|
طلب الله لايهينكم
اليوم بتوصلني اغوانا وانا ماعرف عنها شي بغيت اعرف شنو افرش لها الارضيه حقت الحوض
واي معلومه عنها بتكون ممتازة لاني ولا اعرف شي عن الاغوانا |
رد: طلب الله لايهينكم
قبل كل شيء يجب الانتباه لنقطة هامة وهي التفريق بين الإغوانا والحرباء وتأكد من الي عندك إغوانا وليست حرباء لأن بينهم فرق مثل الفرق بين السما والأرض .
=-=-= الأرضية تكون تراب مخصص تلاقيه في محلات الحيوانات ولو مالقيته او ماقدرت تشتريه حط تراب نظيف ويفضل يكون من نوعية حلوة :) =-= وتربية الاغوانا بشكل عام : 1- حوض أو قفص بحجم يكفي انها تتمشى فيه ويحتوي على : -أرضية تراب نظيف . -صخور نظيفة للزينة ولتقشير الجلد (بس ماتكون حادة او مؤذية) . -اوراق نباتات صناعية -اغصان طبيعية او صناعية وتكون نظيفة وعريضة شوي وغير مؤذية لتتسلق عليها الاغوانا . -صحن للطعام وصحن للماء . وفي الصيف - الربيع - الخريف يرش الحوض/القفص يوميًا بالماء رش خفيف لترطيب الجو . 2- غذاء مكون من الخضار والفواكة ، وممكن استعمال الأكل الصناعي المعلب قبل انتهاء صلاحيته طبعًا . 3- تشميس يومي في شمس الصباح او العصر ويجب عدم تعريضها لشمس الظهر لأنها مؤذية ، واذا ماقدرت تشمسها يوميًا حاول وضع قفصها/حوضها عند نافذة تدخل منها أشعة الشمس وتكون النافذة جهة الشرق ، واذا ماقدرت اشتر لها لمبة الـ UV المخصصة للزواحف وتلاقيها في محلات الحيوانات :) 4- البيات الشتوي نقطة مهمة وهي ان الزواحف تتخذ بيات شتوي في الشتاء فتنام كثيرًا وتخمل ويقل تناولها للطعام وشربها للماء ، وفي هذي الفترة على المربي توفير الجو الدافئ والتقليل من رطوبة المكان ومن اعطاء الطعام للحيوان ، وعدم حمل او ازعاج الحيوان الا للضرورة مثل تنظيف الحوض/القفص . =-= وان شالله اكون افدتك ولو احتجت مساعدة او حبيت تستفسر لاتتردد في السؤال ;) |
رد: طلب الله لايهينكم
ادخل هذا الرابط .. في موضوع عن كيفة اهتام بالغوانا
http://www.2zoo.com/vb/showthread.php?t=5951 |
رد: طلب الله لايهينكم
انا حطيت نشارة خشب لللارضيه وحطيت لها خيار وجزر وتفاح وخس مبشور مره وفيه لها غصنين وبكره الصبح اجيب لها حجر كبير نشارة الخشب مضره ولا عادي
|
رد: طلب الله لايهينكم
الاخوان الاعضاء الله يحفظهم ما قصرو معاك عطوك كل التفاصيل وشكر خاص للأعضاء
|
رد: طلب الله لايهينكم
مشكور ماقصرتوا يا احلى اعضاء
|
رد: طلب الله لايهينكم
يفضل انك ماتستعمل النشارة :)
ولا التراب الصحراوي (الي موجود في كل مكان عندنا في الخليج :D) =-= والأكل يكون في صحن مسطح كبير شوي (أكبر من راس الاغوانا بشوي مايكون كبير ولا صغير) لأنه لو كان برا الصحن ممكن يتوصخ :) |
رد: طلب الله لايهينكم
اجل وش تنصحني اني اخليه ارضيه يابو الشباب؟؟لاني محتار مره
|
رد: طلب الله لايهينكم
تربة زراعية أو التراب المخصص :)
التربة الزراعية أسهل طبعًا :) |
رد: طلب الله لايهينكم
ممكن ما تحط فرش بالاصل أنا عن نفسي حاط لها نفس السجادة لونها اخضر وسهله بالتنظيف وجميلة بالمظهر تحياااااااااااااااااااااااااااااااااااااااااااااااااتي |
رد: طلب الله لايهينكم
وممكن تفرش الأرضية قطع خشبية صغيرة تكون مثل كسر الخشب :)
|
رد: طلب الله لايهينكم
مشكورين وماقصرتوا وان شاء الله بكره اصور النشاره اللي عندي واوريك اياها لانها مو زي النشاره حقت الهامستر
هل يمكن اخلي لها سماد صناعي؟؟؟ |
رد: طلب الله لايهينكم
والله أنا زيك بودي أستفيد وموضوعك كل شوي وأنا فاتح عليه أشوف فيه ردود ولا لأ
بالنسبة لي أنا أحط رمل برتقالي من الربع الخالي |
رد: طلب الله لايهينكم
حياك الله يا اخوي والموضوع موضوعك وانا مخلي نشارة خشب وماشيه الامور بس اخاف ياثر عليها عقب
المشكله انه مافي معلومات وافيه في المواضيع مع احترامي لجميع الاعضاء وانا على الله وعلى شباب القسم |
رد: طلب الله لايهينكم
ترا فكرة نوعية الأرضية مو مهمة جدًّا :) باستثناء التراب القذر مثل الي يكون فيه قاذورات البشر والقطط وكذا :)
أو النشارة لأنها تنشر الغبار وممكن يئذي الحيوانات او يوصخ طعامها :) غير كذا اي شي ينفع بس احنا قلنا "الأفضل" يعني يستحسن وضع انواع معينة من التربة :) =-= لكن عند الانتاج نوعية التربة تكون مهمة جدًّا جدًّا ودرجة الحرارة والرطوبة :) بس ماتوقع ان احد فيكم ناوي ينتج عشان كذا لا تهتمون :) |
رد: طلب الله لايهينكم
أخوي مهووس بيني وبينك أنا ودي أنتج وألي شجعني مقطع فيديو لانتاج غوانا في بيت عادي وهذا حمسني انه لو أشد حيلي شوي ممكن كل شيء يصير بس الله يعين وفكرة الانتاج تعتبر تحدي لي ولك أذا كان عندك نفس الرغبة تحياااااااااااااااااااااااااااااااااااااااااااااااااااااااااتي |
رد: طلب الله لايهينكم
شكرا لك أخوي محب السمك
شدو الهمة يا شباب أشجعكم وبقوة ولو سويتو الفكرة هذي قولولنا إيش يصير معكم |
رد: طلب الله لايهينكم
مشكور اخوي مهووس الحيوانات على الجهد الجبار واسمحلي ياخوي لاني تعبتك معاي
وبحاول ادور تربه جيده واذا مالقيت يمكن اخلي سماد صناعي بس انت وش رايك؟؟ |
رد: طلب الله لايهينكم
لا ولاتعبتني ولا شي ، ولا جهد ولا شي :)
بالعكس انا المقصر معاك مو انت =-= وبالنسبة للسماد هو فيه انواع والاغوانا تحفر في التراب الي عندها ، يعني يفضل ان السماد يكون ناشف وسهل الحفر لأنه فيه سماد يجي رطب ومتلبد ما اتوقع انه ينفع :) =-= وبالنسبة للحفر انا الصراحة ماعرف اذا كان مهم انها تحفر او لا لكن اتوقع انه يفيد في انه يقصر اظافرها ومو متأكد 100% واتمنى التصحيح من الاخوان لو فيه خطأ في كلامي :) |
رد: طلب الله لايهينكم
مشكور اخوي وماتقصر وانا بشوف انواع السماد يمكن القى شي زين لاني يوم الجمعه رايح سوق الحراج
|
رد: طلب الله لايهينكم
شباب القسم شلون عن استحمام الاغوانا لاني شفت واحد بالتلفزيون يروش الاغوانا فانا احترت بسرعه شباب
لاني اشوفها بيلها ترويش شوي |
رد: طلب الله لايهينكم
ترويش الاغوانا يكون في غير الشتا :)
وكل الي تحتاجه حوض او طست او صحن كبير وعميق تملاه موية وتحط الاغوانا فيه وتخليها فترة بس لازم تراقبها عشان تنظف الموية وعشان ماتهرب وغيرها :) =-= بس مثل ماقلتلك في غير الشتاء فقط ويكفي مرة في الاسبوع اذا كنت مو فاضي :) |
رد: طلب الله لايهينكم
ما شاء الله عليكم مشكورين على الجهود الجبارة
|
رد: طلب الله لايهينكم
مشكور اخوي وماقصرت ولله فيك الخير ووعد مني لك اول ما اخلص القفص و روز تكمل تبديل جلد اسوي لكم تقرير من اول يوم
|
رد: طلب الله لايهينكم
العفوو
وانت فيك الخير كله :) =-= وبالتوفيق في التقرير ;) |
رد: طلب الله لايهينكم
بالتوفيق,,, وبأنتظار التقرير تحيااااااااااااااااااااااااااااااااااااااااااااااتي |
رد: طلب الله لايهينكم
ياشباب طلب اخير ولله مااعر انزل صور وللي يعرف يعلمني والله يجزاه خير
|
رد: طلب الله لايهينكم
هذا السؤال تقدر تطرحه على الاخوان في قسم الدعم الفني
بس يمكن ما يجاوبونك لأنه أصلاً فيه موضوع يشرح طريقة رفع الصور في المنتدى عمومًا انت حملهم من موقع تحميل تو زوو www.2zoo.org |
| جميع الأوقات بتوقيت GMT +3. الساعة الآن 03:08 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو