|
سوؤال لمحترفين التدريب
هل اقدر احوم الكروان (المدرب منذ الفقس) مثل الحمام يروح ويرجع مع انه ما قد شاف البيت من فوق ابد... هو معتاد على وعلى صوتي يمشي معي زي الالف... اللي ابي افهمه هل يقدر يخزن صور سريعه بذاكرته مثل المكان اللي يمر عليه وهو يطير؟ وكم نسبة تضييعه مكان انطلاقته الاول؟ هذا اللي خلاني اسال, اليوم جربت على كروكودايل عمره ثمان شهور طيرته وانا ماني من الناس اللي تقص او تنتف الريش المهم طلعته بالحوش ونايدته جاني يطير المشكله كرواني مايعرف يوقع مع انه محترف طيران جا بيوقع على يدي شطفها ثم توهق وارتفع عشان ما يصقع الجدار ثم دار اول لفه بالحوش انا كنت متطمن انه ما راح يتعدا ثم بدا يعجبه الوضع المهم بدا يرتفع زود ثم صار يحوم على حدود السطح انا هنا شكيت بيرجع ولا بيسحب انا ما امداني اشك الا والاخ مغط سبرنت باتجاه الغرب اليين صار نقطه بالسما انا هنا خفت طلعت الشارع واناديه كرووووكوووو كرووووكووو الى وشوي واشوفه جاي من فوق من جهت الشمال متجه جنوب يوم شفته وانا اناديه صار الحين يحوم على البيوت رايح جاي مره يختفي ومره يطلع وانا من كثر الزعاق عليه اناديه كلما مر , هنا طلعو شيبان الحاره قعدو يناضرون فيني في ذيك اللحضه حسيت ان العالم يقولون وش هالصحيح ثم شلت الفكره ذي من راسي يوم تذكرت الغبي اللي فوق واناضر فوق واشوفه متجه يم حمام الجيران يوم قرب عندهم ويطيرون هنا خفت لا يبعد الحمام ويلحقهم ويضيع وشوي معد صرت افرق بينه وبين الحمام اللي يطير كلهم لونهم رمادي واجلس اناديه وانادي والحمدلله بعد ربع ساعه هجوله بدا يرد على صوتي وهو في السما هنا ارتحت شوي واناديه الين نزل يوم جا يوقع على يدي وهو اللي يشطفها مره ثانيه وانا اللي ازعق عليه تعال يا كلب سحب علي ووقع عند اخواني عند باب البيت والحمد لله عقله الله هل اقدر احومه مره ثانيه ؟ المشكله حنا في حاره مهب مزرعه اقول مكان معروف البيوت والشوارع تضيع بني ادم انا جربت على الزبرا زبط وضعهن الحين عندي جوز ما يتعدا البيت مطلوق معشش في قفص مفتوح بس الزبرا طيرانها منخفض جدا مافيه الا الذكر هو اللي يبعد شوي اقصد يبعد يعني يرتفع اما الكروان يغيم بالسما |
رد: سوؤال لمحترفين التدريب
انشالله الاخوان يساعدونك
|
رد: سوؤال لمحترفين التدريب
و الله اتخيلت نفسي مكاانك هه
زين انه كروووكو رد لكــ |
رد: سوؤال لمحترفين التدريب
اقتباس:
طلع شيبه بدقني الله يرجه |
رد: سوؤال لمحترفين التدريب
هههههه
الحمد لله انه رجع والله انت مغامر ما شاء الله عليك وصدقني مهما كانت ردود الأعضاء,, أدري انك بتطيره مرة ثانية,, انت كذا طبعك تحب تجرب وتبتكر,, وهذا هو مصدر الإبداع دائماً,,, لكن أضن انك لو تجرب على كروان عنده فروخ يكون أضمن,, حتى تبقى فكرة البحث عن أفراد عائلته وفروخه في باله وهو طاير,, أما لو ماعنده فروخ,, بيكون بحثه عنك انت, ويمكن يشوف أحد ثاني بنفس هيئتك وينزل عنده وفي كل الأحوال هذا مجرد رأي ولا يمنع انك تجرب,,, ربي يوفقك في تجربتك تحياتي |
رد: سوؤال لمحترفين التدريب
الصراحه قبل لا تطلقه يحتاج للتدريب والمكافأه اثناء التدريب شف الفيديو وشلون يعلمون الصن كونيور
http://www.youtube.com/watch?v=Hb6oztu-CYU اذا مشكله المزرعه عادي روح منتزه او بر وعلمه |
رد: سوؤال لمحترفين التدريب
اقتباس:
زين نفس الشي اللي كان مقلقني خصوصا النحاف بحارتنا واجد بس لا ضرر من التجربه خصوصا اذا حطيت رقم جوالي برجله والله يوفق الجميع |
رد: سوؤال لمحترفين التدريب
اقتباس:
بس هل يقدر من خلال جولته اليوم يخزن معلومات وصور مثل الحمام |
رد: سوؤال لمحترفين التدريب
الله يوفقك لاكن شوف اطلقه مره ثانيه
وجرب |
رد: سوؤال لمحترفين التدريب
اخوي منانقه MNANGH
شكلك ما فهمت سوؤالي اللي ابي افهمه هل يقدر يخزن صور سريعه بذاكرته مثل المكان اللي يمر عليه وهو يطير؟ مثل الحمام وكم نسبة تضييعه نقطة انطلاقته الاولى؟ ويوم اقول هل اطلقه مره ثانيه هذا سوؤال التحليه بعد ما ترد على السوؤال الاول ومشكور عالتشجيع خيو |
رد: سوؤال لمحترفين التدريب
اقتباس:
الله يرج ابليسكـ وانا كلامي من كلام الاخ سكر الي عنده فروخ اضمن |
رد: سوؤال لمحترفين التدريب
ماشاء الله عليك ..
متهور .. << انا حدي الصاله :D |
رد: سوؤال لمحترفين التدريب
اقتباس:
اجل يبيلي اوالفه اول مع انث ماقصرت |
رد: سوؤال لمحترفين التدريب
اقتباس:
بيني وبينك اللي عندي طفش من الصاله ادمن الطلعه والغريب فيه انو عادة الطيور المتربيه في اقفاص اذا طارة يكون طيرانها محدود او يوقع على جدار الين يشوف المنطقه ومن هناك يبدا بالجوله بس ذا خربط معلوماتي يوم طار وجلس يحوم بدون مقدمات بس يوم نزل ودي اني مصوره حرارته اتش فافر اثمه عالاخر والزين يوم رجع تغير تغريده للافضل طلع نغمات جديده مشكور عالمرور |
رد: سوؤال لمحترفين التدريب
ههههههههههههههههههههههههههههه
ربنا معاك متطيرهوش تاني ده رأيي مش كل مرة تسلم الجرة |
رد: سوؤال لمحترفين التدريب
ماني مطيره خلال الاسبوع هذا بس لازم اطيره بعد اسبوع عشان اشوف النتيجه
هل يخزن معلومات اثناء الطيران طيب كيف الكوكتيلات في الطبيعه تهاجر هل تعتمد على الذاكره او حقل الارض المغناطيسي ؟ |
رد: سوؤال لمحترفين التدريب
ههههه الصراحة احييك على قوة قلبك
بس المرة الاولى جات سليمه انا انصحك انك ما تكرر هالشيء لان كان عندي واحد تم معاي حول السنتين ومدرب وأليف ودوم العب معاه يعني كان المفضل بالنسبة لي من بين 7 طيور غيره وكلهم مدربين بس هاي كان المميز عقب سنتين حط ريله من على يدي ولا رجع والمشكله في الليل ولونه رصاصي يعني مافي امل اشوفه ههههه وراااح طيري المفضل :( لا تجازف وانا اخوك هاي رايي وانا احترم راي البقية والله يبارك لك في حلالك |
رد: سوؤال لمحترفين التدريب
السلام عليكم
اخوي ســــــــــــداح مدامه رجع خلاص يعني عرف المكان ويعني هو فذاكرته انه عرف واذا بتتهور شوي اطلقه وشوف وخل احد يساعدك وعوده او شي يجيك يعني بالبيت بس ما انصحك بس شوف بس زين اذا رجع مره ثانيه تصير تطلقه انا اعرف كروانات يطير بس مايتعداك والله يوفقك |
رد: سوؤال لمحترفين التدريب
اقتباس:
لان مخه قافل بالليل مهب بومه ومن ناحية المجازفه بجازف بس عززلي وانا اخوك وبصراحة ما قصرت على المرور يعطيك العافيه |
رد: سوؤال لمحترفين التدريب
اقتباس:
مشكوووور على المرور يعطيك العافيه |
| جميع الأوقات بتوقيت GMT +3. الساعة الآن 10:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو