المشاركة الأصلية كتبت بواسطة ألأصيل (المشاركة 841395)

أختي الفاضله السلام عليكم, وبعد:

اولا: هل عندك خبره في تربية هذي الانواع من الطيور (خلنا نقول لا او قليله)
ثانيا: تسليه لج ولاخوانج (أتوقع انه اخوانج صغار في السن - الله يحفظهم لج)
ثالثا: انتي تتكلمين باي عمله؟ أعتقد بالريال العماني وهذا في نظري سعره الطبيعي في الخليج.

تبعا, انا انصحج اختي تاخذين لج طير اليف ومدرب, مو ضروري مدرب على الكلام هذا سهل ومع الوقت هوه بيتعلم منكم على اي حال, بس توليف الطير وتدريبه يبيله الوقت والصبر وهذيلا عنصرين مش متوفرين لج.

تكلفة الطير الاليف ومدرب ياكل من اليد ويطلع عليها وما يجعر ولا يعض يكون حسب السوق بس ما يتعدى الالفين درهم ويكون عمر الطير بين السنه ونص الى سنتين ونص.

الفرخ الصغير: مع انه انسب شي للتدريب بس يبيله عنايه واعيه وعلم وشغل ووقت يمكن ما يناسب ظروفج الحاليه.
الطير المنتج: يعني مولود بالاقفاص يكون اسهل توالفه على الانسان لكن يكون ضعيف المناعه بعض الشيء عن البري اللي صايدينه بالشبك, بس هذا يعتمد على المصدر اللي انتي بتاخذين منه.
الطير البري او ما يسمى بالبري / الجنقل / الجعيري الخ, فهوه قوي البنيه ومناعته قويه بس يبيله الصبر والوقت والخبره للتعامل معاه.

بالنهايه الامر يعود لج اختي بس مره ثانيه انا انصحج بشي اليف ومدرب ولو كانت شوي التكلفه ازود من الباقيين, السعاده والسرور اللي بيجيبها لكم على مدى السنين الطويله ان شاء الله تعوض خسارتج. لا تاخذين الطيور الكبيره مثل المكاو ولا الصغيره جدا, فالانسب انا في نظري هو الافريقي الرمادي (رأي شخصي).

أعتذر على الاطاله والله يوفقج.

المشاركة الأصلية كتبت بواسطة al-wlid (المشاركة 843350)

يخوي نصيحتي لاتشتريه

خذ لك هولندي عمره تحت السنه وبنفس السعر او اكثر شووي

المشاركة الأصلية كتبت بواسطة كاسكـــو (المشاركة 843404)

هو يقصد بالهولندي يعني كاسكو تفريخ مزارع هولنديه

لكن ماقلتي وش مواصفات الجامبو اللي تقولين ؟