|
حبسته الكاسكو بالقفص 4 ايام .. تعالوا اقروا وش صار
السلام عليكم
كيف الحال انا ااعاني من هالتيس الاربد قصدي :shy: الكاسكو لولو لانه اكل ومرعى وقله صنعه :cool: شوفوا صورته مرتز بالتوقيع المهم هو مانن علي بصفيره وحده وماتطلع الا من كم لكم وماخذها من البادجي اللي عندي يعني حتى تفنن فيها مافيه :64: المهم كتبت مشكلتي هنا بالمنتدى ورد على احد الاخوان الله يجزاه خير وقال احبسيه بالقفص اسببوع وراح تسمعين التصافير لانه يبغى يلفت انتباهكم :p المهم حبسته 4 ايام وتجاهلته وامس غبنا عنه واليوم يوم دخلنا مع الباب هاك ياتصافير طبعا هي نفس الصفيرة :D لكن رددها كثير يمكن 20 مره ومن بينهم طلع صوت زي لما تقول حرف الررررررررررررررررررررررررررررررررررراء وهاك ياتعلق بالقفص من جوى يدور فيه مدري فرحان ولا وش سالفته برضو طنشناه ولاهمنا الحين ابي اعرف وش الخطوة الثانيه هل اطلعه من القفص ولا استمر بحبسه؟؟؟ حتى يصير يصفر وان شالله يتكلم :88: |
رد: حبسته الكاسكو بالقفص 4 ايام .. تعالوا اقروا وش صار
طنشية بعد اقعدية يمل ويقعد يتكلم
ومن تجربتي انا صعبة الببغاء يصفر وهو خارج القفص لانة دايم لاهي ومشغول يابلعبة اودران بالبيت فانصحك خلية بالقفص ولاتطلعينة الين تحسين انة صار تووووب واذا حبيتي تطلعية بس فترة نص ساعة ورجعية . |
رد: حبسته الكاسكو بالقفص 4 ايام .. تعالوا اقروا وش صار
فعلا هذا اللي صار
خلال ال 4 ايام طلعته 10 دقايق ورجعته علما ان الكاسكو عندي مايتحرك من الاستاند ولاعنجه لعبه برا لما اطلعه يعني مافيه شي ينشغل فيه لانه خواف مايتحرك من مكانه من يصبح لحد مايمسي؟ |
رد: حبسته الكاسكو بالقفص 4 ايام .. تعالوا اقروا وش صار
أكثر ما أسعدني اختي الغاليه انك قمتي بالتجربه يعلم الله مو لاني انا قلتها لك لا بل لانك جربتي واصريتي واحس فيك روح الحماس أحبسيه لا تطلعينه لكن فيه نقطه مهمه أبدأي انك تخلين لطير مكان ينام فيه , يعني المكان الي ينام فيه مو نفس المكان الي يجلس فيه وقت الصحوه . بعد صلاه المغرب حطيه في غرفه وخليه ينام والصباح طلعيه وحطيه وسطكم . الحين يبغالك اسبوع زياده وهو داخل القفص يعد الاسبوع أبدأي اجلسي معاه ولقينه عطيه كلمات سهله مثل { فتو بابا مين الو هلو } طريقه التلقين اجلسي جنب الطير وردد الكلمه الي تبغينها 10 مرات بصوت واضح وعالي اسكتي لمده 5 دقايق وارجعي قولي له الكلمه 10 مرات ثم اسكتي 5 دقايق ثم رددي الكلمه 10 مرات ثم أطلعي عن الطير مده ربع ساعه خليه في الغرفه لحالك , ارجعي ونفس الطريقه لمده نص ساعه . أعيدي الطريقه نفسها مده 5-7 مرات بااليوم خلال 3-5 ايام بأذن الله راح تسمعين طيرك يتكلم تقبلي مروري |
رد: حبسته الكاسكو بالقفص 4 ايام .. تعالوا اقروا وش صار
كلام جميل من الاعضاء
مخاصه د/احتراف انا شخصيا استفدت بيس يسعدكم جميييييييييع |
رد: حبسته الكاسكو بالقفص 4 ايام .. تعالوا اقروا وش صار
انا احس انك زعلانه من الطير اكثر من اللازم
لذلك لو استمريتي على هالطريقة راح تملي وتطفشي لكن حاولي تسوي كل شيء والدافع محبتك للطير |
رد: حبسته الكاسكو بالقفص 4 ايام .. تعالوا اقروا وش صار
اقتباس:
المهم فعلا اخوي احتراف انا اخذت بنصيحتك وحبسته وزي ماقلت لك بدا يصفر ويطلع اصوات لكن لاحظت اليوم الثاني والثالث الخ لما يجي وقت المغرب تقريبا يبدا يتحرك كالعادة لكن التصفير خف كثير رغم انه بالقفص؟ مدري وش المشكلة علما اني احيان اطلع من القفص نصف ساعه وارجعه اما الان لي يومين وانا اطلعه لانه ماعاد صفر وهو بالقفص؟ وش الحل شكرا لكم |
رد: حبسته الكاسكو بالقفص 4 ايام .. تعالوا اقروا وش صار
والله انا يااختي من وجهة نظري انك ماتحبسبن الطير مده طويله ممكن يحط في باله انك عدوه له ترى كل شيء يجوز لان البغبغاء وخاصه الافريقي طير حساس يعني هو منزوعه حريته وبعد ينحبس في القفص انا ماانصح ان الطير ينحبس راح يشعر بلملل يااختي انتي لاحظي اذا الطير طلع بره القفص يستانس ويلعب انتي وطريقتك في المعامله مع الطير شوفي هو وش يحب وكثري منه واذا عمل شيء مايرضيكي وقفي عنه الاكل الي يحبه او قللي منه خليه يحط في باله اذا عمل غلط راح ينحرم من الاكل الي يحبه وان شاء الله الامور بتصير على اكمل وجه تحياتي لكي وتقبلي مروري
|
رد: حبسته الكاسكو بالقفص 4 ايام .. تعالوا اقروا وش صار
جميع الببغاوات المحترفة بالكلام يتم حبسها ويكون التواصل معها من خلال الكلام فقط ويفضل وضعها في مكان مرتفع الى حد ما
و افضل وقت لتلقين الكلام الصباح الباكر او فبل المغرب أي قبل وقت نوم الطير ويتم التركيز على كلمة واحدة وسهلة مثل الووو أو بابا بالتوفيق ... |
رد: حبسته الكاسكو بالقفص 4 ايام .. تعالوا اقروا وش صار
اقتباس:
اتركيه يخلص باقي المده ويكون احسن لو ماتطلعينه ابدا ولا نص دقيقه فقط وقت الترويش يتروش ويرجع ع القفص بعدها لقنيه الكلام اذا لاحظتي انه جالس يلعب في القفص يتسلق تعالي جنبه ولقنيه كلمات سهله او تصفيرات في البدايه بعدين الكلام تقبلي مروري |
رد: حبسته الكاسكو بالقفص 4 ايام .. تعالوا اقروا وش صار
هلا فيكم شكرا جميعا
د. احتراف انا الان طلعته لي يومين وش الحل هل ابد من جديد واحطه بالقفص علما انه قل جدا تصفيره وصار مايصفر وقت المغرب الا كم تصفيره وحركته بالقفص قليلة واذا تحرك كثير بالقفص ادري انه راح يصفر لان شكله مبسوط |
رد: حبسته الكاسكو بالقفص 4 ايام .. تعالوا اقروا وش صار
ام ليان طالعه من الشر اشوف اسمك هاليومين اللي راحت لونه رمادي :D وش السالفه |
رد: حبسته الكاسكو بالقفص 4 ايام .. تعالوا اقروا وش صار
ما قصـرو الإخـوان
|
رد: حبسته الكاسكو بالقفص 4 ايام .. تعالوا اقروا وش صار
خخخخخخخخخ هلا محترف الشر مايجيك
ابد الله يسلمك نزلت موضوع عن محل وصار دعاية وانا مادريت وانشطبت هع |
رد: حبسته الكاسكو بالقفص 4 ايام .. تعالوا اقروا وش صار
مازلت انتظر هل ابدا معه من جديد واحبسه؟
|
رد: حبسته الكاسكو بالقفص 4 ايام .. تعالوا اقروا وش صار
الحمد الله علي السلامه
انا اقول استمري بالحبس |
رد: حبسته الكاسكو بالقفص 4 ايام .. تعالوا اقروا وش صار
اقتباس:
بس انا اسمي كاسكو لخبطتي بالاسم الله يجزاك بالجنه :D |
رد: حبسته الكاسكو بالقفص 4 ايام .. تعالوا اقروا وش صار
شيلي عنه الاكل وهو برع القفص مدة ساعتين راح يجوع وهو راح يتكلم وكلما تكلم عطيه حب او اي طعام يحبه وانا جربت
|
رد: حبسته الكاسكو بالقفص 4 ايام .. تعالوا اقروا وش صار
بصراحه انا قلت بجرب الطريقة بس لمن حبسته يوم فقط جيت الاقيه في الارضية ماسك حديده بفمه ويحرك رجله
للامام والخلف كانه يسبح بس ما سمعت منه ولا شي ممكن المساعده ؟ |
رد: حبسته الكاسكو بالقفص 4 ايام .. تعالوا اقروا وش صار
جربي حطيه بالحوش بوقت قبل المغرب وراح تلاحظي التغيير
|
رد: حبسته الكاسكو بالقفص 4 ايام .. تعالوا اقروا وش صار
اقتباس:
فكتبت محترف :12: |
رد: حبسته الكاسكو بالقفص 4 ايام .. تعالوا اقروا وش صار
شكراااااا لكم
|
رد: حبسته الكاسكو بالقفص 4 ايام .. تعالوا اقروا وش صار
تبين رايي يام ليان
انا الافريقي حقي دايم بالقفص اطلعه حول نص ساعه يلعب وينضف ريشه ثم ادخله لأني الاحظ اذا كان برا القفص ماش مايعطي جو واذا كان جوا القفص فيعطي تصافير وكلام وتقليد ولعب غير هذا فهو يلقط الكلام ويتعلم اكثر اذا كان داخل القفص |
رد: حبسته الكاسكو بالقفص 4 ايام .. تعالوا اقروا وش صار
شكرا لكم
يامحترف وينك انا الحين من خبرك وهو بالقفص اطلعه شوي وارجع ادخله القفص المكشلة الحين صار لنا افك له القفص او اقرب منه يتوحش اكثر رغم بدى يألف شوي وتصفيره خف صحيح وقت المغرب يتحرك بالقفص ويطبع كم تصفيرةووقت الصبح الساعه 6 يعني انا لاحظت انه مافاد معه الحبس غير اول الايام مدري وش علته؟؟؟ واذا طلعت من القفص يصير ساكت يادوب تصفيره ولاتصفيرتين وبها منه بعد؟ الحين لو احاول اقرب من ابي اشيله اسمع هاك الجعير وينزل بالقفص ولايعطيني فرصة اشيلة ؟؟ تغير علي الله يهديه؟ |
رد: حبسته الكاسكو بالقفص 4 ايام .. تعالوا اقروا وش صار
شوفي يأم ليان حبس الطير بالقفص على فكره هذي تصلح للببغاء المتكلم الاليف ..انتي ببغائك كذا ؟؟
اذا طيرك لسه تحت التدريب والترويض ماينفع يكون داخل القفص لأنه ينقلب ويتوحش من جديد لانه داخل القفص يحس بالقوه والامان فيهاجم ويتوحش النصيحه للطير اللي تحت التدريب يكون خارج القفص + التكثيف بالترويض والتدريب لحد مايطيح اللي براسه ويتآلف |
رد: حبسته الكاسكو بالقفص 4 ايام .. تعالوا اقروا وش صار
شكرا لك
طيري مهب اليف ولا يحب احد يقرب منه ومن نجلس جمبه وهو يجعر وخواف جدا اليوم طلعته وخليته على راحته بدون ماكلمه واعطيه بال رغم انه بدا يتألف لكن من حبسته عود يتوحش |
رد: حبسته الكاسكو بالقفص 4 ايام .. تعالوا اقروا وش صار
اقتباس:
فـ الافضل يكون برا القفص عشان يتعود ودقي خشمه بطريقتك لين يقطع الجعره والوحشيه :D وبالمناسبه بضيف لك معلومه اذا صار الببغاء اليف ابشري بالكلام راح يلقط ويتعلم |
رد: حبسته الكاسكو بالقفص 4 ايام .. تعالوا اقروا وش صار
شكرا لك
بعود من جديد ابد معه الموالفة |
| جميع الأوقات بتوقيت GMT +3. الساعة الآن 01:29 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو