|
لكل اللى قطته ولدت بيبى كتير ومش عارف يوديهم فين
السلام عليكم
لكل اللى قطته ولدت بيبى كتير ومش عارف يوديهم فين ؟ طبعا الموضوع باين من عنوانه ......... بصراحة انا اول احتاك ليا للقطط كانت قطة صديقة ليا سابتلى قطتها وسافرت لمدة شهرين ......... كنت فرحانة بيها جدا انا واولادى واشتريت لها اكل و ويسكاس ودلعتها اخر دلع واتعلقت بيها جدا انا واولادى لدرجة ان صنعتلها بنفسى بيت تنام فيه وبعدين الشهرين عدوا كانهم يومين وصديقتى اخدت الامانة بتاعتها تانى ......... وحالتنا بقيت سيئة جدا لاننا فقدنا البهجة الى انت القطة عملاهالنا فى البيت وخصوصا مع ابنى الصغير ... المهم من غير ما اطول عليكم ...... عايزة اتبنى قطة بس تكون تربية بيتى لان كل اللى فى الاسواق كلها امراض وكمان خايفة من انفلوانزا الطيور لانى سمعت فى برنامج القاهرة اليوم ان عمرو اديب قال ان فى كلب جاتله انفلونزا الطيور ومات فا انا عايزة اتبنى قطة تربية بيتى وماتخافوش والله حهتم بيها زى مابهتم باولادى بالظبط ...... ممكن اللى عندهم قطط والدة يدينى قطة منهم ويبقى جزاه الله خيرا وياريت تكون عمرها شهر ونصف او شهرين ممكن حد يفيدنى فى الموضوع ده ........ يارب يخليكم يااااااااااااااااااارب هههههه |
رد: لكل اللى قطته ولدت بيبى كتير ومش عارف يوديهم فين
أنا عندي قطه عمرها ثلاث شهور ذكر لونه رمادي ومطعم مع شهاده
بس يا خساره أنا من جده |
رد: لكل اللى قطته ولدت بيبى كتير ومش عارف يوديهم فين
ياخسارة ......... ربنا يباركلك فى قططك ويخليهملك ........
فى انتظار رد باقى الاعضاء (( جوزيتم خيرا )) |
رد: لكل اللى قطته ولدت بيبى كتير ومش عارف يوديهم فين
السلام عليكم
انا عندي قط للتبني عمره شهر ونص وممكن تشوفي صورته في الموضوع ده http://www.2zoo.com/vb/showthread.php?t=51145 القطه اللي جنب القطه الصفرا ذكر |
رد: لكل اللى قطته ولدت بيبى كتير ومش عارف يوديهم فين
واااااااااااااااااااااو بسم الله ماشاء الله بس الله يخليك قبل ما افرح انت من فين وايه الشروط وكيف التواصل ......... بس بسرعة ربنا يخليك انا مستنية الرد على احر من الجمر وان شاء الله يكون فيه نصيب بس عايزة كل المعلومات واذا كان معاه شهادات او اتطعم ولا لأ ....... وكمان انا عندى اولاد صغار يعنى لو القطة فيها اى مرض او براغيث ياريت تقولى لان ذمب اولادى حيبقى فى رقبتك الى يوم الدين ومن ناحيتى سوف اعتنى بها واعاملها بما يرضى الله ان شاء الله
فى انتظارك اخى الكريم |
رد: لكل اللى قطته ولدت بيبى كتير ومش عارف يوديهم فين
اقتباس:
انا من القاهره و ما فيش شروط ومش عارف بقي هتاخدي القطه ازاي ..... هي الي الان لم تطعم اول تطعيم لها يوم 18 \ 2 ان شاء الله تكون تمت الشهرين والقطه الحمد لله ما فيها اي امراض وتحب اللعب كتر وبخصوص البراغيت لا اعتقد ان فيها براغيت وممكن لما تاخديها تشتري ليها سائل طارد للحشرات علشان تبقي مطمنه والله المستعان |
رد: لكل اللى قطته ولدت بيبى كتير ومش عارف يوديهم فين
على فكرة انا سالت كل شركات الشحن ومافيش ولا شركة وافقت على شحن كائنات حية .. بالرغم من ان اسعارهم غالية جدا ووصل بيا الامر انى اتصلت بشركات بتاخد بالدولار لكن للاسف برده مافيش شحن كائنات حية وكمان الشحن بيوصل بعد 4 ايام :(
انت ايه رايك ؟؟؟؟؟ بصراحة انا اول ماشفت الصورة بتاعت القط العسول ده وانا اتعلقت بيه لدرجة ان والله العظيم فضلت احلم بيه وانا نايمة وجاتلى فكرة بس مش عارفة ايه رايك فيها هو انك تشحنهالى فى السوبر جيت ايه رايك ؟ وتاخد اسم الراجل اللى اديتله القط وتقولى عليه وانا اقف فى موقف السوبر جيت اللى جاى من القاهرة واسال عن الشخص اللى قلت عليه واخد منه القط وممكن انت كمان تقوله يسلم القطة فى مكان قطع التذاكر وانا حكون مستنياه جوة ودى اسهل طريقة عشان مانتهش من بعض وكمان اسرع طريقة لان القط حيوصل خلال 3 او 4 ساعات ايه رايك ؟ |
رد: لكل اللى قطته ولدت بيبى كتير ومش عارف يوديهم فين
اقتباس:
والله اسف جدا بس فيه ناس اخدت القطه امبارح انا اسف والله :(:(:( |
رد: لكل اللى قطته ولدت بيبى كتير ومش عارف يوديهم فين
لا اله الا الله محمد رسول الله
ان شاء الله ربنا يباركلهم فيها .. ويتولانى ويرزقنى افضل منها لعه خيرا ان شاء الله :( بس يارب اقدر انساها ... وربنا يعوضنى بغيرها بسرعة ...... ده انا كنت بفكر اسافر عشان اخدها من القاهرة .. يلا حصل خير :( :( :( :( |
رد: لكل اللى قطته ولدت بيبى كتير ومش عارف يوديهم فين
اقتباس:
|
| جميع الأوقات بتوقيت GMT +3. الساعة الآن 01:58 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو