|
رد: ببغاءي جديد و ذبحني بأسلوبه
اقتباس:
يالغاليه والله اني مو بس خايف الا اموت من الخوف لا شفته نافش ريشه بس انا اجلس اسوي فيها قوي عشان ما يفرض شخصيته علي لاني قريت من المواضيع ان ما اخليه يفرض الهيمنه حقته علي طيب يا كاسكوكيه اليوم حطيت له الاكل ولا طلع اي صوت واستغربت منه المهم اذا طولت بس شوووي جلس يطلع صوت ويجاعر واذا بعدت عنه يسكتـ ولا يتكلم وثاني شيء يا اختي هل تنصحيني اني اقص جنحان الطير واخاف اذا وديته ةقصيت جنحانه يجلس يطول ولا يولف علي يعني يروح صبري الاسبوع اللي طاف ولا كأني سويت شيء وثالثا شيء هل ووضعه قدامي 24 ساعه كويسه او لا وما اتركه الا اذا جيت انام واقفل كل شيء حتى التلفزيون و الانوار واخليه ينام الى الصباح وكل صبح اجلس عنده شويات واغير المآي و الاكل حقته بس السؤال اللي يدور براسي هل وضعه قدامي 24 ساعه يزعجه او لا مع العلم ما فيه الا انا والتلفزيون و الجهاز يعني ماعنده اي ازعاج ابداً رابعاً لي يومين الاحظ على الببغاء كثير يحك ريشه بمنقارهـ ما ادري هل هذا طبيعي او فيه شيء يعني يرجع راسه الى ورى ويجلس يحك ريشه بقوة صراحه ملاحظ انا هالحركه لها يومين ومستغرب منها واشوفه بعد يرفع رجله الى منقارهـ ويحكها بقوهـ ؟؟؟ كاسكوكيه الله يجزاكي خير على النصايح وانكي عطيتينا من وقتك القليل بيض الله وجهك يالغلا وان شاء الله تنحل مشكلتي على يدك بأذن اللهـ لأني كل يوم اكتشف بهالطير شيء وصراحه انه يوسوس الواحد |
رد: ببغاءي جديد و ذبحني بأسلوبه
اقتباس:
خخخخخخخخخخخ خخخخخخخخخخخخخخخ بأموت من الضحك على كلامك اخووي خخخخخخخخخخخ اخوي انت وصلت للي انا ابيه انت واختي كاسكوكيه انا ابغى خطواتك من البدايه وشلون تعاملت معاه عشان ولف عليك وكم الفتره الزمنيه اللي خليته يولف عليك ويوم اشتريته كانت جنحانه مقصوصه والا لا انا ابغى يا حبي اعرف شلوون بس يتروض من دون يؤذني واختي القديره كاسكوكيه وربي انها ما قصرت معي وبيض الله وجهها بس ابغى الطريقه الاولى مع طيري بالبدايه شلووون انا الحمدلله فهمت شنو ياكل و شنو يحب بس البيئه اللي حولي هل هي صح او لا |
رد: ببغاءي جديد و ذبحني بأسلوبه
صح نسيت اقول
هل الاضاءه القويه تأثر على الطير لأن الاضاءه عندي قويه هل لها تأثير على الطير http://www.2zoo.com/vb/group.php?do=...onid=247&pp=10 لأني كنت قبل شوي بملف اخوي ابو محمد وقريت كلامه اتمنى اني القى الاجابه وماهي الاضاءه الجيده له |
رد: ببغاءي جديد و ذبحني بأسلوبه
اخوي اذا ممكن تصور عين الطير
عشان نشوف العمر و بالنسبه لي الجناح تقدر تشوف احد يعرف يقص اجنحه بالرياض و تخليه يقصها |
رد: ببغاءي جديد و ذبحني بأسلوبه
يالله انا رجعت من الدوام و فاضيه شوي ^^" قبل ما ارجع لتصحيح الاوراق... بخبرك عن الموضوع الي نفعني في تربية شامبيه ^_^ http://2zoo.com/vb/showthread.php?t=52098 باختصار... هات عصا.. << مش للضرب تراها هههههههه المهم.. اول يوم.. هات العصا.. و قرّبها من الببغا.. خله يعضها و يعضها و يعضها لغااااااااااااااااية ما يشبع و يتطمن عليها.. انها ما بتأذيه.. بعدين يوم بتتأكد انه خلاص مل منها.. حاول تمسح بها على ظهره.. طبعن بيتجنن و بيبدأ يجعر.. << انتبه ما تعوره بالعصا.. ;) امسح علي ظهره بالعصا.. شوي شوي.. و حاول تكون ايدك في نهااااااااااااية العصا.. مش قريبه منه ابدن و ظل على هالحال اليوم الاول.. و انا بصراحه ما استخدمت المرءاه ^_^ غير اول يوم بعدين مليت ههههه المهم.. اليوم الثاني.. نفس الطريقه و استمر بعدد الايام لغاية ما يتقبل المسح بالعصا من بعيييييييييد :) يعني ايدك على اخر العصا بعدين.. ابدأ قرّب ايدك شوي شوي.. و استمر يوم و يومين و ايدك تتقرب و نصييييييييحه لاااااااااااااااااااااا تستعجل ابدن و تقرب ايدك لانه صدقني كل ما صبرت بتلقى نتايج حلوه :) و شوي شوي بيتقبّل وجود ايدك قريبه منه... :) و تابع الموضوع الي حطيت لك الرابط ماله في بداية ردّي ^_^ بالتوفيق :) |
رد: ببغاءي جديد و ذبحني بأسلوبه
lll_o
والله ما قدرت اصور عينه مو راضي يعطيني مجالـ بالنسبه للجنحان باخليه وبعدين اشوف لها صرفهـ ولا هنت يالغلا على مرورك فيذا وتعبتك معي يالغلا |
رد: ببغاءي جديد و ذبحني بأسلوبه
هلا اختي كاسكوكيه
اجل يالله فضيتي والله انك ما قصرتي و لا هنتي على الوقفه معي وصراحه استفدت كثير من خبراتك السابقه وان شاء الله باسوي الحركه اللي قلتي عنها وباحاول اصبر على هالطير الين ربي يهديه وان شاء الله باوريكي بعدين ايش الجديد فيه لاني اليوم حسيت انه قام يستجيب لي يعني ما يجاعر كثير بس باقي يجاعر بس رفض ياكل من يدي انا اللي يهمني يفكني من الجعير و العض والباقي ما علي منه واكتشفت اكتشاف من المواقع اللي اخذها من المنتدى وافتح اليوتيووب تكون هناك اصوات للببغاء يوم يصفرون يقعد هو يصفر معهم كاسكوكيه لاهنتي يالغلا على الوقفه معي وبيض الله وجهك وجعلها الله في ميزان حسناتك المهم مابي ااخرك على الدرووس و التصحيح ^_^ اهم شيء لا تصعبي الاسئله على الطلابـ ^_^ كاسكوكيه يسلموو على الوقفه وسي يووووووو |
رد: ببغاءي جديد و ذبحني بأسلوبه
من امس وانا اقووولك مبيّن انه يستجيب.. بس انته لا تخاف.. و اصبر عليه :)
ولا تستعجل على انه ياكل من ايدك :D |
رد: ببغاءي جديد و ذبحني بأسلوبه
اقتباس:
حبيبي مافي ترويض بدون الم سواء خفيف او قوي في حركه حطها على ما اعتقد الاخ الفاضل ابو محمد هي تحط على اصبعك شوي عسل و تقرب اصبعك تخلي الببغاء يلحس كرر العمليه و ان شاء الله ينسى العض |
رد: ببغاءي جديد و ذبحني بأسلوبه
اقتباس:
والله انكي صادقه انا صرت اتفاءل لانه ما صار يجعر كثير معاي انا بس اذا احد دش عندي يقعد يجاعر وشكلي بأعرف له:12: بس الله يعين كاسكوكيه فديتك والله وربي ما قصرتي معاي ابداً يا اطلـــــــــق مدربه :88: |
| جميع الأوقات بتوقيت GMT +3. الساعة الآن 08:46 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو