|
لموش يخاف من بعض الاكل
السلام عليكم
طبعا انا استفدت كثير من مواضيع القسم صراحة وحبيت اطبق كم واحد قريت البعض يقول نوع بالاكل يعني اعطيه خيار تفاح قفلت بشيل الحبوب والحب الشمس واعطيه تفاح وخيار بس ماتصدقون كيف لموش خاف رعب من التفاحه يوم مديتها له وعلقتها ولايقرب منها ويجعر لما اقربها منه ونفس الشيء الخيار :confused: وش الحل طبيعي؟ ولا استكر اشيل الحبوب واخلي التفاح ولا وشو؟؟؟ |
رد: لموش يخاف من بعض الاكل
معلقه تفاحه كامله ؟؟
|
رد: لموش يخاف من بعض الاكل
اخي العزيز ..
بالنسبة للطريقة الصحيحة هي .. - عند النوم في اخر الليل شيل الاكل من قفص الطير. - عند الصباح الباكر سوف يكون جائع .. ومن الطبيعي انه يدور الاكل. - قم بتقطيع التفاحة اجزاء متوسطة وضعها في الوعاء. - خذ بعض من القطع وحاول تأكلها امام الطير عشان يحس بأنها عبارة عن اكل. - ضع الوعاء واترك الطير في غرفة لوحده. بعد كذا اديني ايش يصير معاك |
رد: لموش يخاف من بعض الاكل
لا نص تفاحه معلقه في القفص
اوكي راح اجرب يسلمو اخوي مجنون سؤال اقشرها ولا لا؟ والمشكله الوعاء كبير شوي يعني التفاح يصير اسفله مره عادي بيقدر يوصله ولا كيف؟ |
رد: لموش يخاف من بعض الاكل
انا افضل انك تخليها بقشرها .. بالنسبة للوعاء اذا كان كبير .. خلي قطع التفاح اكبر .. وان شاء سهالة
|
رد: لموش يخاف من بعض الاكل
يعطيك العافيه يارب
اوكي بجرب اليوم واقولك وش يصير |
رد: لموش يخاف من بعض الاكل
وعاء كبير ؟؟
حاط قدر الله يصلحك !! اقطعله قطعتين الوحده منهم بطول انشين يعني نصف الاصبع تقريبا ومثل ماقال مجنون الامزون الصبح بيكون ميت جوع بس لاتكون انت تطول بالنوم وماتقوم الا متأخر |
رد: لموش يخاف من بعض الاكل
لا يابوخالد الله يسلمك ماحطيت قدر
بس المواعين اللي جابه بالقفص كبيره وش تبيني اسوي يعني شكرا لك.... أختك اخوي مجنون شلت الحبوب الان الساعه تقريبا الحين ١٢ ونص وبقولك وش يصير |
رد: لموش يخاف من بعض الاكل
اتبعك كلام الاخوان
انا ولله داخل بقول نفس الكلام |
رد: لموش يخاف من بعض الاكل
اكيد راح يخاف من الفاكهه او الخضار اذا كانت كامله
مثل ماقالو قطعيها .. واهم شي انك تاكلين .. ولاتكثرين له من الفاكهه والخضار .. وعطيه خبز مبلل بماء او بسكويت شاي مبلل بالماء . |
رد: لموش يخاف من بعض الاكل
ابشركم سويت مثل ماقال اخوي مجنون الامازون
والحمد لله لموش اكل التفاحه كلللللللللللها :) واليوم جبت له فول سوداني |
رد: لموش يخاف من بعض الاكل
باقي لي مشكلة بس الطلوع على اليد
الكلام عاد يجي مع الوقت بس سالفة الطلوع على اليد لين الحين يعض نص ونص مو مثل اول قوي فصرت استخدم فوطه على ايدي صح يخاف منها بس احس انه بيتعود عليها لانه خاف بس رجع وطلع على ايدي وملفوف عليها فوطه تقريبا طلع 4-5 مرات اللي سويته الحين اني خليت الفوطه قريبه من قفصه عليه تقريبا عشان يتعود عليها مادري صح او خطا؟ |
رد: لموش يخاف من بعض الاكل
بالنسبة للعض .. اسهل طريقة لتفاديها هي:
- قم بوضع عسل او مربى او زبدة الفول السوداني على طرف اصبعك. - لا تقم بأي حركة مفاجئة حتى لا يتربش او يخاف. - استمر بهذه الطريقة ثلاث مرات في اليوم لمدة خمس ايام. - صدقني راح ينسى العض نهائيا .. وراح يعرف ان يدك وسيلة امان. اعملها واديني خبر |
رد: لموش يخاف من بعض الاكل
أوكي يعني قصدك أحط على إصبعي عسل وأعطيه؟
يعني أمد له إصبعي؟ ويسلمووووو |
رد: لموش يخاف من بعض الاكل
ايوة يا غالي ..
حط العسل على اصبعك ومدله يدك .. راح يحاول يعض لكن لا تخاف خلي يدك ثابتة .. وراح تشوف الفرق ان شاء الله |
رد: لموش يخاف من بعض الاكل
السلام عليكم
بصراحه اخوي مجنون الامازون ما قصر ومعلوماته كامله ماشاءالله والله يهنيك بطيرك تقبلي مروري |
| جميع الأوقات بتوقيت GMT +3. الساعة الآن 12:20 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو