منتديات تو زوو - اعرف قط بلدك (مصر)... الماو المصري الأصيل...

منتديات تو زوو (http://www.2zoo.com/vb/index.php)

- قسم هواة القطط (http://www.2zoo.com/vb/forumdisplay.php?f=33)

- - اعرف قط بلدك (مصر)... الماو المصري الأصيل... (http://www.2zoo.com/vb/showthread.php?t=96027)

رد: اعرف قط بلدك (مصر)... الماو المصري الأصيل... أرجو تثبيت الموضوع

اقتباس:

المشاركة الأصلية كتبت بواسطة toblina63 (المشاركة 838140)

انا مش عارف اقولك ايه بجد

انت مثال ممتاز للإعتناء بقط زي ده

و فعلا زي ما قولت مش معنى ان كلمة قط بلدي يعني قط وحش

و هوا مش قط بلدي بمعنى الكلمة

لأن القط البلدي اغلبه بيبقى رومي

انما ده ماو مصري اصلي فرعوني

يا ريت تحطلنا صور لقطك

و اشكرك اوي اوي على اهتمامك بيها

و على فكرة فعلا الماو احسن مليون مرة من الشيرازي

اولا مناعة الماو اقوى عشر مرات من الشيرازي الضعيف

شعر الماو سهل و مش بيقعد لأنه مش طويل

انما الشيرازي بيحتاج تسريح كل يوم

و بالنسبة للماو فإنه بيتعبر من اذكي و اسرع القطط في العالم

انما الشيرازي من اكتر القطط كسل و خمول و نوم

بشكرك مرة تانية

انا هي نفسها صاحبة الاكونت اللي اسمو husky lover بس هو في مشكلة ومش عارفة احلها ..كل ما ادخل باكونت مرة والتانية والاقيه مش راضي يدخلني بيه تاني !!!:(

المهم...

القطة اللي عندي امووورة وحركاااتها جامدة آآآآآخر حاجة والله مع انها سودة و "بلدي"

بخصوص صورها ..ممممم... والله اخاف عليكو :D ... هيا شكلها امور وطيبة بس في الصور بتطلع شريرة اوي وشكلها بيطلع وحش

رد: اعرف قط بلدك (مصر)... الماو المصري الأصيل...

تسلم ايدك
وفعلا القط المصرى
مشهور بذكاءه وبيحب اللعب ومش كسول خالص
وعمتاً كل القطط ربنا وضع فيها جمال بيميزه عن قطط غيرها من سلاله اخرى

رد: اعرف قط بلدك (مصر)... الماو المصري الأصيل...

مشكووور ع الموضووع ..

يستآآهل وواللهـ .. :D

شبيهـ بالبلدي .. بس المآو أحلى عنوونهـ تهبل ..

يعطيكـ العآفيهـ ع الموضوع مآننحررمــ ..

رد: اعرف قط بلدك (مصر)... الماو المصري الأصيل...

و نكمل النهارده بقية موضوعنا عن الماو المصري الجميل

كنت قلت قبل كده ان الماو المصري برا مصر معروف انه غالي جدا و نادر

و بيشتروه بأغلى الأسعار

و النهارده انا جايبلكوا تأكيد لكلامي ده

فراسلت شركة لإستيراد و تصدير الحيوانات الأليفة بأمريكا بولاية أوهايو

و كان الرد :

اقتباس:

t is not a quick process. I have a long waiting list.
Here are a couple questions to start if you are serious.
Where are you located?
Do you have any other pets?
Have you ever owned a mau?
Do you already have a vet?
Do you plan on keeping this kitten indoors?
Do you plan on declawing your kitten?
Thanks and take care,

طبعا المعنى واضح و صريح

ان عنده قائمة انتظار و ان الموضوع مش بسرعة كده

و طلبوا مني اني اجاوب على الاسئلة دي و ابعتها ليهم لضمان جدية و كيفية تربيتي للماو بعد ما اشتريها منهم !!!!!!!

ده اولا

و في محل خاص ببيع القطط بأمريكا برده بعتلي أسعار الماو عنده و كانت :

اقتباس:

our pricing for an egyptian mau is as follows:

Silver pet $850 top show quality with breeding rights $1,500
bronze pet $600 breeder/show $1,300
smoke pet $550 breeder/show $1,200

ده غير ان في كتير من المحلات هناك عندها قوائم انتظار لندرة الماو المصري هناك و عدك تلبية كتير من الطلبات نظرا لزيادة الطلب عليه بإستمرار

ده بالنسبة لسعر الماو في أمريكا او برا مصر عموما

اما بقى داخل مصر :

فنزلت اشوف ايه اخبار الماو المصري عند بتوع القطط

هل ليه سعر ؟

او هل ليه اصلا ناس ؟

نزلت سألت عند اكتر اتنين بتوع قطط في مصر

و بدون ذكر اسماء كان واحد في روكسي و واحد في المهندسين

اول واحد اللي في المهندسين رد وقالي ماو مين يا باشا الماو مفيش حد هنا بيفهم عشان ياخده يربيه لأن محدش يعرف قيمته

وقالي انه لما بيلاقي ماو بيور على طوووول بيلاقيله زبون أجنبي

سواء ساكن في مصر او مسافر برا

اما بقى المحل التاني في روكسي فكان رده :

الماو المصري لو عايز منه صح و بيووور هتدفع الف جنيه للواخدة بس بشرط متجيش بعد كده تقولي انا عايز ارجعها لأنها بلدي

طبعا مش محتاج اكمل كلامي او اقول اكتر من اللي سمعته سواء في المحل ده او ده

انما اللي اقدر اقوله حاجة واحدة بس

اننا احنا (الشعب المصري) احنا السبب في ذل و مهانة الماو المصري للدرجة دي في الأيام دي

احنا اللي قللنا من حقه و قدره و خليناه قط شوارع بيصارع الجوع و الموت

نظرا لإنشغالي الدائم اعتذر عن التأخير و لنا عودة قريبة...

يتبع...............

رد: اعرف قط بلدك (مصر)... الماو المصري الأصيل...

موضوع رائع ومجهود اروع مشكووووووووور