|
رد: يوميات ببغائي الكاسكو (ويلي)
إذا تبي أخلي طيرك زاحف
جبه لمي لأن عندي طير اسمه عبودي أخليه يزحفلك طيرك من كلام من حركات أي شي تخيل أحطله الأكل يروح يشيل الأكل حبه حبه ويحطها بالمويه ويأكلها مع المويه أطلعه من القفص إذا جيت أتغدى يجي يتغدى معي ويموت على شي اسمه شاهي إذا شاف الشاهي يتهاوش معي بيشرب عاد أنا حاطله فنجال خاص له عشان يشرب شاهي |
رد: يوميات ببغائي الكاسكو (ويلي)
الله يخليه لك ويتربا في عزك لك ودي;)
|
رد: يوميات ببغائي الكاسكو (ويلي)
الله يعطيك العافية ويخليلك إياه
|
رد: يوميات ببغائي الكاسكو (ويلي)
مشالله يوميات تنفع مسلسل فأكشن ههههههههههههههههه
................................................... اخوي اتوكل على الله واول انك تمسح على راس الطير حول العين من ورا يعشق المنطقه دي هو وبعدين حاول تمسح على المنقار ثم الصدر وازا بدا يسمحلك حك صدروو بالساعد مو بالكف لانو الساعد ما يقدر يعضو يتردد وحتلقاه يطلع على يدك تلقائي طبعا حيشرد كرر العمليه لين يفضل ثابت ولما تطلعو على يدك خلي جسمك حاجز بينو وبين القفص يعني لا يشوف القفص شكرا واتمنى اني افدتك |
رد: يوميات ببغائي الكاسكو (ويلي)
ننتظر جديدك
<< ينتظر يقوة بعد |
رد: يوميات ببغائي الكاسكو (ويلي)
اقتباس:
|
رد: يوميات ببغائي الكاسكو (ويلي)
اقتباس:
وشاكر لك مرورك |
رد: يوميات ببغائي الكاسكو (ويلي)
اقتباس:
اكيد مالنا غناة عنك بس انا ابي اتعلم عليه وان شاء الله بطلع معه بشي جديد والله يخلي لك عبودي |
رد: يوميات ببغائي الكاسكو (ويلي)
اقتباس:
وشاكر لك مرورك |
رد: يوميات ببغائي الكاسكو (ويلي)
اقتباس:
شاكر لك مرورك وتعليقك |
رد: يوميات ببغائي الكاسكو (ويلي)
اقتباس:
اول شي اشكر لك مرورك ثاني شي احب اشكرك على هالمعلومات الطيبه وراح اجربها معه واشوف النتيجه |
رد: يوميات ببغائي الكاسكو (ويلي)
اقتباس:
ابشر بالجديد والمفيد ان شاء الله |
رد: يوميات ببغائي الكاسكو (ويلي)
بسم الله الرحمن الرحيم السلام عليكم ورحمة الله وبركاته طبعاً قبل ما ابتدي بهاليوم احب اني اعتذر عن الكتابه اليوميه لانه زي ما انتم عارفين انه باليوم مافي تطورات تذكر بس مع الوقت تبي تصير تطورات كثير زي ماراح تشوفون في هالرد :D اول شي كنت لاهي عن ويلي شوي بسبب مرض مرجان والحين مات مرجان وفضيت له طبعا اول شي قمت اخذت الشيخ ويلي وحطيته بالاستاند برا بالحوش ياخذ له حمام شمسي واخذت القفص وسويت له عمليه نظافه وجبت الصابون والديتول والمكنسه الصغيره وفرك بالقفص ومخلي ويلي بالحوش يصفر ومبسوط يوم خلصت من نظافة القفص خليته ينشف بالحوش وجيت للشيخ ويلي وجبت المرش وقمت اروشه طبعاً اول مره اروشه وهو برا القفص قلت بجرب وش شعوره وهل يبي يهرب ولا راح ينبسط طبعاً انا تفاجأت :eek: كان ايام القفص يدور ويلف بالقفص ويجاعر ويوم روشته على الاستاند كان هادي تقريباً الى درجه صرت اقرب المرش الى ظهره وجسمه وما يقول شي وهو مبسوط بس الى الآن مارفع لي جناحه عشان اغسل الي تحت الجناح :( بعد الدش والنظافه خليته بمكان دافي عشان ينشف ويرتب ريشه وبعدها طبعا طبق طعام عشان يتدفى وبعد الاكل عطيته المويه هذا ما حصل بيوم وراح اقولكم بالرد الثاني اليوم التالي |
رد: يوميات ببغائي الكاسكو (ويلي)
بسم الله الرحمن الر حيم اليوم الي بعده قمت الصباح بدري الي هو يوم الجمعه امس وجبته معي بعد الفجر بالاستاند بانتظار الشمس عشان يتشمس الشيخ ويلي وكنت شاري مجموعة من السمر الطيب غير مقصص استعداداً لصنع ستاند له وخليته جنبي وانا اشتغل على الستاند يتفرج علي كان شقي ويحب يكتشف كل شي يعني بالعربي ما جازله المكان الي هو فيه ويبي يروح للقفص بس انا معيي عليه :) قام يلف ويدور اخر شي جزم ونزل عن الستاند وانا كنت مشغول بتجهيز اغراض الاستاند واشوفه وهو يطب بالحوش عاد اناظره اقوله وين يابو الشباب وين تبي تروح تعال تعال وكانت المفاجأه :eek: لحقني وجاء وراي ودخل الممر :D صاير ولد مطيع قمت رفعته بغطى القفص وكافأته طبعا عشان لحقني ما خاف وابعد عني ورجعته مكاني وقمت اشتغل بالستاند وانا اسولف عليه واصفر له واطقطقله بس للأسف ما يرد علي الا بالتصفير فقط بعد اتمام الستاند قمت اخذته وحطيته على الستاند اول شي كان خايف منه بس بعد ما خليت الشبك على الستاند شوي تأقلم وعجبه الوضع وهذي صور له مع الستاند http://up.3ros.net/get-6-2009-5lgtd3w7.jpg http://up.3ros.net/get-6-2009-zfeamh2w.jpg بعدين كنت بادي معه تمرين احكله جسمه وراسه بالعصى واقرب ايدي منه يوم بعد يوم طبعاً قطعت معه شوط لا يستهان به تقريبا صرت اقرب يدي كثير الى درجه بعض الاوقات يقرب له يمديه يعض بس انا ابعدها بشكل هادي احتياطاً وهذي صوره حكت الراس بالعصا http://up.3ros.net/get-6-2009-bdvw7gf6.jpg وبما انه صار هادي وترك الجعير بنسبه 90% مابقى الا 10% الي هي لمى اقرب كثير منه واقرب يدي قلت خل بجلس معه جلسه واحجره بالزاويه ونشوف وش تصرفه وش براسه الرجال قمت شلته بالشبك وحطيته بالزاويه وصرت اسولف عليه واطقطق له واقوله بابا بابا ابيه يحفضها وهذي صورة ويلي وهو محجور بالزاويه http://up.3ros.net/get-6-2009-1swr7vhb.jpg وانا حاط القفص بطاوله بزاويه الغرفه وحاط له سلم بحيث انه لو قدر الله مسكت معه ينزل يقدر يرجع للقفص مره ثانيه وهذي صورته وهو بالقفص وصورة مكانه وطريقة الصعود http://up.3ros.net/get-6-2009-gz7o1zul.jpg طبعاً دربته على الصعود عليها من قبل اكثر من مره الى درجه انه ترك الاختباء تحت الطاوله وصار على طول يطلع على السلم :) لمى جلسته عندي كان يترقب ويدور طبعا الحجره بالزاويه المقابله للقفص وانا بينهم وبدأ يتمشى بالغرفه ويمر من جنبي :rolleyes: وراح للقفص وطلع فوق خليته يرتاح شوي وسويت معه نفس الشي بس خليته يمر من جنبي اقرب باستخدام بعض المساند ومر وراح لقفصه طبعاً عطيته من الاكل الي يحبه وانتهى التمرين اليوم هذا تقريبا كل الاشياء الي صارت بهاليومين وكالعاده انا بانتظار نصائح الخبراء وزيارات وتعليق الاعضاء شاكر لكم متابعتكم كلكم اخوكم PrEsIdEnT |
رد: يوميات ببغائي الكاسكو (ويلي)
ماشاء الله فيه تطور ..
والله يعوضك عن طيرك الثانى خير وننتظر جديدك مع ويلى |
رد: يوميات ببغائي الكاسكو (ويلي)
اقتباس:
|
رد: يوميات ببغائي الكاسكو (ويلي)
ما شاء الله عليك
ناقل أخباره أول بأول والحين أنا رايح أختبر آخر إختبار رياضيات دعواتكم |
رد: يوميات ببغائي الكاسكو (ويلي)
اقتباس:
والله يوفقك ياربي في اختباراتك وجميع الاعضاء ان شاء الله |
رد: يوميات ببغائي الكاسكو (ويلي)
بسم الله الرحمن الرحيم السلام عليكم ورحمة الله وبركاته اليوم الصباح بدري حصلت مفاجأه:eek: صحيت من النوم على طقطقه وغمغمه من الببغاء الصراحه قمت من النوم مبسوووووووط احس اني انبسطت اكثر من لو تكلم :) وهذا دليل طيب على بدايه الكلام والحمد لله ربي ترجم تعبي اليومين الي راحت انبح حلقي وانا اطقطق وبابا الجيران تأذوا مني :D طبعا اتوقع انه يبي يطلع برا تعود كل صبح اطلعه بس هالمره نمت عنه :( بعد ما جاء العصر عوضته وخليته يطلع ونزل عن الستاند بالارض وقام يتمشى شوي بعدين جاء عندي كانه يقولي طلعني :D واقوم واطلعه بعدين اخذنا الدش حق الشيخ ويلي وروشته وصار ينبسط ولا يجعر ولا شي بعدين دخلته داخل عشان ينشف نفسه وينظم ريشه بالليل قمت قلت بجيبه وجلس معه وعوده انه مايخاف مني قمت حطيته بالزاويه وسكرت عليه خليته لين ريح وبديت اعطيه بعض الكلمات شوي وطقطق له شوي بعدين فتحت له فتحه قريبه شوي من عندي عشان يمر من عندي ويروح لم القفص يوم راح جبته وخليت الفتحه اقرب مني بحيث انه يمر من عند رجلي اول شي خاف بعدين مر بحذر بعدين جبته مره ثالثه وخليته يمر من عندي عادي من غير خوف وصرت اناظره عادي راح للقفص وقلت يكفي طبعاً ما نسيت المكافأه عطيته سوداني اخذه ورماه كالعاده :( بعدين عطيته شوي حب شمسي لاني حارمه منه :rolleyes: هذا تقريبا الي صار معي اليوم والوعد بكرى ان شاء الله :) شكرا على المتاابعه |
رد: يوميات ببغائي الكاسكو (ويلي)
مشاء الله
بس انا زعلان عودتنا على الصور ودحين تحرمنا؟؟؟؟:D ههههههههههه يالله ترى كلنا متحمسين مع المسلسل ... كل يوم الساعه 10 بالليل اخش اشوف الجديد مسلسل برزدنت و ويلي (( لميس ويحيى ):p |
رد: يوميات ببغائي الكاسكو (ويلي)
اقتباس:
ويشرفني وجودك معي ومتابعة المسلسل افكر اخرجه لرمضان خخخخخخخخخخخخخخخخخخخخخ لكن اليوم ما اتوقع فيه شي يستاهل التصوير لكن بصور لك فيديو كيف يروح من الزاويه ويطلع للقفص ولا تزعل بكرى ان شاء الله الحين نايم |
رد: يوميات ببغائي الكاسكو (ويلي)
ماشاء الله تبارك الله
الله يبارك لك بالشيخ ويلي وعقبال ما تشوف ذريته :) عموما ياغالي... حبيبي انا من سكان الرياض وابي اشتري لي ببغاء اليومين هذي هل سمحو ببيعها من جديد(((في سوق الحمام تحديدا))) ولا على ايام حركات فلونزا الطيور مانعينها وانت متى رحت شريت طير خويك من فتره قريبه ولا بعيده شوي اتمنى تجاوبني على تسألي لو على الخاص :) فضلا وليس امرا يا غالي وشاكر ومقدر لك مجهوداتك يا قمرهم |
رد: يوميات ببغائي الكاسكو (ويلي)
الله يعطيك العافية اخي الكريم
|
رد: يوميات ببغائي الكاسكو (ويلي)
السلام عليكم
يعطيك العافيه اخوي فعلا اسلوب جميل وشرح مفصل وافي اخوي, الطير كل ما احس بالامان كل ما كان التعامل سهلا معه, و حاول اذا تدرب ويلي على شيء لا تحط القفص في نفس المكان علشان يكون تركيزه عليك مش على القفص الي هو بيته وهو الامان له, هنا بس لازم يحس الطير بالامان معك فيحبك ولين حبك مستحيل يعض يدك ولو بالخطأ حاول يعضك ما راح يجرحك. اخوي من تجربتي مع الببغاوات حاجز الخوف احيانا تفصل بيننا و بين طيورنا.و السبب انعدام لغة للتواصل فيجب عليك الصبر حتى توصل المعلومه ل ويلي تسلم على الموضوع ودمتم |
رد: يوميات ببغائي الكاسكو (ويلي)
اقتباس:
اما عن استفسارك سوق الحمام الحين يومياً بعد العصر بالشارع الي خلف سوق الحمام لكن انصحك بايام الويك اند تصير فيه طيور اكثر ارق تحيه لك وشاكر مرورك |
رد: يوميات ببغائي الكاسكو (ويلي)
اقتباس:
|
رد: يوميات ببغائي الكاسكو (ويلي)
اقتباس:
فعلا اخوي كلامك سليم وانا الاحظ عليه الخوف سواء مني او من المكان وانا احاول قدر ما اقدر اني اكسر حاجز الخوف بيني وبينه وربك يوفق ان شاء الله شاكر مرورك وتعليقك |
رد: يوميات ببغائي الكاسكو (ويلي)
ننتظر الفديو .. <<<<<<<<<<<<<<<<<<< متابع بصمت
|
رد: يوميات ببغائي الكاسكو (ويلي)
وي ايش سار انقطع المسلسل ولا نستنى السيزون التاني؟؟؟(( برزن بريك )) ههههههه
|
رد: يوميات ببغائي الكاسكو (ويلي)
ما شاء الله تبارك الله
فعلاً تطورات مذهلة,,, الحمد لله على منه وفضله,,, أول كان جهدك موزع على ببغائين,, والحين جهدك تركز على ببغاء واحد عشان كذا لاحظنا كلنا النتائج,,, أخوي هباش أعطاك المفيد,, وكلامه مختصر,, لكن يحمل بين طياته تجربة كبيرة,,, وتفسير كلامه ممكن يجسد كتاب كامل,, أشكر الأخ هباش وكل الأعضاء على المشاركات,, وأتمنى منك يا غالي تقرر قرار جدي بإنك تتقدم خطوة أكثر شجاعة مع ببغائك,,, واللي هي انك تترك القفاز,,, وتقتنع انت أولاً انك تقدر تطلع الببغاء على يدك... الآن انت ما تحتاج للقفاز,,, تحتاج انك تطلع الببغاء في مكان غير مألوف كثيراً بالنسبه له,, غرفة أخرى أو برى في الحوش مثلاً,,, وتخليه في مكان فاضي في الأرض,, بعيد عن أي شي ممكن يتسلقه يعني مكان غريب بالنسبة له,,, وقتها اجلس انت بينه وبين الباب حق البيت,, وناديه قوله تعال بصوت عالي,, وانت جالس,,, بيحاول يمر من جنبك,, لكن ابقى قدامه واعطيه يدك بثبات كأنها غصن أو السلم حق القفص,, كأنها قطعة جماد,,, واتركه هو اللي يجي ليدك مو يدك اللي تروح له,,,, وان شاء الله انه بيطلع عليها بس لا تخاف,,, ما بيعضك,,,, لأن يدك ثابته,,, وهو اللي راح لها مو يدك اللي راحت له,,, أتمنى لك وللجميع التوفيق,,, تحياتي |
رد: يوميات ببغائي الكاسكو (ويلي)
اقتباس:
حياك الله وفي متابعتك وشاكر لك مرورك اقتباس:
شاكر مرورك وتعليقك |
رد: يوميات ببغائي الكاسكو (ويلي)
اقتباس:
ثاني شي الحمد لله على واسع فضله فعلاً انا الاحظ تطور كبير بيني وبين الببغاء كل يوم والثاني طبعاً انا مركز على حاجتين الحين اني اولفه واصير احك لجسمه كلها لاني الاحظ انه لمى احك على جسمه يترك الجعير ويترك الخوف شوي الشي الثاني احاول انه يلقط كلام مني خاصه انه بدا الطقطقه الصباح والغمغمه وانا حريص على تعليمه الكلام بعد ما يولف اصير احك على راسه راح ابدأ بتعليمه طلوع اليد ان شاء الله شاكر لك نصائحك والحمد لله اني الحين لي تقريبا اسبوعين ما لبست القفاز لاني اشوفه يخاف من القفاز كثير خاصه لمى اصير قاطع معه شوط كبير من التمرين يخرب التمرين كله لمى يحضر القفاز عشان كذا صرفت النظر عن القفاز شاكر مرورك مره ثانيه وانتظر الجديد ان شاء الله |
رد: يوميات ببغائي الكاسكو (ويلي)
بسم الله الرحمن الرحيم السلام عليكم ورحمة الله وبركاته اخواني قبل ما ابتدي كلامي ابي اتأسف من الجميع على تأخري وتعرفون الوقت ضيق واشغال كثيره هاليومين على العموم ما علينا اليوم بختصر لكم الموضوع جايب لكم مقطعين فيديو المقطع الاول زي ما وعدتكم قبل وهو مقطع لويلي وهو رايح للقفص على رجوله اذا ما اشتغل هذا الرابط http://www.youtube.com/watch?v=Adc8LcHT3bQ اما الجديد تطورات ويلي مع حك الراس بحيث بديت احكه في اصبعي بس لازم اكون ماسك العصا عقبال ما احك له راسه بدون عصا ان شاء الله بالقريب العاجل وهذا مقطعه ماشاء الله تبارك الله اذا ما اشتغل المقطع هذا الرابط http://www.youtube.com/watch?v=kjod-G3XElY هذا تقريبا التطورات حقت اليوم ونشوف ان شاء الله وش يخبي لنا الوقت ارق تحيه للجميع بلا استثناء |
رد: يوميات ببغائي الكاسكو (ويلي)
ماشاء الله تبارك الرحمن انت كذا عطيتني امل في ببغائي لانه يسوي نفس حركاته بس مشكلتي مافيني صبر
على بالي الببغاء يتروض بسرعه خخخخ الله يخلي لك ويلي ويعطيك خيره ويكفيك شره |
رد: يوميات ببغائي الكاسكو (ويلي)
اقتباس:
وصدقيني سألت اكثر من شخص قالي افضل طريقه هي طريقه العصا بحيث انك تقلل المسافه بين يدك والطير مع الوقت وهذي النتيجه |
رد: يوميات ببغائي الكاسكو (ويلي)
اسف ما اشتغل الرابط لاني ما عرفت انزله بالرد على طول هنا راح انزله للي ماشافه شاكر لكم متابعتكم وهذا المقطع الثاني |
رد: يوميات ببغائي الكاسكو (ويلي)
سلمت يمناك يشيخ
يالله طلعو على اليد خلينا نباركلك |
رد: يوميات ببغائي الكاسكو (ويلي)
ما شاء الله تبارك الله
صدقني يا قمر تقدر تطلعه على يدك بسهوله بس انت ثق بالله عز وجل,, ثم ثق بقدراتك,,, لو جلست انت بين الببغاء وبين القفص وخليت الببغاء يمشي كالعادة الين القفص,, بيلاقيك قدامه,,, وبيتجرأ يتجاوزك عشان يوصل لمكانه المعتاد,,, وكرر العملية حتى يتطمن ويتعود على هذي الحركة الجديدة... بعدها شيل السلة الصغيرة وحط يدك بدالها,, وارفعه لفوق,,, أو شيل أي قطعة أو علبة مناديل من تحت لفوق القفص,, وقول (إطلع) وخلي الببغاء يشوفك حتى يفهم ان يدك وسيله للصعود,, << أصنصير أو صنطرال على قولة هذاك اللي مع ناصر القصبي هههههه ربي يوفقك يا قمر,,, تحياتي |
رد: يوميات ببغائي الكاسكو (ويلي)
اقتباس:
لانه صعبه اعلمه طلعت اليد وهو للحين فيه جعره خفيفه لازم يترك الجعير ويتعود علي قبل كل شي نشوف وش تخبي لنا الايام الجايه وشاكر لك مرورك وتعليقك |
رد: يوميات ببغائي الكاسكو (ويلي)
اقتباس:
هلا صقيقي سكر صدقني احاول معه انا بس ما انزل المحاولات لين تتكلل بالنجاح عشان انزلها بالموضوع بس هو من يوم يشوفني واقف وجاي يمه يبدا يلف بالقفص خايف مني وانا الآن اقوله يطلع معي بالشبك حق القفص ويطلع مافيه مشكله بس جالس اعوده انه يطلع ع الاستاند وهو بيدي وتقريبا نجحت بنسبه 80% لمى يتعود ع العصا يطلع فيها وانا ماسكها اتوقع يبي يصير سهل انه يطلع ع يدي بس انا ابي طريقه بحيث اكسر فيها الخوف الي فيه مني ؟؟ شاكر لك مرورك وتعليقك اخوي سكر |
| جميع الأوقات بتوقيت GMT +3. الساعة الآن 03:39 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو