|
ضيفنــــا هاااجد
السلام عليكم ورحمة الله وبركاته
ليلة البارحه ... في ليل الجمعه المبارك .. اتانا ضيف مبارك :) ان شاء الله يارب .. يكون مدخول الهنا والسعاده علينا طبعا .. كل اصول الضيافه انا عارفتها الاكرام بالأكل و محد يزعجه او يحاول معاه شي .. طيب هاذي فهمناها .. بس عندي كم علامة تعجب بدايتا .. 1 _ اول ماجبته كان بوقت الليل .. قولو 11 تقريبا بالليل .. من جا مااكل شي .. بس يتمقل في وجيهنا .. والحمدالله ماسمعنا منه تجعير .. مااكل الا حبه شمسيه وحده .... لاكنه شرب مويه بكثره !!!!!!!!!!!! وش السالفه 2 _ برضه باول ماجا .. لحد الحين .. (( فجر الخميس )) ينظف بنفسه .... ويحك منقارينه فبعض .. ومن جا وهو يتثاوب وفيه النوم . <<<<< مستعجله :D 3 _ والاغرب ... الطير هاجد .. يعني والحمدالله مو من عله .. فصحته ممتازه .. لكنه زي اللي شااااد عمره .. وواقف وقفه كذا كلها شموخ هههههههه من قوة الشد امي تقول لايكون صقر يابنيتي هههههههههه 4 _ عندي مشكله .. اللي هي مسئلة التكييف .. اخاف منها مررره .. ماودي اتعب الطير واذا جيت انام .. اخذه معاي الغرفه .. ماودي اخليه بالصاله عند الصغار ويطلعوون ريحته :64: ولما فتحت القفص من فوق .. نزل بأرض القفص .. ولا رجع على الاستاند الا لما سكرته طبعا .. هذي كلها تعجبات .. واشياء صراحه مدري كيف اتصرف معاها ... ابغى ارائكم .. وو حلووول .. معلومات جديده .. غير المعلومات اللي متعودين عليها واللي الكل صار يعرفها الف شكر للجميع سامحوني على الاطاله :) |
رد: ضيفنــــا هاااجد
اصبر شوي عليه بدري
اذا البني آدم يكش وماياخذ راحته عند ناس اول مره يجالسهم فما بالك بطير بس سؤالي شريتوه اليف ويتكلم او ؟؟ حطوه بمكان مرتفع شوي ..مهو مرتفع حيل تصفقونه بالسقف وخلّوه مرو من جنبه عادي ولحد يوقف الين يعرفكم وانت كل 3 ساعات تقريبا شيك الاكل والمويه ومجرد ياخذ على الجو الجديد بتلقون وتسمعون منه خير |
رد: ضيفنــــا هاااجد
ألف مبررررررررررررررررررررروك والله يباركلكم فيه
|
رد: ضيفنــــا هاااجد
الف مبرووك الضيف الجديد ان شالله ضيف الهنا
اما صقر هههههههههه الله يحفظ الوالده صدقت والله ذكرتني بالي عندنا اسميه سداح من كثر ماهو مرتز وراز عنقه علينا :88: أنا اقول هذل تصرف طبيعي جدا منه كونه ضيف جديد وماتعود على الوجوه الجديده فهو الان في حالة حذر شديده تخيل انك رحت عند ناس غرب وبتعيش عندهم من تدخل وانت بتسولف وتفلها وتمزح وتهايط :D اكيد لا حتا الناس بتستغرب بتقول وشفيه ذا :confused: والتكييف لازم مايكون مباشر ولا بارد جدا ويامالك من التبحلق الي بيبحلقه فيكم والله ان يشخلكم شخل بالمناظر يشوف وش اخرتها معكم :D والله يهنيك فيه ويخليه لك |
رد: ضيفنــــا هاااجد
الله يبارك لكم فيه اختي لازم تصبرين عليه لين يتعود عليكم بعدها بيتغير ويصير يلعب ويصفر وانا توني شاري لي فرخ وجالس ادربه والعب معاه مع تمنياتي بالتوفيق للجميع
|
رد: ضيفنــــا هاااجد
ألف مبروووووووووووووك
|
رد: ضيفنــــا هاااجد
الف مبرررررررررررررررررررررررم الله يحفظة لكم
|
رد: ضيفنــــا هاااجد
فكتور .. اتيكيت الطيور .. سنايديه .. هاوي الجبيل .. احبك توتو
كل ابوكم ... ثااااااااااااانكس على النصايح .. بالنسبه لسؤالك اخوي فكتور ... لا الطير مايجعر .. ولا هوب متوحش .. هادي مررره ... ولما اقرب اصبعي للقفص .. ماتحس له نيه بالعض .. راعيه اللي شريته منه.. طلع على يده ... بس انا قاهرني كثر النعاس اللي فيه |
رد: ضيفنــــا هاااجد
نيمو ببغائي ... الله يبارك فيك ويحفظك من كل شرر
|
رد: ضيفنــــا هاااجد
.. طيب .. انا فكرت .. ان النعاس الدائم والتثاؤب ... انه من الطفش
فاااااا .. نفسي اسليه وكذا بس بما انه ماله الا يومين عندي .. ماودي اني .. اروعه بشيــ يعني وش الحل .. اني اسليه .. بس من دون ما اخرب الضيافه :D |
رد: ضيفنــــا هاااجد
لاتسوين له شي
اهم شي الطير سليم الحمد لله ومهو قدام مكيف يصفق فيه الهوا واكله طبيعي وبرازه اكرمك الله ومن يقرا طبيعي خلـــيـــــــــــــــــه يومين ثلاث ايام اربع عااااااادي هو بمجرد يحس بالامان والاطمئنان بيفتل عليكم |
رد: ضيفنــــا هاااجد
الف الف مبروووك الضيف الجديد
انا اقول انه بدري عليه شوي اتركه يرتاح الطير ويتعود علي البيت وانت الي تحط له الاكل وتغير الماي برووحك لحد يهتم فيه الا انت وارفعه تقريبا متر عن الارض بالنسبه للتكيف حاول تخليه بمكان ما يكون مواجه للتيارات الهوائية او اتركه بالمطبخ وبالتوفيق يارب |
رد: ضيفنــــا هاااجد
فكتور ... يوفاوي الكويت
معاكم حق .. مالي الا الصبر .. شكلي بتعلم الصبر مع هالطير وصح والله .. الحمدالله على صحته .. الله يديم عليه العافيه يارب شكرا لردودكم واهتمامكم |
رد: ضيفنــــا هاااجد
ألف مبرك على الطير الجديد :)
ان شاء الله يكون من ضيوف السعاده خخخخخخخخخخخخخخخ |
رد: ضيفنــــا هاااجد
جيري .. الف الف شكر
الله يبارك فيك وبعمرك شرفني مرورك |
رد: ضيفنــــا هاااجد
اقتباس:
أنا أعرف هالشعور :D ... تشوفين الطير ، وتحسين انه طفشاان .. و وددك تسوين شئ .. بس في نفس الوقت ما ودك تخربينها من البدايه .. من جد الصبر صعب .. ودك يبدأ الحماس على طول من غير مقدمات :88: طبعا .. أنا فكرت نفس تفكيرك - أول ما اخذت الطير - .. وجيت بكحلها .. وانتهت فينا السالفه وأنا أطارد فيه في الصالة من زاويه الى زاويه :D .. طبعا كان هذا في أول يوم ... و عاشت الضيافه :rolleyes: المهم أنتي لا تحاتين كثير .. وتحاولين تركزين على كل حركات الطير .. وتحاولين تفسرينها تفسيرات أغلبها بتكون سلبيه .. و هذا بسبب خوفك عليه ... لانك بعد فتره بتكتشفين أنك عطيتي الموقف أكثر مما يستحق ... خلك ايزي :) وان شالله ما تشوفين منه الا كل خير |
رد: ضيفنــــا هاااجد
بياشخ حوالي الاسبوعين يتمقل بالوجيه الطيبه
وخوذيه معك بالغرفه بس حاولي تغطين القفص بشرشف خفيف عشان ماياكله البرد |
رد: ضيفنــــا هاااجد
اسمعي نصيحتي ياسحر لاتنقلين الطير كل شوي لمحل خليه بمحل واحد واخوانك حذريهم مايقربون عنده انتضري من اسبوع الى اسبوعين قابلي الطير اكثر وقت ممكن لاتحدقين بعيونه اجلسي عنده ولاتعطينه اي اهتمام وانتي بنفسك غيري الاكل والمويه ونضفي القفص كل يوم واذا الطير بدا يصفر عندكم يعني بدا يتأقلم علا الوضع بالبدايه امسحي علا منقاره وهو جوا القفص ومع الايام بيصير حمامه ومايبي الا انتي ويبدا يصفرلك اذا جيتي لاتستعجلين اهم شي
|
رد: ضيفنــــا هاااجد
Walter505
وربي نفس الأحسااااااااااااااس ... ياشيخ روح الله يطمنك |
رد: ضيفنــــا هاااجد
ام ليان . شكرا على الفكره .. مع ان امي تقول لاتغطينه ينهبل
لاحظت عليه خواف ... اي حركه تخرش قلبه كاااسكوووو .. والله انك صادق ... امس المغرب تقريبا .. الصاله مافيها احد .. بس انا منبطحه عند التلفزيون .. وتحمست مع الفلم .. ونسيت الطير :D المهم .. صفر .. بغيت انهبل من الفرحه .. رحت ادق على امي واخوي ابشرهم من جد .. الف شكر .. دعمتوني .. الله يصبرني اكمل اسبوع مااخرب الضيافه مثل الاخ Walter505 |
| جميع الأوقات بتوقيت GMT +3. الساعة الآن 05:55 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو