|
البلوفرنتد أسعار مرتفعه وقدرات ........؟ هل من موضح
السلام عليكم ورحمة الله وبركاته
أخواني أخواتي يوجد سوعال يقرقع في قلبي قرقعه ومما زاد من هذه القرقعه هو تجولي في قسم البيع والشراء وهو ما خلاني أني اجي وأقولكم ما يحوس في خاطري منذ مبطي يا اخوان انا لي تجربه مع ثلاث طيور بلوفرنتد بصراحه كلهم التجربه معهم بأت بالفشل الا واحد منهم فقط وهو الذي مازال يقطن في بيتنا مترنحأً نائماً اكلاً شارباً متدلعاً ,أكل ومرعا وقلت صنعا كل هذا وشايف نفسه وراد بالشعب حدنا نوكله الي في الثلاجه ونحكك في راسه وذا شبع تحقيق قبط مصبعك قليل الخاتمه لكن الي مخليه غالي علينا انه وليييف ويرقا على اليد ويحب الناس ومايعض ويحب يلعب ويلهو ومدري وشو المهم بعد كذا شرينا واحد ثاني بلوفرنتد بس يختلف شكله عن الاول ولونه هذا من شريناه وهو متعنقط في الشبك كنه طرزان ما غير ناشب قي ذا القفص وملزق وجهه وذا جا ياكل لينه ياكل وهو متعنقط ووجه ناشب في ذا الشبك يقشم ويررمي وخدامين ابوه يكنسون الي تحته وذا جا ينام ومر احد جنبه يطالعك بعين وحده بس والثانيه مسكره يتبع الماشي لين يروح ويكمل نوم بالله ذا ببغا هذا خواله ذيابه وذا من عليه الله وجا ينطق يزعق زعقه والله كنه جني بعدين يلحنها مثل سفونيات الرعب الي في الافلام بعدين تحس نظراته موطبيعيه تحسه فيه شزوفرينيا في المخيخ وطول الوقت فاصل وعظاظ ولاهو اليف ولا يرقا ولا ينزل بس متعلق بعناه غير ماسوف عليه بخساره كل ها المميزات وسعره وكنا شريناه بخمس الاف ريال ليه طيب مايكفي انه خبل الثاني وما ادراك ما الثاني هاد هذا شكله غير اخضر غاامق وحلو لونه وعيون حمر اول ما شفته في الظلام شي عيونه مولعه بسم الله علينا وعلى حوالينا ذكرني بفلم تواي لايت المهم هذا ما ينطق الا كلمه وحده بس بابا ويصيح ربع صيحه ويسكت نقدر نقول انه ربي مثبته اكثرمن الي قبله من ناحية الارتجاج في المخ ومايرقا ولا ينزل وربع اليف اشتريناه بسبع الاف ومدري كم طيب ليه وطبعا بعناه بس بخساره القصد من الموضوع كله ان البلوفرنتد حلو وجميل واجتماعي بس ما تشوفون انه غالي شوي يعني عشان لونه الاخضراني :D يعني طير وطني :88: خصوصا انه متحدث مزاجي وصعب واذا تعدي عمره السنه ماتكلم اتحدى يتكلم بعد كذا من جد احس كل محاولتنا فااااااااشله مع البلو فرنتد من حيث الكلام قسم يا القطو الي عندنا تلقن ما تلقن ذا الطير وشكرااا واسفييييييييين على طول القرقره اتمنى ان كل واحد عنده اضافه لايبخل علينا بالمشاركه |
رد: البلوفرنتد أسعار مرتفعه وقدرات ........؟ هل من موضح
اختي العزيزة .. اعذريني على هذه العبارة لكن لازم اقولها (طريقة اختياركم للطير خطأ) والشئ الثاني انو الاسعار الي ذكرتيها مبالغ فيها ..
انا حاليا عندي بلوفرونتد يقول اكثر من ثلاثين جملة واكثر من 80 كلمة وعمره سنة وثمانية اشهر (ما شاء الله تبارك الله) ... اخذته وكان عمره 7 شهور يقول اربعة كلامات فقط .. وعندي قبله اثنين كلهم صغار وكلهم يتكلموا وكلهم بعتهم بأقل من 5000 ريال. عموما الحاصل ان الطريقة الي تستخدمونها في اختيار الطير غير صحيحة ولازم تغيريها. |
رد: البلوفرنتد أسعار مرتفعه وقدرات ........؟ هل من موضح
اهلا بك اخي
والله ياخوي هذا الحال مثل ماقلت لك والله على ما اقوله شهيد الاسعار نفس ما ذكرت سابقا وانا قلت ان الطير بعد مايكمل سنه وهو ماتكلم احس تعليمه بعد كذا صعب وانت تقول اختيارنا في الطير غلط طيب ايش هي الطريقه الصح يعني كيف نختار وشكرا للمرور |
رد: البلوفرنتد أسعار مرتفعه وقدرات ........؟ هل من موضح
اقتباس:
|
رد: البلوفرنتد أسعار مرتفعه وقدرات ........؟ هل من موضح
المفروض انك لازم تسالين قبل شراء اي بغبغاء وبعدين في شغله ثانيه البلو فرونتد من المرتبه الثالثه من انواع الامازوني المفضله لدى الكثير من المربين المحترفين وهذا بغبغاء مو خبل هو ذكي بس ممكن مافي احد علمه واهتم فيه علشان كذا البغبغاء مو عاطي وجه لحد .السموحه وتقبلي مروري
|
رد: البلوفرنتد أسعار مرتفعه وقدرات ........؟ هل من موضح
اقتباس:
|
رد: البلوفرنتد أسعار مرتفعه وقدرات ........؟ هل من موضح
اقتباس:
ياخي كن السالفه صارت هجوم :D اجل قصدك الي مايعرف الصقر يشويه :D انت لو قريت الكلام بتمعن فهمت ايش اقصد انا ماقلت البلوفرنتد خبل انا قلت ان الي عندنا تصرفاته غريبه بعدين ان حكمت ان محد عطاه وجه ومهمل لا ياخوي بلعكس كنت مهتمه كثير فيها بس هي مزاجيه وعنيده بعض الشيء أقدر مرورك الكريم وتشريفك |
رد: البلوفرنتد أسعار مرتفعه وقدرات ........؟ هل من موضح
هههههه
والله قصتك تحفة واسلوبك يقطع البطن من الضحك الله يسعدك على الرواية الجميلة وعلى الأسلوب الممتع وانا متأكد اني برجع اقرأ الموضوع مرة ثانية وثالثه اختي البلو فرونت افضل شي تاخذيه فرخ أبكم أصم أخرق وانتي تعلميه وسعره يكون حوالي ٣٠٠٠ ونص ببغائي ميزو يغني ويبرقط وحتى يسب وعنده مهارات وابداعات وجالي فيه ٧٥٠٠ ريال وما بعته الأسعار اللي ذكرتيها معقولة لو كان الببغاء يستاهل من ناحية المهارات والقدرات بس اللي شريتيهم هذولا جو السعودية بالواسطة وأسعارهم الحقيقية في حدود ال٣٠٠٠ تزيد وتنقص ٥٠٠ ريال وفي الأخير احب اشكرك على خفة الدم اللطيفة واذا تبغي تشتري ببغاء استشيري الأخوان في المنتدى وما حيقصرو معاك تحياتي |
رد: البلوفرنتد أسعار مرتفعه وقدرات ........؟ هل من موضح
اقتباس:
لا اصدق الزعيم سكر زعيم ياناس وربي زعييييم :88: اقسم بالله في تي تلقفتاك الكبير كبيييييير ياسكر كبير بصراحه انا بس يكفيني تشريفك يازعيم :12: اما من ناحية كلامك ميه ميه يا معلم والله صدقت وتقول جو السعوديه بواسطه انشهد ههههه:88: وانت صدقت ان الواحد لازم يشتري البلوفرنتد زي ماذكرت لساته فرخ عشان يتعلم وانا ادري انه ملعوب علينا فيها خبرك عليميه جديدين على الامزون حدنا حمام الحاره :D اما من ناحية ميزو حبيب الملايين وطيري المفضل في المنتدى من بعد اذنك طبعا :D ولالالالا يسوون مخلب من مخالبه ها الاغبيا الي عندنا تقارن هذا الطير السنايدي بها الدلوخ الي شرييناها :confused: لاوالله حشا على ميزوز :D فهو لا يمت لتلك السلاسه المستدلخه بصله سبحان الله حتا لونه وشكله يختلف اصلا انا اشك الي عندنا من الامزون انا قايله هذولي من الربع الخالي وملونينهم بالفلمستر على جباهم تسلم تسلم تسلم على مرورك وتعقيبك وتشريفك ولا تحرمنا نصايحك ياكبير ياشيخ قدام قداااام وحنا وراك :88: ملاحظه: لما تم شراء الطيور المذكوره سابقا كنت لاعرف عن الطيور سوى اسمها فقط ولا اهتم فيها مطلقااااااا ولا اعرف حتا ان كان فيه امزون ولا مافيه والطيور اساسا ليست لي انا خاصه لكن الاهل شرو وابديت اهتمامي في الطيور وبدات اتعرف عليها جيدا وحسيت ان الي باعونا الطيور من جد استغلو جهل الاهل في هذا النوع بالذات بس انا ذكرت الموقف لاني حسيت ان حنا كنا مخدوعين من الشريطيه الي باعونا اياها |
رد: البلوفرنتد أسعار مرتفعه وقدرات ........؟ هل من موضح
:)
الامازونيات ماحبيتها اصلا <<<< وش تبي جاي ؟ 7 الاف وربع اليف ومايتكلم ؟؟؟؟ نار الاسعار ومدري على ايش |
رد: البلوفرنتد أسعار مرتفعه وقدرات ........؟ هل من موضح
اقتباس:
ظهر الحق وزهق الباطل إن الباطل كان زهوقا :88: |
رد: البلوفرنتد أسعار مرتفعه وقدرات ........؟ هل من موضح
ماطرا عليكم الكاسكو ؟؟؟؟
<<<<< بداية غسيل المخ |
رد: البلوفرنتد أسعار مرتفعه وقدرات ........؟ هل من موضح
يالبا الكاسكو .. وحكياته ... حتى لو ماحكي ..
اختي انا انصحك .. بعد مابعتي كل ذا اللي عندك .. خذي لك فترة نقاهه تثقيفيه ولفلفه بقسم الببغاوات بهالمنتدى المصون وانا ادري بالاخر بتكتشفين انو مافي احسن من الكاسكو ههههههههه :D تقبلي مروري |
رد: البلوفرنتد أسعار مرتفعه وقدرات ........؟ هل من موضح
اف اف اف اف اف اف .. :wao:
خلاص يا سكر اخذت الجو وكلامك كله صار عين العقل .. هههههه :88::88: واحنا كلنا كلامنا كله هجوم .. :angry: ههههه امزح |
رد: البلوفرنتد أسعار مرتفعه وقدرات ........؟ هل من موضح
اقتباس:
اخوي عندنا سداح رازن عنقه تقل نعامه مو ببغا :D افريقي جانبو وربي عليه هياط موب على سنع بس مشكلته حياوي شوي مايحب الغرب :shy: واذا على الافريقي خبرتنا فيه انا والوالد من عشرين سنه كان عندنا واحد الاول عش عندنا عشر سنوات وكنا نحبه ومن زود حبنا له سويناله تمثال واثقنا تاريخ ذكراه مات و نشتري ثاني يموت نشتري ثالث بس توقفنا الفتره الاخيره وتونا شارين من اربعه شهور سداح الراداح :88: |
رد: البلوفرنتد أسعار مرتفعه وقدرات ........؟ هل من موضح
اقتباس:
اهلييييين بسحوره هلا والله حبيبتي عندنا كاسكو سداح مشالله عليه :D والبلوفرنتد الدلوع الي عندنا مابعته لاني تبنيته عقليا وعاطفيا وهو الي قام ينتف ريشه :( يوم رحت عنه الله يحفظه يارب :( بس يختي مشكلة الكاسكو انه خجول مره فيه حيا مدري وش يبي معن الزمن ذا معد فيه احد يستحي :p والامزوني راد بالشعب يهايط متى مابغى قدام الناس من وراهم فوقهم تحتهم على كيف كيفك:88: بس لو ينزلون سعر الامزوني شوي ويراعون الناس العاطله ياسلام>>>>>برى برى :D |
رد: البلوفرنتد أسعار مرتفعه وقدرات ........؟ هل من موضح
اقتباس:
والله ياخوي سكر ما جاي يقولي انتي الي غلط انتي ماعرفتي تختارين وحطمني وطيح وجهي ولم يجعلني في نظري كا البلهاء التي لاتفقه شياء في الطيور :D هو تفهم ايش القصد وفهمني كيف الطبخه تكون علما ن الطيور ليس لي خاصه بل هي للعايله بس انا سويت تجاربي فيها :88: لاياخوي ما تهون ولا يهون مرورك العطر بالعكس بس يمكن امس حسيت بصدمة :p لما حسيت اني حدي فرخ دجاجه مع اثنين حمام قلابي :D |
رد: البلوفرنتد أسعار مرتفعه وقدرات ........؟ هل من موضح
آآآآآآآسف جدا .. حقك علي .. هههههه
والله ما قصدت في كلامي اني اطيح وجهك او شئ لكن والله زعلت من الاسعار اللي قلتيها وحسيت انك عانيتي من النصابين الي ما يخافوا الله .. عموما صدقيني كلنا راح نوقف معاكي اذا نويتي تشتري .. بس عطينا المعلومات واحنا نتكفل بالباقي |
رد: البلوفرنتد أسعار مرتفعه وقدرات ........؟ هل من موضح
البلوفرنتد حلاته تأخذيه فرخ زي ماقال سكر فيه طيور افريقيه جريئه
|
رد: البلوفرنتد أسعار مرتفعه وقدرات ........؟ هل من موضح
مو كل الكاسكو يستحي <<< بتنقلب احزاب الحين :D
.. ياشيخه روحي .. وقولي آمينــ .. جعل الأمازون يصير ارخص مافي السوق :D تقبلي مروري طال عمرك |
رد: البلوفرنتد أسعار مرتفعه وقدرات ........؟ هل من موضح
اقتباس:
تسلم تسلم وماقصرت :D الف الف شكر وما نستغني عن خبرتك ونصايحك |
رد: البلوفرنتد أسعار مرتفعه وقدرات ........؟ هل من موضح
اقتباس:
|
رد: البلوفرنتد أسعار مرتفعه وقدرات ........؟ هل من موضح
اقتباس:
اهلييييييين والله بسحوره :freind: آآآآآمين يجي يوم والقا لوحه في سوق الحمام أشتر يلوناب واحصل على بلوفرنتد مجاناً:88: هع بس على فكره اذا رخص الامزون الافريقي وش بيصير عليه نشوفه يجلح في سماء الرياض على الشجر والمباني خخخخخخخ :D امزح لاحد يجي ويفقع وجهي حيو الافريقي حيوه حيو الاسمر اني حيوه :88: |
رد: البلوفرنتد أسعار مرتفعه وقدرات ........؟ هل من موضح
،،
اللي ما يعرف الصقر (( يحطه بالميكروويف )) هع هع تبين العلم اللي عليه الحتسي ؟ هي نفسيات .. يعني كل مربي وهاوي .. وهواه ومزاجه .. اللي يشوف الافريقي ازين .. واللي يقول لا البلوفرونتد اطلق بمليون مره .. لكن الصدز انه كل طير وله مميزات وعيوب .. وكل واحد يشوف وش اللي يمشي معه ويوافق اطباعه .. وبنفس الحزه تخارجه الدراهم .. بعضهم هاج عن البلوفرونتد واخذ افريقي بس علشان ماعنده (( قرنقش )) .. وبعضهم يجيب بلوفرونتد متربي بين شلة اسود ونمور وكبير بالعمر .. تلقينه مهب بس يعض .. تلقينه يعرمششش .. ولا هنا زود كلام وهذره .. همن بالاخير يقول البلوفرونتد مهب زين ..!! طيب رح خذ لك افريقي مصيود عمره فوق سنتين وعيونه صفر وتسمع جعرته من آخر عاير بالحاره !! وقل انه زين بعد علشان اجي اتمردس بحوضك !! فاينلي .. ( هذي داخله عرض ) .. تنقي لتس طير على حسب مزاجتس .. وحنا بذا للمساعده .. متى مابغيتي تشترين طير نادي .. وبنلبي .. ولبيه يالحد القصيمي وجيناك درقن درقن .. وخلي عنتس قومات الصبح هع هع ،، |
رد: البلوفرنتد أسعار مرتفعه وقدرات ........؟ هل من موضح
اقتباس:
اختي او اخوي انا جيت هنا استفسر عن اسعار المهبل الي بالسوق الطيور الي تعاملت معاها ليست طيوري الخاااااااااصه بل هي طيور اخوي عشان كذا نا لو بغيت اشتري ما شريت ها المرضى النفسيين الي شراهم :D ومن ناحيت الطيور تجيك في السوق مع صاحبها الطير الوديع المهذب واذا جا في البيت قلب ضبع اللهم يكافي بعدين عندنا بلوفرنتد فرخ صغير ناااااااادر مايتكلم نقدم له طلب بعد اسبوع يلبيه انا ماقلت البلوفرنتد مااااااااااهوب زين وربي زين وربي حلو واقسم بالله احسن من مني ومن طوايفي :D متشكرين اعلى المرور |
رد: البلوفرنتد أسعار مرتفعه وقدرات ........؟ هل من موضح
يعني اللي ماعنده قرنقش .. هو اللي يشتري الكاسكووو
لاااااااااااااااااااااااااااااااااااااااااااااااااااا ... لاتعليق على كلامك ياطير الهوى .. وين رواد الكاسكو .. عشان يفحمونك طال عمرك |
رد: البلوفرنتد أسعار مرتفعه وقدرات ........؟ هل من موضح
تصدقون عاد .. المشكله بالشعب <<< بررررى
يعني شوفي هالرابط .. هالرجال عارض بلوفرنتد للبيع .. والاخ شوفي كم سومته .. شطحته غبيه http://www.2zoo.com/vb/showthread.php?t=165965 |
رد: البلوفرنتد أسعار مرتفعه وقدرات ........؟ هل من موضح
اقتباس:
يابووووووووووووووووووي هذا ما خفت منه ان يصير :D وش سويت فينا ياطير الهوي بيتجمعون حزب التجمع الافريقي وبمردغونا تمردغ :D صارت يعيال صارت :12: حيو الافريقي حيوه حيو الاسمراني حيوه سحوره تصدقين ان الوالد الله يعزه باااع اليلوناب ابو حدعشر الف وخلا الافريقي ابو الفين لانه غالي عليه وما سخابه وش رايك :88: |
رد: البلوفرنتد أسعار مرتفعه وقدرات ........؟ هل من موضح
،،
ههههههههههههههههههههههه انا قلت لك هي على حسب هوى ومزاج الشخص .. وانا ربيت الاثنين .. والبلوفرونتد اعجبني اكثر .. جريء والوانه زاهيه ويعطي منظر بالبيت افضل .. هذا بوجهة نظري .. ومن اسباب عزوف الناس عن البلوفرونتد .. ارتفاع اسعاره وعدم انتشاره وقلة البحوث والدراسات عنه بالنسبة للرمادي الافريقي .. ومحد ينكر هالشي .. يعني فعلا الواحد كهاوي ومربي جديد .. يقول اخذ لي رمادي افريقي بـ 1800 فرخ .. واتعلم واطقطق عليه .. ولا اتعلم واطقطق على طير بـ 3500 ريال .. وهي وجهة نظر منطقيه .. والا وش رايك سحر ؟؟ وانتي يا سنايديه ؟؟ ،، |
رد: البلوفرنتد أسعار مرتفعه وقدرات ........؟ هل من موضح
اقتباس:
هذا بدا المزاد بسته والله يستر من الباقي |
رد: البلوفرنتد أسعار مرتفعه وقدرات ........؟ هل من موضح
اشم ريحة بقس
ههههههههههههه طير الهوى هلا والله باهل القصيم يالله ان تحييه .... وياسحر انتبهي تلبسين فنيلة النصر يوم تجين تحكين راس الكاسكو ..شرط ان تاصلنا جعرته وحنا بجده خخخخخخخخخ ترا مالي بالكوره ابد الحين ارجع مره ثانيه لحبيبي طير الهوى اتفق معك اخوي بكلامك .. المسأله نفسيات وهوا وصح يمكن البعض ودّه بامزوني لكن مهنا قروش فياخذ افريقي ناس تحب الرجّه فتاخذ امزوني وناس تبي الروقان فتاخذ افريقي الامزوني مشكلته مزعج بما تعنيه الكلمه زي اللي يشتري نوكيا ومتعصب لنوكيا فقط وغيره يقول اريكسون وبس ويجيك واحد مطفي النور يقول لاوالله موتورولاّ ياحبايبي <<<<هذا راعي الكوكاتو :) |
رد: البلوفرنتد أسعار مرتفعه وقدرات ........؟ هل من موضح
،،
ههههههههههههههههههه تمام عليك يا فكتور .. وهلا بك اكثر .. وفعلا الامازوني عليه ازعاج الله لا يوريك .. اذا فقد راعيه واللي يربيه يقوم يصارخ يزعج ام البيت والجيران !! طبعا نقطة أحب أأكد عليها .. مو معناة ان الطير مرتفع سعره يعني هو افضل ..!! شوفوا عندكم الهايسنث مكاو على سبيل المثال سعره تقريبا 30 ألف ريال .. لكن ماهنا كلام ونطق !! الافريقي والامازوني يطقون له باصبع من هالناحيه !! ،، |
رد: البلوفرنتد أسعار مرتفعه وقدرات ........؟ هل من موضح
اقتباس:
ياذا القروش الي تروحون وتجون عليها ياخي كل شوي تذكرونا ان ماعندنا قورش للامزوني :( خلو الواحد يحلم شوي :D يعني اذا معنا قروش نشتري طير ملون واذا ماعندنا نشتري ابيض واسود :D وبانسبه لي لا يمخمخني الا اليلوناب بس والباقي مايخش دماغي بس نقزرها ببلوفرنتد على ماتفرج :D والجوال اكره النوكيا واعشق السامسونج >>>>> فاهمه غلط :D |
رد: البلوفرنتد أسعار مرتفعه وقدرات ........؟ هل من موضح
شوفوا ذا الامزوني ماشاء الله عليه
الا وش نوعه ؟؟؟؟ ياحليله امي ربة بيت امي ما احلاها وطني الحبيب http://www.youtube.com/watch?v=Yn-QlfgcJ78 وهذا لكاسكو http://www.youtube.com/watch?v=ikcyZw8-uWg |
رد: البلوفرنتد أسعار مرتفعه وقدرات ........؟ هل من موضح
اقتباس:
الامزوني هذا يلوناب تدري هذا كل ماشغله تقطعت عليه من الضحك بس ماشاء الله طييييير انشهد انه الطير ولا بلاش الله يهني صاحبه فيه وربي يستاهل اي قيمه تقال فيه اما الكاسكو مشالله عليه بس وراه في الحمام حاطينه :mad: |
رد: البلوفرنتد أسعار مرتفعه وقدرات ........؟ هل من موضح
طيب فيه امزوني اللي يجي راسه مفلطح مدري شلون جاي ؟؟
كأنه مهبط طيارات ومنقاره بيج هذا وش نوعه ؟؟؟ لاني دخلت محل مره والقاه مفتل .. يغني .. لكن مززززززززززززززززززززعج وقيمته نار الامزوني ماينفع للي ساكن بشقه وهذي وجهة نظر |
رد: البلوفرنتد أسعار مرتفعه وقدرات ........؟ هل من موضح
اقتباس:
هذا الله يسلمك دبل يلو هيد وفعلا هو حركي كثير ومزززعج واجد يقولون وغالي ما يفرق عن اليلوناب وفعلالالالا الامزوني مشكله الي بيتهم صغير وربي مشكله اما من ناحية الازعاج اذا جا الصبح وطرى عليه يزاعق والله لايطاق اخواني بيتجمعون عليه يمردغونه :D |
رد: البلوفرنتد أسعار مرتفعه وقدرات ........؟ هل من موضح
يعني تقولون .. ان الامزوني المزعج للناس العاديه
و الافريقي للمطاوعه <<<<< ودها تتهاوش ههههههههههههههه __ بس صراحه .. صوته قوي بالحيل .. يعني ..يكفي انه مزعج ومرقع .. قبل اسبوع ... رحت محل حيوانات .. لقيت امزوني .. بس مدري وش نوعه بالضبط .. بس جبهته صفرا فيه خفة دم مو طبيعيه .. بغيت اتهور واشتريه .. اي احد يمر من جنبه .. يطلع رجله من الشبك يبي يسلم قالو بــ 4000 الاف .. قامت امي تناظرني بنص عين ههههههههههههه :D يعني لو تناقزين ماتحطين ذا الفلوس كلها فـــ طير ___ وبعدين يافكتور . خلنا كذا حبايب .. ولا تحكي بالنصر .. مدام مالك بالكوره وابشرك .. رزين <<<< اسم الكاسكو يحب النصر ويستانس علي اذا شافني لابسه بلوزت النصر : |
رد: البلوفرنتد أسعار مرتفعه وقدرات ........؟ هل من موضح
اقتباس:
أمووووووووت على الزاحف انا اجل يطلع رجله بيسلم :88: من جد لؤطه ذا الطير وربي شي وبالنسبه للوالده والله اعرف شعورك :D مايحسون فينا صح :D :mad: |
رد: البلوفرنتد أسعار مرتفعه وقدرات ........؟ هل من موضح
من جد هههههههههههه
|
| جميع الأوقات بتوقيت GMT +3. الساعة الآن 11:49 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو