السلام عليكم ورحمة الله وبركاته

عندي قطة (( انثى بلدي )) من سنة ونصف تقريبا وتعودت عليا جداااااا

اخدتها من وهي صغيرة جداااا ودلوقتي ما شاء الله عليها كبرت وعندها قطتين صغيرين (( ابعدناهم عن البيت بعد ماكبروا ))

المهم ..

هي بتلعب معايا كتير جدا تقريبا اليوم كله

اتعودت عليا لدرجة انها لو شافتني بامشي تنط على رجلي واي حاجة اعملها تعتبرني باحاول العب معاها

وتصحيني وانا نايم

وتعض وتخربش كتير جداااااا ودايما انا عندي جروح منها هههههه

لكن باحبها جدا ودايما العب معاها

انا من صغرها عودتها على انها تعض ايدي لكن مش عارف ازاي اخليها تبطل العادة دي دلوقتي

وكمان تنام جنبي ولما تصحى تعض رجلي ولو شافتني اتحركت تنط عليا (( عذبتني والله ))

هي نشيطة جدا وصحتها ممتازة ما شاء الله وبتحب اللعب جدا

لكن اسئلتي هي ..

1- هي تجري ورايا في حالتين فقط (( الاكل واللعب )) غير كدا لو طلبتها وناديتلها ماتنظر لي حتى ههههههه .. ايه السبب ؟؟ للعلم هي ليس لها اسم لكن انا انادي لها بالبسبسة

2- العض والخربشة .. دول دليل على عدم وفاء القطط ؟؟ هههههه

3- هي ذكية لدرجة تخوف (( لو قفلنا عليها الباب تفتحه بكل سهولة )) (( ولو تركنا الاكل مقفول في طبق او حلة تفتح الغطاء وتأكل اكلنا ههههه )) ودا يتعب امي كتير .. كيف اتخلص من العادة هذه ؟؟

4- لما تنام مع حد غيري من الاسرة (( ودا قليل )) ماتعملش اي مشاكل ابدا .. لكن معاي انا لازم تعض وتخربش وتلعب معايا .. ليه ؟؟

5- هل التصرفات دي لانها بلدي ؟؟ ام لاني عودتها من صغرها على هذا ؟؟

للعلم انا تعودت على تصرفاتها ، لكن حبيت اسألكم لعل وعسى يكون عندكم حلول وانا ارتاح اكتر هههه


منتظر ردودكم ..