|
محتاجكم يا الخبيرين في عالم الجيرمن شيبرد
اهلين وسهلين :( يا شباب انا شريت كلب من محل شبه سيء اليوم الكلب حالته صعبه شوي يعني نحيف جداً .. لآنه ما كان يأكل الا شوي .. العمر 5 شهور .. ممكن اعرف ايش الجدول اليومي للأكل .. علما بأني شفت موضوع الاكل المثبت الي هو الاكل في في جميع الاعمار لكن ارجو افادت مختص ومجرب خصوصاً لحاله مثل حالتي يعني يسمن الكلب وبعدها ااكله اكل بحيث يكون وزنه جيد ومناسب وثابت والكلب انا وديته بيطري وطعمه السداسيه وحقت الدود :freind: لكن الحاله الأسوء ان الكلب كان ينضرب عند الترويش والتطليع والإدخال للقفص < في المحل والآن خواف جدا جدا جدا لدرجة ان وانا رابطه اذا حركت يدي بإتاجه راسه بهدووء .. يخاف وينسدح على طول وينزل اذنه سدحة واحد خايف وكان في القفص حدود شهر كامل ما يطلع الا للترويش او تنضيف القفص يعني ما عنده ثقه في نفسه وخواف جدا جداً كما ذكرت ونحيف جدا وما يلعب ابداً لو اصفق له ما يجي ولا يعترف بكورة او اي شيء يتحرك قدامه ويخاف من القطخ :(:(بس ينسدح .. واذا بعدت عنه رحت اناظره من فوق البيت يوقف واذنه توقف وعادي الوضع كويس لكن اول ما اقرب يبدأ يخاف وينتفض مع اني ما اذيته ابدا من اول مرة شافني فيها :confused: يعني يخاف من اي انسان او حيوان زي القطوه وكلب ثاني صغير .. ساعدوني والله لآدعي لكم عطوني حل اكيد ومجرب والله لآدعي لك بعد وقبل صلاة الفجر بس ارفعوا معنوياتي :confused::( ارجو افادتكم بالتفصيل الممل لكل نقطه |
رد: محتاجكم يا الخبيرين في عالم الجيرمن شيبرد
نسيت اقول شيء بعد
اخواني انا اشتريت الاكل المكافئه حقه , الكيس الأخضر بـ 30 ريال مو راضي ياكل ولا حبه منه لكن يوم عطيته اكل الكلاب المعلب في الصحن حق الكلب اكل العلبه كامله ما بقى ولا شيء .؟!!!!! ممكن اعرف السبب؟ |
رد: محتاجكم يا الخبيرين في عالم الجيرمن شيبرد
اخوي اذا عن الاكل سوله 4 بيضات مسلوقه البيض المسلوق يحبونه الكلاب
واما عن الخوف الشديد فحاول انك ترفع معنوياته بطريقه او اخري مثال خل واحد من اقاربك يمر من عند الكلب واذا شاف الكلب يشرد ويطيح ويختبي في محل عشان الكلب تنرفع معنوياته انه خوف واحد وبيصير ينابح عليه وحبه حبه وباهتمامك واطعامه وباذن الله يفيدونك الربع اكثر |
رد: محتاجكم يا الخبيرين في عالم الجيرمن شيبرد
السلام عليكم .. يالغالي مسآله تعديل الاخطاء او الاطباع السيئه مو صعبه ولكنها تحتاج صبر خصوصا اذا كانت كثيره . فانت امامك خيارين .. اما انك ترجع الكلب لصاحبه وتاخذ كلب ثاني ممتاز وتكون على طول بالقمه ولكن بدون لذه او انجاز .. كلشي جاك جاهز او انك تبدا تعدل الاخطاء وتصبر عليه وتصعد الجبل خطوه خطوه الين توصل القمه وهنا ترفع شعار النصر بكل فخر لانك بديت من تحت الصفر وتستفيد خبره مو طبيعيه . وانا انصحك جازف وابدا من الصفر . بالنسبه للجدول الغذائي متوفر في كل زاويه بهالمنتدى الطيب ولكن لنتائج اسرع و افضل استخدم المكملات الغذائيه من بروتينات و كالسيوم و فيتامينات و اضافه الى الوجبات ال3 المختاره بعنايه .. واحتمال انتكاس الحاله بعد التطعيمات امر طبيعي ويحتاج وقت اذا استمرت الحاله من سيء الى اسوء لمدة 4 او 5 ايام توجه الى بيطري تثق فيه واسآل الشباب اللي حولك اذا كان لهم خبره عن البيطريين . اما بالنسبه للعب فهو جديد على المكان ويخاف منك لانك الى الان شخص غريب والكلب طبعه مو فرندلي مثل ما يقولون فتحتاج وقت تقوي فيه العلاقه وتحاول تحرك البري درايف والفوكس عنده و شوي شوي تلاقيه بدء يركز عليك وعلى اللعبه وطريقة تحبيب الكلب باللعبه باختصار هي : اختار اللعبه اللي تحرك مشاعره مثلا كره او عضاضه او دميه او حبل و بعض الاحيان قطعة قماش قويه تكون كافيه حاول نرفزة الكلب باللعبه بحيث ما تخوفه واذا شفته خايف امسح عليه و خله ياكل شي يحبه من يدك الدراي فوود او الشوكلاته الخاصه بمكافئة الكلاب مو دائما يحبها كلبك وهذا طبيعي انا ما احب الكبسه :) اذا تحركت مشاعر الكلب وبدء يشوف وين تروح اللعبه وانت تحركها حواليه وتحاول تخليه ينط عليها ارمها عنها مترين واعطها كلمات تحفز مو تخرع زي كاتش ،فيتش ، قيت ات او جيبها واذا جابها اعطه شي يحبه من الاكل بالاضافه الى المسح عليه والطببه والتشجيع .. لا تكثر اللعب معه باللعبه خمس الى عشر دقايق بعدين خله يشوفك وانت تاخذها قدامه وتخفيها وترجع ورى .. لازم يفكر ليش اخذت منه اللعبه امش عنه وروح اخف اللعبه في مكان ما يشوفه ولا يوصله .. مع الوقت راح يفكر ان هذي اللعبه صعبة المنال واذا وصلت لعنده راح ينط عليها زي الاسد ويحاول يتعلق فيها اكثر . بالنسبه للخوف مثل ما ذكرت انت الكلب له سوابق وذكريات مؤلمه ولكن عشان نصحح هذا الشي يجب عدم ضرب الكلب مهما اخطأ وعشان تتحاشى خوفه من المياه لا مانع انك تلعب معه شوي بالمويه ولكن لا تجيبها حول اذنه لانها طبيعة اكثر الحيوانات يتحاشى وصول المياه لاذنه . عند ترويش الكلب خلك رابطه معك وانت تروشه طبطب عليه وشجعه وغن له شويات :) انا البي لييك ميااال ومافيش غيرك عالبال .. انت وبس اللي حبيبي :D ولا تحاول تجبره مثل ما سوى صاحب المحل بل استخدم اسلوب التشجيع والتشويق وبعد فتره من الزمن بنص الشاور خله يروح شوي عنك وناده بتلقاه يرجع يكمل الشور زي السمنه على العسل . اجلس قد ما تقدر حول الكلب والعب معه ودربه حبه حبه بتزيد ثقته شوي شوي وبعد فتره خله يتعرف على اصدقائك وبدون لا احد يلعب معه .. بس لمسه او لمستين بين وقت و وقت الى ان يعتاد على هالشي ويصير ما يخاف واذا كان يخاف من القطو .. لازم تعرف ان القطو مو سهل ! انا اخاف منه اذا حكرته بزاويه يصير زي النمر .. عشان كذا لا تغلط وتجيب له قطو الحين وهو بهالعمر وتكون ذكريات اسوء .. اذا تبي تبدى شوي شوي جيب ارنب وخاف الله في الحيوانات لا تخليه يإذيه بس يلحقه شوي وبعدين شي الارنب والكلب تزيد ثقته .. و خطوه تلو الخطوه الى ان تزيد شجاعته واذا كبر انشالله تجيبله فيل ما يخاف اعرف كثرت الكلام ولكن حالة كلبك تحتاج وقت كبير معه ومعنويات وهذا الكلام انشالله كله بتستفيد منه وتدعي لي .. انا واجهت حاله مثل حالتك والحمد لله تطورت الاوضاع الى مستوى طيب . تقبل تحياتي |
رد: محتاجكم يا الخبيرين في عالم الجيرمن شيبرد
اقتباس:
يعطيك العافية اخ مصعب اجوبتك كلها في السليم ماشاء الله عليك واسلوبك في الاجابة وفي تقديم العون جد مميز وحلو ويدخل القلب ويشد الانتباه لك مني كل تقدير وتشجيع ويعطيك الف صحة و عافية تحياتي |
رد: محتاجكم يا الخبيرين في عالم الجيرمن شيبرد
جزاكم الله خير عالردود الحلوه والتشجيع المستمر اطرائكم يا pitbull_fer و ابو خليفه شهاده اعتز فيها |
رد: محتاجكم يا الخبيرين في عالم الجيرمن شيبرد
سلمك ربي مصعب ما قصرت معي وانا اشهد انك من افضل الاعضاء في المنتدى هنا
وانا سمعت عن المنتدى واجد يمدحون الي في قسم السؤاال والجواب المهم اخوي اعتذر على كثرة اسئلتي ولكن والله الظروف ! وبغيت اسألكم اخواني انا الآن الكلب ثاني يوم في البيت وما له اسم < انثى هي كيف اعلمه على اسم علما بأنه خواف كما ذكرت في الموضوع وما يناظرني عشان اكافئه بأكل مثلاً !! < اذا ناديتها بأسمها ما تناظرني وتخاف جداً مع انه اليوم ثاني يوم لكن كأن الأمور افضل من امس يعني في حركة وركض ووديتها المزرعة امشيها .. بس ما يسوى المشوار المنظر الي شفته :( قعدت في السيارة مطفي النور .. واشوف الكلب وانا فاك الليش يعني مفلوت الكلب .. فجأه مرت قطوه قدامه كل شوي يبتعد والقطو يقرب منه :(:(:( ما تحملت المنظر نزلت وهشيت القطو :( وكذالك يوم وديته عند الدجاج على طول خاف رجع وركض على ورا < ابتعد عن الدجاج والديك :( يعني وش الحل معه وايش كل شيء اسويه معه حبه حبه اول ما يدخل الكلب للبيت ..(عمره (5) شهور ) يعني وش اسوي اول كم يوم وبعدين كيف اسميه ويعرف اسمه وكم يبيله فتره (تقريباً تتراوح بين كم وكم يوم) وانا عطيته بيض مسلوق وما اكلها :( الحليب لتر كامل في اليوم الصبح نص لتر والليل نص لتر وكلها يشفطها كامله ما شاء الله وعطيته هذا البيدقري الي بلحم الدجاج عطيته علبه قبل 4 ساعات وبعطيه بعد ساعتين علبتين و حليب نص لتر وماء .. لآني برقد واحتمال ما اشوفه الى الساعه 4.30 او 5.30 فياليت تشوفون طريقتي في تأكيله وهل اعدلها او لا .؟ وايش في انواع اكل زيادة تجي جاهزة معلبه اخلطها مثلاًً مع النوع الي وضعته فوق (بدقيري بـ لحم الدجاج) .؟ بإنتظاركم يا احلى اعضاء :) الله يسعدكم من اولكم لآخركم وخاصة اخوي (مصعب) |
رد: محتاجكم يا الخبيرين في عالم الجيرمن شيبرد
علما بأن الحليب قليل دسم :)
|
رد: محتاجكم يا الخبيرين في عالم الجيرمن شيبرد
اشكر ثقتك فيينا يالغالي وانشالله نكون في محل هالثقه . هذا الموضوع انشالله يفيدك فيه فيديو اقراء الشرح وشوف الفيديو http://www.2zoo.com/vb/showthread.php?t=167421 بالنسبه للاكل احتمال الكلب يكره البيض مثلا رغم فائدته الكبيره و يحب الحليب بشكل ملحوظ الحل خلط الحليب بالبيض .. استخدم الدراي فوود لانه يحتوي على اكثر العناصر الغذائيه اللي يحتاجها الكلب ولو ما حبه .. اخلطه مع حليب وراح تشوفه ياكل بنهم :) بالنسبه للاسم راح يحفضه كلما قلته له اكثر وقت الاكل و وقت اللعب و و و .. لكن هذا الشي يحتاج وقت ولا اقدر احدد لك كم لانه يختلف من كلب الى كلب بس انشالله ما يزيد عن 10 ايام وانت تناديه باسمه وقت الاكل واللعب و المكافئه مثل ماهو موجود بالفيديو في الايام الاولى ركز على تقوية العلاقه بينكم والثقه والطريقة الافضل طبعا هي الاكل و الوقت برفقة الكلب واللعب .. اتمنى اكون افدتك |
رد: محتاجكم يا الخبيرين في عالم الجيرمن شيبرد
السلام عليكم
عدت اليكم من جديد بعد تطبيق معظم الردود الكلب الآن اصبح لا يخاف مثل اول , اختفى شوي من الخوف وباقي عليه شوي وان شاء الله يروح وبخصوص اكل المكافئات ابشركم صار يمووت فيه وياكله من يدي :) والأسم جيسي :) الآن اذا ناديتها وانا جمبها (جيسي) تنظر لي واعطيها المكافئه وبخصوص النحف , الآن الحمد لله الامور تتعدل تتدريجيا وجدول الأكل الي اعطيه اياه غير منتظم نهائيا يعني الماء دائم موجود ماله وقت محدد :) ولكن احياناً رز في العصر ومنتصف الليل احيانا علبه كامله طول اليوم بدقيري لحم بالمرق او لحم والكبد < تكون وجبة واحدة والجسم والاقدام تحس تحسن المنضر , لآن اول ما تشوف غير عضام , لكن باقي الظهر < كأنه ظهر حمار تشوف العمود الفقري طالع , بس تحسن شوي عن قبل وودي استمر على نظام علبتين في اليوم وش رايكم .؟ علبة 7 الصباح وعلبة 9 المساء , او علبة اخر الليل 2,30 او 3,30 وعلبة العصر 3,00 او 4,00 فـ إيش رايكم.؟ وبخصوص المكافئات , هل تضر الكلب يعني كم قطعه تقريباً في اليوم < اقصى حد يعني مثلاً خطر ازيد عن 8 او 10 قطع .؟ والمكافئه هذا يا طويل العمر اتوقع صعبه كل ثلاث ايام او يومين اروح اجيب جديد بـ 40 ريال .! فـ وش رايك اقطع القطع حقت المكافئه الى قطعتين او ثلاث او اربع ^()^ والحليب لازم بشكل يومي والا يمكن الاستغناء عنه بالأيام اعتذر على الإطالة :) |
رد: محتاجكم يا الخبيرين في عالم الجيرمن شيبرد
مبروك عليك يالغالي هالتطور
وانشالله من افضل الى افضل الى القمه ،، استمر بالوجبات ٣ في اليوم .. وحده الصبح وتحتوي الحليب وحاول تسخن له الحليب شوي وتقدر تقطعه عنه ولكن الافضل انك ما تقطعه الحين خصوصا انه بنيتة الجسميه تحتاج تعويض الوجبه الثانيه تكون بمنتصف اليوم والثالثه بالليل .. واشتر له الدراي فوود كيس كبير اوفر لك لانه شامل لجميع العناصر اللي يحتاجها كلبك .. وممكن تستخدم الدراي فوود كمكافئه او تستخدم اي شي ثاني غير مكلف .. تقببل تحياتي |
رد: محتاجكم يا الخبيرين في عالم الجيرمن شيبرد
يعطيك العافية يالغالي على المتابعه المستمرة من قبلكـ :)
وان شاء الله اوافيكم بالتطور بعد فترة :) عن اذنكم صلاة الجمعه |
رد: محتاجكم يا الخبيرين في عالم الجيرمن شيبرد
جمعة مباركه على الكل انشاء الله
وما سوينا شي ابد بالعكس هذا واجبنا كلنا . وحنا بانتضار الاخبار الساره انشالله :) |
رد: محتاجكم يا الخبيرين في عالم الجيرمن شيبرد
السلام عليكم
اخوي انا شريت الكيس 4 كيلو بـ 70 ريال , هل هذا سعره وانت بكم تشتريه ؟ (من غير اسم محل عشان ما يتقفل الموضوع ^_^) وقدرت استخدمه كمكافئه :) والآن عشان يتعلم الاسم .. اقول اسمه واذا ناظرني مباشرة اعطيه المكافئه .؟ وكيف اعرف انه عرف اسمه ؟ وكيف انزع الخوف نهائيا منه ؟ واخلي شخصيته قوية ؟ والله ادري كثرت عليك بس المعذرة لآني ما حسبت حسابها من قبل بانتظارك يا افضل عضو والله يجعل ايامك من اولها لآخرها سعادة ويوفقك في دنياك واخرتك يارب |
رد: محتاجكم يا الخبيرين في عالم الجيرمن شيبرد
اقتباس:
|
رد: محتاجكم يا الخبيرين في عالم الجيرمن شيبرد
سلمك ربي يالغالي , كل جواب اوفى من الثاني :freind: - - - - - - - - - - - - - - - - - - - - - - - - - - - - - - - - - - - - - - - - - - - - - - قررت ادخله مركز تدريب عندنا في الرياض لكن بجرب معه هالكم يوم واشوف وضعي معه والبيت او (القفص الخاص بالكلب ) ان شاء الله بيوصل اليوم :) زيادة استفسار بسيط :confused: والله منحرج منك :o اخوي الآن الكلب يقضي حاجته وانت بكرامة في حديقة البيت على الزرع (العشب) كيف اعوده يسويها في بيته او قفصه .؟ وهل تنصح بنشارة الخشب او تراب كأرضية للبيت ؟ شاكر لك تواضعك يا بطل.! |
رد: محتاجكم يا الخبيرين في عالم الجيرمن شيبرد
اقتباس:
العفو يا سيدي ما سوينا شي .. انا اشكر الوعي اللي فيك و شي جميل انك تسأل وتطور معلوماتك والخطأ كل الخطأ الاجتهادات اللي ممكن تصيب وممكن تخطي . تحياتي لك يا غالي .. |
رد: محتاجكم يا الخبيرين في عالم الجيرمن شيبرد
اقف احتراما لك يا Musab Pro على هذه الاجوبة الشافية .. احتراف واضح يا Musab Pro .. بارك الله فيك .. :freind: .. |
رد: محتاجكم يا الخبيرين في عالم الجيرمن شيبرد
اقتباس:
ما عليك زوود اخوي علي شهادتك وسام على صدري واسعدني مرورك الحلو :) |
رد: محتاجكم يا الخبيرين في عالم الجيرمن شيبرد
يعطيك العافية يالغالي - - الله يوفقك في دينك ودنياك
والله يزوجك المرة الي تسرك وترضيك ويرزقك الذرية الصالحة < اذا متزوج الله يهينك ويرزقك الذرية الصالحة طيب اخوي بخصوص الأرضية القفص او اليت ارضيته خشب .! فـ وش الإقتراح علي ؟ وكيف يتعود ينام في البيت علماً انه دائماً مفلوت في الحوش (الفناء الخارجي للمنزل ^_^) ويدور في كل مكان , لكن وقت النوم يتجه للمكان الي وضعت له فيه تراب ودائما ينام فيه ؟ خارج الموضوع : ممكن ترسل المواقع الاجنبية الي تستفيد منها والمنتج الي تستخدمه لتعقيم بيت او مكان الكلب يعطيك ربي الف عافيه يا بعدهم (L) ^_^ |
رد: محتاجكم يا الخبيرين في عالم الجيرمن شيبرد
اقتباس:
|
رد: محتاجكم يا الخبيرين في عالم الجيرمن شيبرد
مجهود فضيع يا Musab Pro وربي انك فالقمة وتتطلع الى الأحتراف ماشاء الله عليك واصل يالعالي وانا دائماً متابع لك لأنك لم تترك لنا فرصه للرد على السائلين وهذا دليل كافي على حرصك وطيبه قلبك للجميع تحياتي واتمنى من الجميع ان يتحقق النجاح ونكون فالقمة |
رد: محتاجكم يا الخبيرين في عالم الجيرمن شيبرد
اقتباس:
ولو يابو خليفه حنا ما تعلمنا الا منك تعلمنا منك الاحتراف والاهتمام والطيبه والمتابعه .. انت القدوه يالغالي وحنا ننهج نهجك |
رد: محتاجكم يا الخبيرين في عالم الجيرمن شيبرد
يعطيك العافيه يالغالي , والله يوفقك ان شاء الله :)
معلومات مفيدة للجميع وقيمة .! ^_^ طيب اخوي بخصوص موضوع تقوية الشخصية الي اجيب ارنب و... الخ انا اليوم رحت للمزرعة , (صدفة حصلت في حوش الغنم والدجاج (قفص داخله ارانب .!)) ناديت حارس المزرعة وقال انها له , المهم شريت واحد منه < كبير جداً الارنب المهم وضعته في غرفة هو والكلب ,! وفصلت الليش وقعد يطارده يطارده ^_^وفجأه وقف الأرنب وقف الكلب وقام يلحس فالأرتب .!!! المهم خليت الأرنب يتحرك مره ثانية .! ونفس الموقف كل ما فلت الأرنب لحقه الكلب لين يوقف الأرنب واذا وقف الأرنب وقف وراه الكلب وقام يلحس فيه !!! ممكن معنى هالحركة ؟ - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - وكلاب الجيرمن هل اذا خافت تنزل اذنها او في غير هالكلام بخصوص خفض الأذن ؟ لآن اذا كنت انا والكلب لحالنا نمشي يكون رافع اذنه ومنتصبه وطالع جميل لكن اذا جاء احد معي يمشي يكون منزل اذنه لآخر حد للخلف الا لو سمع صوت مفتاح او شيء غريب يعني صوت من شخص غيري وغير صاحبي يرفع اذنه ثواني معدوده ويرجع يخفضها .! سلمت يالغالي :) |
رد: محتاجكم يا الخبيرين في عالم الجيرمن شيبرد
اقتباس:
تقبل تحياتي |
رد: محتاجكم يا الخبيرين في عالم الجيرمن شيبرد
السلام عليكم ورحمة الله وبركاته :)
اخوي مصعب ابشرك اليوم الكلب عمل شيء لا يعقل ^.^ < هو انه كل ما يجي واحد من الأصدقاء بيمسك راسه يعظه ^.^ وانا طالع ادور في الحارة :) رميت قارورة نوفا < ماء بعيد راح يركض وراها :) وعضها وسويتها اكثر من مره وكررها بعدين تركها ومشا -_- ! واحس فيه نشاط وركض ومناقز اكثر من اول:) وهالشيء ريحني جداً فهل توجد اقتراحات .؟ |
رد: محتاجكم يا الخبيرين في عالم الجيرمن شيبرد
الله يبشرك بالخير يالغالي .. استمر معاه وكلما عطيته انشالله بيعطيك
الحين ابدا تدريبه على الطاعه وانت متطمن انشالله يوم عن يوم بيصير اقوى وافهم وتقريبا عند عمر سنه تبدا مزاجية الكلب تصير احد يعني بيصير شرس شوي حاول تبدا تمشيه زي الالف من الحين وبالاسلوب الجيد عشان يصير كنترول عليه اذا كبر اما مواضيع التدريب فهي واااجد ما يحتاج نجيبها هنا .. اقرا كثير تستفيد كثير وطبق بدقه وراع فهم الكلب وسنه و خطوه خطوه لا تستعجل .. الى الامام يا بطل ربي يوفقك انشالله ويصير اللي ببالك تحياتي |
رد: محتاجكم يا الخبيرين في عالم الجيرمن شيبرد
الله يعطيك العافية لرفعك لمعنوياتي ,
وان شاء الله من بكرا ان شاء الله ابدأ معاه الطاعه حبه حبه :) الله يسعدك ويوفقك لوقوفك معاي في هذه المرحلة الي كانت صعبه جداً علي وعلى الكلب بالتوفيق لك يارب |
رد: محتاجكم يا الخبيرين في عالم الجيرمن شيبرد
سؤال بسيط يالغالي لاهنت :)
اقتراحك انت ابدأ معه اول شيء بإيش ؟ الجلوس؟ الثبات ؟ الوقوف على الاقدام ؟ الدخول لبيته ؟ المشي بجانبي ؟ مشكور يالغالي يعطيك العافيه وموفق |
رد: محتاجكم يا الخبيرين في عالم الجيرمن شيبرد
اقتباس:
http://www.2zoo.com/vb/showthread.php?t=151455 |
| جميع الأوقات بتوقيت GMT +3. الساعة الآن 03:13 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو