|
رد: مشكله في جلد البورميز بايثن مع الصوره
اولا الحمد لله اني حصلت بنت تربي
ثعابين ومقصر الاخوان وخصوصا بايثون وان شاء الله تتربى في عزك |
رد: مشكله في جلد البورميز بايثن مع الصوره
الصباح نزلت آخر شيء شفته على البايثن بس مو موجود الي كتبته
المهم اني في حالة وسواس قويه لان قبل امس كان ما فيها ولا شيء و اليوم الصباح شفت عينها لونها ازرق و قربت و شفت فيها حشرات متجمعين في عينها و المناديل مليانه منهم السؤال الي هنا(هل لون عيوها عشان بتفسخ جلدها؟؟؟؟؟ ول من الحشرات؟؟؟) و رحت الصيدليه بعد ما نزلت الرد الي حطيته بالصباح و احتفى الحين و جبت الي قال عنه د.خالد و قلت لصيدلي عندي ثعبان فيه قراد ابي دواء يقتل القراد قال ايش القراد؟؟؟ قلت له زي القمل بس اصغر في شيء يذبحهم؟؟ قال فيه بس قوي على جلدهم:( الله يعين |
رد: مشكله في جلد البورميز بايثن مع الصوره
لون العين اشاره لتبديل الجلد
بدلي الكلنكسات و سبحيها عدل انشالله لو فسخته و اهي نظيفه ما راح تشوفين ولا حشره عليها شدي حيلج بس الحذر و الحذر بالتعامل هالمره غير وقت التبديل الحيه تكون عصبيه شوي ديري بالج منها و موفقه ولا تضيعين هالفرصه :) |
رد: مشكله في جلد البورميز بايثن مع الصوره
والله اليوم حركتها بدت تخوفني
لما جيت امسح عينها ما خلتني لفت على يدي كيف تخليني اشيل الحشرات من تحت حراشفها بالملقط بتعصر يدي اليوم فكيتها بقوه و شكرا كثيرات |
رد: مشكله في جلد البورميز بايثن مع الصوره
تبين تتخلصين من المشكله تحملي هالفتره
و مره ثانيه لي بغيتي تشترين شوفيها عدل :) خل يكون هالشي درس لج :D ________ لكن حاولي مع هاذا :) عشان لا تفسخ الجلد و يرجعون و يوقفون عليها مره ثانيه ! رفعي درجة حرارة الحوض و رفعي الرطوبه هالفتره عشان تفسخ الجلد قطعه وحده بدون مشاكل :) و عادي لا تخافين شيلها حتى لو كانت تفح :D لبسي دس او اي شي لو انج تخافين :D . . |
رد: مشكله في جلد البورميز بايثن مع الصوره
ما ادري من وين جاتني هالفكره بهالحزه
اخبر النحل لا حكرناهم بدخان البخور او حي الله دخان ورق ولا خشب يطلعون من الخليه لو حطيتها بكرتون و طلعت راسها و بخرت الصندوق ممكن يطلعون منها؟؟؟؟ بس فكرت انه متجمعين في راسها ما ياثر عليها الدخان؟؟؟؟؟ ما تختنق؟؟ في احد جرب هاطريقه مع اي حشرات غير النحل؟؟؟؟ ولله انا متحمله بعنف لو مو متحمله كان رديتها من زمان وش لي بالشقى بس مااقدر اردها و هي مريضه ضميري ما يسمح بالمحل ما فيها ولا شيء ما يبين شي و حتى و هي عندي على اني شايفه الي فيها جا يوم اختفو ما يبينون المهم اذا محد جرب طريقة الدخان و كان الدخان ما يضرها بجربها و نشوف وش يطلع معانا يمكن تكون طريقه كويسه |
رد: مشكله في جلد البورميز بايثن مع الصوره
ولله مادري
بس على حد علمي الدخان يضر كل كائن حي :) . . |
رد: مشكله في جلد البورميز بايثن مع الصوره
طيب انا عندي اعترافات شنيعه
من شوي سبحتها و جبت مشخال و غطستها كامله بالماء كل 60 ثانيه اخليها تتنفس و ارجعها سويت هالحركه 3 مرات بعدين قلت خليني اخليها 3 دقايق خليت اختي تمسكها و رحت اغسل الحوض و هي تقول لي اطلعها اقول لها لا تقول لي قاعده تتقلب اقول لها خليها تقول لي وسخت اقول لها وش حارق رزك؟ خلصت و جيت و مسكتها بدالها قلت لها نشفي الحوض فجئه حركتها صارت اغرب من غريبه فتحت فمها على طوووووول شلت المشخال الا هي متحنطه ما تتحرك وقف قلبي قمت اطلعها و ارجعه خضيتها خض قامت تفح و مو عارفه وين تروح صارت مجنونه و رجعت طلعت ماء من فمها بعدين هدت شلناها و رجعناها بالحوض قلبي للحين يرجف من هالمشهد لو ماتت بسبب ما ادري وش بيصير كرهتني على هالحركه بس فيه قراد ناشب في عينها مو راضي يقوم ما اعرف كيف اشيله شلت الي قدرت اشيله و الباقي ناشب بعنف بقعد معاها بشوف لا يصير لها شيء مو زين و انا مو حولها لنا عوده مع المستجدات |
رد: مشكله في جلد البورميز بايثن مع الصوره
مسكينها من راسها و بقطن مع ماي نظفي ..
المفروض ترجعينها المحل ! و تاخذين غيرها :) ما يصير يعطيكم شي مريض و تبتلشون فيه ! المهم ثبتوها حيل حتى لو شدت عليكم شوي او فحت مو مشكله مسكو و نظفو .. و مادري شسالفه الحوض ؟! -_-" ليش حاطينها بمشخال ؟ |
رد: مشكله في جلد البورميز بايثن مع الصوره
علشان ما تطلع راسها من الماء
http://i829.photobucket.com/albums/z...00927-1347.jpg و ما اقدر ارجعها وما عندنا محلات متخصص بالثعابين يبيعون ولا يدرون وش يبيعون |
| جميع الأوقات بتوقيت GMT +3. الساعة الآن 04:30 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو