|
تجاربكم مع المرض واللي تشافى طيره هو اللي يرد
السلام عليكم اخواني وخواتي حبيت استفسر عن مرض وخمول واستفراغ الببغاء واللي جرب هذي الحاله في طيره واستخدم علاج واستفاد منه لأن طيري للأسف يعاني من الخمول واستفراغ مفاجأ ولا ادري وش السبب الي غير حاله كذا ! ومع العلم لايوجد اسهال ومثل ماقلت اللي مجرب ومرت فيه هذي الاعراض وتشافى طيره ياليت يتحفني برده واسأل الله ان يشفي طيري ويعافيه اللهم اميـــــــــــــــــــــــــــــن |
رد: تجاربكم مع المرض واللي تشافى طيره هو اللي يرد
انا طيري بصراحة جاه اسهال وانتوا بكرامه قد أكثر من شهر وانا كل يووم أعطيه فوول سوداني كنت أحسب هو اللي بخفف عنه...
بس سمعت ان كثرة الفول السوداني هي اللي تجيب اسهال... يووم وقفت عنه على طوول وقف الأسهال ماشاء الله... بس الخمووول مدري بس اتوقع لو تعطيينه فلفل يمكن ينشطه شوي وفووق كذا عرضييه للشمس وراح تشوفين كيف النشاط اللي بيجيه.. تحياتي.. |
رد: تجاربكم مع المرض واللي تشافى طيره هو اللي يرد
اقتباس:
بس انا طيري ماعنده اسهال والفول السوداني ثقيل علينا وشلون على الطيور شاكره لك مرورك |
رد: تجاربكم مع المرض واللي تشافى طيره هو اللي يرد
اهلين ماشاء الله جيراننا انتي انا من بريدة :pوعندي ببغاء بس ماتروض اهئ اذا تعرفين محل يروض ياليت تقولين لي
وببغائي بعد مريض يستفرغ وعطوه حبوب والله يشفيه ويشفي ببغائك :) |
رد: تجاربكم مع المرض واللي تشافى طيره هو اللي يرد
اقتباس:
ياهلا والله والله شي حلو واخيرا حصلت احد من مدينتي نفس ميولي :D والترويض والله ماخبر احد ابد وطيرك الظاهر مثل حالت طيري عنده تسمم باالغذاء وديته وصرف له البيطري مضاد وفيتامين ربي يشافيه واذا تبين اي خدمه راسليني على الخاص وافيدك منورهوالله |
رد: تجاربكم مع المرض واللي تشافى طيره هو اللي يرد
والله ياختي مدري اذا مشاركتي راح تفيدك او لا
انا اكثر شي يصيب طيوري اعراض تنفسيه ومدري من وين تجي مع اني شديد الحرص وفاهم بالامور هذي واعرف الاسباب واتوخى الحذر لكن سبحان الله تمرض واعالجها والحمد لله تطيب وتتعافى |
رد: تجاربكم مع المرض واللي تشافى طيره هو اللي يرد
بندولة موقع البيطري ببريدة ولا برا بريدة
|
رد: تجاربكم مع المرض واللي تشافى طيره هو اللي يرد
hالله يفشى طيورنا كلنا
والله يشفي طيورك اختي الكريمه بندوله حب والف شكر |
رد: تجاربكم مع المرض واللي تشافى طيره هو اللي يرد
الله يشفية
لاكن قوليلي وين وديتي طيرك عنداي محل لاني بعض المرات احتاجهم ولاادري وين اودية عندبيطري .. . |
رد: تجاربكم مع المرض واللي تشافى طيره هو اللي يرد
اقتباس:
يكفيني مشاركتك وشعورك النبيل يااخي وانا والله من همي كتبت موضوعي لعلي اجد احد سبق ومر بهاالحاله وشفي طيره بس ابشرك ولله الحمد حصلة بيطري ممتاز ماشاء الله ووديت الطير له ولما فصحص الطير قال عنده تسمم غذائي والحمدلله بعد العلاج الطير ماشاء الله صار احسن وباالنسبه لطيورك لوتقولي وش استخدمة علاج معها راح افيدك بأذن الله ولاتنسى تأثير الجو والتكييف ونظافة الطير |
رد: تجاربكم مع المرض واللي تشافى طيره هو اللي يرد
اقتباس:
لاببريده وراسلي ع الخاص وافيدك بموقعه |
رد: تجاربكم مع المرض واللي تشافى طيره هو اللي يرد
اقتباس:
راسلني ع الخاص وافيدك والبيطري ببريده وياليتني دالته من زمان |
رد: تجاربكم مع المرض واللي تشافى طيره هو اللي يرد
ليش ممنوع تقولين الاسم يعني
انا مااقدر اسل اهئ |
رد: تجاربكم مع المرض واللي تشافى طيره هو اللي يرد
اقتباس:
القوانين مانعه هذا الشي واخاف الاداره تزعل علي :) |
رد: تجاربكم مع المرض واللي تشافى طيره هو اللي يرد
وش عطاك طيب من العلاج؟ووش اعراض التسمم؟ انا ببغاي تعبان خمول وهزيل وماياكل ولايشرب ويفتح منقاره بقوة وبشكل متكرر واستفرغ كذا مرة.انا اتوقع براد ومدري
|
رد: تجاربكم مع المرض واللي تشافى طيره هو اللي يرد
اهلا بندولة
والله ما ادري ايش اقول بس الله يقومه بالسلامه و اذا كانت اعراض برد التايلان جدا ممتاز هاذا الي ممكن افيدك فيه اما غير كذا والله ما اعرف اي شي |
رد: تجاربكم مع المرض واللي تشافى طيره هو اللي يرد
اقتباس:
هلابك اكثر بس اللي صاب الطير تسمم غذائي مو برد وكله من سبب البيض المسلوق مع الحر بسرعه يخرب والحمدلله الحين تعدى مرحلة الخطر وشاكره لك تفاعلك معي * |
رد: تجاربكم مع المرض واللي تشافى طيره هو اللي يرد
اقتباس:
عطاني مضاد وفيتامين وقال بعطيه ابرتين بس رفضة لان الأبر من اخطر العلاجات على الطير وكثير طيورهم ماتو بعد هذي الأبره ربي يستر واعراض مرض طيري فجأه صابه خمول مع نفش الريش وقلة الحركه ولما شرب مويه استفرغ على طول وماياكل واختي لابد تودي طيرك للبيطري لاتستني اكثر والله يزيد سوء ويتدهور طيرك وهذا العلاج اللي عطاني http://www.2zoo.org/get-9-2010-2zoo_org_xsiem78u.jpg صوره اوضح http://www.2zoo.org/get-9-2010-2zoo_org_eg9j5hpk.jpg |
رد: تجاربكم مع المرض واللي تشافى طيره هو اللي يرد
السلام عليكم ورحمة الله وبركاته ... نفس الشيء صار لطيري أمازوني ( بلوفرونتد ) عمره تقريباً ( 6 أو 7 شهور ) .. ... وقال البيطري لي هذا إلتهاب في الحويصلة والحنجرة ( يعني في بداية الجهاز الهضمي ) ، بدون إسهال ... والسبب قد يكون تيار هوائي متقلب أو بسبب أكل مهوب نظيف أو متسمم . وأعطاني نفس المضاد اللي في الصورة وهو أعتقد صناعة ( دولة فيتنام )... ( والحمد والشكر لله ) من ثاني يوم والطير ماشاء الله تبارك راحت عنه أعراض الاستفراغ والخمول ونفش الريش ... وبدء يأكل ويشرب طبيعي . والشيء الثاني (( وقدرة الله من قبل ومن بعد ... وهذا مجرد رأي )) إن الببغاوات الامازونية أكثر وأقوى مناعة للأمراض والله أعلم . وشاكر للموضوع المفيد والطيب ... والسلام . |
رد: تجاربكم مع المرض واللي تشافى طيره هو اللي يرد
بالنسبه للعلاجات توجد ادويه كثيره الافضل هو التايلان ولاكن برضو التايلان فيه نوعين 10ملم و 5ملم وهو من اقوى المضادات الحيويه .
وفيه برضو مضاد مع فيتامين اسمه sacrolyte صناعه ايرلنديه على شكل بودر هذا جيد للالتهاب ومفيد في حاله تغير الجو وطريقه استعماله 10جرام تخلط في مع لتر ماء لمده 5ايام وفي برضو دواء اخر اسمه ornicure على شكل بودره في مغلف صغير بسعه 4غرام تخاط كامل المغلف في 2لتر ماء لمده 5ايام هذا مفيد لعلاج التهاب التنفسي ......وفي برضو علاج اسمه sulfamycineعلى شكل اقراص صغير توضع عدد 20حبه توضع حبتين في مشربيه الماء وتغير الماء كل يوم هذا الدواء مفيد 1-للرشح الحاد والمزمن2-التهاب الطرق التنفسيه العليا والسفلى3-التهابات الامعاء4-الاسهالات الحاده والمزمنه 5-قله النشاط وضعف الشهيه للطعام6-اضافه الي كل التهابات الجلديه وتساقط الريش السريع الغير دوري . |
رد: تجاربكم مع المرض واللي تشافى طيره هو اللي يرد
اقتباس:
وعليكم السلام والرحمه والحمدلله على سلامة طيرك والعلاج مثل ماقلت انت ممتاز ولله الحمد والأهم الأمزوني والكوكاتو ميزتهم المناعه القويه ماشاء الله بقدرة ربي بعكس باقي الطيور مثل الافريقي مناعته جدا ضعيفه وشاكره مشاركتك لنا :) |
رد: تجاربكم مع المرض واللي تشافى طيره هو اللي يرد
اقتباس:
يااهلا اخوي صحيح توجد ادويه كثيره والتيلان انا سبق وجربته وجدا ممتاز بس حاليا صعب تحصله لاني بحثت عنه وقالو منقطع من فتره مدري يمكن بس بمدينتي والتيلان خاص للجهاز التنفسي للطيراظنه ماله علاقه باالتسمم ومانستغني عن نصايحك وتم تسجيل اسم الدواء الثاني والوصفه وشاكره مرورك |
رد: تجاربكم مع المرض واللي تشافى طيره هو اللي يرد
اقتباس:
وانا من كم يوم شاري تايلان لأن عندي الامزوني مريض مزكم |
رد: تجاربكم مع المرض واللي تشافى طيره هو اللي يرد
والله انا ماحصلته ابد
|
رد: تجاربكم مع المرض واللي تشافى طيره هو اللي يرد
اقتباس:
هذا انا شاري من كم يوم وهذي صورته http://www.2zoo.org/get-9-2010-2zoo_org_s7bu9s5v.jpg |
رد: تجاربكم مع المرض واللي تشافى طيره هو اللي يرد
اختي بندولة
انا ما لي بالبيطرة لكن دام رحتي للبيطري و وصف لك علاج و تحسن طيرك ما اقول غير الله يشفيه و يقومه بالسلامة بالتوفيق |
رد: تجاربكم مع المرض واللي تشافى طيره هو اللي يرد
اقتباس:
اخوي انا دورته عندمجموعه من البيطرين وكلهم عطوني بديله ورفضت اخذه وقالو انه مانزل من فتره وماعندي علم اذا هو نزل او لاء:confused: |
رد: تجاربكم مع المرض واللي تشافى طيره هو اللي يرد
اقتباس:
وجعلك ماتحتاج لبيطري ابد يارب وشاكره لك شعورك الطيب |
رد: تجاربكم مع المرض واللي تشافى طيره هو اللي يرد
الله يشفي طيرج يا رب
.....والله طيورنا صايره تفشل كل يوم بيطري وادويه صكو على الشياب بالمراجعات على الطبيب الله يستر من هذا الجو اللي كله امراض وبلاوي والله قبل محد يعرف البيطري الطيب اللي يحطله عسل مع الماي وتقبلوووو مروري |
| جميع الأوقات بتوقيت GMT +3. الساعة الآن 01:34 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو