|
|| جم استفسار عن الحربا
السلام عليكم
اليوم واحد عطاني حربتين بس في شيئين ماني عارفهم عنهم :\ هاذي صورت وحده منهم و هم من مثل النوع http://a.imageshack.us/img827/7120/20100809675.jpg عموما شنو نوعها ؟ أتوقع اليمنيه صح ؟ + لو انها اليمنيه لازم مكان رطب + دافي صح ؟ يعني مو دافي ولا بارد يعني مثلاً 22 ْ صح ؟ و امممم الأكل انا صراحه متوهق :D فبشتري لهم الدود المجفف و احركه لها عاد تكمش بلسانها ينفع ؟ :D لأن ما ابي حشرات حيه و هالسوالف @.@" + أبي بديل الدود المجفف مثلا على الي أعرفه سحالي و فيران او لحم مفروم صح ؟ ويعطيكم العافيه ~ |
رد: || جم استفسار عن الحربا
اقتباس:
اقتباس:
اقتباس:
اقتباس:
او نزلها بالحوش وحط ممممم مثلآ في ورقه او صحن جبن وبيتجمع عليه الذبآن و خليها تشتغل بلسآنهآ :D و المويا بعد لآ تنسى تشربها بالتقطير.. وان شاااء الله في هذي اليومين اشتري لي يآآآرب :D |
رد: || جم استفسار عن الحربا
لو انت قريب مني جان عطيتك وحده :D
المهم 22ْ حلو ؟ جو الغرفه + ليت حار موجه عليهم مادري شلون جو اليمن :p المهم مادري أخليها على نفس جو الحيايه ؟ |
رد: || جم استفسار عن الحربا
+ ترى وكلتهم نقانق @.@
هههههههههههههههههههههههههههههه لأن ما عندي اكل عطيتهم شي بسيط جداً المهم يبقون على قيد الحياه و اللحم المفروم ينفع لكن لا تستخدمه الا للطوارئ و لما توكلها تعطيها اجباري ما راح تاكل من نفسها ^^ أتمنى أفدتك بشي :D |
رد: || جم استفسار عن الحربا
ههههههههههه
والله يالييت كآن اخمهم منك :D حلو 22ْ عآدي نقآنق تمشي حآلهم ع قولتك هع وترآني بنت مو ولد :D >>طيري :D |
رد: || جم استفسار عن الحربا
+ في شي عقدني @.@
اشوف بعض الناس يفرشون تحت قش و يقولون هاذا احسن شي و ناس يحطون رمل و يقولون أحسن شي @.@" شنو أفضل لهم ؟ + الحمدلله طلعوا عندي نثيه و ذكر :D < شنسويلك يعن :\ هههههههههههههههههههههههه |
رد: || جم استفسار عن الحربا
+ اضافه
ملاحظ الذكر ما يقاوم لأني اضطريت اني اجبرهم عالأكل عالعموم الثنيه أحسها فيها قوه و تفح شوي انا الذكر أفتح حلجه بكل سهوله و ما يفح لكن أحس فيه اهتزاز :s يعني يهتز راسه !! @.@ عسى ما فيه شي ؟ + ملاحظ بحلجه أشياء صفره أكثر من الثانيه ؟! و بالملخص المفيد ! شنو أفضل أفرش الأرضيه لهم رمل ولا نشاره ؟ أدري انهم ما ينزلون لكن بعرف الأفضل و الماي ملاحظ انهم مو كل مره يشربون يعني أمس وحده منهم اشربت لكن اليوم قعدت احاول مده ما شربت هل هم مثل باقي الزواحف من ناحية الشرب يستحملون مده طويله ؟ و بس ^^" و السموحه طولت المشكله انهم جوني على غفله بدون أي استعداد ! |
رد: || جم استفسار عن الحربا
ههههههههههههه :D
حظك انثى وذكر :p آمممممممم اتوقع يا انه خآيف او زي مآقلت في حلقه تورم او شي زي كذآ بس ترى مع الوقت بيبآن... بس تحركآته وطريقة اكله لمن تجيب لهم ذبآن حتشوف لو انه مريض احسن شي الرمل لان بيئتهم الاصليه بالبر :D >>كأنهآ جآبت شي جديد.. :D |
رد: || جم استفسار عن الحربا
^
ياخيتي خلج الحين و نشوف الباقي @@" و اذا فيه التهاب او شي علاجه نفس الحيايه ؟؟ |
رد: || جم استفسار عن الحربا
أخوي فخااخ الله يباارك فيه ما قصر
ولكن ما حبيت أطلع بدوون رد *********************** عموما شنو نوعها ؟ نوعها يمني وبصراحة تربيتها ممتعة جدا أتوقع اليمنيه صح ؟ عليك نوور صح + لو انها اليمنيه لازم مكان رطب + دافي صح ؟ يعني مو دافي ولا بارد فعلا تحتااج لجو رطب ودافىء يعني مثلاً 22 ْ صح ؟ أمممممممممم أنا عن نفسي أحطها بـ 24 الى 26 فبشتري لهم الدود المجفف و احركه لها عاد تكمش بلسانها ينفع ؟ هههههههههههه عادي ينفع أنا مثلك توهقت وشرت الحشرات المجففة وأذا ما أكلت بالطيب نوكلها بالغصب أبي بديل الدود المجفف مثلا على الي أعرفه سحالي و فيران او لحم مفروم صح ؟ أي حشرات مجففة تأكلها وفي أنواع من الحرباء تأكل فواكة ولكن ألي عندك أكلها حشراات بالدرجة الاولى ولا تعطيها لحم لانه ما يصلح لها وبالتوفيق,,, |
رد: || جم استفسار عن الحربا
^
يعطيك العافيه و يا ليت تراجع الرد السابع ^^" لأن الي قلته كله حالياً اعرفه بس المشكله معاي بالرد السابع ^^" |
رد: || جم استفسار عن الحربا
والله شوف انآ ما اعرف في الثعآبين وكذا بس زي مآ قلت لك بتشوف اذا كآن التهآب
عآد انت وخبرتك مع الثعآبين :D |
رد: || جم استفسار عن الحربا
لا أكيد يختلف العلاج
ولكن مو بالشكل الكبير بالتوفيق,,, |
رد: || جم استفسار عن الحربا
بالنسبة للأسئلة الي في بداية الموضوع الاخوان جاوبوا ماشالله :)
لكن لاتعطيهم نقانق -- و بالنسبة للأرضية الرمل أحسن من النشارة بس الأحسن منهم كلهم تراب نظيف -- و بالنسبة للشرب مو لازم تقطر في الحوض كله قطر على فمها مباشرة وهي بتشرب أما التحمل للأسف هي ماتتحمل كثير يعني يومين ثلاث و بعدها يمكن تموت -- و الحرابي ماتعيش مع بعض حتى لو زوج بس حظك مؤقتاً انا في موسم تزاوج -- و بالنسبة للألوان في فمها هذا شي طبيعي -- ولا تداوم على الطريقة الإجبارية لأنها مضرة و مع الوقت تسبب لها مشاكل مثل الالتهابات و الجروح في فمها -- و الحربا الي في الصورة صحتها سيئة أو بدأت تسوء ، لو قدرت تبدلها أحسنلك و أريحلك لأن علاجها صعب :) |
رد: || جم استفسار عن الحربا
معااك حق مهووس
أنا الطريقة الاجباارية ما أفضلها وأيضا أخوي بايثوون لا تنسى الرطووبة لانها مهمة للحربااء يعني رشها ببخاخ المااء مرتيين باليووم وبالتوفيق,,, |
رد: || جم استفسار عن الحربا
الي بالصوره اهي المريضه :\
عموما الله يرحمها :D ههههههههههههههههههههههههههههههه الثانيه الحمدلله مافيها شي بس نفس الشي ما تاكل لازم أجبرها :\ حتى الماي نطرت مده ما شربت ولا قليل حتى ! بالنهايه فتحت حلجها و شربتها غصب بعد ولله غثوني :( |
رد: || جم استفسار عن الحربا
عموما الحين معتمد على الدود المجفف للحربا الوحده اممم تقريباً 8 دودات < مادري شنو الجمع
و الماي يا افتح حلجهم و احط أو بأبره بحلجهم و ارعص شوي شوي و اشوفها تبلع بس شي غريب ولله اول ما خذتهم كانو ما ياكلون الا دودتين او ثلاث الحين وآيد بس قبل يشربون ماي الحين لا @.@" بس لحد الحين كل شي اجباري يعني في أمل ترجع طبيعيه ؟؟ |
رد: || جم استفسار عن الحربا
هههههههه الله يرحمه :D
اذا ع الاكل يمكن لمن تعودوا بدأوا يآكلون اما ع المويهـ شي غريب والله :D بس ضروري يشربون ..) |
رد: || جم استفسار عن الحربا
تقدر تتخلص و تفتك من الطريقة الإجبارية إذا ولفت الحربا عليك :)
لأنها -غالبًا- مستحيل تاكل وهي خايفة ، بس انا المحظوظ كان عندي حربا ماشالله شهيتها تمام التمام تاكل حتى وهي خايفة :D بس شوف انت لازم تعطيها أكل حي حاول اتعب شوي معليه الين تتعود ، أصلاً سهلة ياكثر الحشرات بس روح حديقة و قلب فيها بتلاقي أكيد ، أو في الليل عند اللمبات خذ فراشة أو عثة و اقطع جناحها ويبقى واحد و هي لما ترفرف بتقعد تدووور و هذا يجذب الحربا بس لو حاولت تأكلها وفي احد قريب منها ولا في الليل لاتستغرب إذا رفضت |
رد: || جم استفسار عن الحربا
الدود المجفف مراح ينفع معااك
مع الوقت الحربااء بتمل وتبي أكل حي فا أحسب أحساابك أنك توفر لها حشراات بالتوفيق,,, |
رد: || جم استفسار عن الحربا
أساسًا الحربا مو مثل بعض الحيوانات مثل القنفذ ، تقدر تغير نظامها الغذائي
الحربا مشكلتها في الأكل انها في الأقفاص مثلها في البرية ماتاكل الا أكل حي حتى الخبراء و المربين في الغرب مايعطونها الا أكل حي و أغلبهم يربيه في البيت و منتدى توزوو مميز بأنه الوحيد الي فيه طريقة تربية الأكل الحي :eek: موضوع تربية الصراصير و موضوع تربية الجراد :shy: << دعاية بشكل غير مباشر :p |
| جميع الأوقات بتوقيت GMT +3. الساعة الآن 06:54 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو