منتديات تو زوو - بضعة أسألة للمحافظة على صحة الكاسكو خلال فصل الشتاء

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

رد: بضعة أسألة للمحافظة على صحة الكاسكو خلال فصل الشتاء

اقتباس:

المشاركة الأصلية كتبت بواسطة أمجـاد (المشاركة 1866606)

السلام عليكم ورحمة الله وبركاته

أخباركم مع البرد وأخبار طيوركم :D

مثل ما أنتوا عارفين أنو الجو هالفترة صار بارد ولازم نهتم بدفء طيورنا وإن شاء الله هذي أول شتوية مع الكاسكو الله يحفظه وببغاواتكم من كل شر يآآآرب :)

وعندي كذا إستفسار :

1. بإيش أغطي القفص خلال فترة الليل ؟؟؟ صراحة عجزت معاه أي شي احطه فوق القفص لازم يخربه حطيت له فوطة وسوا فيها فتحات ؟؟؟ :eek:

2. بالنسبة للترويش أنا فكرت أروشه من مرتين إلى ثلاث مرات بالأسبوع ؟؟؟ بس السؤال اللي يطرح نفسه الماي يصير دافي زي لو كنا حنا نتروش لأن الطيور من ذوات الدم البارد ؟؟؟:D

وبعد ما أروشه أحطه مباشرة في الشمس الخفيفة لمدة نص ساعة خلال فترة الظهر ...

3. بالفترة الأخيرة لاحظت عليه تصرفات غريبة يعني صار ياكل بعصا الخشب اللي يوقف عليها بالقفص ويكسر أوعية الأكل حقته ؟؟؟ وبعض المرات يحاول يعضني لما أغير له الماي والحب !!! فهل عنده مشكلة معينة ؟؟؟ :(

علمًا بأن الكاسكو صار له عندي 8 شهور وعلاقتنا حلوة واقدر المس منقاره :rolleyes: وما شاء الله يتكلم ويسولف لما يصير لحاله :D

4. هل في إحتياطات معينة خلال فصل الشتاء عشان أحافظ على صحة الكاسكو ؟؟؟ ومن واقع تجاربكم :cool:

وعذرًا على كثرة الأسئلة :shy:

أختكم / أمجـاد :shy:

هلا اختي امجاد بالنسبه لتغطيه الطير هذا ضروري يفضل مو فوطه يفضل اللحاف الثقيل مع مراعاه التهويه للطير بالنسبه لي انا الطير اغطيه كل يوم في الليل من وقت المغرب سواء شتاء او صيف بالنسبه عن الاكل الذره ممتازه جدا البازيلا ايضا اما عن المضادات توجد انواع كثيره منها وانا استخدم المضادات الي مع الفيتامينات اسمه SACROLYTEهذا المضاد معزز بجميع الفيتامينات طريقه الاسعمال ملعقه نصف ملعقه صغيره تخلط مع مشربيه الماء
بخصوص اترويش يعتمد علةى الجو اذا كان برد مشكله لاكن يمكن رش الطير برذاذ الماء مرتين في الاسبوع .

رد: بضعة أسألة للمحافظة على صحة الكاسكو خلال فصل الشتاء

اقتباس:

المشاركة الأصلية كتبت بواسطة ملك المكاو (المشاركة 1868506)

خخخخخخخخخخخخخخخخخخخ وين ينباع ذا

إذا لقيت قلت لك :D

رد: بضعة أسألة للمحافظة على صحة الكاسكو خلال فصل الشتاء

اقتباس:

المشاركة الأصلية كتبت بواسطة ام ماجد (المشاركة 1868630)

اختي عندي لك حل توي سويت لطيري ^^
عندك بطانية بيبي اكبر حجم غطي القفص كله وخلي فتحه بسيطه
وحطي فوقها الطربال وسكريه وخلي شوي مفتوح علشان يتنفس
بكذا مايقطع البطانيه ومايخترب الطربال ودفى الطير

خاصه ان الشرقيه برررررررد وبهالحاله انا اعاني مثلك وبعد اول شتا مع دجاجتي ^^

يعني أفهم من كلامك أن الكاسكو ما يقدر على البطانية :12: أوووكي بجيب له بطانية :88:

حيالله أم ماجد وبأهل الشرقية :shy:

رد: بضعة أسألة للمحافظة على صحة الكاسكو خلال فصل الشتاء

اقتباس:

المشاركة الأصلية كتبت بواسطة الكاكي (المشاركة 1868768)

يسلمك ربي
http://www.2zoo.org/get-12-2010-2zoo_org_roxlnjnz.bmp

يقشر ويقطع صغير ويوضع بابريق ويغلى شوي ويصفى ويصب بمقدار كاسة شاي ويخفف بماء ساده
بمقدار اربع كاسات شاي ويصب للطير مره او مرتين بالاسبوع ويوضع لمدة يوم كامل من الصباح لتكون الفائده اكبر
كمية الزنجبيل حسب الحاجه كأنك تسوين زنجبيل لك لكن بدون اضافة سكر.

تسلم أخوي :shy:

ومنكم نستفيد :12:

رد: بضعة أسألة للمحافظة على صحة الكاسكو خلال فصل الشتاء

اقتباس:

المشاركة الأصلية كتبت بواسطة RA3B00B (المشاركة 1871157)

ماشاء الله الأخوان ماقصروا
كفوا ووفوا
والله يحفظ لكـ طيركـ .. ويتربا في عزكـ
بس اهم ش حاولي امنك ماتهملي الطير
لان هالببغاوات .. سبحان الله تجيها حالات نفسية
اذا صاحبها اهملها ... وبعضها يوصل لدرجة ينتف فيها ريشة
ونصيحتي لكي حطي له العاب ويفضل الألعاب الخشبية
او اغصان في القفص ولا تكثريها بحيت انها ماتعيق تحركاته داخل القفص
وحاولي كل بعد فترة تغيري مكان الألعاب ...

لأن الكاسكو يحب اللعب ومتحمس طوال الوقت

تسلم أخوي :shy:

بإذن الله تعالى نشتري له قفص جديد ومعه ألعاب وأشياء ينبسط فيها :12:

لأن فعلاً واضح عليه أنه يحس بالملل لدرجة أنه يشيل حق الماي ويرميه برا القفص :eek:

رد: بضعة أسألة للمحافظة على صحة الكاسكو خلال فصل الشتاء

اقتباس:

المشاركة الأصلية كتبت بواسطة المهاجر العربي (المشاركة 1871191)

السلام عليكم

تبارك الرحمن الجميع وفى وكفى معك ولاتقلقي على قظم الخشب لان انا ببغائي دائما يحب يكسر الخشب ووبدلت له الخشب الذي يقف علية من كثر ماكسرة الى الاخر وحطيت له خشبه واقفه في القفص زي الغصن وراح يصعد وينزل عليها ويتصارع معها ويكسرها ليثبت قوته عليها منها للعب ومنها لتقويه وبرد منقارة فيها هاذي عادة الببغاءات لاتقلقي منها وانا اضع له في المشربيه ملعقه صغير جدا من عصير الليمون ثلاث مرات في الاسبوع والحمد لله

يعطيك ألف ألف عافية :D

رد: بضعة أسألة للمحافظة على صحة الكاسكو خلال فصل الشتاء

اقتباس:

المشاركة الأصلية كتبت بواسطة fawzi (المشاركة 1871286)

الذره أعتقد تصلح ناخذ المثلجه ونسلقها ونعطيها الطير ؟؟؟ :rolleyes:

يعني تنصحوني أعطي الكاسكو مضادات حيوية وهو سليم ما فيه شي ؟؟؟ :confused:

يعطيك ألف ألف عافية :88: