|
حادثه غريبه مع الكاسكو....!
السلام عليكم ورحمة الله وبركاته اولا اتشرف باني اكون عضو جديد في هذا المنتدى الرائع الفريد من نوعه بين المواقع العربيه وبين اعضاء يملكون هذا الكم الهائل والمفيد من المعلومات التي تنور درب لكل من يملك هذا الببغاء الرائع الكاسكو . الموضوع والحادثه الغريبه اني اشتريت الكاسكو الهولندي الجامبو كبير بالعمر عمره تقريبا فوق 3 سنوات والطير غير مروض نهائيا حتى صاحبه باعه لي يسعر رخيص لانه وحشي ويجعر 24 ساعه مجرد مايشوف شخص مار يجعر عليه كانه صراخ واحد يبي يموت لدرجة واصل صراخه لاخر السوق والناس تبعد عنه وانا شريته لاني املك بعض الخبره في ترويض الكاسكو , اخذت الطير ووضعته بغرفه فاضيه بحيث مايشوف احد ولا احد يشوفه وانا بس اللي ادخل عليه واعطيه الاكل والماء علشان يتعود علي والوضع ماتغير لمدة اسبوع كل ما ادخل عليه يجعر ويعض باقوى مايملك مع العلم اني كنت مجوع الطير علشان ياكل من ايدي , خلاصة الموضوع اني كنت واضع الطير على الاستاند داخل الغرفه الفاضيه وتفاجات انه باب الغرفه مفتوح وولدي الصغير عمره 9 شهور يحبي على ركبه الى ان وصل للطير والمنظر الغريب يا اخوان واللي انا ماصدقته ولا اي شخص يفهم بشخصية الكاسكو يصدقه انه ولدي الصغير قاعد مقابل الطير مباشره وبكل هدوء:eek: وكان معاه كيس شبس ( كتكو ) ومره يمد ولدي ايده للكاسكو ياكله من الشبس والطير ياكل من ايده ومره الطير يدخل راسه داخل الكيس لياكل من الشبس وولدي يمسك الطير من منقاره ويبعده من الكيس يبي هو اللي اكله مايبي الطير: ياكل على مزاجه صار ولدي هو المربي مو انا , انا صدمني الموقف وكنت اراقب من خلف الباب بهدوء وانا ادري اذا شافني الطير راح يجعر ويخوف الطفل , ناديت ولدي بكل هدوء الى ان جاني ولدي وهو يحبي على ركبه تفاجات انه الطير لحقه الى باب الغرفه اخذت كيس الشبس من ولدي وقمت ااكل الطير بايدي والطير ياكل من ايدي بكل هدوء . كانت هذي الحادثه المفتاح لترويضه والحين الطير من اروع مايكون معاي انا وولدي بس مع باقي العايله لا . شرايكم بهذي الحادثه الغريبه منتظر ردودكم عليها اذا حدثت معاكم ... وكلي اسف اذا اطلت عليكم |
رد: حادثه غريبه مع الكاسكو....!
ماشاءالله صج حادثه غريبه
وانا الكاسكو اللي عندي صغير بالعمر وعيال تقول لعانه يحطون ايدينهم بنقاره وطبعا ما يقول شي هالسالفه عاديه لكن سالفتك انت صج غريبه يمكن برائد الاطفال تبين انه على نيته وعرف الطير انه ماراح ياذيه؟؟؟ كل شي جايز المهم انه الطير تروض وهذا المهم والله يوفقك اخوي سلااااااااااااام |
رد: حادثه غريبه مع الكاسكو....!
وعليكم السلا ورحمة الله وبركاته ياهلا ومرحبا فيك اخوي سبحان الله وانا ملاحظه هالشي لان رفيجتي الكاسيكو مالهم ماكان اليف بس عمره في حدود السنه ومره كنت رايحه لها ياتني بنت اخوها وفي يدها الكاسيكو ماشاءالله عليهم اليهال لهم طريقه خاصه في التدريب:D وعقبال ماتسمعونه يتكلم يأذن الله وبالتوفيق:) |
رد: حادثه غريبه مع الكاسكو....!
سبحان الله
على نياتكم ترزقون والله أنا أعتبر هذي القصة إعجاز,, وسمعت قصص عن العلاقات بين الأطفال والكاسكو والمواقف الغريبة حتى اني اذكر قصه ذكرها شخص عن طريق النت,, يقول ان كان عندهم طفل وصارت له مشكلة أو اختناق أو شي الله اعلم المهم ان الببغاء جلس يصارخ أو يقول كلمة معينه عشان يهدي الطفل لين جو أهله وما عرفو الا من الببغاء بفضل الله أولا وآخراً أشكرك على القصة الرائعة واللي ذكرتنا فيها بالله عز وجل,,, الله يحفظ لك ابنك ويجعله من حفظة القرآن الكريم, وعسى ربي ينفع به الأمة,, تحياتي |
رد: حادثه غريبه مع الكاسكو....!
اخوي وش دراك يمكن ان الطير ذكي؟؟؟
يبي الشبس مهب قادر ياخذه فلجأ لهذا الطريقه لان لو اخذ الشبس غصب يبي يزعل ولدك وهو جازله الشيبس؟؟ تقبل مرووري |
رد: حادثه غريبه مع الكاسكو....!
والله حادثة غريبة
يا سبحان الله |
رد: حادثه غريبه مع الكاسكو....!
سبحان الله
هذي معجزه .. الله يحفظلك ولدك.. و يباركلك فيه .. |
رد: حادثه غريبه مع الكاسكو....!
الله يحفضلك ولدك
بس الصراحه مره ثانيه لاتخلي ولدك مع الطير لحاله يمكن لاقدر الله يعضه وانت تعرف الطيور مالها امان انا اقةل الحين حاول تروضه بعدين امن عليه والله يحفض الجميع من كل مكروه |
رد: حادثه غريبه مع الكاسكو....!
ياهلا والله فيكم ومشكورين على المشاركه ومشكورين على الدعاء والنصايح والله يحفظكم ويحفظ عيالكم من كل مكروه ويوفقكم لما يحبه ويرضاه
|
رد: حادثه غريبه مع الكاسكو....!
اخوي او يمكن يكون صاحبه اللي قبل وحشي عليه؟؟؟؟؟؟؟؟؟؟
وانت ماشاء الله اليف معه رجع زي ماكان زمان؟؟ |
| جميع الأوقات بتوقيت GMT +3. الساعة الآن 01:17 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو