منتديات تو زوو - اسئلة عن السلاحف البرمائية!!!

اقتباس:

المشاركة الأصلية كتبت بواسطة ناروتو (المشاركة 882800)

السوال الاول:
سلحفتي البرمائية تنام طول الوقت ولا تتحرك و لا تأكل ماهي مشكلتها وكيف لأعالجها

ئصدك بتنام في المي وما بتتحرك؟
حتى بالطبيعه السلاحف المائيه ما بتضلها تسبح وتتحرك, بتطلع على طرف ناشف وبتضلها صامده حالها تحت الشمس, وادا حست بالخطر او الجوع او الحر الكتيير بتفوت المي, وبالنسبه للاكل بشكل عام السلاحف ان كانت بالغه ما بتوكل بشكل يومي (ما حددت عمرها)!!

اقتباس:

المشاركة الأصلية كتبت بواسطة ناروتو (المشاركة 882803)

السوال الثاني:
هل هنالك مشكلة في وضع نوعان مختلفان من السلاحف في حوض واحد مع اختلاف النوع؟؟

سلاحف من نفس النوع وحتى الاحجام المختلفه منهن ممكن انها تتقاتل ان كان على الاكل او الانثى او المكان, كيف ادا حطيت من نوعين مختلفين؟؟
من هيكا مفضل انو يكونو السلاحف من نفس النوع وكمان احجامهن متقاربه, وان كانو اكتر من زوج أفضل يكون ذكر واحد والباقي اناث.

اقتباس:

المشاركة الأصلية كتبت بواسطة ناروتو (المشاركة 882807)

السوال الثالت :

السلحفة المريضة مهما كان نوع مرضها هل يمكن أن تعدي سلحفة اخرى بالمرض وعن طريق ماذا ؟؟

السلاحف ممكن انها تنقل عدوى المرض لسلحفاه تانيه (والنسبه عاليه عند السلاحف المائيه اللي بنفس الحوض وكمان الصغيره منها واللي حجمها أئل من 10 سم), وما تنسى انو المي هي مربى ممتاز لتكاثر الجراثيم والبكتيريا!!
العدوى بتصير عن طريق البلع, يعني لمن تحط الاكل للسلاحف بالمي, البكتيريا اللي بالمي بتنتقل للاكل وبعدين لبطن السلحفاة لمن توكلها..
(وبنفس الطريئه المرض منها بينتئل للانسان, من هيكا لازم غسل الايدين منيح بعد مسك السلحفاة المائيه , المي اللي بتسبح فيها او ايا اشي تاني بحوضها!!)

اقتباس:

المشاركة الأصلية كتبت بواسطة ناروتو (المشاركة 882812)

السؤال الرابع :

السلحفة التي لا تأكل الخضروات نهائيا (مع علمنا بأهمية الخضروات )ماذا يحث لها
أريد طريقة لجعل السلاحف تأكل الخضروات !!كيف ذلك ؟

ما بيصير انك ترغم حيوان انو يوكل نوع معين من الاكل, بس ادا كانت سلحفاتك صغيره ما رح توكل الخضار, وادا كانت بالغه ممكن انها تميل لاكل الخضار وتفضلو اكتر من اللحوم والحي, وابدا معها بالتعويد وتحطلها قطعه صغيره بالمي وهي جوعانه, او انو تلصق اكلها اللي بتحبو بقطع الخضار.. ممكن يوخد وئت, ادا ما اكلت ما بيصير اشي عليها, وكمل طريئة اكلها الئديمه. (ما تخلي الاكل بالمي لتاني يوم).

اقتباس:

المشاركة الأصلية كتبت بواسطة ناروتو (المشاركة 882815)

السؤال الخامس :

السلحفة البرمائية (كم ساعة نضعها في الماء )وبماذا تصاب اذا لم توضع في الماء لوقت كافي ؟؟

انا ما بئدر احددلك وئت معين لانها هي بمزاجها اللي بتفوت بالمي ومش انت اللي بتفوتها عراحتك, من هيكا المي لازم تكون دايما متوفره جنبها.
وادا ضلت فتره طويله بدون مي ممكن يصير نشاف بالدرع وتقشر (رح تشوف لونو بيميل للبياض), وكمان هي جلدها رطب وأحسن ما ينشف لفتره طويله.

اقتباس:

المشاركة الأصلية كتبت بواسطة ناروتو (المشاركة 882819)

السؤال السادس :

كم ساعة نضع السلحفة أمام الشمس (بشكل مباشر أو غير مباشر )
وهل نضعها في الشمس فور خروجها من الماء ؟

انت حطلها المربى كلو بالشمس بس يكون طرف منو مظلل ومش معرض للشمس لتحتمي فيو ادا كان حم كتيير عليها,
يعني شي تلات سيعات باليوم (حسب الحراره عندكو - أكيد مش بايام الشرد تطلعها :D ) ومفضل انها تكون بساعات ما بعد الظهر.

اقتباس:

المشاركة الأصلية كتبت بواسطة ناروتو (المشاركة 882821)

السؤال السابع :

كيف نقي سلاحفنا من الامراض (سواء الأمراض الخطيرة أو البسيطة )

- تغيير المي بفترات ئريبه (مش أكتر من يومين) وبالاخص بفصل الصيف.
- ما اتضلها بقايا الاكل بالمي ( مفضل انو الاكل يكون بحوض مي تااني غير الحوض اللي بينامو وبيئضو وئتهن فيو).
- تنظيف الادوات اللي بالمربى مع تغيير المي.
- تنظيف درع السلحفاه بشكل متواصل.
- ما تقدملها الاكل اللي ممكن يعملها امراض (جرثومة السلامونيا) متل: اللحم النيئ المش مطبوخ, ولحم الدجاج..