها كمان باربعه ساعات صرررخ فجأه وطاح عضهرو

ودي المره متشنج سار بزياااده

واجنحتو مفروده ع الاخر ويصرخ زي الي يتألم من شي

خرجتو الحوش سكت

وقام شويه شويه ورجع محلو

بس مره ساير خااااااااايف اكتر من اول

لما من بعيد بس امر يصرخ وينفش نفسو

مني عارفه ايش اسوي معاه :(

ما ابغاه يموت

هوه الي مسوي حركه في البيت واصوات وكده

وهوه الي بيعلم الامزوني اصوات

في ناس يقولو انو من الوحده سار كده لانو محد بيلعبو

هل ممكن تسوي الوحده فيه كده ؟؟


ياريت اصحاب الخبره يفيدوووني

لاني خايفه كمان يكون مريض ويعدي الامزوني :(

رد: تشنج في الببغاء الرمادي :(
 

الله المستعان انا اول مره اسمع بالحاله هذه صراحه شيء غريب بس لو امكن تنزل فيديو له يكون افضل وان شاء الله الكل راح يساعدك

رد: تشنج في الببغاء الرمادي :(
 

اوكي

ازا سارت الحاله دي مره تانيه

حاصورو وانزل الفيديو

رد: تشنج في الببغاء الرمادي :(
 

اوكي

ازا سارت الحاله دي مره تانيه

حاصورو وانزل الفيديو

رد: تشنج في الببغاء الرمادي :(
 

رد: تشنج في الببغاء الرمادي :(
 

رد: تشنج في الببغاء الرمادي :(
 

اخووي البادجي الاحمر

هوه صحيح على ضهرو

بس مو نفس الحاله دي

لانو الي عندي اصابعو تتربط

ورجولو مشنجه لتحت

واجنحتو مرميه

ولما يحاول يقوم تشوف اجنحتو زي الي مو قادر يتحكم فيها حتى لما يقلب يقلب عليها

وبرضو لما يحاول يقوم رجولو مرميه

يحرك نفسو بمنقارو

ويجعر لما يخاف :D

بس سوري ماعندي خبره في الطيور ولا في المصطلحات دي :$


واخوي كاسكووووو

لا والله مابنديه الا الفصفص الاسود ومو مملح ولاشي

اصلا مايرضى ياكل غيرو

رد: تشنج في الببغاء الرمادي :(
 

رد: تشنج في الببغاء الرمادي :(
 

لا بس الي عندي يطيح فجأه كده

يطيح يطيح بقوه

نكون بعيد نجي نجري على صوت الطيحه في القفص

وصوتو وهوه يصرخ لما يطيح

مدري والله احاول اشوف نسليه وزي كده

وبنوديه عند خبير يشوف حالتو

لانو رافض ياكل دحينه

بالاقي الفصفص مقشر ومرمي في ارضية القفص



واخوي بس سؤال

مو خطير لو سويت زي الي في الفيديو

اخاف ينط ولا يطير في وجهي

وعاد بنت يشوهني اجلس ابكي ليل نهار

وينفع اروض الامزوني بنفس الاسلوب ؟؟

رد: تشنج في الببغاء الرمادي :(
 

اخوي دوبي سالت امي

طلعت بتديه لوز سوداني مملح :D

بس ليش ؟؟ ايش بيضر يعني ؟؟

وممكن يكون منو ؟؟

رد: تشنج في الببغاء الرمادي :(
 

معقوله محد قيد مرت عليه دي الحاله :(

امس وديتو عند بيطري

قال عندو نزله معويه حاده

وادانا دوا

بس المشكله انو معد ياكل ولا يشرب

يطيح ويرجع يقوم

وحاليا لو ساعه طايح على بطنو ومو راضي يقوم

شكلو بيودع خلاص :(

صورتو فيديو

وباحاول انزلو بس النت جدا ما يساعد

:(

رد: تشنج في الببغاء الرمادي :(
 

اختي تلاحقيه وديه لدكتور فاااهم
انا ببغائي الغيني فجاة بدون اي شي كان يترنح بلقفص ويقفل عيونه ولا ياكل ولا يشرب
ووديته الصباح لدكتور عطاني علاج للاسهال لانه كان عنده اسهال
وتخيلي المغرب طاح بالقفص حسبته ماااات اثاريه باقي حي وجلس بعدها ساعه وطاح وكانت نهايته ومااات

رد: تشنج في الببغاء الرمادي :(
 

هدا زي كده :(

عندو اسهال

ويستفرغ

ومو راضي ياكل ابدا

ولا يشرب

ويدوخ ويطيح

ويادووب شايل نفسو

دحينه امي بتشربو بنفسها وبيشرب من الدوا

بس ما ياكل ابدا :(

رد: تشنج في الببغاء الرمادي :(
 

والله وضع صعب :(

طيب ليه ماتاخذيه البيطري ثاني والا كلمي اسالي عن حاله واللي فيه بيساعدك ايش تسوين معه

وطمنينا عليه وش يصير معك وان شاء الله يتعافى

رد: تشنج في الببغاء الرمادي :(
 

الله يشفيه يارب .. : (

رد: تشنج في الببغاء الرمادي :(
 

اختي الله يشفيه لكي

بس بدلك على شي اطحني بصل وحطيه في الماء تبعه اذا رفض اسقيه بنفسك

ولازم لازم تودينه بيطري قوليله خليه عندك لين يشفى شوف حالتو عشان يعين حالته لازم ياخذه معه

رد: تشنج في الببغاء الرمادي :(
 

خلاص مات امس :(

موته تبكي

بعد ماكان شرس معانا

ع اخر يومين سار يخلينا نمسكو ونشربو وحتى نشيلو من التعب مسكين


الله يغفرلنا ازا كان مات من اهمال :(

رد: تشنج في الببغاء الرمادي :(
 

والله شي يحزن ويبكي :( :(

شي صعب انه يعاني عندك بس معوضه خير ان شاء الله

رد: تشنج في الببغاء الرمادي :(
 

.


الله يعينكم ،
يلا عقبال ما تشترون ثاني و يوالف عليكم و يحبكم و تكسبون فيه اجر

رد: تشنج في الببغاء الرمادي :(
 

الحاله هذي صحيحه وانا الببغاء حقي تجيه الحاله هذي بعد وقوعه من الستند
كانو بيموت وفجئه صحي ولاكن اعاني من عدم اكله فهو هزيل جدا ولا يأكل ابدا

ارجو منكم الحل اذا فيه احد له خبره

رد: تشنج في الببغاء الرمادي :(
 

لا حول ولا قوة الا بالله الله يعوضك باحسن منه
التشنج للطيور يسببه النقص الحاد في مجموعة فتامينات ( B )

رد: تشنج في الببغاء الرمادي :(
 

الي معه نفس الحاله يدخل اليوتيوب ويدور تصفيرات كاسكو ,, ويرفع القفص عالي ويشغل التصفيرات ويحطه لوزه

ويكون في مكان زاوريه وراح يرتاح للمكان بسرعه ـ كان ببغائي نفس حالت الاخت والحين اذا شافني طار لي

رد: تشنج في الببغاء الرمادي :(
 

اخوي لا تعطيه فلفل زياده اقطعه عنه لو انك تعطيه عطه ليمون وخضار وفوكه مثل الموز والتفاح عطه اشياء تهدي اعصابه ما تنشطه وشف حالته