|
مين يولف جولي
السلام عليكم ورحمة الله وبركاته
إزيكو يا أعضاء .. !!! عندي طلب صغيرون :12: والكتاب بين من عنوانه :D عندي ببغاء أفريقي كاسكو واحتاج أحد يولفه لي أبيه يكون أليف على الكل على أهل البيت كلهم .. وعلى الغرباء .. وعلى الأطفال .. عمره تقريبـآ 10 شهور .. >>> ماأدري عن عمره بالضبط بس عيونه رمادي فاتح على بياض هو مايخالف .. يعني مزاجي أحيـآنــآ يخلينا نلمسه وأحيانا لآ خصوصــآ برآ القفص لأنه وهو في القفص يستقوي يعني بالعربي أبيه يكون زي الحمامة وأبيه يطلع على يدي والمس كامل الجسم بدون مايرفض ياليت أحد يرد بأسرع وقت بصرآحة انا وحدة عليمية :88: يعني لو أحد محترف يمكن يولفه من أوول يووم لأنه مو عنيد أبدآ اللي يقدر ياليت يقول كم حقه وكيف نتواصل |
رد: مين يولف جولي
على فكرة انا في الرياااض ..
|
رد: مين يولف جولي
فيه محلات في الرياض في سوق الرياض يروظونه
|
رد: مين يولف جولي
كم له عندك الطير ؟؟؟؟؟؟
انا انصحك انتي تولفينا والصبر مفتاح الفرج,, وشكل الطير صغير وهذا وقت التدريب. |
رد: مين يولف جولي
وانا كمان من جده وابغا احد يروض كحيلان
|
رد: مين يولف جولي
نفس الكلام
ترويضك له بنفسك وقبل الترويض لازم يكون في مكان مفتوح مع الكل يعني يشوف اللي رايح واللي جاي علشان ياخذ عليهم |
رد: مين يولف جولي
انا بغبغائي له ثلاثه اسابيع من يوم شريته كان صعب ويجعر والحين الوضع تحسن اهم شي تصبرين عليه وانا بغبغائي اكثر شي اثر عليه وصار ما يجعر كثير يوم حطيته بالصاله تحت لانها كل شوي ناس طالعه وداخله وامي عنده واوقات عيال اخواني احسه يرتاح بالصاله كثير واصبري عليه والله يوفقك
|
رد: مين يولف جولي
اقتباس:
بس مو واثقه من تدريبهم اخاف تدريبهم يكون عن طريق تخويفه وفي محل يقول يروضه خلال اربع شهور >> يعني اخليه عندهم كل هالفترة مشروع تخرج ماصار طير وبعدين مااضمن هالعمال ابي واحد عنده ذمه ورحمة بالطير ومشكور عالرد ^_^ |
رد: مين يولف جولي
اقتباس:
حوالي خمس شهور من الاجازة بس اول ماشريته ماكان كذا صحيح ماكان يجعر .. بس ماكان يحب احد يلمسه الحين تحسن بس خلاص هذا حدي مااقدر اكمل اكثر خصوصا انه في الاجازة كان افضل وكان يطلع على يدي بس مو مره حاليا مع الدراسة ماصرت افضى له وصار يرفض يطلع على يدي ابي اولفه عالاقل علشان يساعدوني اهلي فيه هالايام عالاقل تحميمه مومتعود احد يحممه غيري ومو كل العايله يسمح لهم يلمسونه .. بعض اخواني و مو مره يعني مو مثل معي ( وعلى مزاجه ) احسه تعلق فيني حتى اذا شافني من الغرفة ينزل من القفص ركض يلحقني >> القفص 24 ساعة مفتوح بس يمشي وراي كذا .. بس لاتلمسيني خليني وراك على راحتي هذا نبذه كاملة عنه اللي يقدر يولفه يسوي فيني خير على فكره يهمني كثير يتوالف مع الاغراب والله يعافيك اخوي ,, |
رد: مين يولف جولي
اقتباس:
|
رد: مين يولف جولي
اقتباس:
و ماشاء الله جريء ويصفر قدام الكل عادي حتى وهم جنب القفص يصفر ويحكي >> اساسا مايقول غير كلمة وحده حتى اذا جونا ناس في البداية يسوي ثقل وبعدين يصفر على خفيف يعني هالناحية مامنها مشكلة بس مايطلع عاليد وللحين يعض شوي |
رد: مين يولف جولي
اقتباس:
هو تحسن عندي بس ابيه يتوالف بسرعة لاني شفت ببغاء في محل اليييييييف مره حق واحد من العمال >> هندي لدرجة يوم مديت ايدي طلع فوقها مع اني مغطية وجهي يعني فوق هالولافة شي تبارك الرحمن الله يخليه لصاحبه سألته قال مايولفه ابي جولي يصير مثله :mad: |
رد: مين يولف جولي
طيب انا اروضه لك اذا بغيتي هذا رقم جوالي
********** |
رد: مين يولف جولي
اقتباس:
طيب الله يعافيك كيف اضمن انه يرجع لي ^_^ معليش بس قبل مانتصل لازم اعرف كل شي ياليت اعرف قبل عشان اخلي اخوي يتفاهم معك ومشكور,, |
رد: مين يولف جولي
اول شي يجي يتقهوا معي في بيتي ويبشر بالخير
ويتعرف علي اكثر اذا بغيتو ولا بالتوفيق |
رد: مين يولف جولي
هذي رقم الجوال مدري ليش ماطلع *********** أخوي دافي الهمس حذفت رقم إتصالك من المشاركة الأولى لأن فيه مخالفة لقوانين المنتدى ورجعت أضفته في مشاركتك الثانية أرجو منك التقيد بذلك مستقبلاً وبالبداية تركت الموضوع بدون إغلاق حتى تستفيد الأخت من ردود الشباب وتعرف إن الأفضل ترويض الطير يكون من مالكه حتى يبني علاقة ثقة بينه وبين طيره ويسهل تدريبه ويغلق الموضوع وتفاد الأخت عن طريق الرسائل الخاصة حب استطلاع |
رد: مين يولف جولي
ياخي الجوال يحذفون المشرفين لأنك مخالف,,
تقدر تفيد الاخت بالرسائل الخاصه. |
| جميع الأوقات بتوقيت GMT +3. الساعة الآن 11:33 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو