![]() |
رد: بليز مساعده
السلام عليكم
بنت بلادي اولا الككلير مفيش في البلاد لان بروحي اندور فيه ثانيا الستاند تقدري تخدميه بروحك و نعطيك سر هههههههههه تقدري تاخدي عرف شجره بس ايكون منظرة كويس يعني منتظم ثالثا السينغالي ما عندبي عليه خلفية كان عندي واحد ما مشاش معاي و في الاخير مات المهم الاكل السيمنسا بشرط مش الي تاكلي فيها انتي المالحة او متعت الفلفل ايقولولها سيمينسة نية كيلوها 2دينار ونص بالكتير دينار3 الكيلوا و الفاكهة والخضراء ما اتكتري منهن مرة مرة بس خاطر الاسهال بيش ما اتخشيش في موضوع الادوية لان بجد صعب عندنا انك تلقي دواء او سعر كويس للدواء و ربي ايعاونك |
رد: بليز مساعده
شكر على النصائح الرجااعطوني مكان لبيع الببغاء السنغالي و شكرا
|
رد: بليز مساعده
السينغالي لو عندك حد في صبراته ايحصلك حاجة نظيفة او في محل في سيمافروا صرمان
طبعا اني مش عارف انتي من وين بيش انقولك اقرب مكان ليك لو كنت في طرابلس و تعرف سوق العشوري في السيمافرو متع اولا بالحاج و انت متتجه الي الحشان تمشي مسافة ايجيك محل كبير متع طيور فيه الغلاء شوية لكن عنده حاجات حلوة |
رد: بليز مساعده
شكرا لك انا مم طرابلس و اكيد أن شاء الله نلقي و كان هذا نقدر نمشي لصبراته و شكرا لك على الإجابات
|
رد: بليز مساعده
العفوا
و انتي ما ننصحكش تمشي لصبراته لان زحمة هلباء المهم شوفي الي في الحشان لان عنده هلباء حاجات و كان هدا صرمان محل لان سوق صبراته الجمعة بكري وزحمة هلباء بالنسبة ليك و كان عندك اي سوال تاني ما تترددي في سوالي |
رد: بليز مساعده
سؤال وين اجيي سيمافرو صرمان
|
رد: بليز مساعده
بعد الزاوية في الطريق الساحلى في صرمان اول ما توصلوا للسيمافروا المحل ايجي عل يمين
بس انصحكم اتشوفوا الحشان قبل لان اقربلكم |
رد: بليز مساعده
بعد الزاوية في الطريق الساحلى في صرمان اول ما توصلوا للسيمافروا المحل ايجي عل يمين
بس انصحكم اتشوفوا الحشان قبل لان اقربلكم |
رد: بليز مساعده
أعرف أني بنشوف الحشان قبل كل شيء لو ملقيتش نمشي لسمافروا صرمان و أن شاء الله نلقى
|
جميع الأوقات بتوقيت GMT +3. الساعة الآن 10:06 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو