|
شريت اصلة ملكية... وتوهقت ساعدوني:(
السلام عليكم
عندي كم سؤال انا اشتريت اصله ملكيه من اسبوع تقريبا اول جابتها تمشت شوي بالحوض وبعدين انخشت في بيتها ماتطلع منه اذا طلعت تروح تنام على جهاز التدفئه كم ساعه بعدين ترجع... طبعا من مايحتاج اقولكم انها للان ماكلت مع العلم صاحبها قالي انه موكلها من فتره واكدت عليه ان كانت تاكل قالي ان ماكلت رجعيها.. هل راح تاكل؟؟:( انزين هل اقدر امسكها من الحين ولا لازم انطر عليها فتره اطول لين تتعود على مكانها اليديد ؟؟ مع العلم اني كل ساعه مغيره بديكور الحوض احس جننتها.. هل لازم اضاءه يوفي لاني ماحصلتها وحاطه اضاءه مالت السمك مادري جم واط والله هل هالاضاءه تضايقها على ما احصل اليو في يعني ماطلعها؟؟ اهي كله متكوره ونايمه ومن احاول امسكها تخزني فصرت اخاف منها اطلعها وامسكها عادي ماراح تعضني؟ هل عضتها قويه جدا؟؟؟؟؟؟؟ |
رد: شريت اصلة ملكية... وتوهقت ساعدوني:(
ان شاء الله الاعضاء يفيدونك
|
رد: شريت اصلة ملكية... وتوهقت ساعدوني:(
اقتباس:
اقتباس:
اقتباس:
|
رد: شريت اصلة ملكية... وتوهقت ساعدوني:(
اختي فطوم ..
نصيحه لوجه الله رجعيها ,, لآن اكثر من عضو يشتكي منها لآنها ماتاكل .. اشتري بورميه احسن .. بس شرط ,, تاكل قدامك .. موفقه .. :) |
رد: شريت اصلة ملكية... وتوهقت ساعدوني:(
مشكوووووووووورين اهى عينها قلبت على ابيض ازرق مادرى وقريت انها جذى يعني فتره تبديل الجلد يعنى مالازم امسكها لين تبدا؟؟
انا الارضيه حاطتها اراب قالولى لااا غيريها:(((((((( ليش يعنى شفيه التراب؟؟ الاسطوره راعيها قال انها تاكل وقال اذا ماكلت نرجعها:( وماحب البورميه تخرع |
رد: شريت اصلة ملكية... وتوهقت ساعدوني:(
خل تتعود وراح تاكل ولا تمسكينها وانتي خايفه خلج واثقه ولاا مسكيها وانتي لابسه حم طويل
|
رد: شريت اصلة ملكية... وتوهقت ساعدوني:(
اقتباس:
اقتباس:
|
رد: شريت اصلة ملكية... وتوهقت ساعدوني:(
فترت تغيير الجلد يمتنع اغلب الثعابين في الاكل
يعني صبري عليها لين تغير الجلد ولا تنسين بالحوض لازم يكون في صخره او خشب وانا افضل الصخر طبعا لازم يكون الصخر مافيها اطراف مكسوره حاده بالنسبه للارضيه التراب العادي ما انصح فيها لانه فيه من الجراثيم والبكتريا والفطريات في التراب المخصص للزواحف وهذا تقدرين تطلبينه من النت لان مو متوفر بالكويت وتقدرين تستخدمين السماد الداخلي وفي طرق ثانيه مثل الورق المقوى الي اهو الكلينكس الي في المطابخ نظيف ومايحتاج كلام وفي الجرايد وورق الكمبيوتر الخ الخ في طرق وايد ونصيحه اخيره لا تشترين البول بايثون الكبار الي بالسوق لان اغلبها صيد دوري على الصغار خاصه في البول بايثون |
رد: شريت اصلة ملكية... وتوهقت ساعدوني:(
شسوي بهالوهققققققققه
وانا شريتلها هذا اللي مثل شيره والحين قالولي هذا يطبخها وايد حار عيل شسوي ششتري ومن ويين؟؟؟ والارضيه انا قلت بغيرها احط نشاره خشب ماتنفع؟ احس الكلنكس شكله خايس بالحوض |
رد: شريت اصلة ملكية... وتوهقت ساعدوني:(
نشارت الخشب زينه مافيها شي بس نادر ما يدخل الخشب داخل الاصله واهي تاكل
بس شنو هذا الي مثل الشيره ؟؟! |
رد: شريت اصلة ملكية... وتوهقت ساعدوني:(
صخره حراريه ومالقيت اللي يقيس الرطوبه بسوق الحمام شسوي :(((
هففففف |
رد: شريت اصلة ملكية... وتوهقت ساعدوني:(
في اماكن وايد تبيع الي يقيس الرطوبه
والصخره جم فولت ولازم يكون في تهويه للحوض و بشرينا اذا بدلت جلدها او لا |
رد: شريت اصلة ملكية... وتوهقت ساعدوني:(
في تهويه ولاسف مومكتوب على كرتون الصخره شي انشالله اصوره لكم بس صج تصير واييد حاره تحرق بس اهي ماقامت تقعد عليها
والحمدالله بدلت جلدها وصار لونها يلقق بسسسسس امس كرهتها طلعتها جان تستخف وتعفسنييي وااااايد خايفه حتى حطيتها عالارض قامت تناقز موعارفه تزحف وخافت من الفار وااي شسوي فيها هذي بتظل طول عمرها خوافه جذي ولاشنو:((((((((( ومالقيت مال الرطوبه بسوق الحمام:( |
رد: شريت اصلة ملكية... وتوهقت ساعدوني:(
اذا التهويه مو قويه والحوض مو كبير وصخره الحراره تشتغل على فولت عالي تسوي الحوض فرن :)
لازم تعرفين درجة حرارة الحوض جم ولازم تاخذ راحتها بالحوض وتحس بامان حطيلها بالحوض بيت وخليها يوم يومين لما تاخذ على الوضع وبعدين عطيها الفار الحين عندج حلين الاول: انج تردينها وتفكين عمرج وتاخذين نوع ثاني الثاني: انج تحطين في بالج ان كل الطرق بتكون نسبتها 50% انها تاكل لانها صيد مو انتاج مزارع او بريدرات |
| جميع الأوقات بتوقيت GMT +3. الساعة الآن 03:17 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو