|
مساعده من خبراء الكوكاتو
السلام عليكم ورحمة الله وبركاته
شباب اليوم رحت السوق وحصلت كوكاتو (مالكون) سوبر جامبو عمره 8 شهور معاه جواز واليف جدا يقول السلام عليكم وهلو وهاور يو ويصفر. سعره نهائي 9000 درهم شو رايكم فالسعر ؟ |
رد: مساعده من خبراء الكوكاتو
انا ما افهم في الدرهم للأسف
لكن لو كان هذا الببغاء بنفس مواصفاتك المذكوره بالسعوديه وبـ 9000 الاف ريال اقول سعره حلو ومناسب ومعقول كوكاتو مولوكان +سوبر جامبو + صغير بالعمر + اليف + متكلم + يحمل جواز |
رد: مساعده من خبراء الكوكاتو
اخوي (كاسكو) مشكور عالرد
الدرهم نفس الريال السعودي ما في فرق. |
رد: مساعده من خبراء الكوكاتو
شباب آرائكم جزاكم الله خير!
|
رد: مساعده من خبراء الكوكاتو
أنا أقوول السعر غالي بس المواصفات هـذي تستاهل !لسعـر و الله يوفقـك إن شاء الله أنا أقوول إخذه و توكل على اللـََ
|
رد: مساعده من خبراء الكوكاتو
اقتباس:
احب اقول لك السعر حلوو ومناسب تعال شوفها عندنا بالرياض مولوكان أقل مواصفات من المذكور على 8000 و 9000 |
رد: مساعده من خبراء الكوكاتو
السعر مناسب
بالتوفيق |
رد: مساعده من خبراء الكوكاتو
الكوكاتو طير روعه خبال
بس مو بارع بالكلام اذا انت كنت تبا تاخذ الكوكاتو حق الكلام والتصفير بهذا السعر ماينفع انا تاخذه لكونك تب الكوكاتو وحركاته البارعه باللعب والرقص انا اشوف السعر لا بأس فيه بس تأكد من انه يتكلم قدامك ولاتاخذ بكلام صاحب البيع لين ماتسمعه والي ياخذ طير بهذا السعر لازم يفحصه فحص جيد انا انصحك تفحصه فحص شامل تعرف السوق كيف الامراض والفايروسات منتشره فيه والله يوفقك |
رد: مساعده من خبراء الكوكاتو
مشكوره اختي (احبك توتو) عالرد.
بس ما زلت متردد اشوي |
رد: مساعده من خبراء الكوكاتو
مشكور اخوي (كاسكو) عالردود والمساعده جزاك الله خير
|
رد: مساعده من خبراء الكوكاتو
اخوي (شاهين) تسلم عالرد
|
رد: مساعده من خبراء الكوكاتو
اخوي (امير دبي) هيه انا اباه حق لعب ووناسه ادريبه فالكلام مب لين وين.
مشكور عالرد الظيب |
رد: مساعده من خبراء الكوكاتو
السعرمناسب
بس لو تبي نصيحتي طيور الكوكاتو كلها مرحه ومزعجه وبقوه ماعدى الجالا وانا من الناس اللي يحبها بس مشكلتي الازعاج وجربتهم واهدا نوع الكوكاتو جالا واشتريته والحمدلله اهدا من غيره انت لاتتسرع قبل لاتصلي استخاره وتجرب صوته واذا انت راعي حساسيه لاتشتريه |
رد: مساعده من خبراء الكوكاتو
مشكوره اختي (بندولة حب) عالرد الجميل
بس شو الازعاج اللي يسببه الكوكاتو؟ افيديني جزاك الله خير! واكيد بستخير إن شاء الله قبل ما اشتريه ومشكوره عالتذكير. |
رد: مساعده من خبراء الكوكاتو
هلا اخوي ابي اقولك معلومه عن الكوكاتو وخاصه المالكون ترى مزعج جدا وخاصه في الليل حساس لاي حسس صوت انت اذا تبي تشتري بغبغاء لازم تعرف حسنات الطير وسياته الكوكاتو مو ماستر في الكلام بس في تعلم الخدع بارع وتعلم الرقص مافيه بغبغاء احسن منه طائر حبوب يعشق راعيه لدرجه الجنون حنون يلعب مع الكل بس من ناحيه السعر انت وراحتك انا بالنسبه لي صراحه مااشتري كوكاتو بالسعر لانه غالي انت فكر قبل ماتشتري الصبر زين .تحياتي لك وتقبل مروري
|
رد: مساعده من خبراء الكوكاتو
الصراخ لبعض الكوكاتو هي عاده سيئه ولا يفضلها المربين << لاحظ قلت لبعض وليس الكل لدرجه انك ممكن تصاب بالملل من صراخه وتعرضه للبيع وهي يطلق اصوات مزعجه مثل قققققققق قققققققققق او عععععععع عععععععععع مقاربه لكذا :D وهي اسبابها كثيره احيانا عند اللعب يصارخ اذا جلس بروحه يصارخ في الظلام يصارخ اذا مسكر عليه القفص يصارخ ولاحظ انا قلت احياناً يعني مو شرط وفي الحقيقه انا عندي كوكاتوو يصرخ نادر جداً جداً يعني بالاسبوع احياناً وليس دايم اسمع صرخه او صرختين بس يعني ليس كل الكوكاتو مزعجه انما البعض منها فهذي مسأله حظ انت وحظك لابد عند الشراء تسأل صاحب الطير عن طيره هل هو يصارخ ومزعج او لا |
رد: مساعده من خبراء الكوكاتو
بالنسبة للسعر ما ادري بس مثل ماقالوا الاخوان تأكد منه
وتاكد انه فعلاً يتكلم انا اخذت كوكاتو من واحد من المنتدى قال انه يتكلم ولما اخذته طلع اطرم وارسل للي شريته منه قال انا ماقلت انه يتكلم !!! اذا الطير في محل عسكر في المحل حتى لو 4 ساعات شوف الطير وحركته وكلامه وتأكد من اكرمك الله البراز حقه ... |
رد: مساعده من خبراء الكوكاتو
اخوي (فوزي) مشكور عالرد.
صراحه انا ما احب البغبغا يكون مزعج وعندي( (الوالده)) ما تحب الازعاج كان عندي امازون قبل فتره وكان مزعج وبعته والسبه (الازعاج) شكلي صراحه بهون 9000 درهم مب اشويه المبلغ!!! |
رد: مساعده من خبراء الكوكاتو
اخوي (كاسكو) صراحه انا ما احب الازعاج من الطائر... لعب ووناسه وخدع اوكي بس ازعاج ععععع و قققققق صراحه ما بتحمل هههه.
وعن سؤال صاحب الطير عن الازعاج للاسف اغلبية الباعه لا يصدقون. |
رد: مساعده من خبراء الكوكاتو
اخوي (المسافر777 ) مشكور عالرد.
صراحه كلامك صح. انا يلست عنده تقريبن نص ساعه ما شاء الله الطير نشيط. بس ما تكلم ولا كلمه بس كان يصفر. |
رد: مساعده من خبراء الكوكاتو
السلام عليكم
والله ياخوي من ناحية ازعاج الطير او صراخه فهي فعلا مشكله كبييره وللاسف بعض الاهل متعودين على الهدوء ومايبون ازعاج شريت امزوني من شهر ويدي على قلبي لا يطربنا بصراخه لان ليلحين الاخ ما اخذ راحته في المكان وعلى قولتك الوالده عندي لو تسمع نص صرخه بنصير انا وياه في قارعة الطريق :D من ناحية السعر اللي ذكرته للكوكاتو مدري بس احسه غالي شوي ومدري هل يوجد فرق كبير مابين المليكون والسلفر لاني سبق وشريت سلفر باربع الاف ريال |
رد: مساعده من خبراء الكوكاتو
معليش اخوي 9000 درهم مبالغ فيه جدا لو بتدفعها بالكوكاتو صدقني بكرا لو الطير يعطس بيمغصك بطنك |
رد: مساعده من خبراء الكوكاتو
اخوي (سنايديه) صراحه لازم نسير نشتكي في جمعية حقوق الانسان ما يخلونا نمارس هوايتنا لازم ضوابط وشروط. هههه
وعن الفرق بين المالوكن والسلفر فرق كبير فالسعر. لان المالوكن نادر. ليش بعت السلفر مالك؟ |
رد: مساعده من خبراء الكوكاتو
اخوي (ابوخالد) مشكور عالرد
صراحه كلامه صح خاصه مغص البطن ههههه |
رد: مساعده من خبراء الكوكاتو
اقتباس:
صراخ يصم الاذن وربي مجربته اشترية كوكاتو وربي رجعته على طول من صراخه |
رد: مساعده من خبراء الكوكاتو
تسلمين اختي (بندولة حب) هذا شيء مزعج صراحه. سبحان الله كل شيء فيه حسنات وسيئات والكامل (الله سبحانه وتعالى)
|
رد: مساعده من خبراء الكوكاتو
صح بخصوص الصراخ ياخوي تراه انا عندي واحد وصراخه فضيع فضيع والله اذكر يوم اشتريته واول مره اسمعه يصرخ
قلبي قام يدق بسرعه لان صراخه ثاقب بس بصراحه الي عندي مايصرخ وايد عاد على حسب انت وتدريبك له واذا تبي تعرف كيف صراخه هذا فيديو شوفه وانت احكم وع فكره هو يصارخ بأي وقت مش من الخوف او شي مرات من الملل مرات يبا حد عنده مرات هو يلعب اخيلك مع الفيديو |
رد: مساعده من خبراء الكوكاتو
مشاء الله على ها المليكون يطلع منه طرب طرب ,يطرب اهل البيت والجيران والحاره
غرااب غرااااب هذا مستانس وكذا اجل لو زعلان وش بيسوي :confused: هذا لوبيعطوني اياه ببلاش ويعطوني معه كورفت مابغيته 9000 من زينه والله يا الدجاجه املح منه وافيد منه هو وسيقانه سيقان سلوى :D اما عن السلفر الي بعته بصراحه كان رااائع بكل معنى الكلمه لكن سبب البيع اول حاجه المسحوق الابيض الي يطلع من اريشه كان مثل الطحين وللاسف عندي واحد من الاهل فيه حساسيه قلت بعد لايموت علينا وينشبونا فيه وفي نفس الوقت كانت جدا لعوبه وذكيه وكان لازم لها اهتمام خاص جدا فيها لانها تستاهل الاهتمام الخاااص فيها لكن كان عندي امزوني وماقدرت اوفق بين الاثنين للاسف ولا ابي اظلم واحد على حساب الثاني خصوصا انها قهرت الامزوني قهر جابتله الحاله النفسيه صار يصارخ من قمة راسه كل ماشافها :D وهي ماقصرت فيه:88: عشان كذا عطيتها للي ستاهلها ويدلعها ويعززها واسفين طولنا عليك |
رد: مساعده من خبراء الكوكاتو
[CENTER][COLOR="Blue"]
اقتباس:
هههههههههههه هذا الامبريلا ملك الازعاج معروف على قولت سنايديه هذا وهو مستانس :confused: حتى انا طيري سلفر هادي وحبوب ماعنده ازعاج |
رد: مساعده من خبراء الكوكاتو
http://store2.up-00.com/Aug10/BTp02340.jpg
هذا المليكون الي تقصد مشاء الله شكله حلو فعلا النوع نادر بس انا اختلط علي الامر بينه وبين الامبريلا:D |
رد: مساعده من خبراء الكوكاتو
اقتباس:
شريته يوم اربعاء العصر وخبركم الخميس مافي دوام قمت على صراخه الساعه 7 الصبح ههههههههه قسم بالله بغيت اذبحه قاموا البيت على صراخي معه ..اسسسسسسسكت يااااااااااااا .......... وماجا عصر الخميس الا انا مرجعه للي شريته منه بس انا غشيم بالكوكاتو اللي عندي عرفه اصفر هل له اسم ؟؟؟ وشريته بـ 1200 قبل 16 سنه ومستغرب من اسعارها الحين !! |
رد: مساعده من خبراء الكوكاتو
هلا اخوي (امير دبي) صراحه مب طالع عندي الفيديو يمكن لاني اتصفح من البلاك بيري.
تسلم عالفبديو وعالتوضيح وافهم من كلامك اين اذا دربته واهتميت فيه ما راح يزعج؟ |
رد: مساعده من خبراء الكوكاتو
لا يا اختي (سنايديه) الماليكون طائر جميل جدا يجذبك يوم تشوفينه وهذا اللي شدني له (طائر نادر جميل جدا لعوب) ولكن على قولتج غراب هاهاهاهاها.
وزين سويتي انك تخليتي عنه عشان ما ينظلم ويطربج بصريخه المزعج. بس هل مازال مزعج عند صاحبه الجديد ولا هدا بعد ما حصل اهتمام كافي؟ |
رد: مساعده من خبراء الكوكاتو
اخوي ( كاسكو) انا اتكلم عن الماليكون مب عن الامبريلا!
يعني يمكن المليكون اهدا من الامبريلا وما يسوي ازعاج؟ طيرك سلفر كريستد؟ |
رد: مساعده من خبراء الكوكاتو
اقتباس:
اخوي لاحظ اني سبق وقلت لقد التبس علي الامر مابين الماليكون والامبريلا يعني انا يوم ذميت كنت اقصد الامبريلا الموجود في الفيديو الي وضعه اخونا امير دبي اما الماليكون نعم طائر يستحق القيمه المذكوره فهو نادر وجميل اما من ناحية كوكتي الي كانت عندي ما كانت تصارخ ولا كانت مزعجه وصاحبها الحين مدري عنه هي وياه اشكرلك سعت صدرك |
رد: مساعده من خبراء الكوكاتو
اخوي (ابوخالد) الكوكاتو انواع واغلاها الملوكن ويليه البقيه وتبدا اسعار الكوكاتو عندنا فالامارات من 2500 للفرخ وتصل إلى 8000
وعن 1200 درهم هذا قبل 16 سنه الحين الحال غير يا اخوي. الحين فرخ الكاسكو العادي ب1400 درهم |
رد: مساعده من خبراء الكوكاتو
تسلمين يا اختي (سنايديه) على تفاعلج مع الموضوع وجزاش الله خير.
|
رد: مساعده من خبراء الكوكاتو
اقتباس:
ايه طيري سلفر وبالنسبه للأزعاج صح فيه كوكاتوات تكون اهدأ من غيرها وبعضها ماعنده ازعاج من الاساس |
رد: مساعده من خبراء الكوكاتو
اقتباس:
هيه الصراحه الكوكاتو ملك الازعاج الصراحه وصوته عالي جدا كثر ما احاول اوضح لكم غير عن الطبيعه بس يبقى حلو بشكله وبحركاته وتصرفاته |
رد: مساعده من خبراء الكوكاتو
اقتباس:
اول شي احب اقولك الله يعينك شكلك متعود ع البلاك بيري والخدمه بتودع اما بخصوص الصراخ والتدريب تراه هو عموما كل الكوكاتو تقريبا ونسبيا معدل الازعاج عالي اتخيل انا عندي كوكيتل وطبعا هو من فصيلة الكوكاتو وصغير فصعوون من كثره حشرته وازعاج والله مرات اكون راقد اقوم اطلعه من قفصه واحطه بغرفه بروحه واسكر عليه الباب عشان يسكت بس انا اعطيك ضمان انك اذا دربت طيرك وعلمته يترك عادت الصراخ يعني رح يتركها ولا رح يسمع لها حس والتجربه خير برهان ( انا عندي كوكاتو كان يصارخ بس مع التعويد ومع بعض التدريبات الي اتخذتها خليته مش يتركها نهائيا بس صارت يعني تحسن بنسبة 90 % ) وارجع واقول يالغالي على حسب التدريب والجو والبيئه الي عايش فيها وربي يوفقك |
| جميع الأوقات بتوقيت GMT +3. الساعة الآن 01:35 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو