|
هل يوجد ببغاء أبلم ؟؟
السلام عليكم
انا من سبوعين اشتريت ببغاء كاسكو عمره سنة و شوي وكان في المحل هادي ولا يعض .. عجبني وشريته و قالي انه ببغاء مزارع مش من الغابة و بيتكلم .. بس يبغيله تدريب المهم خذته وكل يوم أأكله بيدي و اتكلم معاه بس مول ما يتكلم :( .. واللي مخوفني انه مول ما يسوي اصوات ولا يصفر ولاشي .. طووووووووول اليوم ساااااااكت و هادي مول مول ما يسوي صوت .. ومرة يوم فتحت القفص طلع منه .. ويوم مسكته يلس يجعر كثير بس ما صرخ :( ليش ما يصفر او يسوي اصوات مادري حد يفسرلي شو هالحاله اللي فيه وهل هالشي طبيعي؟؟؟؟؟ |
رد: هل يوجد ببغاء أبلم ؟؟
الاخت الكريمه الف مبروك علي الببغاء و لا تخافين سوف يتكلم شئ فشئ و لكن حاول تهيئه الجو المناسب له فقط وعليك بالصبر و وضعه في مكان مناسب و مرتفع عن الارض و حاولي التقرب اليه اكثر و اكثر و رددي له كلمه واحده سهله النطق لا تزيد عن ثلاث احرف و سوف يتكلم بأذن الله |
رد: هل يوجد ببغاء أبلم ؟؟
وهل هالشي طبيعي انه مووول ما يصفر ولا يسوي اصوات ؟؟؟؟
لانه بس يجعر موول ما يصفر |
رد: هل يوجد ببغاء أبلم ؟؟
اختي الكريمه التجعير علامه من علامات خوف الببغاء او انه يجعر لكي ينفرك منه لكي تبعتدي حيث انه خائف و لكن اشك في انه ببغاء مزارع فتربيه المزارع عادتا ما يكون اليفا و لكن بما انه يأكل من يدك فسوف يتحسن الوضع وهل لا قلتي لنا ما لون القزحيه في العين؟ |
رد: هل يوجد ببغاء أبلم ؟؟
انا انصحك اذا كنتي شاكه بسمعه
تعالي فجاة وصفقي اذا اخترع وتحرك يعني الحمد لله |
رد: هل يوجد ببغاء أبلم ؟؟
M.r MeMo لو عيونه صفرا .. وهو فعلا ببغاء مزارع كما قال لي البائع
توزان= هيه يسمع .. سويت هالحركه وتحرك فجأة بس مول ما يتكلم ولا يصفر .. اقصد اصوات و تصفير الببغاء الطبيعية |
رد: هل يوجد ببغاء أبلم ؟؟
انا عندي ببغاء تربية مزارع وعاااااااااااادي هذا الشي جدا جدا عااااااادي
سوي مرايه في القفص وشوفي كيف التصفير |
رد: هل يوجد ببغاء أبلم ؟؟
أختي مزاجيه
أشوف أنك مستعجله تبين الببغاء يصفر على طول على الأقل يبي له أقل وقت أسبوع أوأسبوعين عشان يتعود على المكان حطي نفسك مكانه وغيرت بيتك ورحتي لناس غير اللي تعرفينهم أكيد مانتي متكلمه زي مع الناس اللي تعرفينهم أرجو منك الصبر لأنه سر الطبخه قصدي سر النجاح:) أتمنى أني أفدتك وترا الأخوان ماقصرور وشكرا مع تحياتي فارس مجهول |
رد: هل يوجد ببغاء أبلم ؟؟
فارس مجهول = انا مش مستعجلة على الكللام هو صارله اسبوعين ونص يعني لازم شوي يتعود عالمكان و يصفر ... انا خفت يمكن في مشكلة في السمع عندة او اي شي .. فحبيت استفسر بما ان ماشاءالله في المنتدى شي خبراء وعندهم خبرة في هاي الامور
المميز = يعني هالشي عادي ؟ اطمن ؟ .. بحاول احط مراية و بجرب انتظر رد الاخ تاكووووو اختكم مزاجية |
رد: هل يوجد ببغاء أبلم ؟؟
حياك الله ( مزاجية ) في الببغاء الرمادي العيون الصفراء تدل على ان الطير كبير في السن اي فوق سنتين واكثر من ذلك اذا كانت رجل الببغاء عليها قشور كثيره وكبيره بعض الشئ وعادة يبداء التدريب من سن 7 اشهر الى سنه الربط http://www.2zoo.com/vb/showthread.php?t=974 انصحك بإستبدال الببغاء ببغاء في عمر صغير اي عيونه سوداء او رمادي فاتح تدريب الببغاء لديك قد يحتاج الى وقت كبير ...وقد تكون النتيجة سلبية انا لااحبطك ولكن هذه الحقيقة لدي سؤل هل اشتريت الببغاء بسعر عالي ؟ هل في رجله حجل ؟ |
رد: هل يوجد ببغاء أبلم ؟؟
نعم اختي اطمني
|
رد: هل يوجد ببغاء أبلم ؟؟
الاخ تاكو ..
نعم الببغاء اشتريته بسعر غالي و ما اضن اقدر استبدله .. لان هذا ثالث سبوع له ونعم في رجله جحل الصراحه احبطتني :( .. لان قالولي بعد اذا الببغاء لا يعض فيعني لن يتكلم وببغاء ألييف بدرجة كبيرة ... لما نلمسه ونمسح عليه يسوي عمره بيعض لاكن ما يعض او العضه تكون خفيفه جدا يعني ما تألم .. واحيانا يكون ساكت يخلينا نلمسه |
رد: هل يوجد ببغاء أبلم ؟؟
ونسيت شي
في المحل ماشي ببغاءات اصغر .. كلهم سنة وسنة ونص ونحن في الامارات مانعين عدنا ببغاءات من برع من عقب انفلونزا الطيور |
رد: هل يوجد ببغاء أبلم ؟؟
يمكن انه غير مدرب الببغاء اللي عندك..... عشان يصفر او يتكلم يحتاج لتدريب هو مايجي جاهز لازم مدرب له
|
رد: هل يوجد ببغاء أبلم ؟؟
tara marra 3ade hatha alshai
bas 5alleh ia5eth shwai 3ala albaet w ana 7agge sarlah 9 shhor w maietkallam bas 3aleke bel 9abr |
رد: هل يوجد ببغاء أبلم ؟؟
الحين كمل شهور وهو على نفس الحاله:(
تعبت |
رد: هل يوجد ببغاء أبلم ؟؟
اختى مزاجية الببغاء صغير وتوه ماله عندك الا اسبوعين اصبري عليه وبتحصلين خير
بس عندي سؤال وش معنى مول :D |
رد: هل يوجد ببغاء أبلم ؟؟
مزاجيه على حسب علمي ان التصفير والاصوات اللي يصدرها الببغاء تجي عن طريق التعليم والتدريب يمكن اللي عندك غير مدرب عليها البعض يعتقد ان التدريب بس في نطق الكلمات وهذا غلط حتى التصفير والاصوات المشابهه لها تحتاج تدريب
|
رد: هل يوجد ببغاء أبلم ؟؟
مزاجيه ..مول :)
عادي بيصفر مع الوقت بإذن الله ..وطبيعي يكمل شهر مايصفر.. شوفي جسي نبضه..عطيه خياره..أو فليفله صغيره..وشوفي وبالتوفيق..واشالله بيجي يوم تقولين يازينك أول ماشريناك :) |
رد: هل يوجد ببغاء أبلم ؟؟
يا اخت مزاجية .. صبرك بس عليه ... راح يتكلم ان شاء الله ...
الطريقة الاصعب واللي تحتاج صبر ... انك تلقنينه الكلام مباشرة و بتكرار بالاوقات اللي يكون منجذب معاك ... مثلا وانتي تأكليه بيدك ... والطريقة الأسهل ... انك تضعين القفص بمكان بوسط البيت ... عشان يتعود على صخب الحياة اليومية :) و راح تلاحظين بعدين انه يكرر الكلمات الروتينية والاسماء اللي تستخدم كثير ... و موضوع "اذا الببغاء لا يعض فيعني لن يتكلم " غير دقيق أبدا و الأمثلة أكثر من أنها تذكر ... ياما شفنا ببغاوات أليفة ما تعض و تتكلم بطلاقة !! و دمتم بخير ،،، |
رد: هل يوجد ببغاء أبلم ؟؟
مزاجية لو ما تبينة بيعلي أياه بشترية عنج ........عندي الحين ببغاء أمزوني نوعة ريد لورد وهو نوع نادر ومافي تقريبن منة في الامارات والحين فكرة بعد ما سمعت قصة الكاسيو ألي عندج فكرة أشترية لو حابة تبيعية بس بسرعة قبل ما تتعودين علية وسير بينكم عيش وملح .....باالأنتظار
|
رد: هل يوجد ببغاء أبلم ؟؟
حمادي دبي = اممم مادري اذا بعدك ما اشتريت يمكن ابيعه
والحين الحمدلله بدا يصفر ويسوي اصوات .. بس في حركه يسويها ماعرف شو تفسيرها .. انه احيانا القاه حاط راسه في ظهره ليش ماعرف قبل ما كان يسويها بس من يومين |
رد: هل يوجد ببغاء أبلم ؟؟
حاااط رراسه على ظهره شي طبيعي يبغى ينااام .... يالمزااجيه
|
رد: هل يوجد ببغاء أبلم ؟؟
دائما ما يضع الببغاء راسه في ظهره وقت النوم
وتقبلي تحياتي |
رد: هل يوجد ببغاء أبلم ؟؟
اذا كان حاط راسه في ظهر في بعض الاوقات و اوقات النوم عادي جدا اما اذا كانت بشكل مستمر و الطائر يجلس في ارضيه القفص فهي تدل على المرض ارجو الحرص |
رد: هل يوجد ببغاء أبلم ؟؟
|
| جميع الأوقات بتوقيت GMT +3. الساعة الآن 06:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو