|
مشكلة الفئران ( فكرة للنقاش )
بسم الله الرحمن الرحيم السلام عليكم ورحمة الله وبركاته أخواني أمس بالليل شفت بعشة الحمام فأر والمشكلة ان الموجود عشتين وحدة حمام والثانية بادجي واخاف يأثر على انتاج البادجي طبعًا العشتين موجودتين بالحوش ( الفناء ) , أنا أبي حل للفئران وأخاف يأكلون الفراخ ويسببون مشاكل الله أعلم به , طبعًا فكرت بعدة حلول على السريع واللي هي : 1- وضع شبك ذو فتحات صغيرة جدًا ( المستخدم للنوافذ ) على جميع واجهات العشة , 2- نقل العشتين الى السطح والفكرة هذي شبه مستحيله لوجود غرفة الخادمة بالسطح , 3- بناء غرفة للتربية وهذي الفكرة صعبة التنفيذ بسبب عدم وجود المال الكافي للبناء وأتوقع أن الغرفة ستكلف 10.000 ريال أو أكثر . أنتظر مشاركتكم وإبداء آرائكم . |
رد: مشكلة الفئران ( فكرة للنقاش )
خذها نصيحه مني اذا عرفت الفئران طريق للعشه فقل على حمامك والبادجي السلااااام .......:)
الفئران تخرب عليك البيض وتاكل الفروخ ولا يردهااا شي وانا بعطيك كذا حل ومن ضمنها الحل اللي ذكرته وهو وضع شبك تكون فتحاته صغيرة وماتدخل منه الفئران مرررة وسد جميع الفتحات اللي ممكن تكون في السقف من هنا والا من هنا ومن اي محل تشوف الفئران بتدخل منها صب ارضية القفص بالاسمنت لانو ممكن مو ممكن الا اكيييييد الفئران تحفر من تحت وتدخل داخل داخل القفص وتسويلك بلاااااوي واستخدم جميع وسائل مكافحة الفئران من صمغ وسم للفئران ....:) والله يباركلك ويرزقك .........:) |
رد: مشكلة الفئران ( فكرة للنقاش )
مشكورين اخواني والله يعطيكم العافية , بالنسبة للصمغ انا حطيته من يومين تقريبًا ولا صاد الفار . اقتباس:
شكلي بدور بس ( قط ) صغير وبربيه وبحطه بالحوش عشان يأكل أي فأر يشوفه :) . |
رد: مشكلة الفئران ( فكرة للنقاش )
عند محاكر الحمام كانت تجنني حاولت بكل الطرق غراء سم
ماريحني ونقص اعدادهم الا(( القنفذ)) صحيح مايفنيهم لكن ينقص من اعدادهم والمكان اللي هو فيه تشرد عنه الفيران والحشرات بس انتبه لاتحطه داخل مع الطيور جرب الفكرة وبتدعيلي |
رد: مشكلة الفئران ( فكرة للنقاش )
اقتباس:
|
رد: مشكلة الفئران ( فكرة للنقاش )
الله يعافيك
وعلى فكرة القنفذ العدو الاول للحيه الخنافش انواع الحشرات سبحان الله لو تشوفه كيف يمسك الحية ماتصدق يمسكها مع الذيل ويقفل على نفسه الشوك وياكل منها جرب نصيحتي مابتندم |
رد: مشكلة الفئران ( فكرة للنقاش )
مشكور أخوي مكحل الجنية والله يعطيك العافية على النصيحة , وراح اجربها بإذن الله :) .
|
رد: مشكلة الفئران ( فكرة للنقاش )
افضلك تستعمل شبك ذو فتحات صغيرة ما يكلفك كثير ولا تجرب سم الفئران مطلقا لانه خطير يمكن ينتقل الى البيت او تأكل منه الطيور وشكرا لك
|
رد: مشكلة الفئران ( فكرة للنقاش )
فعلا الفئران مشكلة كبيره جداً ..
القنفذ حاولت اربيه ماقدرت حطيته بمزرعه ومات (مزرعة برسيم ) وجبت غيره وحطيته بالسطح مات .. وحطيت واحد بقفص ومات .. احس القنفذ صعب شوي يبي عنايـه القنفذ حيوان ليلي النشاط والفئران تغزو 24 سـاعه .. خذهـأ مالك إلا القطط بس تأكد القطط ماتدخل شبوك الطيور .. :) لاتنسى انك تحـاول تبحث عن جحر الفار واقتله صب ماء في جحهر واول مايطلع خلك جاهز ضرب لين يموت .. والله يوفقك . |
رد: مشكلة الفئران ( فكرة للنقاش )
الله يعطيكم العافية أخواني على التفاعل , فيه شخص بإحدى المنتديات ذكرر لي فكرة واللي هي نجيب ذرة مطحونه ونجيب جبس ونخلطهم ونحطهم خارج الأقفاص ثم إذا أكلت الفأرة منه فسيتجمد الجبس في معدتها ثم ستموت .
|
رد: مشكلة الفئران ( فكرة للنقاش )
اي والله بس الفكره انك تجيب يا قنفذ او شبك فتحات صغيره انا عندي شبك لاهو فتحات صغيره ولا كبيره
المهم انه مايدخل الفار لو وش سوى بس الشبك احسن لك |
رد: مشكلة الفئران ( فكرة للنقاش )
ياخزي الحل عندي
في صياده تنباع اذا انت ساكن في الرياض في فسوق الحمام بالرياض صيادة فئران |
رد: مشكلة الفئران ( فكرة للنقاش )
اخوي
اتبع نصيحتي حذو القذة بالقذه خلاص صناديق التعشيش وش نوعها خشب هنا المشكله !!!! الخشب الفئران تموت عليه تقدر ترقى عليه زي لما انت ترقا بالسلم لدور الارضي هع هع هع جب غير الخشب حديد تبي تقول برد عليهم باشتاء نار بالصيف عادي حط طين بس الطين مو اي طين اذا تقدر فخار او خذ الوصفه جب تراب نفود وحط فيه مويه لمدة 4 ايام وكل ماجفت لمويه حط ثمين خذ الطين وحطه مكان وضع البيض الشي الثاني ارفع صناديق التعشيش نص متر على الاقل وأحكم اغلاق العشه الشي الثالث رح لم جحور الفيران وحط بنزين وقاز والله لو يدري عنك رئيس منظمة البيئه ان يجيب لك جيش الشي الثالث جب عدد 2 قطط اي نوع وحطه داخل العشه !!! تبي تقول يبي يموتن !!!؟؟؟؟ لالالالالالالا اربطهن بحبل كل واحد بعشه الحبل يكون قصير وحط عنده مويه واكله 3 اسابيع ولا تعطيه فراخ من العشش عشان لو اطلقته راح اكل كل شي امسك القطو وهو مربوط بالحبل وجبه لم تحت العشه خله يدور فيران كذا يبي يعرف وش يسوي الشي الرابع الذره المطحونه والجبس |
رد: مشكلة الفئران ( فكرة للنقاش )
مشكور
انا نفس المشكله لاكن فكرت احطها بالسطح لنه فاضي والحمد لله تم نقله |
رد: مشكلة الفئران ( فكرة للنقاش )
كل انتاجي الاول من خمس اجواز اكلهم الفار على مدى اسبوع
بالاضافة انه ذبح 4 اناث وكسر ذكرين مابقى لي شي لابارك الله فيه حيوان قذر اكلمك الان وانا في قمة القهر مانمت بسببه الله ياخذه لا صمغ نفع معه ولا سم حتى المصيدة دخل فيها واكل وطلع اللهم اجرني في مصيبتي واخلفني خير منها الحمدلله |
رد: مشكلة الفئران ( فكرة للنقاش )
عندي عل مؤقت لك اطعم الفئران وارتاح يعني نوع لها الطعام فلن تقترب من البيض
اما اذا كانت عندك الارضية رملية عليك بفخ الماء الشائع وهو حفر حفرة لدلو يكون طولة حوالي 30 سم ودفنه مع مستوى الارض وملئ نصفه ب الماء وضع فيه حبة تمر او اي شىء ياكله الفار ولمى يجي ياكل يسقط وراح يموت من الغرق وفي ليلة ممكن تصيد 10 فئران لانه كلما يسقط واحد يجي اخوته يساعدوه ههههههههه شوف الذكاء |
رد: مشكلة الفئران ( فكرة للنقاش )
فكره حلوة
|
| جميع الأوقات بتوقيت GMT +3. الساعة الآن 06:59 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو