|
الطامه الكبرى؟؟
شريت القطوه من النت
وقالولي عمرها 3 شهوور وانثى اليوم طعمتها وطلع ذكر وعمره 4 شهوور شنو سلبيات الذكر وقالي لمه يصير عمره 6 شهور نسويله عمليه ازاله الـ ()شمسمه :) مادري شنو السلبيات يليت تعطوني فكره عن الذكر :) |
رد: الطامه الكبرى؟؟
عاااادي انه مافي اي فرق بين الذكر والانثى كلهم نفس الصفات فعادي ع الاقل مابتنصدمين انه يحمل من شوارع ع اقل الذكر مايحمل
|
رد: الطامه الكبرى؟؟
انزين يقوولون ريحته وصخه؟؟ صج؟؟
بعدين القطو صاير متوحش مادري ليش توني يايبته من الطبيب عطوه تطعيمه :( مادري يمكن خايف؟؟؟ |
رد: الطامه الكبرى؟؟
يمكن متوتر وخايف ومو متآقلم مع الجو خليهـ براحتهـ بس صج مشكلهـ طلع ذكر وعمرهـ كبير شوى ^_^
بس كلهم نفس الشي الذكر يطلب التزاوج والانثى تطلب التزاوج , الفرق الذكر لما يطلب تزاوج ومازاوجتيهـ , يصير كله يمشى ويبول على كل مكان , والانثى لما تطلي تزاوج ومازاوجتيهآ تسوى ازعاج وكله تقول مياااو مياااااااااو ميااااااااااو ^_^ |
رد: الطامه الكبرى؟؟
اذا صوره القطوه الى في رمزيه مشاءالله يجنن وحده كيوت
|
رد: الطامه الكبرى؟؟
يعطيك العافيه على المعلومه
قالوللي البيطري سويله استأصال الشسمه لمه يصير عمره 6 شهوور؟؟ شرايكم |
رد: الطامه الكبرى؟؟
انا عندي ذكر ولا شفت منه شي
لا ريحة ولا غيره بس انت اهتم فيه زين |
رد: الطامه الكبرى؟؟
:$ .........
ماعليه بس والله من دريت انه ذكر وانغشيت فيه صرت اكرهه لووول اصلا اهوا صار له يومين متوحش مايحبني يشمخني ويبي يعضني يقولون قاعد يلعب وياج عفيه ساعدوني شلون اخليه يحبني؟ من لعبت وياه لعبت الليزر صاير وايد يهز راسه لوول مادري شسوي ؟ |
رد: الطامه الكبرى؟؟
:: بالعكس ياحلاتهم الذكور آنا آحبهم لآنهم حيل ودودين ويتعلقون بصاحبهم ودمهم خفيف الآناث غالباً ثقيلة طينه .. بالنسبه للفرق بينهم الذكور وقت مايبلغون يبدون يرشون ويتبولون بكل مكان طلب للتزاوج ولتحديد ملكيتهم وسيادتهم على المكان .. غالبية الذكور هالشكل قليييل جداً تحصلين ذكور ماترش وهذي بالشيرازي البيور .. الآناث آزعاج وقت بلوغهم وطلبهم للتزاوج مواء على مدار اليوم بصوت عالي ومزعج وبعد ماتزاوجينها وتحمل تتعبين مع آولادها تكاليف آكثر وجهد آكبر لما يزيد العدد وبعد ماتفطهم تطلب التزاوج من جديد وهكذا عملية التعقيم .. للذكور آسهل بكثير وماتاخذ وقت شق صغير آما الآناث العمليه شويه آصعب لآنه شق كبير بالبطن وحسنات العمليه .. تمنع مشاكل التزاوج / يصير القط آهدا وآروق / تحميه من آمراض كثيره مستقبليه أذا آنتي حابه الذكر اللي عندك ومتعلقه فيه وماودك بوجع الراس لابلغ ولاتفكرين تزاوجينه وعندك آستعداد كامل تتكفلين فيه الى ماله نهايه ,, آعملي له العمليه والسن المناسب 6 شهور اقتباس:
يعني لو ماشافك من وقت تلقينه يجري عليك يتعلق بآيدك آو رجلك ويعضك طبعاً آقصد العض الخفيييف مو العض اللي يجرح هنا يبي يعلمك آنه ولهان عليك ويحبك ,, كثيرررر قطاوتي الصغار يسوونها فديتهم وآستانس عليها ,, لما آدخل عليهم الغرفه يتجمعون حوالي هذا يعض آيدي وهذا يعض رجلي كله تعبير حب وآحياناً هالنوع من العض لفت إنتباه .. لو لكن العض شديد مع تمشيخ هنا قولي له بنبره حازمه لااااا وقفي لعب لو كنتي تلعبينه وقومي عنه بهداوه وتجاهليه وهذا موضوع يتكلم عن آساليب التأديب http://www.2zoo.com/vb/showthread.php?t=92909 ونقطه مهمه لاتكثرون له لعب بالبيت ولاتلعبينه بآيدك ولاتستفزينه باللعب كل هالآمور تخليه مجنون لعب ومتوحش ويتعدى حدوده ويتمادى ولاتكونين عصبيه معاه لآن القطط تاخذ طبع آصحابها .. وآخيراً آعطيه حاجات لينه يعض عليها لآنه بعمر تسنين وبالتوفيق :: |
رد: الطامه الكبرى؟؟
آلله يعينكـ
آنآ كنت قبل ميشا بشتري ذكر بس لمآ قريت آنه وقت التزآوج يرش البول ومدري آيش بترميه آمي ثآني يوم لو هو وسخ ~ بس لو مآتبغيه بيعيه في آي محل وآشتري آنثى .. آو تبآدل من آلمحلات تآخذين نفس النوع وآلشكل آنثى لو حآبهـ طبعآ .. بس آكيد لكل شي حل ., آول مآيطلب التزآوج زوجيهـ .. ولو ع الريحهـ آهتمي بنظآفتهـ روشيه مرهـ بالأسببوع وآن شالله مآتطلع له ريييحه آبد : ) |
رد: الطامه الكبرى؟؟
لاتسوي عمليه الاستاصال حررام ...........................
|
رد: الطامه الكبرى؟؟
سبحان الله الحيوانت تحس بحب صاحبها لها
وكل ماحبيته ودلعته بادلك نفس الشعور وبالنسبة للذكور اجتماعيين عكس الاناث برأئي هو صح زي ماقلت مشكلة الذكر في الرش والقلة الادب بس مو كل الذكور زي بعض و ان شاء الله ذكرك يطلع مؤدب وانا عني مؤخرا كنت ابغى انثى وطلعلي ذكر وما اتوقعت احبه زي كذا الذكوور حبوووووبة وتحبب نفسها بنفسها وتاخذ ع اصحاب البيت كلهم وحبه وعامله بلطف صدقني حيحبك وانسى حكاية العملية وكل مايطلب تزاوج تقدر تعلن في النت وتزوجه من العروسات الطالبين والله يخليه لك ^^ اذا هو الي في الصورة مرررة شكله عسل ماشاء الله |
رد: الطامه الكبرى؟؟
مافي احلى من الذكور حبوبين ومشاكلهم قليلة
واذا بتخلية عند اللى اخر عمرة فسوى لة عملية اخصاء واذا مو متاكدة لاتسوين لة. |
| جميع الأوقات بتوقيت GMT +3. الساعة الآن 06:21 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو