|
ببغاء الدرة تعبان ودايخ ويرجف وكل المستوصفات مصكرة لحقوني؟؟
كان عندي درة من سنتين ومات ورحت بعدها باسبوع وشريت واحد عمرة 3 او 7 شهور؟ شريته الثلاثاء وامس كان يرجف ويتهزز وحتى ما يقدر ايعضي (يدور حول اصبعي مو قادر يعضني)؟ حطيتة في غرفة دافية جدا واليوم للاسف يحبي (يحــــبي) لفيتة بفوطة بس حتى مو قادر يتحرك ولا ياكل اوكلة بيدي؟؟ ولا حصلت ولا مستوصف فاتح كلششششششششش؟؟ لحقوني شسوي شكلة حاشة برد وانا ماني عارف اتصرف.. ذا خليتة بيموت اكيد؟؟ وشينطرة لي باجر؟ |
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
:o حرام والله.. اقول بسرعه روح>>>>>>> للبيطري وش دخل المستوصفات انا اذكر البيطري محل ويكون فاتح ارجوووووك وده بسرعه قبل يموووووت.. تحياتي
|
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
دقيت على كل البيطرية كلهم مصكرين ... اليوم جمعة !!
مشكور اخوي |
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
حاول معاه اكله واذا ما ياكل جيب ابره وحط فيها سيرلاك واكله انت الين بكره اسهل طيور تقدر تاكلها هي الدره سهله مره واذا عندك مضاد حيوي اعطيه اهم شي انك تاكله اذا كان له عمر بيعيش الين بكره واعطيه تفاح يفتح شهيته يمكن ياكل فرصه مادام ما يعض ولا يسوي شي
والاعظاء راح يساعدونك |
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
اناطحنت الشمسي وحطيت معاه ماي وحطيته بالابرة بس يطشره ما يشربة ولا هو قادر يحرك لسانة احس بلاعيمة تعورة مو قادر يصكرهم؟
عالعموم انا بجرب اعطية مضاد حيوي ويعطيك العافية عالمرور ما تقصر والله يشافية انشالله سبحان الله قبل يومين عضني عض مو قادر حتي اوكلة (عضاض و عصبي) واليوم ما ادري شفية .. بس حده يكسر خاطرري :( |
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
وديتى اليوم البيطري وقالي لا تفكر حايشة بورقيبه ماكو فايدة لو شتسوي بيموت؟؟
يا ناس شنو بورقيبة و عاد صج ماله علاج ؟؟ الصراحة الطير معور قلبي علية اذا ماله علاج بقطع عنه الاكل و الشرب ويموت ما ابية يتعذب اكثر ؟؟؟ |
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
الطير مات بيدي
|
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
والله مدري وش اقول لك فعلا بو رقيبه خطير
وقلبي معك الله يصبرك ويعوضك بأفضل منه |
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
لا حول ولاقوة الا بالله
|
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
الله يعوضك باحسن منه ..
|
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
لا حول ولا قوة الا بالله ... الله يعوضك غيرة أنشالله وأخوي الببغاء طائر وايد حساس يتأثر بتغير درجات الحرارة المفاجئه نصيحه لك لا تخلي طيورك خارج المنزل سواء في الصيف ولا في الشتاء
وانا من فتره تكلمت عن المرض الي صاب طيرك لازم كل واحد عنده ببغاء يكون ماعطيه أبره حصانه لهذا المرض الخطيير والابره تحفظ سلامه الطير لمده سنه كامله ويجب أتحصين مره أخرى في العام الي بعده والله يعوضك خير انشالله وشد حيلك ....... |
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
مشكورين وما قصرتو ا .. الصراحة اهي راحة انه مات خاصة بعد ما قالي البيطري انه ما كو فايدة لانة حرام كان يتعذب وايد ...عالعموم انا كنت متفق مع اللي اشتريته منه انه اذا مرض ولا مات في ظرف ااسبوع اردة واخذ غيره .. بس الصراحة ... ما ودي بعد اييب شي ,, احس جني انا قاعده اعذبهم ..يمكن اخذ بداله بلابل .. لان المتوة دايم اتعلق فيه (سبحان الله) ومره ثانية يعطيكم العافية ولا حول ولاقوة الا بالله |
رد: ببغاء الدرة تعبان ودايخ ويرجف وكل المستوصفات مصكرة لحقوني؟؟
الله يعوضج خير انشالله
|
| جميع الأوقات بتوقيت GMT +3. الساعة الآن 06:45 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو