|
ياجماعة سؤال عالسريع...هل هذا يأكل هذا؟؟
السلام عليكم ورحمة الله وبركاته كل عام والجميع بألف خير وتقبل الله طاعاتكم اليوم كنت بالسوق اشتريت زوجين من السمك وهدول هنن http://www.2zoo.org/get-9-2010-2zoo_org_zfiejfm7.JPG http://www.2zoo.org/get-9-2010-2zoo_org_od2p93at.JPG وهنن زوج ببغاء حجمه صغير يناسب حوض أسماكي وزوج على ما أظن سيكلد نسيت شو اسمه:confused:وحجمه صغير وفي عندي هالسمكة الغلاس الصغنونة http://www.2zoo.org/get-9-2010-2zoo_org_1wvsxi8u.JPG والى الآن ما نزلت السمكات الجدد على الحوض لأن خايف ياكلوها مع اني تأكدت من البائع قبل ما اشتري وقلي على مسؤوليته ما بيئذوها بس ما بعرف ليش قلبي مو مطمن قلت لأسأل الخبراء فشو رأيكن؟؟؟ من فضلكن ....;) أرجو الرد السريع لأن الأسماك عم تنتظر بالكيس وناوي بهالربع ساعة نزلهن واحجز الغلاس لبين ما اتأكد إنو ما عليها خطر سلام |
رد: ياجماعة سؤال عالسريع...هل هذا يأكل هذا؟؟
إعزلها أو إستبدلها فليس لها عمر مديد معهم :)
|
رد: ياجماعة سؤال عالسريع...هل هذا يأكل هذا؟؟
شكرا أخي دكتور خالد
هلأ نزلتهن على الحوض وجهزت الحضانة لاعزلها فيه بس لاحظت انهن لهلأ ما قربوا عليها أبدا وبدأت كل واحدة تبحث عن مخبأ لها والرامبو شارك الي عندي جن جنونها لأن جبتلها رفقات جدد وماتركت حدا ما هجمت عليه حتى السمك القديم اللي متعودة عليه بس حفظت انو هيك طبعها كل مرة بنزل سمك جديد بتهجم عليه وما بتحبه وبتبقى يومين على هالحالة وبعدين بتهدى وبتتعود... بس في أمر زعجني أنو الببغاء البرتقالية وهي من النوع الذي لا ذيل له لاحظت في اهتراء بزعانفها وضرب على جانب جسمها وسباحتها غير متوازنة ولاحظت أمر السباحة عند البائع فقلي أنو كل هذا النوع هيك سباحته لأن ماعنده ذنب هاد غير شكل غلاصمها الذي يفتح زيادة عن اللزوم وأنا غير معتاد على هالمنظر مع العلم أنو هي أول مرة بقتني هالنوعين بتاريخ تربيتي للسمك فادعو لي بالتوفيق وانصحوني من خبرتكن فيهن... سلام |
رد: ياجماعة سؤال عالسريع...هل هذا يأكل هذا؟؟
أخي الرينوبو شارك بعمرو ما رح يوقف فهو مقاتل شرس و صاحب نفوذ و ما بحب حدا يقرب على منطقته حتى لو كانوا فصيلته .....
أما السمكة الزجاجية مو شرط يبلش الضرب فيها طول بالك لياخد السمك على الحوض و بعدها شوف الخناقات ... و الباروت مقصوص الذيل هذه أحد أنواع التعديل و التعذيب للأسماك حيث يتم قص الذيل بطريقة الكوي و لا أجدها طفرة فقد شاهدتها في جولاتي لمحلات الأسماك و تمحصتها بس للأسف طريقة القص للذيل بالكوي كما هو حال السمكة الزجاجية المحقونة بالمادة الفسفورية الخضراء..... و لن تعيش طويلاً صديقي إذهب و إستبدلها حالاً بالسيكليد و السمكة الزجاجية و لمعلومك السكيليد يعيس لوحده حتى لا ينصح بدمج الأمريكي مع الإفريقي :) |
رد: ياجماعة سؤال عالسريع...هل هذا يأكل هذا؟؟
بس دخلك ممكن صورة الحوض و شو أنواع السمك إللي عندك قبل ما تلبش تستضيف السيكليد؟
|
رد: ياجماعة سؤال عالسريع...هل هذا يأكل هذا؟؟
شكرا أخي عذبتك معي وبالفعل هلأ قررت أني بدل الباروت المقصوص الذيل بواحدة سيكلد مخططة لأن كتير حبيتها وبعدين رفيقتها اللي من نوعها عم تضربها وهي صورة الحوض كامل http://www.2zoo.org/get-9-2010-2zoo_org_g2e7jrbg.jpg والأنواع اللي عندي بيلكوكبيرة(صلو على النبي ) ورامبو شارك http://www.2zoo.org/get-9-2010-2zoo_org_t5txk3gs.jpg وتنتين كلون لوتش وواحدة غلاس متأقلمة مع الحوض بشكل ممتاز والحمدلله من شان هيك خايف كون جنيت عليها بشروة هالزوجين من الأسماك واربع أسماك جديدة تم ذكرها مسبقا أما الباروت التي تكلمت عنها فهلأ اختبأت بهذا الشكل وراء الديكور http://www.2zoo.org/get-9-2010-2zoo_org_iwcugs0p.jpg ويمكن الضرب واهتراء الزعنفة واضح في الصورة وأخيرا شكرا سلفا على اهتمامكم اللطيف سلام |
رد: ياجماعة سؤال عالسريع...هل هذا يأكل هذا؟؟
طيب مافي مشكلة ولو :)
إيه هلأ بدك تكثر من الفخارات شي 4-5 مشان القادمين الجدد و الغلاس فيش و الباروت تعطيهم تذكرة ذهاب بلا عودة. و إستقبال السيكليد أما الرينبو شارك خليه إسبوعين في حين تأقلم مع السيكليد (نسبة النجاح 50%) كان بها؛رغم إذا صار في تزاوج ما أظنه يتحمل العقبات ؛ وإذا لم يتأقلم بدله :) و جيب سيكليد من نفس العائلة... و موفق بالتربية..... و فيك تلصق الفخارات فوق بعضها بالسيليكون أو أنك توزعها على ذوق. |
رد: ياجماعة سؤال عالسريع...هل هذا يأكل هذا؟؟
أو أنك تحضر صخور مسطحة الشكل تراكمها فوق بعضها لتعمل كهوف متسلسلة :) و يمكن دمج الفخار مع الصخور.
لأ الباروت كامل يستبدل. |
رد: ياجماعة سؤال عالسريع...هل هذا يأكل هذا؟؟
طيب ما فيني احتفظ بالباروت حتى لو تأقلمت
لأن السيكيلد كتير صغار والحوض عندي ناقصه سمكة من حجم الباروت خصوصا اللي زعانفها سودا كتير لقيتها مناسبة للحوض ولو انها حاليا احتلت المنطقة فوق الفلتر وما عد مبينة كتير وسط الحوض وكل ما حدا قرب من موقعها عم تبعده خصوصا أنو ما حدا عم يقرب عليها غير الرامبو بس هي طلعت قدها وقدود وقدرت اتدافع عن حالها أما السيكلد والباروت فما لاحظت مواجهات بيناتهم أبدا وكأن ما في وجود للآخر بالنسبة للأول بس في شوية مناوشات طفيفة بين الباروت والهارت باروت لأن تنيناتهن حب نفس المنطقة وعم يسبحوا فيها من شوي طعميتهن حب قريدس ولاحظت أنو طريقة أكلهن سريعة جدا فرقتهن جدا عن الأنواع اللي ربيتها مسبقا وخصوصا السيكيلد كتير كتير كتير شرهة وما خلت ولا حبة تلحق تنزل على الأرض وحشت تمها لدرجة ماعد وسع رغم انها كانت عم تحاول تاكل حب كمان بس ما قدرت ... بس بصراحة خفت يصيرلها شي من هالشراهة و وقفت اطعامهن رغم اني استمتعت بمنظرهن كتير وأنا ماكترت أكل بس هي لأن حجمها صغير بالمناسبة السيكلد المخططة لأي درجة بيصل حجمها ؟؟ وآسف على الاطالة بس دائما يلي بيشتري سمك جديد بكون متحمس وبحب يحكي عنه... سلام |
رد: ياجماعة سؤال عالسريع...هل هذا يأكل هذا؟؟
:) ما مشكلة تكرم بس لأنو النزاعات هلأ و هنه ضيوف بس لياخدوا على الحوض شوف الحكي بعدين.....
المهم عملية الإطعام بتعرف كمية مناسبة لأكل خلال 5 دقائق و هي كمية قياسية مع التعويد بتعرف قديش.. و الباروت أنا لا أنصح بجمعها مع السيكليد لكن يمكنك أخذ أكثر من رأي :) و بخصوص الطول الأقصى لأسماكك هو 10سم تبعاً لظروف معيشية جيدة.... راقب الرينبو بلا ما يأذى بعدين لأنو مستعد للقتال حتى الموت أحياناً وفق لسيادة المناطق :) و الله يوفقك. و لا تنسى الأسماك الجديدة شرسة و هو شبه شرس و يصبح مقاتل عنيف على سيادة منطقته. و الله يعين اللوتش ...... ( كتر المخابىء كما قلت لك). |
رد: ياجماعة سؤال عالسريع...هل هذا يأكل هذا؟؟
خلي الباروت كم يوم .. وراقب الحوض بين الحين والاخر !!
واذا واجهت مضاربات عنيفه !! شوف مين المتضرر اكثر !! الامريكي او الافريقي ! !وبعدها فكر تستبدل مين ! |
رد: ياجماعة سؤال عالسريع...هل هذا يأكل هذا؟؟
شكرا انجل مان
ومن الأمس الى اليوم وأنا أراقب بالحوض وقررت أني استبدل الهارت باروت لأنها مختبأة دائما ولا تظهر أبدا وفوق هذا فإن قرينتها تضربها بين الفينة والأخرى واليوم لاحظت أنو السمكتين الافريقي عم يلحقوا بعض بسرعة وكأنهن عم يتخانقوا فهل هذا الأمر طبيعي... وشكرا كتير وآسف على عذابكم سلام |
رد: ياجماعة سؤال عالسريع...هل هذا يأكل هذا؟؟
طبيعي للافريقي المناوشاات !
لكن كم مساحه الحوض عندك !؟؟ |
رد: ياجماعة سؤال عالسريع...هل هذا يأكل هذا؟؟
من الصورة بتوقعه شي 50-60 لتر!
|
رد: ياجماعة سؤال عالسريع...هل هذا يأكل هذا؟؟
الحوض عندي صغير (الحوض المعهود ما بدلته)
تقريبا 45*50*60 واليوم بدلت الهارت باروت بزوج سيكيلد افريقي جديد يعني صار عندي : واحدة باروت وأربعة سيكلد وواحدة غلاس وتنتين كلون لوتش وواحدة رامبو شارك والبيلكو منذ قليل لاحظت اهتراء بذيل الكلون لوتش :( وزعلت كتير لأن من وقت ما اشتريتهن لونهن رائع وما واجهوا أي مشاكل... فهل طبع السيكلد شرس لهالدرجة مع اني طعميته منيح حتى ما يهجم على بقية السمك والتهم كل الأكل وما خلا شي لحدا <<<<فجعان كتييير آسف كترت الأسئلة سلام |
رد: ياجماعة سؤال عالسريع...هل هذا يأكل هذا؟؟
أخي السيكليد طبعه شرس و إن أطعم تمام دير بالك و الله يوفق تربية السيكليد أي نعم تعد متعة لكن توافقها مع غيرها هي المشكلة.....
|
رد: ياجماعة سؤال عالسريع...هل هذا يأكل هذا؟؟
60 .. قليل جدا على تربيه السيكلد الافريقي !!
لانه اقل حوض ممكن تتربى فيه بدون مشاكل او مناوشات ! 100 سم ! على الاقل !! لان السيكليد الافريقي .. معروف انه يحب يختار له مكان بالحوض يسوتطن فيه !! فأنت عندك 60 ! وين راح يستوطنون ! |
رد: ياجماعة سؤال عالسريع...هل هذا يأكل هذا؟؟
والله يا أخي انجل مان ...الله يسامح البياع اللي بس بدو يبيع
على أساس اتأكدت منه على التوافق مع الأسماك ومع حجم الحوض قبل ما اعتمد شراءها فقلي كله تمام وبعد التجربة اكتشفت أنه السيكلد ضرب الكلون لوتش واحتللها مخبأها وتأذت زعنفتها عمت الفوضى في بقايا النبات الحي اللي موجود بالحوض حيث انهم رغم قلتهن ولكن وضعهن مستقر ومزروعين وما عم يطلعوا من الأرضية منذ فترة طويلة واليوم وجدت نبتين مخلوعتين تسبح بالماء ويظهر لها جذور وقد تآكلت أوراقها والاستنتاج أن السيكلد يأكل النبات وهي معلومة جديدة عليي والاستنتاج الآخر أنو الواحد مابيتعلم غير من كيسه وطبعا من كيس الأسماك المسكينة :( واكتشفت أنو الباروت سمكة خجولة جدا دائما مختبئة وما بتلحق تطلع لنشوف منظرها الا أول ما بتشوف حدا بترجع بتتخبى وبتسبح لورا <<<أنارييه وبتاكل أكلها خطيفة وشكرا لاهتمامك وممنونكم.... سلام |
رد: ياجماعة سؤال عالسريع...هل هذا يأكل هذا؟؟
مشاء الله حووظك جميل
ومافيه كلام بعد كلام الدكتور خالد مشاء الله علييييه |
رد: ياجماعة سؤال عالسريع...هل هذا يأكل هذا؟؟
أخي و ليش هاكل هم!! لا تزعل و لا على بالك صحي الواحد بتعلم من كيسو بس طول بالك إذا إنته جاي ع بالك الشرس بدك تكبر حوضك و إذا مو جاي ع بالك فيك ترجع للمسالم و تشكيلاته واسعة ما بدو حدا يدلك.. بقى توكل ع الله و إستخير....و فيك تجيب حوض تاني بيصير عندك شرس و مسالم !!! عادي مافيها شي..
**** لكن أنرييه ما ههههههههه بس إنشاءالله تكون شوفيرة كفوة |
رد: ياجماعة سؤال عالسريع...هل هذا يأكل هذا؟؟
المشكلة أنو حبيت هدول الأنواع بس طلعوا مشكلجية شوي
حتى البيلكو ما سلمت من شرهن ولقيت عضتين على زعانفها... أما أنو جيب حوض أكبر فصعب لأن ما في عندي مجال بالبيت ويادوب أهلي متحملين هالحوض الصغير وكنت ناوي اشتري كم سمكة مسالمة بس لما نزلت على السوق لقيت هدول الأنواع أكتر شي على غير العادة والسمك المسالم ما لقيت شي حلو والأسماك القديمة عندي مايلة للشرسة شوي خصوصا البيلكو لأنها قتلت زوج الانجل اللي كان عندي دوختكن ما هيك شو بدي اعمل ؟؟؟ وعلى فكرة الرامبو هلأ بعد ما كانت هي الجاني صارت المجني عليها ياحرام طول الوقت عم تهرب من مكان لمكان والباروت وراها وراها والله بيعين سلام |
رد: ياجماعة سؤال عالسريع...هل هذا يأكل هذا؟؟
قلتلك :) بس يلا ما صار شي متل ما حكينا قبل هيك
بدك و إذا جاي ع بالك إشتري أسماك مسالمة بس بلا إستاذ ريبنو و التانية بتعطي ذهاب لكل من البليكو و الكوري و الرينبو و الباروت و بتخليك على السيكليد لوحدها و العدد عندك بكفي |
رد: ياجماعة سؤال عالسريع...هل هذا يأكل هذا؟؟
شكرا دكتور خالد يعطيك العافية
عم عذبك معي بس للأسف البيلكو ما بتخلى عنها واي سمكة بتقصد بالكوري؟ وحاليا اللي عم يعمل المطاردات هي بس الباروت ويمكن اذا برجعها بتنحل المشاكل رغم منظرها الحلو بالحوض وشكرا مرة تانية سلام |
رد: ياجماعة سؤال عالسريع...هل هذا يأكل هذا؟؟
ما شاء الله الاإخوان ما قصرو بالرد و بالإجابة عن أسئلتك و اّسـ Sôягý ــف على التأخر بالرد |
رد: ياجماعة سؤال عالسريع...هل هذا يأكل هذا؟؟
ماشي الحال بدل الباروت و خليك ع البليكو و إشاءالله خير بس ما تقول إنهرت نعمته :)
|
| جميع الأوقات بتوقيت GMT +3. الساعة الآن 02:12 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو