السلام عليكم جميعا

حترت كتير وين بدي حط الموضوع بس قلت بما انو بيشمل سؤال خليني حطو هون

البياطرة ما بعرف ليش بيسموا حالهن بياطرة إزا ما بيفهموا يعالجوا الحيوانات بالشكل المزبوط يعني مو حرام عليهم هالشهادي الي ماخدينها؟؟؟

متل ما بتعرفوا كيوي عندها فطريات ورحت عند "البيطري " الي عأساس بيطري
وفرجيتو ياهن ,, طبعا انا قلتلو دغري انو بستي عندها فطريات
فهوي بمجرد النظر وتبعا للي قلتو قلي : ايه هيدي فطريات (يعني بلا فحص ولا هم يسألون,, إنو خليه يحسسني انو تأكد عالقليلة,, وإني دفعت كشفيي عشي محترم ومأكد مو عشي أنا بعرفو وقلتلو ياه مو هو اكتشفو!!) قلت يابنت معلش ليش لأنو انا متأكدي انها فطريات بما انو عدتني,, فقلي انا عندي ابر وكريم وشامبو ,, قلتلو دكتور بلا الابر الله يخليك قام قلي اوكي تحملي التعب!! قلتلو عراسي بتحملو

المهم عطاني الكريم والشامبو وليك وينيي عم حممها بال 3 ايام مرة والكريم كل يوم وصرلي قرابت الاسبوعين عهالحالي
وياجماعة صرت لاحظ انو لا البقع عمتخف وبالعكس عميطلع باماكن تاني!!

صرت دور عنا بالمنتدى ولقيت اسم دوا سائل اسمو itrafungol ,, المهم صرت دور عليه براس الخيمة بس للأسف ما لقيتو,, قمت شو دقيت عبيطريي بالشارقة بعد ما جبت الاسم ورقم التلفون
وحكيت مع دكتور بيطري,, وقلتلو عن كل شي ,, وسألتو شو بتعطوا عندكن بهيك حالي,, قلي شامبو وكريم ,, وآخر حل الأبر لاحظو الفرق,, قلتلو دكتور أنا عماستخدم من اسبوعين الكريم والشامبو وما عميعطي نتيجي ,, قلي شو اسم الكريم والشامبو كيف عمتستخدميه,, قمت انا قلتلو الاسم وكيف عمبستخدم الشامبو,, قلي: اختي هيدا الكريم هوي دوا للأذن!!!!! قلتلو: نعم!!! يعني طول الفترة البسي ما عمتستفاد منو؟؟!! قلي: الله يسامح الي وصفلك ياه,, وحتى ستخسر عليه يقول عنو بيطري ,, وقلي الشامبو لازم كل يوم أو يوم ايه ويوم لأ مو كل تلات ايام مرة!!!!
انا حسيت الدم عميغلي براسي ,, انو المسكيني كيوي شو ذنبها عمتتعزب لهلأ بدوا ما عميعطي مفعول ,, وشو ذنبي انا المسكيني عمإتعزب معها!!

بالآخر سألتو عن الدوا السائل ,, قلي ما بنصحك فيه لأنو إلو مضاعفات عالكبد,, قمت قلتلو يعني ما فيني استخدمو؟؟ قلي فيكي بما انو اول مرة الفطريات أول مرة بتطلعلها ,, بس بكميات قليلة جدا,, وقلي ممكن تستغني عنو وتعطيها دوا فطريات بشري,, من اي صيدليه ,, حبوب: كل حبة بتقسميها 6 أجزاء وكل يوم بتشربيها جزء


هلأ هون سؤالي,,, هل صح هالحكي !!:confused:
وهل ممكن بيطري يكون بهالدرجي من الاستهتار,, إنو انت فتت طب بيطري ( وبصراحة هالطب انا كتير بحترمو وكنت متمنيي فوت بهالمجال) تقوم ما تمارس مهنتك باحتراف؟؟!!
وازا جبت الحبوب كيف بشربها ياهن لأنو نسيت اسألو انو بدوبها بمي ولا افتحلها تمها وشربها اياه ولا كيف؟؟؟


وآسفي عالإطالة بس حبيت فشلكن خلقي من هالبيطري :(