|
أريد قطه في المنزل ولكن؟!!!.......
السلام عليكم ورحمة الله وبركاته
أخواني أعضاء أنا سجلت في المنتدى لأنو الصراحه عجبتني المواضيع اللي فيه وبالذات اللي في قسم القطط وحبيت إني أشارك معاكم في منتداكم الرائع والصراحه عندي مشكله وهي إني أبغى أجيب (بسه=قطوه) في البيت ولكن ماما ماتبغى أحاول أقنع فيها إنو ماراح تسويلها شي ماهي راضيه تقتنع تخااااف منها :rolleyes: وأنا الصراحه نفسي أجيب بسه :( لأني مررررره أحبهم إيش رأيكم ؟؟؟؟؟ :confused: |
رد: أريد قطه في المنزل ولكن؟!!!.......
مرررحبا
حاولي تقنعيها باي طريقه ووصي البيت كله انه يقنعها وهياانشاءالله توافق وااي شي تبغه انافي الخدمه سلام |
رد: أريد قطه في المنزل ولكن؟!!!.......
اي مثل ماقال انس ومبدئيا أقنعيها انك بتخلينها بالبيت ماتطلع:)
|
رد: أريد قطه في المنزل ولكن؟!!!.......
مرحبا فيج اختي ~*؛؛se"روز"Ro؛؛*~ و اتمنى لج أوقاتاً طيبة في توزوو
قبل لا تشترينها حاول تحببين أمج فيها و قوليلها هالأشياء : - القطوة بشتريها صغيرونه ماراح تسوي شي . - القط من أنظف الحيوانات و عنده حمام خاص و راح احممه على طول . - ما راح اتييب أمراض ان شاء الله لأن لها تطعيمات بالبيطري . - راح تقضي على الفيران اللي بالبيت . و ذكريها بالصحابي أبو هريرة و بأحاديث الرسول - صلى الله عليه و سلم - عن القطط و انها حيوانات طاهرة و من الطوافين :) |
رد: أريد قطه في المنزل ولكن؟!!!.......
يسلموووو حبايب قلبي على ردودكم
ماما تحب البسه بس المشكله تخاف إنها تكون ماشيه والبسه تجي تمشي جنبها هيا كدا تخاف وبابا يقول يبغالها شغل كتير :( إيش الحل ؟؟؟؟ |
رد: أريد قطه في المنزل ولكن؟!!!.......
السلام عليكمـ ياهلا فيج اختي بينه ذكرتيني بأمي اول مايبنا اول قطوهـ . وامي كانت تخاف وايد منهم شوفي اول شي خل تقرا هالموضوعين 1- [ أحاديث ] نبينا الكريم عن :- ( الهر ) جدا" مهم الكاتب :قطو_Q8te http://www.2zoo.com/vb/showthread.php?t=5864 2-الفتوى في تربية القط الكاتب:NONO http://www.2zoo.com/vb/showthread.php?t=1164 -- 2-شراء القط الكاتب :قطو_Q8te http://www.2zoo.com/vb/showthread.php?t=6020 -- قعدي امج يمها وراويها مواضيعنا راويها صور قططنا ومقالبنا وياهم وكلشيـ . بتستانس ان شاللله -- قوليلها بتشترينها صغيره يعني عمرها شهر ونص وبتحطينها بغرفتج او أي غرفه ورح تعتنين فيها وتسبحينها قولي لها بييبها اسبوع واذا تضايقتي انبيعها مره ثانيهـ .! وان شالله ان يبتيها حمليها ووديها حقها قوليلها شوفي شحلاتها اشتريها يكون لونها فاتح لانه الامهات يخافون من الالوان الغوامج :p وحاولي تخلينها تمسكها وتتعود وطمنينا |
رد: أريد قطه في المنزل ولكن؟!!!.......
كلام اخواني صح وبالذات قطو
قولي لها بجيبها اسبوع وبعدين خلال الاسبوع لا تحاولين تحسسينهم بوجود البسه يعني خليها بغرفتك لا تطلعينها الا وانت موجودة بعدين طبيعي الماما رح تقول إيوه والله ماحسيت فيها وانشالله تقول خليها تقعد ==> يارب تحياتي لك واتمنى باقي الاعضاء يجيبون حلول اخرى |
رد: أريد قطه في المنزل ولكن؟!!!.......
امك نفس امي
وبقول لك شلون اقنعت امي صرت كل اسبوع اروح محلات الحيوانات وهي معي واطلع القطوه من القفص واشيلها والعبها قدامها واقول لها ماما بلييز شوفي شلون كيوت وتعرفين حركات دلع البنات وبعدين اخذتها لدكتور بيطري وخليته يقول لها عن امراض القطط والتطعيمات وصرت اقريها مقالات بالانترنت عن القطط وامراضها وبالعافيه رضت ولما جربت تربيتها بالبيت بالاول تخاف منها لما تمر جنبها الحين عادي لو تقعد البسه على رجولها والحمد الله الحين عندي 3 قطط مو وحده |
رد: أريد قطه في المنزل ولكن؟!!!.......
هلا فيج اختي بيننا و انا ابي اقول لج طريقتي شلون خليت امي ترظا الصراحة و انتي تسولفين عن امج جنها امي بس الحين رضت شوفي اول شي كل مرة تقعدون مع بعظ بطلي موقع قوقل و حطي صور قطاوة و وريها انج وايد تحبين القطاوة و و هالحركات و بعدين دخلي المنتدى و وريها المواضيع و وريها طريقة العناية بالقطوة و حني على ابوج يوديج محل الحيوانات قوليله بس اشوف هم و بعدين قعدي طلعي القطاوة الصغار حييل و احلى و اكثر شي كيوووت بالمحل و حاولي تجمعين فلوسها و اذا قالت لج امج صرفيهم قولي لها لا هالفلوس حل بستي و قعدي حني عليها و مثل ما قال لج اخوي اذا رضت اول ما تييبون القطوة البيت قعدي لعبيها و خليها تطامر و تنهبل و بعدين صدقيني امج و ابوج راح يحبونها انا ابوي فيه حساسية من القطط و هم يحب قطوتي يموت عليها و اول اسبوع مثل ما قال لج اخوي خليها بالغرفة بس اسبوع و بعدين شوي شوي خليهم يتعودون عليها بالبيت
|
رد: أريد قطه في المنزل ولكن؟!!!.......
اي صح نسيت اقول لك اهم نقطه
وهي اني قلت لها اني بهتم بكل صغيره وكبيره تخص القطوه وبهتم بنظافتها ولو وسخت بالبيت انا بنظف وراها واني ما راح اخلي الشغالات يسون لها شي |
رد: أريد قطه في المنزل ولكن؟!!!.......
اتصدقين قطقوطة انا اسوي جذياصلا اشغالات ما يعرفون يعتنون البقوة و الله انا اسوي كل شي حتى يوم استفرغت (اكرمكم الله ) كنت انا انظفه
|
رد: أريد قطه في المنزل ولكن؟!!!.......
و في موضوع انا كاتبته في قسم القطط الصفحو الثانية اسمه (حتى لا تسبب قطتك المشكلات لاسرتك) تتعلمين شلون اذا امج رضت اتخلينهم ما يتضايقون من القطوة بالبيت
|
رد: أريد قطه في المنزل ولكن؟!!!.......
اقتباس:
كلنا نقول جذي اول شي وبعدين ... لاتعليق لوول :p |
رد: أريد قطه في المنزل ولكن؟!!!.......
يسلمووووووووووو أخوااااني :o مشكووووره والله ماقصرتو هي ماما رضيت عادي بس خايفه من إنها تجرب دا الشي:rolleyes: جلستها أمس جنبي وقعدت أقريها ردودكم وقعدت أقول : ماما بسه *** ماما بسه الله يخليكي :p قالت طيب خلاص جيبي بس بابا يقول إنها تجيب أمراض في البيت وإنو يبغالها شغل كتيير :( وأنا مستعده أتحمل مسؤولية كوووول حاجه |
رد: أريد قطه في المنزل ولكن؟!!!.......
صح نسيت أقول حاجه سمعت عنها
سمعت إنو البسه تجيب العقم :( صح ولا لأ ؟؟؟؟ |
رد: أريد قطه في المنزل ولكن؟!!!.......
اشاعات انا اهلي كانوا معارضين ولو انه خواتي قبل كل شوي يشترون قطوه وحتى من الشارع يصيدون ويربونه وكانت امي عادي
والحين الحمدلله كلهم متزوجات وعندهم عيال لو بتسبب عقم جان ولا وحده جابت عيال وهالشغلات مو احنا اللي نتحكم فيها كل شي بامر ربنا وانا لما بغيت قطوه مارضت امي وقالت تجيب العقم وتسبب اجهاض للحوامل رحت للصيدلية واستفسرت وقالتلي الصيدلانيه انه ماتسبب هالشغلات والامراض الا بحاله وحده بس انه تاكلين مع نفس صحن القطوه يعني اكلكم واحد تتشاركون فيه وهالشي طبعا استحاله اسويه والشغله الثانيه انه لازم قبل ما تاكلين شي تغسلين ايدج عشان لو كنتي لامستها وسبحان الله كانت مريضه ماينتقل لج المرض وبس هذي اهي الشغلات اللي تنقل المرض ومن بعدها والله رحت وشريت القطوه ولا شاورت احد لانه مافي سبب يمنع بس جذي رافضين لمجرد الرفض ومو اول مره يعني تكون قطوه في بيتنا جت علي انا يعني من بعد ما شريتها حطيتهم عند الامر الواقع لووووووووووووول وبالعكس توقعت رفض انا واللي شفته انه اخواني الكبار مستانسين عليها وحتى ياخذونها بالدوانيه لوووووووووول ومحد عارض الا امي وابوي معارض بس بشكل غشمره صح انه يقول ببيعها بس يطالعها ويضحك |
رد: أريد قطه في المنزل ولكن؟!!!.......
اختي العزيزة
بخصوص الامراض =========> يمدحون التطعيم بانتتظام وعرضها على البيطري تحياتي لك وانشالله مافي خوف انا قطوتي والله إنها تنام داخل شعري والحمدلله ماصار شئ من الامراض |
رد: أريد قطه في المنزل ولكن؟!!!.......
ماتييب عقم ولاشي دامها مطعمه ليش خايفه
اهم شي التطعيمات وماتوكلينها لا لحم نيء ولا ذبان وح شرات ولا تطلعينها مع قطط السكك |
| جميع الأوقات بتوقيت GMT +3. الساعة الآن 07:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو