|
رد: تكفون طريقه اقنع الوالد يوافق على القطره بليزز
خخخخخخخخخخخخ
طيب موو لآزم قطووة دور لكـ شي ثآني .. اشتر هآمسترر .. مآدآم أبووكـ معيي .. طيب عندكــم ملحق ولآ غرفهـ برآ ؟؟ ولآ عندكـ صديق مقرب لكـ ؟؟ ولآ إسترآحهـ تطلعوون لهآ اذ1 كنت كبير .. يعني بعز شبآبكـ .. ^^ .. اشتر القطووة وحطهـآ هنــآكـ .. وقوول لإبووك أهم شي يرضــى .. (مــن تركـ شيــئـآ عووضهـ اللهـ بأفضل منهـ ..).. عطنـآ الأخبآر أول بـأوول .. :D |
رد: تكفون طريقه اقنع الوالد يوافق على القطره بليزز
اقتباس:
القطاوه تعدي :D؟ |
رد: تكفون طريقه اقنع الوالد يوافق على القطره بليزز
الله يعينكم من جد معاناه مع أهاليكم أنا الحمدلله لي الحريه المطلقه لو أجيب أسد .. أسمع أخوي ،، أحس أسلوب الحن والنق .. وأنك تعور راسه ماينفع لأنك بتزعجه وبيعاند معك أكثرررر متى ماتشوفه رايق وجالس بروحه روح لعنده وقبل راسه وأجلس وتكلم معه بهداوه يبه أنا أبي قطوه ،، لو قالك لا ،، بأسلوب حلوو ومناقشه هاديه خذ منه الأسباب اللي تخليه يرفض وأعطيه من الأحاديث عن الرسول عليه الصلاة والسلام .. وكيف العنايه فيها والأهتمام بصحتها وتطعيماتها وكيف ممكن تفيدك بأشياء ثانيه مثلاً تعلمك المسئوليه والصبر والعطف .. وأطلب منه يعطيك فرصه بس وحده تجيب قطوه ،، لو شاف منها أو منك أي شي يزعج مثلاً وسخت بمكان أو عملت أي غلطه نتيجة أهمال منك أو تقصير قوله برجعها وبصرفها على طوول وعد مني وعطه كم كلمه حلووه .. وماعليه مع الوقت أهلك بيحبونها ويتعلقون فيها .. يعني لكل حادث حديث وقتها .. ولو رفض .. أسكت عنه واليوم الثاني أبتسم بوجه وقبل راسه وأجلس معه عادي وبعد كم يوم أفتح معه الموضوع مره ثانيه بنفس الأسلوب وهكذا حتى يلين معك .. أنا الوالد الله يحفظه كذا أسوي معه لو أبي أي شي يخطر في بالك مايرفضه قبلة راس وكلمه حلوه وخلاص يعني ماأتعبه ولا أتعب عمري ،، واليوم الثاني القى اللي طلبته عندي فـ كل شي باللين والكلمه الطيبه الحلوه يجي .. أنت حاول تكسر خاطره وهيك وأن شاءالله يلين راسه ويحن قلبه عليك ويوافق وتجيب أحلى قطوه بالدنيا .. |
رد: تكفون طريقه اقنع الوالد يوافق على القطره بليزز
اخوي ماعليك من اي كلام ينقال مع احترامي للجميع حطهم امام الامر الواقع وجب الي يعجبك بس قولهم انك بتعتني فيها ولاراح يسبب اي شي وجودها وعطوني فرصة جربو شفتو الوضع ماعجبكم شلناها
وانت حاول تتعب عالشي الي تحبه واعتني فيها وحاول تقرى كثير وتستفيد من الخبرات الموجودة حتى لاتقع في اخطاء |
رد: تكفون طريقه اقنع الوالد يوافق على القطره بليزز
اقتباس:
والله يعافيك اخوي رنين القلم المشكله مطفر :D و حتى لو لازم اسئله هذا كائن حي موب لعبه او شي ثاني عموما الله يعطيك العافيه |
رد: تكفون طريقه اقنع الوالد يوافق على القطره بليزز
عياااا وشو الحل بشويش عيا العباطه عيا تكفون حل
:(:(:(:(:(:( |
رد: تكفون طريقه اقنع الوالد يوافق على القطره بليزز
هلا اخووي ...
شوف اول شي ودي اقولك ان القطط تسبب عقم للنساء(الله يبعدهم من هالشيء) .... -- لكن اذا انت معزم وتبي القطط .. شوف وره فيديو عن القطط على اليوتيوب وخله يشوف حركاتها اللي تضحك وتونس .. وقوله ان القطط ماهي وصخه وان عادي اذا اهي شربت من الماي أو الحليب الانسان يشرب من نفس الماي اللي شربته .. لأنها نظيفه .. وفي عهد الرسول صلى الله عليه وسلم كان في صحابي عنده قطه ومربيها واعتقد اسمه ابو هريره ممكن اهو الصحابي .. الله العالم ... -- واذا ما عجبه الوضع ................. اشترها وحطه بالامر الواااقع :> بيعصب كم يوم وبعدين بيرضى :> ... باذن الله ولا تنسى الدعاء يجيب نتيجه بالصلاة :)) وقولي شنو يصير معاك ؟ :) |
رد: تكفون طريقه اقنع الوالد يوافق على القطره بليزز
اقتباس:
هذي المشكله تجيب عقم و عندي اختين و عندي اطفال و اختي حامل وريته و الامر الواقع اني لا املك مال :D لو عندي كان جبت ابي اجيبها يوم و اشوف رده فعلهم :) |
رد: تكفون طريقه اقنع الوالد يوافق على القطره بليزز
هلا اخوي جرب طريقتي ممكن اتفيد معاك لوووول بس ترى ممكن اتوديك ورا الشمس انا كان الوالد في بدايه الامر مو راضي اربي قطاوه بالبيت حدي بالكثير وحده ومرات يقولي لا ماكو ما نبي قطاوه بالبيت كلش فا قمت شريت وحده حامل عناد عليه :) فا لما شافها في بدايه الامر اكسرت خاطره لانها حامل وقالي اذا ولدت اتبيعين اعيالها قلت له اوكي مو مشكله بس اهم شي تكون عندي الام ولما اولدت ويابت 5 بعت 3 وخليت 2 ذكر وانثى فا سكت عني وبعدين قام يهاوشني لما كبروا بيعيهم وما نبيهم فا قمت صرفت الام الكبيره وخليت البنت والاخو عطيته حق اخوي لما تزوج هديه :) فا ظلت عندي البنت ليما كبرت وسميتها جودي :) والحين جودي تبي تتزاوج بس مامنها فايده :) وكنت احن على صغار وهم ما كان راضي ليما خليته سافر تقريبا شهرين فا قمت شريت 2 صغار ولما رجع قالي من وين هذول قلت له اعيال جودي ومشت عليه السالفه انهم اعيالها بس الحمدلله انه ما يعرف جم عمرهم مع انه سافر شهرين وعمر الصغار الحين 6 شهور وطافت عليه السالفه هههههههههه فا انت جرب والله يكون في عونك وان شاء لله بيقتنع ويرضى يا رب |
رد: تكفون طريقه اقنع الوالد يوافق على القطره بليزز
اقتباس:
انا دقيت على واحد و قلت له ابي و اتفقنا على السعر بس ابوي عياا الحين خف شوي يمكن بعد بكره انزل موضوع صور قطوتي :D |
| جميع الأوقات بتوقيت GMT +3. الساعة الآن 12:25 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو