منتديات تو زوو - البلوفرنتد أسعار مرتفعه وقدرات ........؟ هل من موضح

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

رد: البلوفرنتد أسعار مرتفعه وقدرات ........؟ هل من موضح

اقتباس:

المشاركة الأصلية كتبت بواسطة مجنون الامازون (المشاركة 1550164)

آآآآآآآسف جدا .. حقك علي .. هههههه

والله ما قصدت في كلامي اني اطيح وجهك او شئ لكن والله زعلت من الاسعار اللي قلتيها وحسيت انك عانيتي من النصابين الي ما يخافوا الله .. عموما صدقيني كلنا راح نوقف معاكي اذا نويتي تشتري ..

بس عطينا المعلومات واحنا نتكفل بالباقي

الله يسلمك ويخليك ماتقصر ياخوي والله يكثر من امثالك بالعكس حرصك على الموضوع

تسلم تسلم وماقصرت :D الف الف شكر وما نستغني عن خبرتك ونصايحك

رد: البلوفرنتد أسعار مرتفعه وقدرات ........؟ هل من موضح

اقتباس:

المشاركة الأصلية كتبت بواسطة كاسكووووو (المشاركة 1551376)

البلوفرنتد حلاته تأخذيه فرخ زي ماقال سكر فيه طيور افريقيه جريئه

تسلم على المرور العطر الف شكر

رد: البلوفرنتد أسعار مرتفعه وقدرات ........؟ هل من موضح

اقتباس:

المشاركة الأصلية كتبت بواسطة S7R (المشاركة 1551473)

مو كل الكاسكو يستحي <<< بتنقلب احزاب الحين :D

.. ياشيخه روحي .. وقولي آمينــ .. جعل الأمازون يصير ارخص مافي السوق :D

تقبلي مروري طال عمرك

هههههههههههههه

اهلييييييين والله بسحوره :freind:

آآآآآمين يجي يوم والقا لوحه في سوق الحمام أشتر يلوناب واحصل على بلوفرنتد مجاناً:88: هع

بس على فكره اذا رخص الامزون الافريقي وش بيصير عليه نشوفه يجلح في سماء الرياض

على الشجر والمباني خخخخخخخ :D

امزح لاحد يجي ويفقع وجهي حيو الافريقي حيوه حيو الاسمر اني حيوه :88:

رد: البلوفرنتد أسعار مرتفعه وقدرات ........؟ هل من موضح

،،

اللي ما يعرف الصقر (( يحطه بالميكروويف )) هع هع

تبين العلم اللي عليه الحتسي ؟

هي نفسيات .. يعني كل مربي وهاوي .. وهواه ومزاجه .. اللي يشوف الافريقي ازين .. واللي يقول لا البلوفرونتد اطلق بمليون مره ..

لكن الصدز انه كل طير وله مميزات وعيوب .. وكل واحد يشوف وش اللي يمشي معه ويوافق اطباعه .. وبنفس الحزه تخارجه الدراهم ..

بعضهم هاج عن البلوفرونتد واخذ افريقي بس علشان ماعنده (( قرنقش )) .. وبعضهم يجيب بلوفرونتد متربي بين شلة اسود ونمور وكبير بالعمر .. تلقينه مهب بس يعض .. تلقينه يعرمششش .. ولا هنا زود كلام وهذره .. همن بالاخير يقول البلوفرونتد مهب زين ..!!

طيب رح خذ لك افريقي مصيود عمره فوق سنتين وعيونه صفر وتسمع جعرته من آخر عاير بالحاره !! وقل انه زين بعد علشان اجي اتمردس بحوضك !!

فاينلي .. ( هذي داخله عرض ) .. تنقي لتس طير على حسب مزاجتس .. وحنا بذا للمساعده .. متى مابغيتي تشترين طير نادي .. وبنلبي .. ولبيه يالحد القصيمي وجيناك درقن درقن ..

وخلي عنتس قومات الصبح هع هع

،،

رد: البلوفرنتد أسعار مرتفعه وقدرات ........؟ هل من موضح

اقتباس:

المشاركة الأصلية كتبت بواسطة طير الهوى (المشاركة 1551492)

اهلا طير الهوى شرفت بحضورك

اختي او اخوي انا جيت هنا استفسر عن اسعار المهبل الي بالسوق

الطيور الي تعاملت معاها ليست طيوري الخاااااااااصه بل هي طيور اخوي

عشان كذا نا لو بغيت اشتري ما شريت ها المرضى النفسيين الي شراهم :D

ومن ناحيت الطيور تجيك في السوق مع صاحبها الطير الوديع المهذب واذا جا في البيت

قلب ضبع اللهم يكافي

بعدين عندنا بلوفرنتد فرخ صغير ناااااااادر مايتكلم نقدم له طلب بعد اسبوع يلبيه

انا ماقلت البلوفرنتد مااااااااااهوب زين وربي زين وربي حلو واقسم بالله احسن من مني ومن طوايفي :D

متشكرين اعلى المرور

رد: البلوفرنتد أسعار مرتفعه وقدرات ........؟ هل من موضح

يعني اللي ماعنده قرنقش .. هو اللي يشتري الكاسكووو

لاااااااااااااااااااااااااااااااااااااااااااااااااااا ... لاتعليق على كلامك ياطير الهوى .. وين رواد الكاسكو .. عشان يفحمونك طال عمرك

رد: البلوفرنتد أسعار مرتفعه وقدرات ........؟ هل من موضح

تصدقون عاد .. المشكله بالشعب <<< بررررى

يعني شوفي هالرابط .. هالرجال عارض بلوفرنتد للبيع .. والاخ شوفي كم سومته .. شطحته غبيه

http://www.2zoo.com/vb/showthread.php?t=165965

رد: البلوفرنتد أسعار مرتفعه وقدرات ........؟ هل من موضح

اقتباس:

المشاركة الأصلية كتبت بواسطة S7R (المشاركة 1551506)

يابووووووووووووووووووي هذا ما خفت منه ان يصير :D وش سويت فينا ياطير الهوي

بيتجمعون حزب التجمع الافريقي وبمردغونا تمردغ :D

صارت يعيال صارت :12:

حيو الافريقي حيوه حيو الاسمراني حيوه

سحوره تصدقين ان الوالد الله يعزه باااع اليلوناب ابو حدعشر الف وخلا الافريقي ابو الفين

لانه غالي عليه وما سخابه وش رايك :88:

رد: البلوفرنتد أسعار مرتفعه وقدرات ........؟ هل من موضح

،،

ههههههههههههههههههههههه انا قلت لك هي على حسب هوى ومزاج الشخص ..

وانا ربيت الاثنين .. والبلوفرونتد اعجبني اكثر .. جريء والوانه زاهيه ويعطي منظر بالبيت افضل .. هذا بوجهة نظري ..

ومن اسباب عزوف الناس عن البلوفرونتد .. ارتفاع اسعاره وعدم انتشاره وقلة البحوث والدراسات عنه بالنسبة للرمادي الافريقي ..

ومحد ينكر هالشي ..

يعني فعلا الواحد كهاوي ومربي جديد .. يقول اخذ لي رمادي افريقي بـ 1800 فرخ .. واتعلم واطقطق عليه .. ولا اتعلم واطقطق على طير بـ 3500 ريال .. وهي وجهة نظر منطقيه ..

والا وش رايك سحر ؟؟ وانتي يا سنايديه ؟؟

،،

رد: البلوفرنتد أسعار مرتفعه وقدرات ........؟ هل من موضح

اقتباس:

المشاركة الأصلية كتبت بواسطة S7R (المشاركة 1551509)

بس كنه يلوناب المشكلة اليلوناب زعلنا ولا مازعلنا اقرب مالي الدولاب اكمخ راسي فيه

هذا بدا المزاد بسته والله يستر من الباقي