منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة الزواحف (http://www.2zoo.com/vb/forumdisplay.php?f=60)
-   -   سؤال عن تربيه واسعار الأصله الألبينو .. (http://www.2zoo.com/vb/showthread.php?t=171048)

lost love 22-07-2010 10:38 AM
سؤال عن تربيه واسعار الأصله الألبينو ..
 
مرحبا ..

كيفكم ان شاء الله بخير ..

عندي بعض الأسئله عن تربيه الأصله .. ؟؟

هل هي صعبه مرررررره وقروشه وكذا .. يعني اصعب من تربيه الببغاء ولا القطط .. ؟؟

وماهي اهم الأشياء بالقفص غير اللمبه حقت الحراره .. ؟

وهل هي مكلفه التربيه بقوه ولا مو ذاك الكلافه .. ؟؟ من حيث الأكل وزي كذا ..

وآخر سؤال .. كم أسعار الأصله الألبينو أو العاديه وهي قصيره .. ؟؟

لأني الصراحه احب الثعابين مررره و ابغى اربيها .. وبغيت نصايحكم

lost love 22-07-2010 12:25 PM
رد: سؤال عن تربيه واسعار الأصله الألبينو ..
 
وفيه ناس نصحوني .. قالوا دامك اول مره تربي ثعابين .. جرب اول شي الــ Ball Python .

وش رايكم انتم .. ؟؟ وكم سعرها تقريبا وهي قصيره ؟؟

الآسطورهـ 22-07-2010 01:55 PM
رد: سؤال عن تربيه واسعار الأصله الألبينو ..
 
مرحبتين ..

الاصلات بشكل عام يبيلها عنايه ..

من ناحية درجة الحراره والرطوبه ومساحة الحوض

إذا تقصد البينو بورميس بايثون ,,

تبدا الاسعار من 1600 للي طولها 80-90 سـم تقريبا

وتزود إذا كبر حجمها طبعا ..

دامك مبتدئ بتربية الثعابين

خذ لك فالبدايه ثعابين محليه أو كورن سنيك ..

تربيتها اسهل وحاجاتها اقل

وآهـم شي تسويه قبل لا تشتري الثعبان

تشوفه ياكل قدامك .. إذا ماكل لا تاخذه

S.W.E.D

lost love 22-07-2010 02:46 PM
رد: سؤال عن تربيه واسعار الأصله الألبينو ..
 
^ ^

مشكووور مره .. طيب ما قلت لي هل عنايتها اصعب من العنايه بالببغاء إذا كنت مجرب الببغاء .. ؟؟

وانا معجبتي الأصلات أكثر شي وخصوصا الألبينو بس تراجعت لأني شفت ان طولها ياصل 3 امتار وزياده

وايش رايك أبدا بالــ Ball Python .. بحيث ان طولها ما ياصل مترين وكثير ينصحون فيها ..

طيب والكورن سنيك هل هو سام ولا لا ... وهل هو غالي .. ؟؟ و وين احصله ؟؟

sanak killer 22-07-2010 03:16 PM
رد: سؤال عن تربيه واسعار الأصله الألبينو ..
 
الكورن سناك مو سام وبالنسبه لي انا حبيتو

lost love 22-07-2010 05:26 PM
رد: سؤال عن تربيه واسعار الأصله الألبينو ..
 
طيب وأسعاره كم .. ؟؟ و وين احصله بالقصيم ولا بشرق الرياض بليييييييييز .. ؟؟

mr.crocodile 22-07-2010 05:38 PM
رد: سؤال عن تربيه واسعار الأصله الألبينو ..
 
شوف يا اخي ما انصحك بول بايثون لان عنايته صعبه شوي


انصحك بالبورميس بايثون تربيتهم سهله اسهل من الببغاء وتاكل بشراهه يعني انسا

فكره الاطعام الاجباري بعدين مات كبر بسرعه ويجي نوعين الالبينو والعادي

وانا مربي الاثنين اما اسعارهم الصغار تبدأ 1500 والكبار توصل ل 7000

وانت اختار بس ابتعد عن البول بايثن اسمعها مني نصيحه مجرب

mr.crocodile 22-07-2010 05:45 PM
رد: سؤال عن تربيه واسعار الأصله الألبينو ..
 
على فكره مو اسمها الاصله الالبينو اسمها الاصله البورميه وهذي صوره لها


http://www.2zoo.org/get-7-2010-2zoo_org_i6mzj4oy.jpg



http://www.2zoo.org/get-7-2010-2zoo_org_ixpwy606.jpg



وهذي للطفره منها واسمها البينو



http://www.2zoo.org/get-7-2010-2zoo_org_8pwuvr78.jpg

الآسطورهـ 22-07-2010 06:18 PM
رد: سؤال عن تربيه واسعار الأصله الألبينو ..
 
انا ماربيت ببغاء كبير لحد الآن

لكن اعتقد اصعب ..

بالنسبه للبول بايثن .. عندها مشاكل بالاكل كثيره

بحيث تمتنع عن الاكل لأصغر سبب ..!

واغلب الي تجينا .. ماتاكل مع الآسف

اما الكورن سنيك .. لأ مو سام

واسعاره ماعرف بالظبط

ممكن 1,000 ريال .. او تقل للي احجامهم صغيره واللون له دور بعد ..

S.W.E.D

lost love 22-07-2010 09:12 PM
رد: سؤال عن تربيه واسعار الأصله الألبينو ..
 
طيب الحين استقرينا على الكورن سنيك ان شاء الله ..

بس ياليت اذا فيه نصايح مهمه قبل الشراء او اثناء التربيه لا تبخلون علينا ..

و وين احصلها بالرياض .. ؟؟

mr.crocodile 22-07-2010 09:39 PM
رد: سؤال عن تربيه واسعار الأصله الألبينو ..
 
شوف تربيته سهله بس وفرلها اضاءه وارضيه كويسه على حسب ما تحب


وصندوق اختباء وحوض ماء لتغطس فيه واذا ماتقدر حط حوض فخار لتشرب منه لان الفخار يحفظ البروده


وطعامها يجب ان تعطيها كل اسبوع تقريبا واتمنا اني افدتك ^_^ وانصحك بالورميس افضل

|| PyTHoN || 23-07-2010 12:38 AM
رد: سؤال عن تربيه واسعار الأصله الألبينو ..
 
ممكن تكون نصيحة انك تربي Ball Python لكن من بعد ما أنا جربت أربي 3
أقترح عليك لو عرفت تربي حيايه محليه أو الكينج سنيكس عموماً فكر انك تربيها

لو ربيتها و كانت تاكل و كل شي تمام من البدايه أتوقع انشالله تعرف تربي كل شي

نوعها حساس جداً جداً على اتفه الأمور تضرب عن الطعام :(

امممم بالنسبه لك انت اختار الشي الي تحبه :)

انت تبي تربي حيه بس عشان جذي تقول عندي حيه ولا شنو ؟

عموما تربي شي تقدر عليه و التربيه أشوفها سهله انا عندي قطوه و هالسوالف
شوي يبيلهم شغل ولا الحيايه و هذول لا مخليهم بحالهم و عآدي

اممممممم بالنسبه للنوع

الحيايه أحجام صغار وسط كبار

لو تحب صغار تقريباً عندك الغراس سنيك ولا الأرقم
تحب وسط عندك الكينج سنيكس " من بينهم الكورن و الميلك الخ... " و البول بايثون
تحب الكبار مثل ما انت كنت تبي البايثون أو عندك الرد تيل
ممكن من الحيايه الكبار أألف نوع اهو الرد تيل ^^

لكن كبدايه مثل ما قالولك المحليه " الأرقم و أبو سيور و الساند بوا ... الخ " أو الكينج سنيكس

و موفق انشالله و أي سؤال حاضرين :)

lost love 23-07-2010 11:02 AM
رد: سؤال عن تربيه واسعار الأصله الألبينو ..
 
اول شي اشكرك يا مستر كروكودايل على النصايح .. بس البورميس ما حصلت لها معلومه ولا شي .. هل هي اغلى من الكورن سنيك ولا ارخص .. ؟

اقتباس:
المشاركة الأصلية كتبت بواسطة || PyTHoN || (المشاركة 1616186)
ممكن تكون نصيحة انك تربي Ball Python لكن من بعد ما أنا جربت أربي 3
أقترح عليك لو عرفت تربي حيايه محليه أو الكينج سنيكس عموماً فكر انك تربيها

لو ربيتها و كانت تاكل و كل شي تمام من البدايه أتوقع انشالله تعرف تربي كل شي

نوعها حساس جداً جداً على اتفه الأمور تضرب عن الطعام :(

امممم بالنسبه لك انت اختار الشي الي تحبه :)

انت تبي تربي حيه بس عشان جذي تقول عندي حيه ولا شنو ؟

عموما تربي شي تقدر عليه و التربيه أشوفها سهله انا عندي قطوه و هالسوالف
شوي يبيلهم شغل ولا الحيايه و هذول لا مخليهم بحالهم و عآدي

اممممممم بالنسبه للنوع

الحيايه أحجام صغار وسط كبار

لو تحب صغار تقريباً عندك الغراس سنيك ولا الأرقم
تحب وسط عندك الكينج سنيكس " من بينهم الكورن و الميلك الخ... " و البول بايثون
تحب الكبار مثل ما انت كنت تبي البايثون أو عندك الرد تيل
ممكن من الحيايه الكبار أألف نوع اهو الرد تيل ^^

لكن كبدايه مثل ما قالولك المحليه " الأرقم و أبو سيور و الساند بوا ... الخ " أو الكينج سنيكس

و موفق انشالله و أي سؤال حاضرين :)
انا ابي حيه عشاني احبها واستمتع بمشاهدتها .. بس ما شريت عشان الأهل كانوا رافضين والحين قالوا عادي ..

ولا ابي وحده تربيتها صعبه لأنه عندي ببغاء وقطوه كلهم تربيتهم صعبه شوي .. ولو شريت حيه تربيتها صعبه ما ادري ألحق على مين ولا مين ..

والنوع ابي شي بالكثير ياصل مترين .. يعني الوسط

هل الأصله الملكيه تربيتها سهله .. لأني انا معجبنتي اكثر شي الأصله ..

وكم توصل اسعارها وهي قصيره تقريبا .. ؟؟

خالد414 23-07-2010 11:56 AM
رد: سؤال عن تربيه واسعار الأصله الألبينو ..
 
اذا كان الببغاء والقطوه صعبه تربيتها عندك

فأكيد ان الثعابين اصعب

لاكن اذا وفرت مسلتزماته كاملـه بسهل عليك

ولا تنسى تفكر بـ توفير الاكل سواء فيران هامستر طيور على حسب الثعبان وحجمه

ومثل ما قال اخوي الآسطورهـ لاتاخذ الثعبان لحد ما ياكل قدامك علشان مايتعبك بالاكل ولا يضرب عن الاكل ويصيبه مكروه لاقدر الله

وبالنسبه للبول بايثن او الاصله الملكيه ما انصح اي مبتدىء فيها لانها ممكن اذا اكلت اليوم تضرب بكرا عن الاكل

ونصيحتي لك الكورن سنك ممتاز للمبدتئين .

او الاصله البورميه اذا تفضل الضخامه والولافه

ومن احسن الثعابين للمبتدين لسهوله اكلها ولتحملها

وبالاخير القرار راجع لك بس لاتشتري شي الا وانت عندك المعلومات الكافيه عنه

وبالتوفيق:)

|| PyTHoN || 23-07-2010 04:35 PM
رد: سؤال عن تربيه واسعار الأصله الألبينو ..
 
الشي الأول و الأخير انت شنو تبي ^^"

بالنسبه لي أول حيه مرت علي كانت أم جنيب بس ذبحتها :D

الثانيه أو بالأصح الي ربيتها كانت بول بايثون شوي واجهتني مشاكل من ناحية الأكل
البياع أعرفه و قالي 100% انها تاكل و سمعت كلامه -_-" بالأخير ما تاكل

عموماً انا عندي قطوه بالنسبه لي أهي أصعب ^^"

طول الوقت أقعد وياه و تعفس و تخرب و مادري شنو :D

فيها شطانه أما الحيايه أول أسبوعين أتوقع أنك بتشوفها صعبه حيل حيل

من ناحية توفير الإحتياجات أتوقع عالأقل 4 مرات رايح و راد عالحيه ^^

اممممممم بالنسبه لك تحب حيايه وسط لك الحريه بالإختيار
عندك الكورن سنيك و البول بايثون أحسن شي
بس من ناحية الأسهل مع اني ما ربيتها اهي الكورن سنيك لكن يمكن تواجه
مشكله صغييييره و الي اهي توفر الأكل ^^

الكورن تحتاج أكل صغير شوي و اتوقع صعب تحصله :\

أما البول بايثون يعني ماشالله بطنها كبيييير يعني ما تواجه مشكله و تذكر هالشي
لا تاخذ قبل ما تشوفها تاكل لو منو يكون البياع :D

لأنك لو ما شفتها تاكل و بالتالي طلعت ما تاكل بتواجه مشكله ممله -_-"

و الي أهي الإجبار عالأكل :\

و إذا تحب تعرف أكثر عن النوعين الكورن سنيك مادري ولله سوو بحث بالقسم
و البول بايثون أنا مسوي موضوع عن تربيتهم و بالتفصييييل الممل تقدر تدخل ملفي
و شوف المواضيع الي انا كاتبها و تلاقيه ^^"

و موفق ~

lost love 23-07-2010 04:48 PM
رد: سؤال عن تربيه واسعار الأصله الألبينو ..
 
اقتباس:
المشاركة الأصلية كتبت بواسطة خالد414 (المشاركة 1616679)
اذا كان الببغاء والقطوه صعبه تربيتها عندك

فأكيد ان الثعابين اصعب

لاكن اذا وفرت مسلتزماته كاملـه بسهل عليك

ولا تنسى تفكر بـ توفير الاكل سواء فيران هامستر طيور على حسب الثعبان وحجمه

ومثل ما قال اخوي الآسطورهـ لاتاخذ الثعبان لحد ما ياكل قدامك علشان مايتعبك بالاكل ولا يضرب عن الاكل ويصيبه مكروه لاقدر الله

وبالنسبه للبول بايثن او الاصله الملكيه ما انصح اي مبتدىء فيها لانها ممكن اذا اكلت اليوم تضرب بكرا عن الاكل

ونصيحتي لك الكورن سنك ممتاز للمبدتئين .

او الاصله البورميه اذا تفضل الضخامه والولافه

ومن احسن الثعابين للمبتدين لسهوله اكلها ولتحملها

وبالاخير القرار راجع لك بس لاتشتري شي الا وانت عندك المعلومات الكافيه عنه

وبالتوفيق:)
انا ما كان قصدي انها صعبه .. قصدي هل هي بنفس درجه الصعوبه ولا لا .. مع انه ما عندي اي مشكله بالببغاء او القطوه .. حتى الببغاء انا شاريه متوحش وقدرت اخليه اليف .. << المقصد انه ما عندي مشكله بهذي الأشياء ..

انا ان شاء الله ما راح اشري الثعبان إلا وانا مطلع عليه كامل وعلى إحتياجاته ..

وانا افضل الأصله البورميه لأنه شكلها معجبني من ناحيه الضخامه .. بس ممكن تاصل إلى 7 امتار .. انا وين بوديها اذا صارت كذا .. هذا الشي الوحيد اللي مخليني ما أفكر فيها ابغى شي مثل الأصله الملكيه بالطول .. يعني آخر شي توصله بالطول مترين ..

وانا للحين افكر بالكورن سنيك .. لأن طولها مو مره واليفه .. صح انه شكلها ما عجبني مره بس هي الوحيده اللي تصلح للمبتدئ ..

وتكفووون علموني عن الأسعار لأنها تقريبا مهمه بالنسبه لي ..

mr.crocodile 23-07-2010 05:15 PM
رد: سؤال عن تربيه واسعار الأصله الألبينو ..
 
يا اخوي اشتر البورميه وتوكل على الله بعدين

ماتنموا بسرعه يعني على الاقل 7 سنوات على الاقل واذا كبرت

يمكن تباعلك 16 الف ريال وبعدين تربيته سهله جدا وخذ وحده صغيره

يعني 75 سم وموفق ^_^

|| PyTHoN || 23-07-2010 06:10 PM
رد: سؤال عن تربيه واسعار الأصله الألبينو ..
 
عيب البورميه ما تقدر تهتم فيها للأبد ^^"

اذا كبرت حيل بيعها و اشتر غيرها أو وفر مكان مناسب لها

أو إخذ رد تيل بوا ضخمه و تعتبر من الأكثر ألفه من الحيايه الكبار

و تقدر تشيلها بروحك يعني وزنها أكثر شي يصير 50 كيلو

و طولها 4 أمتار

يعني تقدر عليها بإذن الله و انت أختار الي تحبه تبي ضخم تبي وسط الي تبيه

بس شوف انت شنو تقدر توفر ! تقدر توفر حوض كبير ؟ الأكل ؟ التنظيف و غيييييرها من الأشياء

ترى عادي الحيه ولا شي سهله تربيتها في ناس تربي أكثر من 50 حيه -_-"

و ماشي حالهم ~

انت أدخل يوتيوب و شوف الفيديوات عن الأنواع الي بخاطرك ^^

و اختار الي يعجبك لا تسمع كلام الناس الي بقول اليفه و مادري شنو ترى كلهم حيايه

لكن تختلف من حيه لي حيه مثلا البول بايثون ما تهاجم عكس الكوبرا هجوميه :\

بكل الحالات هاذا حيوان بري ما يتعلم ولا يتدرب ولا يعرف صاحبه سواءاً كان شبعان أو لا ممكن يعض بأي لحظه توقع هالشي و خله ببالك و فكر بكل حيه و نتيجتها و خطرها تعلم شنو الي يضايقها و كل شي لازم تعرفه هاذي ماهي قطوه ولا كاسكو و هالسوالف هاذي ممكن غلطه بسيطه نتيجتها كبيره ^^"

انا مو قاعد أخوفك مثلاً منهم مجرد تحذير أو نصيحه

بالمختصر المفيد

البول بايثون ممكن تعض الكورن تعض البورميس تعض البوا تعض القطو يعض

مافي شي أسمه أليف !!!

يعني اختار عالشكل و طريقة التربيه و الحجم الي يناسبك ^^"

ما عليك من النوع ~

و سالفة ما ينفع للمبتدئ لو انت حاب الشي هاذا أخذه عآدي مافي شي اسمه صعب

مجرد إعدادات الحوض و انك تمسكها و عموماً هالأنواع كلها هاديه ^^"

فلا تخاف ~

و موفق ~

lost love 23-07-2010 06:56 PM
رد: سؤال عن تربيه واسعار الأصله الألبينو ..
 
اقتباس:
المشاركة الأصلية كتبت بواسطة || PyTHoN || (المشاركة 1617201)
عيب البورميه ما تقدر تهتم فيها للأبد ^^"

اذا كبرت حيل بيعها و اشتر غيرها أو وفر مكان مناسب لها

أو إخذ رد تيل بوا ضخمه و تعتبر من الأكثر ألفه من الحيايه الكبار

و تقدر تشيلها بروحك يعني وزنها أكثر شي يصير 50 كيلو

و طولها 4 أمتار

يعني تقدر عليها بإذن الله و انت أختار الي تحبه تبي ضخم تبي وسط الي تبيه

بس شوف انت شنو تقدر توفر ! تقدر توفر حوض كبير ؟ الأكل ؟ التنظيف و غيييييرها من الأشياء

ترى عادي الحيه ولا شي سهله تربيتها في ناس تربي أكثر من 50 حيه -_-"

و ماشي حالهم ~

انت أدخل يوتيوب و شوف الفيديوات عن الأنواع الي بخاطرك ^^

و اختار الي يعجبك لا تسمع كلام الناس الي بقول اليفه و مادري شنو ترى كلهم حيايه

لكن تختلف من حيه لي حيه مثلا البول بايثون ما تهاجم عكس الكوبرا هجوميه :\

بكل الحالات هاذا حيوان بري ما يتعلم ولا يتدرب ولا يعرف صاحبه سواءاً كان شبعان أو لا ممكن يعض بأي لحظه توقع هالشي و خله ببالك و فكر بكل حيه و نتيجتها و خطرها تعلم شنو الي يضايقها و كل شي لازم تعرفه هاذي ماهي قطوه ولا كاسكو و هالسوالف هاذي ممكن غلطه بسيطه نتيجتها كبيره ^^"

انا مو قاعد أخوفك مثلاً منهم مجرد تحذير أو نصيحه

بالمختصر المفيد

البول بايثون ممكن تعض الكورن تعض البورميس تعض البوا تعض القطو يعض

مافي شي أسمه أليف !!!

يعني اختار عالشكل و طريقة التربيه و الحجم الي يناسبك ^^"

ما عليك من النوع ~

و سالفة ما ينفع للمبتدئ لو انت حاب الشي هاذا أخذه عآدي مافي شي اسمه صعب

مجرد إعدادات الحوض و انك تمسكها و عموماً هالأنواع كلها هاديه ^^"

فلا تخاف ~

و موفق ~
والله احس انكم كرهتوني وبتقولون لا عاد تشتري ثعابين :D

الطول ابغاه وسط والحجم مثل الأصله الملكيه او ما يقاربها ..

والله اذا كانت الرد تيل بوا مو غاليه مره .. اقدر عليها ان شاء الله ..

الحوض اقدر افصل الحجم اللي ابي وببلاش .. الأكل للحين ما ادري وشو اكثر شي مناسب عشان اقول اقدر اوفره ولا لا .. التنظيف اللي قدرني على الببغاء والقطوه يقدرني ان شاء الله عليها

طيب كيف شراهت البوا .. ؟؟ هل هي على اتفه شي تضرب عن الطعام .. ؟؟

وهل هي غاليه مره ولا سعرها متوسط ولا كيف .. ؟؟

وادري اني تعبتكم واقلقتكم بس والله ما ودي اشتري شي وانا ما اعرف عنه شي او ما حبيته ..

mr.crocodile 23-07-2010 07:33 PM
رد: سؤال عن تربيه واسعار الأصله الألبينو ..
 
والله ما ادري ما ربيت ريد تيل بوا واذا تعرف محل بالرياض

يبيعها علمني واسمع كلام اخوي بايثون لان كلامه جواهر

خالد414 23-07-2010 07:51 PM
رد: سؤال عن تربيه واسعار الأصله الألبينو ..
 
حتى الردتل بوا حلوه وجميله وشهيتها مفتوحه

بس مشكلتها عند اغلب الناس يمكن تكون من صالحك (نموها بطيئ)

|| PyTHoN || 23-07-2010 08:59 PM
رد: سؤال عن تربيه واسعار الأصله الألبينو ..
 
^

بالعكس انا عندي كبرت بـ 3 أسابيع 10 سانتي @.@"

خالد414 23-07-2010 09:05 PM
رد: سؤال عن تربيه واسعار الأصله الألبينو ..
 
اقتباس:
المشاركة الأصلية كتبت بواسطة || PyTHoN || (المشاركة 1617435)
^

بالعكس انا عندي كبرت بـ 3 أسابيع 10 سانتي @.@"
اقصد بالنسبه للبورميه :)

وانا عندي الاثنين حالياً :)

|| PyTHoN || 23-07-2010 09:05 PM
رد: سؤال عن تربيه واسعار الأصله الألبينو ..
 
بالنسبه لسعرها شوف اهي من الحيايه النادره جداً جداً بالخليج
عموماً متوسط سعر الصغيره حيل عمرها شهر ولا شهرين تقريبا الطول
ما بين الـ 40 و 60 سانتي تكون حول الـ 80 دينار = 1000 ريال

مادري عن اسعاركم بس

بس شوف حاول ما تاخذ صغيره لأن مشكله أكلهم ولله

انا عندي صغيره شوي دايخ بأكلها ما أقدر أوفره كل وقت

اخذ كبيره شوي تقدر تاكل فار أو كتكوت يكون أحسن ^^"

|| PyTHoN || 23-07-2010 09:05 PM
رد: سؤال عن تربيه واسعار الأصله الألبينو ..
 
عبالي تتكلم عن الرد تيل بوا هههههههههههه :D

خالد414 23-07-2010 09:08 PM
رد: سؤال عن تربيه واسعار الأصله الألبينو ..
 
لا فهمتني غلط اقصد ان البوا نموها بطئ بالنسبه للبورميه

|| PyTHoN || 23-07-2010 09:16 PM
رد: سؤال عن تربيه واسعار الأصله الألبينو ..
 
ولله على الي أعرفه ثنينتهم نموهم سريع :\

بس مادري على الي قريته لي أول سنتين للبورميس تكبر بسرعه
بعدها شوي شوي تكبر

و للبوا تقريباً لما توصل 7 أقدام تقريباً مترين و نص نموها يصير أبطأ

عالعموم مانبي نخلي الموضوع جات :D

بالأول و الأخير أختار الي تحبه ^^"

lost love 23-07-2010 11:00 PM
رد: سؤال عن تربيه واسعار الأصله الألبينو ..
 
^ ^

الأسعار اللي قلتها قبل شوي أسعار اي وحده .. ؟

|| PyTHoN || 23-07-2010 11:44 PM
رد: سؤال عن تربيه واسعار الأصله الألبينو ..
 
الرد تيل بوا

..

lost love 24-07-2010 12:34 AM
رد: سؤال عن تربيه واسعار الأصله الألبينو ..
 
ان شاء الله خلاص .. ثبتت على الرد تل بوا ..

بس اي طول احسن شي آخذه .. ؟

mr.crocodile 24-07-2010 12:49 AM
رد: سؤال عن تربيه واسعار الأصله الألبينو ..
 
خذ وحده طولها على الاقل مترين عشان تستمتع فيها مو صغيره

|| PyTHoN || 24-07-2010 01:11 AM
رد: سؤال عن تربيه واسعار الأصله الألبينو ..
 
^
مو شرط مترين يعني المهم تقدر تاكل فار كبير أو ارنب

ترى أحلى شي وقت الأكل :D

لأن عندي وحده صغيره عمرها الحين حول الشهرين

مشكله أكلها ياخي كأني فاتح حضانه -_-"

+ تعض وايد لأن الصغآر يخافون ^^" بس الحين خلاص ما قامت تعض
من كثر ما عضتني الحين عرفت ماكو فايده تعض ولا ما تعض النتيجه
أمسكها على كيفي :D

فإخذلك كبيره أحسن ^.^

خصوصاً الإهمتام بالصغار أصعب من الإهتمام بالكبار

الكبيره توكلها من 10 - 14 يوم

لكن مافي اي مشاكل لو توكلها كل 3 اسابيع او شهر

أما الصغار توكلهم فيران مواليد !!

من وين تشتري الله أعلم :D

و توكلها كل 5 أيام بعد -_-"


..

mr.crocodile 24-07-2010 01:31 AM
رد: سؤال عن تربيه واسعار الأصله الألبينو ..
 
صح كلامك يا بايثون اكثر شي ممتع

في تربيه الثعابين وقت الاكل

lost love 24-07-2010 01:58 AM
رد: سؤال عن تربيه واسعار الأصله الألبينو ..
 
والله تحمست مرهــ ..

وش رايكم ادور وحده طولها اكثر من متر واقل من مترين .. ؟

|| PyTHoN || 24-07-2010 05:07 AM
رد: سؤال عن تربيه واسعار الأصله الألبينو ..
 
انشالله لو من بيضه بس لو توفر أكلها خلاص مافي مشاكل

لكن كل ما كانت أكبر مشكلة الأكل تقل ^^"

الفيران و الهمسترات و الكتاكيت و الأرانب موجود علطول بالأسواق ^^

lost love 24-07-2010 10:44 AM
رد: سؤال عن تربيه واسعار الأصله الألبينو ..
 
اووووووووكي ما قصرتوا كلكم والله ..

واسفين تعبناكم معنا

ايمن جوحلي 31-07-2010 03:31 AM
رد: سؤال عن تربيه واسعار الأصله الألبينو ..
 
عادي اهم شي الاكل البينو تاكلها اجباري بس اذا عوتموها واحسن شي لها اجنحت الدجاج المقطع بدون العضام نصيحت مجرب ا=لاني اكلت وحدة والله ماتت


جميع الأوقات بتوقيت GMT +3. الساعة الآن 04:01 AM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو