|
قتلوا بستي! كيف آخذ حقي منهم؟
السلام عليكم ورحمة الله ياجماعة عيادة مشهورة جدا في جدة قتلوا بستي! راح اكتب الي صار بالتفصيل.. بستي انثى عمرها 11 شهر.. قبل يجي 3 اسابيع..بدأت البسة تستفرغ وبطلت تاكل.. وديتها واحة الحيوان..بعد مافحصها الدكتور حسان اعطاها مغذي وانتيبيوتك عشان حرارتها مرتفعة ودوا يعمل ريكلاس للمعدة وقالي في شي في بطنها..بكرا وديها عيادة عندهم أشعة واعمليلها اشعة ضروري.. وفعلا بعد مابحثت في قوقل لقيت العيادة (الي ابغى اشتكيها) اكتر عيادة مرشحة..وفي كذا منتدى وموقع..حتى في تو زو مرشحينها..غير كدا وحدة من صحباتي رشحتها لي.. المهم اخدتها العيادة..واول شي لاحظته هناك انه الدكتور ماعقم طاولة الكشف رغم انها كانت مليانة ريش!...مجرد مسحها!! تاني شي مالمس حتى بطنها عشان يتأكد قالي هيربولز واعطاها الدوا حقه ومغذي..قلت له يادكتور ابغى اعملها اشعة.. الدكتور الي رحت له امس قالي كذا كذا,وانا اساسا جاية عشان الاشعة..قالي لا مايحتاج our treatment is different!! قلت يللا هو ادرى بشغله.. رجعنا البيت وبدأ ينتفخ جنبها لمن صار مرة كبير..طبعا من المغذي شكله ما ضربلها الابرة مزبوط.. على يوم تاني بدأت تاكل وتلعب وتنطنط..يعني تحسنت.. لكن بعد اسبوع بالزبط من دا الكلام جيت من الجامعة لقيت الله يكرمكم خيط صوف طالع من فتحة الشرج!! وعلى طول اخدتها لنفس العيادة..فحصها دكتور تاني غير الاول وقال تبات عندنا نجرب بمواد كميائية معينة وزيوت يمكن يخرج وكمان لازم نعملها اشعة.. سبتها عندهم وكلمت الدكتور يوم الخميس الصبح قالي انا دحين حعملها العملية..رجعت كلمته العصر قالي خلاص عملت العملية والبسة كويسة وتعالي خديها السبت بعد الساعة 5.. الين دحين تمام.. يوم السبت الصباح كلمت العيادة ابغى اطمن عليها..الدكتور الي رد بعد ما اعطيته اسمها وكدا قالي ماعندنا بسة بدا الاسم!! رحت دقيت على الطوارئ لأنه الدكتور الي اتعامل معاه هو المسؤول عن الطوارئ..رد وقالي : احنا عملنا العملية "اليوم" بس ماطلعنا كل الخيط لأنه في مكان صعب نطلعه ممكن يآذيها لكن حنديكي علاج تستمر عليه وحيطلع بقية الخيط! واحسن تاخدوها الاحد! رحت الأحد آخدها..والله ياجماعة كل ماقابلت دكتور يقولي انا الي سويت العملية(لأني طلبت اقابل الكتور الي عمل العملية)..الي اتواصل معاه على رقم الطوارئ مفهمني انه هو الي عملها..الي عالجها اول مرة وهو نفسه الي ع الريسبشن يقولي انا!! طبعا هم مايدرو اني سألت اكتر من دكتور!! غير كدا جابو لي بسة تانية مو حقتي!! يقولو لي هادي حقتك!! والله ياجماعة انه البسة الي جاب لياها من نوع نادر (طبعا حقت ناس زيي جايبينها تتعالج)يعني لو اني ما اخاف ربي كان اخدتها ومشيت!! انا هنا بديت ابكي ورحت دخلت الغرفة الي جوه الي مخصصة للعاملين فقط..رحت ادور عليها..لقيتها جنب البسة الي بالغلط جابوها لي..لقيتها مريضة وصوتها يحزن.. انا شوفتها وشوفت المكان الي يعملو في العمليات..ياربي والله انفجعت!..البسس المريضة تقريبا بنفس المكان الي فيه طاولة العمليات..وكمان شوفت بنفسي بسة بطنها مدري جنبها مفتوح قاعد يعملها الدكتور عملية!! والعمال البنقاليين رايحين جايين في المكان! ما اعرف هو عادي دا الشي؟؟! اقسم بالله انه في بسة قفصها الصدري طالع من شدة المرض..مدري كيف حاطينهم في نفس مكان العمليات! مو المفروض غرف العمليات تكون مغلقة ومعقمة ونظيفة؟! المهم البنقالي لمن قلت للدكتور دي بستي تخيلو فتح القفص وجا يبغى يشيلها من بطنها!! مكان العملية كان في بطنها..يعني لو ماكنت موجودة اش كان صار للجرح حق العملية!!!؟؟ المهم قلت للدكتور بنفسه يشيلها ويحطها على الطاولة عشان ابغاه يشرح لي بالتفصيل كل شي((وللمعلومية هادا تالت دكتور يقولي انا عملت العملية!)).. المهم بدأ يشرح لي انه كيف الامعاء كانت اولريدي التئمت على الخيط..وكيف انه لمن شق بطنها ودور مالقي الخيط..شق مكان تاني وبرضو مالقي!! بعدين الاخ اكتشف موضوع انه الامعاء التئمت عليه!! وقالي السبب انه اتأخرت انا عليها كان لازم اجيبها بدري لأنه الخيط له اسبوع في بطنها!!(عصبت عليه وقلت اني جيت للدكتور الفلاني وقالي هيربولز ومارضي يسوي لها اشعة) طبعا صرف الموضوع وقالي كمان انهم طلعوا الخيط كله!!(عكس كلام الدكتور حق الطوارئ) ولمن جلست اسأله وطفش راح جاب لي العلبة الي فيها الخيط وفيها جزء كبير من امعاءها!! يعني استأصلو جزء من الامعاء! والله انه الشق في بطنها مرة كبير..حسبي الله عليهم! وحتى الدم لسا ع الجرح مانظفوه ومسوّد! ولمن جلست استفسر زيادة جاني الدكتور الي كان قاعد يعمل العملية..في نص عمليته وبيده القلفزات والادوات يجي يكلمني ويرجع(كذا مرة)! وفي النهاية اكتشفت انه هو الي عمل العملية!!! والله ياجماعة اني شكيت انهم سوولها العملية في صباح اليوم الي جيت اخذتها فيه! المهم..وصف لها دوا مضاد للبكتيريا اسمه انازول(دوا بشري..قالي متوفر في الصيدليات العادية) وقالي لا تأكليها شي لما بكرا زي دا الوقت..(هادا الي خلاني اشك انهم سووها في نفس اليوم) ووصاني اعطيها ملّي ونص من الدوا مرتين في اليوم+ما اعطيها الا أكل يكون سايل لمدة شهر. اخدت بستي البيت وعملت بتعليمات الدكتور حرفيا! لكن تالت يوم بعد العملية بدأت تستفرغ الله يكرمكم استفراغ لونه بني غااامق يميل لللأسود! كلمت الدكتور قالي اعطيها قد ملعقة الطعام من اكلها(دجاج سايل) كل ساعتين ولمن سألته طب تحتاج مغذي؟؟..قالي ايوه اعطيها مغذي اسمه Ringer Lactate تلاقيه في اي صيديلة عادية..برضو كل ساعتين..وفعلا والله كنت حتى بالليل اوقت المنبه كل ساعتين اقوم اشربها المغذي والدجاج بالسيرنج.. رابع يوم بعد العملية الي هو قبل أمس الاربعاء..الساعة 2 بالليل استفرغت بستي مرة تانية استفراغ اسود على بني غامق وعلى طول بدأت ترتجف..وعيونها مفتوحة بعدين هدأت ووقف تنفسها..على طول قالت لي ماما انها ماتت!!! انا ماصدقت وجلست جنبها ابكي...جسمها كان دافي وعيونها تطل فيني.. ما استوعبت انها ماتت غير لما بدأ جسمها يتصلب.. عمري ماتخيلت اشوف بستي بدا الشكل..لا حركة ولسانها برا وعيونها مفتوحة.. انا بستي كنت من كتر ما احبها واخاف عليها ما أأكلها حتى من اكل البيت..اشتري لها دجاج ولحم واسلقهم بنفسي..حتى اكل السوبرماركت ما اعطيها..مويتها كنت اغيرها اكتر من 4 مرات في اليوم..حمامها الله يكرمكم انظفه اول ماتستخدمه..يعني عمرها مااستخدمت حمامها وفي فضلات..انا لو بيدي كنت اعطيها روحي! والله العضيم لو اقدر اعطيها من عمري اعطيتها.. انا احبها اكتر حتى من نفسي.. المهم...استنينا الصبح يطلع ودفنتها جنب البيت.. حسبي الله عليهم ونعم الوكيل..انا ما اقدر اخليهم يفلتوا بجريمتهم..ولا ابغاهم يقتلوا حيوانات زيادة.. ابغى آخذ حق بستي منهم.. اش احتاج اسوي؟ وفين اروح؟؟ |
رد: قتلوا بستي! كيف آخذ حقي منهم؟
حسبي الله ونعم الوكيل ..
اوك انت روح العيادهـ وقول لهم ان قطتي ماتت .. واشتكي عليهم .. لاكن الدكتور اللي تعامل مع قطتك يمكن يطلع مش مضبوط .. او يمكن انت تأخرت في علاجهـا الله يعوضكـ ويصبرك خيـوو .. .. .. |
رد: قتلوا بستي! كيف آخذ حقي منهم؟
حسبي الله ونعم الوكيل عليهم والله لو انتي من جد انسانه لا تسكتي عن حقك والله ما يفلتون الله يلعنهم المجرمين هدولي ناس وجع في قلوبهم سفااااااااااااحين الله يكون في عونك ويعوضك ببسه تملالك البيت سعاده الله عالم على الي بيسوه
|
رد: قتلوا بستي! كيف آخذ حقي منهم؟
والله لو تشوفيني دموعي كيف ،، من جد حاستبك واتخيلت نفسي مكانك
ومن جد لاتسكتيييييييييلهم والمفروض مدام شكيتي فيهم كان مااستمريتي عليهم بس يلا ربي يعوضك الي احسن منها يااارب |
رد: قتلوا بستي! كيف آخذ حقي منهم؟
الله يدمرهم شر التدمير
روحي اشتكي عند حقوق الحيوان الله ياخذهم كل دكتور نصاب ان شاء الله يورينا فيهم عجائب قدرته امين امين امين امين امين امين |
رد: قتلوا بستي! كيف آخذ حقي منهم؟
لآ لآ
شوفي هيّ ححرڪه تخسرينهم شر خٍسآره قصتك ذي حطيهآ بكلِ مكآنْ ف آلنت وآڪتبيٍ آسم آلعيآدهِ وخبريهمٍ كيف آشكآل آلقطآوهٍ رآح توصلهمِ آلفڪره ومآرٍح آحد يجيهمٍ حسبيِ آللهّ منِ يسونِ كذآ بقطهِ كيف مآيرتآحِ ضميرهمِ آللهم بددهِم بمآ فعلو آللهٍم همِ لآيرفقونِ بآلحيوآنِ فجعلِ آيتڪ فيهم جد قهر , وآلله بڪيتْ لآ تخآفين إذآ ضآع حقڪ ف آلدنيآ مآرآح يضيع فآلآخرهٍ |
رد: قتلوا بستي! كيف آخذ حقي منهم؟
هنا فى السعوديه ماحتقدر تاخذ حقك فى الدنيا
لأن القضاه محرمين اقتناء القطط!! |
رد: قتلوا بستي! كيف آخذ حقي منهم؟
لو انا بمكانك جلدت الدكتور هههههههههههه وشتكيته
|
رد: قتلوا بستي! كيف آخذ حقي منهم؟
لاحول ولاقوة الا بالله
ما ابغى اظلم حد لربما فعلا كانت مريضة جدا وزاد المرض بعد العمليه وهذا المرض هو ( السرطان ) اللهم عافينا على كلا الله يعوضك خير واكيد صعب اللي صار وخاصة فراقها بس على الأقل انتي ماقصرتي معاها وما حرمتيها وساعدتيها وربنا راح يكتبلك هذا في ميزان حسناتك وانا متاكد ماراح تنساكي الله يكون فعونك فعلا |
رد: قتلوا بستي! كيف آخذ حقي منهم؟
حسبي الله عليهم ..
و بالنسبه اقتناء القطط مو حرام /,, ليه القضاء يحرمونها !! و اختي ق1 انا اقولك خذي حقك بنفسك مو لازم تروحي تشتكين روحي نفس العياده و تفاهمي وياهم .. و ربي يعينك :( |
رد: قتلوا بستي! كيف آخذ حقي منهم؟
روحي عند حقوق الحيوان على طريق جده وانتي لا تضلمي نفسك انتي حاولتي امنحي نفسك فررررصه وفي بساس كثير يحتاجو انسانه زيك طيبه وحنونه لا تموت حنانك اكيد بستك لو اتكلمت قبل لاتموت كانت قالتلك خلي غيري يجرب النعيم الي انا فيه فأعملي بنصيحتي اختي واعتذر على الكلام البذيء الي كتبته فوق سامحيني
|
رد: قتلوا بستي! كيف آخذ حقي منهم؟
في البداية اللة يصبرك واانتي كنتي ونعم المربية ليت ربع البشر
يهتم بحيواناتهم مثلك كان الوضع صارغير. وماظن عندنا هنا حقوق الحيوان لكن الشكواة للة . انتي شوفي هن تبع اي مؤسسة او وزارة واشتكيهم هناك واذا عندك اوراق ان بستك كانت عندهم يكون احسن . واكتبي اسم العيادة في كل منتدي مهتم بالحيوانات عشان محد يروح عندهم . وياليت احنا كمان نعرف اسم العيادة لاني واللة خفت جدا . واللة يصبرك واللى ان شاللة يواسيكي انها عاشت معاكي بسعادة واهتمام وان شاللة يكون في ميزان حسناتك . |
رد: قتلوا بستي! كيف آخذ حقي منهم؟
حسبي الله عليهم
اشتكي عنهم اختي |
رد: قتلوا بستي! كيف آخذ حقي منهم؟
حسبي الله عليهم الله لايوفقهم
وربي لو انا منك اروح واخذ منهم بسه بالغصب ولا اسامحهم تكفين إذا تعزين قطتك وتحبينها اشتكي عليهم الله لايوفهم |
رد: قتلوا بستي! كيف آخذ حقي منهم؟
:( لاحول ولا قوة الا بالله.. بتعرفي الدم الاسود هيدا يالي تستفرغه شو معناته.! انهم خربو الكبد تبعها ...وصار عندها للبسة استسقاء.! حسبي الله ونعم الوكيل على هيك عيادات وهيك ناس تسمي حالها دكتور:( لو منك وفييني اشتكي لازم اشتكيهم لانو انتي حكيتي انه البسس هناك مرضانين والرعاية ماهي موجودة لااااااااااااااازم هيدول الناس يتوقفو .. ويبطلو يصيرو دكتور ومابعرف شو:confused: لو منك مابسكت.:( حسبي الله عليهم الله يعوضك ويصبرك.. شووو حزنت على البسة وانتي تحكي حالتها...:(:(:(:( الله كريم حبيبتي ياخد حقها للبسة منهم ولباقي الحيوانات.. الله معك |
رد: قتلوا بستي! كيف آخذ حقي منهم؟
لاحول ولا قوة الا بالله .. صراحة اصعب شي الموت لانه فعلا يوقف الانسان عاجز مايقدر يسوي شي
لكن ربنا يعوضك بغيرها ويكتبلك اجر رعايتها لاخر لحظة . |
رد: قتلوا بستي! كيف آخذ حقي منهم؟
حسبي الله ونعم الوكيل
حسبي الله عليهم الله يعوضك اختي من رأيت اسم بيطري ما راح ارسل ولا حيوان بيطري لأني سبق كنت املك ببغاء مريضة قليلا فلما ارسلتها جابوها طايحة بتموت و ماتت و دعيت عليهم من الله يعوضك اختي الغاليه ويصبرك على فراقها |
رد: قتلوا بستي! كيف آخذ حقي منهم؟
حسبي الله ونعم الوكيل فيهم
|
رد: قتلوا بستي! كيف آخذ حقي منهم؟
الله يعوضك خير عنها
وهادا عمرها الله كتب لها كذا والله حزنتيني وانا لو مكانك بنتحر الله يعوضك غيرها |
رد: قتلوا بستي! كيف آخذ حقي منهم؟
اقتباس:
وسبب التحريم يقولو ان الى يقتنو القطط يستعرضوا فيها قدام البنات ويغازلوهم !!! فلدالك حرمو اقتناء القطط عشين الشباب مايغازلو البنات ههه |
رد: قتلوا بستي! كيف آخذ حقي منهم؟
حسبي الله عليهم وربي ينتقم منهم ذكرتيني بقصتي الله يعوضك
|
رد: قتلوا بستي! كيف آخذ حقي منهم؟
جزاكم الله خير جميعا من جد اقدر تعاطفكم معايا مـــــررة شكرا ------------------------------------------------------- والي راسلوني ع الخاص اسفة ماقدرت ارد مشاركاتي ماتسمح بس عن جد اسعدني كلامك واسعدتني ثقتك لكن للاسف انا الان ماني مستعدة ع الاقل نفسيا اني اتبنى بسة الله يوفقك وتطمني عليها ---------------------------------------------------------------------------- اسم العيادة بإذن الله بس ارفع الشكوى ححطه هنا.. انا كلمت وزارة الزراعة (بعد ماعرفت انها المسؤولة عن دي الاشياء) قالو لي ارسلي خطاب بالشكوى للمدير واعطاني الشخص المسؤول جزاه الله خير رقم شخص تاني من المسؤولين عشان استشيره في الاشياء القانونية..يعني اش احتاج من اثباتات وكدا.. انا حكلمه واشوف اش ينصحني اعمل بالزبط وبإذن الله اذا صار اي شي جديد حكتبه هنا ياااااارب يااااارب مايضيع حق بستي ويتعاقبو الي قتلوها حسبي الله عليهم.. دعواتكم عن جد محتاجتها |
رد: قتلوا بستي! كيف آخذ حقي منهم؟
والله انا ماحب اقراء قصص بس قصتك بقووه شدتني من الموضوع حسبي الله عليهم ونعم الوكيل +_+دمووع<<<<وربي لازم تشتكي لهم بعدين المفروض وقت العمليه تكوني موجوده انا مستحيل اخلي اموووشة لوحدهاا حتى لوتاخذشورمستحيل مارتاااااااااااااااااااااااح ابدابدوالله يعوووضك .................
|
رد: قتلوا بستي! كيف آخذ حقي منهم؟
حسبي لله عليهم
ماعندهم لا ذمه ولا ضمير وين راحت الانسانيه لا كن الله يخلفك عنها خير حسبي الله عليهم .. |
رد: قتلوا بستي! كيف آخذ حقي منهم؟
الحل الوحيد اتصلي بالشرطة وقولي لهم انهم سو كذا وكذا وحسب اللله ونعم الوكيل يارب تدخلي الجنة وتتمنيها ترجعلك ان شاء الله بصراحة الموضوع ده خلاني اعيط
|
رد: قتلوا بستي! كيف آخذ حقي منهم؟
والله بكيتيني اصعب شي انه اللي بتحبه بيموت قدامك وانتي مو قادره تسووين شي بس لاتسكتين وحذري الناس من هالعياده والله يصبرك ويعوضك خير حسيت فيك لاني تخيلت لوكانت لوني مكان قطوتك كان انجنيت
|
رد: قتلوا بستي! كيف آخذ حقي منهم؟
الله يعوضك يارب
وفعلا احنا ماعندنا دكاتره بيطريين يعتمد عليهم بصراحه اغلبهم مايعرفون اي شي ويسوون تجارب على الحيوانات عموما ماينفع الشكوى ابدا ..لاكن طريقه التشهير فيهم ممتازه. والله لو اني موجوده وقتها وسالتيني كان اقولك مايحتاج عمليه من الاسااااس لان اغلب القطط الصغيره تبلع خيوط وتاكل اشياء بس تنزل عادي مع البراز وبدون مشاكل والله يعوضك يارب |
رد: قتلوا بستي! كيف آخذ حقي منهم؟
حسبي الله ونعم الوكيل تتفاهم معاهم على شنو القطه ماتت وانتها الموضوع الله يعين قلبك
|
رد: قتلوا بستي! كيف آخذ حقي منهم؟
خلي اي انسان مهم يدخل غرفة العمليات ويشوف شيسوون !
|
رد: قتلوا بستي! كيف آخذ حقي منهم؟
حسبي الله عليهم
والله القصه مره حزنتني لاني مريت تقريبا نفسها لكن الحمدلله في اللحظه الاخيره قبل العمليه رحت ازورالقطه وكانت من كم يوم ماتاكل بس لمااشافتني بعد طول غياب مسكينه تحمست واكلت شوي فرحت طلعتها من العياده وقلت للدكتور انا بهتم فيها دامها اكلت خلاص ماراح تموت وفعلا اخذتها للبيت وبديت اهتم فيها الى ماربي عافها وكان بينا وبين العمليه كم ساعه بس والي حصلها بالضبط زيك واخذتها عند كم دكتور الي يقول عمليه والي يقول حلقها مسدود والي يقول عظمه في البطن وكلام فاضي وماحد داري حتى العمليه كان بيسويها وهو ماشاف شي بالاشعه يعني بيفتح ويدور شي يشيله حسبي الله عليهم مو دكاتره هذولي حتى سمكريه كثير عليهم اذا قدرتي تشتتكي اشتكي وشوشي عليهم وكمان شهري فيهم المشكله ماعندنا حقوق للناس الي يخطئو فيهم الدكاتره فمابالك بالحيوان اذا حابه تزوريني في صفحتي على الفيس بوك باسم حقوق الحيوانات وتحطي موضوعك حياك اه ياقلبي بس الى متى |
رد: قتلوا بستي! كيف آخذ حقي منهم؟
السلام عليكم والله حرام عليهم
|
رد: قتلوا بستي! كيف آخذ حقي منهم؟
روحي وهدديهم ولايدوكي وحده جديده غصب عن خشمهم والي تختاريها حريقه تحرقهم وجــع بشكلهم
|
رد: قتلوا بستي! كيف آخذ حقي منهم؟
اقتباس:
ياحبيبي المحرم هو المتاجره بالقطط وليس اقتناءها ياليت تخاف الله بما تكتب , اللعب بالفتاوي ذنبها عظيم يا اخوان . . . والله يكون بعونك اختي Abby |
رد: قتلوا بستي! كيف آخذ حقي منهم؟
السلام عليكم ورحمة الله عذرا على التأخير انا كلمت الدكتور الي كنت حابة استشيره, ذكرت له الي صار بالتفصيل وهاذا رد الدكتور بالتفصيل: التركيز في الشكوى حيكون على نقطة "العملية". أولا:المواد الغريبة عن الجسم زي الي في حالة قطتك لازم عملية جراحية, ماينفع بأدوية ولا زيوت وكلام فاضي زي الي قاله الدكتور اول مرة اقتباس:
اقتباس:
اقتباس:
اقتباس:
اقتباس:
خامسا:التشخيص الخطأ, كان المفروض من اول ماجبتيها لهم سوو لها العملية, يعني تشخصيهم الخطأ زاد المشكلة وعقدها. أما عن الادلة الي احتاجها: فسألته اذا يحتاج اروح اخذ ملفها منهم عشان احتفظ فيه كدليل, قالي اصلا ماراح يعطوكي الملف, لكن اذا عندك الفواتير حقتها فهي تكفي مبدئيا لأنهم احتمال ينكرو انكم جبتوها عندهم وقالي انه هم يسوو لجنة وحتتم مسائلة الدكاترة لو انا رفعت الشكوى _________________________________________ هاذا كلام الدكتور لكن انا حابة اخذ رأيكم انتو الان حسب الي فهمته من الدكتور انه كل شي يعتمد على كلام الدكاترة في المسائلة وهم غالبا حينكرو وماحيعترفو بأخطائهم فأنا فعليّا افكر اروح العيادة,ماراح اقولهم انها ماتت, راح اقول مثلا وديتها عيادة ثانية والدكتور طلب يشوف ملفها عشان يعرف الحالة,فأعطوني نسخة من الملف والاشعة(لو كانو سوو لها اشعة من الاساس) اش رأيكم؟ ينفع اسوي كذا؟..هل ممكن يعطوني ملفها والاشعة؟ أو هل حيرفضو ويصير بدال ما استفيد خليتهم يحسو اني ممكن ارفع شكوى؟ هل سبق لأحد قبل كذا اخذ ملف من عيادة بيطرية؟ وهل عندكم نصايح اخرى لي؟ وجزاكم الله خير على تعاطفكم وتفاعلكم معايا, عن جد ساعدني تعاطفكم وتعازيكم بصراحة لما سجلت في المنتدى خصوصا عشان اكتب استفساري وقصة بستي والعيادة, ماتوقعت كل هاذا التعاطف, توقعت انه اكثر الاعضاء يستهينو بموضوع الشكوى عشانها قطة مو انسان(زي ما اسمع كثير من الناس الي حولي) الله يجبر بخواطركم جميعا ويرزقكم جنة الفردوس ياااااااااااارب ..بجد انا ممتنة لكم |
رد: قتلوا بستي! كيف آخذ حقي منهم؟
انتي جربي وروحي قولي ابي ملفها والاشعه وانتي وحظك وموفقه ان شاءالله والله يعووووضك خيران شاء الله
|
رد: قتلوا بستي! كيف آخذ حقي منهم؟
اقتباس:
ايوا غالبا هاذا الي راح اسويه اذا شاءالله مع اني والله خايفة انهم يشكوا في الموضوع لأني ما كلمتهم من يوم ما ماتت بستي وحسبي الله عليهم من كلامهم لما رحت اخذها بعد العملية والله باين انهم كانو متأكدين انها حتموت لأني لما كنت استفسر و سألتهم انه لو جاتها حرارة اش اسوي؟ ولو استفرغت اش اسوي؟ قالو لي لا لا ماحتستفرغ ولا تجيها حرارة..حتى التعليمات انا الي اسحبها منهم سحب لكن نقول ربي يسهل ان شاءالله |
رد: قتلوا بستي! كيف آخذ حقي منهم؟
اوكي
بس عطينا خبر اذا تمت الامور على خير والله يوفقك |
رد: قتلوا بستي! كيف آخذ حقي منهم؟
اقتباس:
|
رد: قتلوا بستي! كيف آخذ حقي منهم؟
صرااحه مره حزنتي قصتك ..
اقتباس:
والله يكون في عونـك.. |
رد: قتلوا بستي! كيف آخذ حقي منهم؟
كلمي الشرطة
علشان يمكن الدكتور إلي سوى العملية يمكنة مو دكتور يمكنو مزيف شهادة وهذي حصلت في مدينة ابها والله لا يوفق الدكتووور |
| جميع الأوقات بتوقيت GMT +3. الساعة الآن 04:45 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو