|
قصينا الجناح وما شفنا خير
السلام عليكم اخواني الأفاضل انا لسه مبتدىء شريت كوكتيل منذ ثلاثة اسابيع وكنت متابع لاكثر المواضيع المختلفه عنه بهذا المنتدى المبدع الي بصراحه ترتاح وانت تقرأ مواضيعه مالكم بطول السالفه المهم قلت يا ولد الحين حاول انك تدرب طيرك بنفسك وتعلمه حبه حبه ... وديته يوم الخميس الماضي للمحل الي اشتريته منه علشان لا العب فيه (عط الخباز خبزه) وبعد ما وصلنا للبيت قلت يا ولد اليوم ما عندك شغل والشباب لسه بدري عليهم .. وانا الي استفرد به بغرفه لحالنا واجيب قفازات ثقيله علشان ما يعض لانه عض راعي المحل وجرحه .. مسكته وهو يصرخ وصرت امسج على راسه مره من فوق ومره من الخلف ومره المس منقاره يمكن لمدة ( 5 - 7) دقايق قلت علشان يتعود ويالفني وهو ما غير يصرخ ويعض بالقفازات رجعته للقفص ولاحظت انه يلهث كاني لاحقه .. قلت يمكن من الرهبه !! جيت له من بكره (الجمعه) وكل ما اقرب عليه يقعد يصرخ يصوت منخفض شكله حاااااااقد علي حتى لو المس القفص مع العلم انا وزوجتي مهتمين به من ناحية النظافه والأكل واولادي ما يسوون له شي وصار ما ياكل الا الحبوب الصغيره وقام ونتف ريشتين من جناحه اليمين قدامي كانه يقول لي خذ الريش انت ووجهك ما ابيه بصراحه ضاق صدري من جد على الحركه الى سواها وصار ما يصفر ولا يلعب. يوم السبت بالمساء لاحظت انه يتحرك بشكل سريع على المجثم ذهابا وايابا وهو يمط رقبته للأعلى بدون تصفير وحتى الأكل ما ياكل غير الحبوب الغامقه الصغيره وما ياكل حب دوار الشمس مع انه قبل عملية القص كان وش حليله واذا قربت عليه يطير من الفرحه!!! اسف اذا طولت عليكم ولكن حبيت اقدم الموضوع بشكل شامل وواضح حتى ان تبين لكم حجم المشكله الي انا واقع فيها..... والشكرالموفور مقدماً لكم |
رد: قصينا الجناح وما شفنا خير
امممممممم بنظري انا غلط تمسك طير وهو خايف منك المفروض دوم تقضي وقتك معاه عشان
تمسحه وتكلمه وتأكله بجذي شوي شوي راح يسمح لك لان الببغاء اللي عندنا خلينا تقريبا كل الوقت تشوفنا ونأكلها ونكلمها فتتوقع لاي درجه سمحت لنا نلمسها؟؟ شفت كيف القطوة تمسحها من راسها الى ذيلها؟ خلتنا نمسح على راسهع لين اخر ريشه في جناحها .. واذا رحنا عنها تقعد تحت وتسوي صوت الديايه معناته انها زعلانه تبغينا نقعد معاها .. أتم تحت دقايق اذا ماشافت فيه فايده تركب فوق ... وتاكل من ايدنا لدرجه يوم تشوفنا ناكل شي قدامها تلصق بالقفص وتطالع وتحرك فمها كأنها خاطرها فيه .. يوم نقدمه لها على طوووول تاخذه ^_^ انت الحين دوم اقعد عندها وقدملها الاكل ودددددوم كلمها بصوت هادئ فالبداية اذا تبغي تمسحها مسحها على رجولها او راسها ... يعني الموضوع يبغيله وقت الحين هي مضايقه منك وخايفه بنفس الوقت .. حاول تعوضها بكلام هادئ وتقديم لها طعام بس الموضوع بياخذ وقت طويل |
رد: قصينا الجناح وما شفنا خير
وعن قص الجناح كان المفروض توديه للبيطري لان لو كانت متعوده عليك كانت بتخليك تمسك جناحها وتفرده عشان تقصه
|
رد: قصينا الجناح وما شفنا خير
انت خليها عندك 3 ايام وكلمها كلام خفيف بصوت هادى حطها في
ممكتبك كان عندك مكتب في البيت ولا تشيلها ولا تمسكها 3 ايام بس كلمها وبعد 3 ايام حاول انك تمسح عليها و... لانها زعلانه عليك الحين وطبيعي العصفور بيزعل بعد قص جنحانه بس اصبر وراح يرضى تقريبا 3 ايام انا حقي الكروان قعد 3 ايام زعلان ورضى وكا قريت في احد المواضيع |
رد: قصينا الجناح وما شفنا خير
صاحبة وفا
هاوي حيوانات يعطيكم العافيه وشكراً على ردودكم ..... البارح جلست معه اسولف عليه وهو مغير يا طالع يا نازل ومره يمين ومره يسار يدور بالقفص وانا برضه اصفر له واسولف عليه نشف ريقي من التصفير بس عندي استفسار ايش المعنى في الحركه السريعه على المجثم ذهابا وايابا وهو يمد رقبته للأعلى هل معناها انه بدى يرتاح لي من جديد او انه لسه مرعوب مني ؟؟؟ ملاحظه ..... الأكل ماهو زي اول حبوب دوار الشمس اول كان يخلصها والحين ياكل الحبوب الثانيه ما ادري هذا طبيعي او فية شي اما بخصوص التفاح والخس والجرجير ما يلمسهم هل اشيل الحب واخلي له الفاكهه او اخلي له الأثنين كل واحد بوعائه وهو يختار ؟؟؟؟؟ افيدونا مشكورين ودمتم بعافيه |
رد: قصينا الجناح وما شفنا خير
هالحركة معناته مستانس ^_^
اما عن الاكل جرب تشيل عنه دوار الشمس واشتريله طعامه الخاص لان اكيد بيكون محتوي على فيتامينات له |
رد: قصينا الجناح وما شفنا خير
اخي العزيز كفش
اخوي اول خطوه هيا انك تعود الطير على المكان الجديد الي راحه وفي الاثناء دي ماتخرجه من القفص بس اديه الحبوب والفاكه وخليه يتعود وبعدين افتحله القفص وخليه يطلع بحاله وبعدين تقرب منه وكل ده وانت تصفرله وتكلمه بهدوء لحد مايهدا اما عن القص فاكيد انت قصيت الوريد الي بيغذي الريشه وده مولم جدا جدا جدا للطير وعشان كده حقد عليك لووول وفي موضوع لاخي العزيز تاكو عن كيفية القص الصحيح بعيد عن محور الوريد اما عن طرح الريش فده الدليل الريشه ماتت لانه احنا قصينا من الوريد ومش بس كده كمان خلت الطير يدخل في موضوع القلش او عملية تغيير الريش وفي الوقت ده الطير بيكون هادي وساكت مايصفر وكما مايطير لانه بيكون حاسس ان جسمه بيخلى من الريش نصيحتي انك تسيبه اسبوعين في القفص وبس قدمله مع الاكل قطع فاكه زي التفاح والعنب و الموز وكمان اديه معلقة عسل صغيره في المسقي مع المية وسيبه لحد مايغير الريش ويسترد صحته وبعد كده ابدا التدريب |
رد: قصينا الجناح وما شفنا خير
walla alo5wan ma ga9ro weiak
galo kel shai iemken how za3lan menk 7aleiian bas 3a6ah mohla 3ashan iehda w hata how almawdo3 http://2zoo.com/vb/showthread.php?t=10100 |
رد: قصينا الجناح وما شفنا خير
يا هلا يالعضو الجديد وسالفتك فيها نوع من الفكاهة ومشكور لانك ضحكتنا : لو سمحت رد علي انت حاطله مكان خاص وخليتة مدة من الزمن (يوم ولا يومين )في المكان ولا لا لان الله إسلمك المكان هو نص التدريب حسب وجهت نضري
والسلام عليكم ورحمة الله وبركاتة |
رد: قصينا الجناح وما شفنا خير
السلام عليكم أنا شاكر لكل من قام بالرد أو قرأ الموضوع . . . . بالبداية كنت متحمس على إني اطلع أبو الشباب ويوقف على يدي . . ولكن قلت خلينا ننتظر شوي واكل العنب إيش أيوه حبه . . . حبه فتركته بالمكان إلي نجلس فيه بدون ما أتعرض له بس نقدم له الأكل والماء واجلس بقربه وأسولف عليه وأقص عليه قصة أمنا الغولة وسندرلا والأميرة النائمة ولا تنسون قصه الغراب ومشية الحمامة ... يعني بعض هالقصص تكون مقبلات بالبداية وبعدين طحنا بشكسبير وكليله ودمنه كتاب أحوال العرب يعني بعض الدسم.. ههه امزح .. الموهم إني قدرت امسكه الحين وأشيله بيدي وامسح عليه واحك له رأسه وجسمه وصاير يعض بحنيه وشيوية دلع وشوي شوي صرت ادخل يدي وعلى طول يطلع عليها ، بس السؤال الأول: حطينا له شوية عسل بالمسقايه . وغيرت له المويه بعد يومين وكمان شوية عسل السؤال لمدة كم يوم أحط له بالمويه عسل طول فترة الشتاء أو أسبوع أو شهر ممكن تحديد المدة ؟؟؟؟ السؤال الثاني: لاحظت وجود بقع على يدي بعد ما أرجعه للقفص طبعا تكون يدي كلها خربشه... هل معنى ذلك رجليه فيها مرض أو أنا عندي حساسية من الطير هل أوديه للبيطري ؟؟؟ السؤال الأخير: بالنسبة للفاكهة هل يلزم أشيل عنه الحب وأخليه يأكل من الفاكهة بس ؟؟؟؟ ارجوا الإفادة وشاكراً لكم سعة صدوركم ..... ودمتم ......< كأني ثقلت عليكم صح :D |
رد: قصينا الجناح وما شفنا خير
نصيحه ياأخي وممن سبقنا في التربيه واتفق عليها جميع المربين عند قص الجناح او تقليم الأضافر يفضل ويجب ان تذهب للبيطري حتى لايصبح لدي الطائر موقف غير جيد نحوك وبالتوفيق ان شاء الله ... |
رد: قصينا الجناح وما شفنا خير
انا استمتع وانا اسمع سرد قصتك مع الطائر .. الله يخليه لك .. بس معليش علمني كيف خليته اليف وكم المده الي خليته فيها يتعود على المكان لان انا الي عندي نفس حالت طيرك لمن اشتريته ..ويخاف مني لمن ادخل ايدي في القفص يهرب ويخبط في القفص احيانا ..
وما ياكل الا الحبوب .. ابي استفيد من خبرتك فاياليت ما تقطع عنا .. |
رد: قصينا الجناح وما شفنا خير
يالجديده ...... الله مير يسلمك ويطول عمرك بطاعته .. قولي آمين إحنا يا المحترفين ما اتقنا هاذي ألشغله بين يوم وليله تعبا وسهرنا الليالي بعز الحر وتحت والمطر ويا ما أكلنا على رؤوسنا ...... لا لا .. تراني امزح لا تأخذين كلامي على محمل الجد مثل ما يقولون بالمسلسلات المكسيكية أنا والعياذ بالله من كلمة أنا اصغر واحد من هالموجودين بالمنتدى العملاق ولكن تقدرين تقولين (الصبر) بمعنى أخر طوووووووولي بالك كثيييييييييير وشوي شوي راح تتعلمين. أهم شي انك بالبداية تستخدمين قفازات جبره كالمستخدمة بالمطبخ مثلا ويكون مبطن من الجهتين عادةً حتى يحمي اليد من حرارة الفرن.. نرجع للموضوع انتبهي لازم تكونين بغرفه مسدولة الستائر علشان ما يخبط بالشباك (النافذة) وينشلخ رأسه.. وتحاولين تمسكينه وهو بالقفص .. واهم شي تكونين واثقة من نفسك يعني راح يصرخ وراح يعضك وأنتي ولا يهمك.. (بس هاه مو تضغطين عليه وتفغصينه وبعدين تجين تقولين لي أنت السبب أنت السبب ترى ما لي شغل) عدنا .. وأنتي مستمرة يتمسيجه مره على رأسه من الهامة إلى الذيل وحاولي انك تلمسين المنقار بهدوء اكرر بهدوء لمدة خمس إلى عشر دقائق وبعدها ترجعينه للقفص ومن بكره نفس ألطريقه ومع الوقت راح يألف عليك.والله يوفقك وتتمتعين به. فيه شغله واحده لازم تكونين هادئة وتتكلمين معه يعني سوووووولفي عليه غثيه بالسوالف رحت للسوق وشريت ذيك ألقطعه إلي تهبل وبعدين وديتها الخياطة الله يستر لا تخربها بس هاه انتبهي مو تخلين الخياطة تخرب لك فستانك مثل ما صار مع جارتنا أم خماس .... ههه ههه متأثر بالمسلسل الكرتوني الفريج. تحياتي |
رد: قصينا الجناح وما شفنا خير
هههه .. نسيت تقول قصي اجنحته .. احس اني داخله عرض وبالقوه بطلع محترفه عملاقه :) وبصراحه تخلص السواليف وهو ما غير يتصدد .. لا ويعمل نفسه مشغول ينظف حاله كل ما قربت منه .. بجرب طريقتك وبتفضى له على نهايه الاسبوع وبشوف يا انا يا هو ..
الله يوسع صدرك بالعافيه :) |
رد: قصينا الجناح وما شفنا خير
اخوي العزيز قفش
كلك ذوق والله ضحكتني ن اسلوب الجميل والله يديم عليك الصحة والعافية اخوي عن العض بحنية ده لازم لان الطير بيجس اول بمنقاره قبل مايطلع فده عادي اما عن العسل فده كمان مفيد وقت الشتاء وانت ممكن تحطله مره او مرتين بالاسبوع والفاكه ماعليك بس حطله اياها وهو راح يتصرف |
| جميع الأوقات بتوقيت GMT +3. الساعة الآن 09:11 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو